ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⴽⵔ ⴰⴳⵔⴰⵡ ⵏ ⵓⵣⴷⴰⵢ ⵏ ⵓⵣⵣⵓⴳⵣ ⵏ ⵜⴼⵓⵖⵉⵏ ⵏ ⵓⵎⵛⴰⵛⴽⴰ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷ ⵓⵙⵎⵔⵙⵍ ⵏⵏⵙ

ⵉⵙⵙⴽⵔ  ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵢⴰⵏ ⵓⴳⵔⴰⵡ  ⴰⴳⵔⴰⵡ ⵏ ⵓⵣⴷⴰⵢ ⴰⵙⵙ ⵏ ⵓⴽⵡⴰⵙ 04 ⵎⴰⵢ 2022, ⴰⴽⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⵣⵕⴼⵜ, ⴷ ⵎⴰⵙⵙ ⵎⵓⵃⵎⵎⴰⴷ ⵙⴰⴷⵉⵇⵉ; ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⴳ ⵢⵉⵍⵍ ⴷ ⵓⴱⵓⵖⵍⵍⵓ ⴰⴼⴰⵔⴰⵏ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⴷ ⵎⴰⵙⵙ ⵢⵓⵏⵙ ⵙⵙⴽⴽⵓⵔⵉ, ⴰⵎⴰⵡⴰⵙ ⵏ ⵡⴰⴷⴰⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵥⵢⴰⵏⵜ, ⴷ ⵎⴰⵙⵙ ⵄⴱⴷ ⵍⵍⵟⵉⴼ ⵎⵉⵔⴰⵡⵉ; ⴰⵎⴰⵡⴰⵙ ⵏ ⵓⵙⵙⵍⵎⴷ ⴰⵎⴰⵜⴰⵢ ⴷ ⵓⵙⵏⵓⴱⴱⵛ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⴰⵙ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵉⴷⵔⵉⵎⵏ, ⵏⵏⴰ ⵉⴽⵍⵍⴼⵏ ⵙ  ⵜⵎⵙⴰⵙⵜⵍⵜ, ⴷ ⵎⴰⵙⵙⴰ ⵖⵉⵜⴰ ⵎⵣⵡⵡⵔ , ⵜⴰⵎⴰⵡⵙⴰⵙⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏⵏⴰ ⵉⵥⵍⵉⵏ ⵙ ⵓⵙⵏⵖⵍ ⴰⵎⵚⵚⵉⵟⵏ ⴷ ⵓⵙⵖⵓⴷⵓ ⵏ ⵜⵏⵎⴰⵀⵍⴰ. 
ⵉⴷⴷⴰⴷ ⵓⵏⵎⵓⵇⵇⴰⵔ ⴰⴷ ⴳ ⵓⵙⵙⴳⵎⴹ ⵏ ⵏⵏⴰ ⵉⵍⵍⴰⵏ ⴰⵙⵙ ⵏ 30 ⴰⴱⵔⵉⵍ 2022, ⵅⴼ  ⵓⵏⵇⵇⵉⵙ ⵏ ⵓⵎⵙⴰⵙⴰ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵏ ⵡⴰⵙⵙ ⵏ 30 ⴰⴱⵔⵉⵍ 2022, ⴷ ⵅⴼ ⵓⵎⵉⵔⵓ ⴰⵏⴰⵎⵓⵔ ⵏ ⵓⵎⵙⴰⵡⴰⵍ ⴰⵏⴳⵎⴰⵏ, ⵃⵎⴰ ⴰⴷ ⴱⴷⴷⵏ ⵅⴼ  ⵉⵙⵓⴼⵖⵏ ⵏⵏⴰ ⵅⴼ ⵎⵙⴰⵙⴰⵏ ⴷ ⵡⵉⵍⵍⴰ ⵉⵛⵛⴰⵔⵏ ⴳⵔ ⵜⵎⵢⴰⵡⴰⵙⵉⵏ ⵉⵎⵢⴰⵏⴰⵡⵏ ⴷ  ⵜⵏⴰⴼⵓⵜⵉⵏ ⵉⵜⵜⵡⴰⵥⵍⴰⵢⵏ ⵙ ⵓⵙⵙⴽⴰⵔ ⵏ ⵉⵙⵖⴰⵏⵏ  ⵓⵏⵏⴱⵉⴹⵏ ⴳ ⵓⵙⴰⵜⵉ ⴰⴷ.
ⵎⴽⵉⵍⵍⵉ ⵉⵍⵍⴰ ⵓⵎⵙⴳⴷⴰⵍ ⴳ ⵓⵏⵎⵓⵇⵇⴰⵔ ⴰⴷ ⵏ ⵡⴰⴷⴷⴰⴷ ⵏ ⵎⵕⵕⴰ ⵜⵉⵖⴰⵔⴰⵙⵉⵏ ⵏ ⵡⴰⵎⵓⵏ ⴰⴽⴷ ⵏⵏⴰ ⵙ ⴷ ⵉⵇⵇⴰⵏ ⵃⵎⴰ ⴰⴷ ⵢⵉⵍⵉ ⵓⵙⵎⵔⵙⵍ ⵏ ⵓⵎⵢⴰⵡⴰⴹ ⴰⵏⴰⵎⵓⵏ. ⴰⴼⴰⴷ ⴰⴷ ⵏⵙⵙⴽⵜⵉ, ⵉⵍⵍⴰ ⵉⵙⴳⵎⴹ ⵏ ⵓⵙⵖⵓⵏ ⴰⵏⴰⵎⵓⵔ ⵏ ⵓⵎⵙⴰⵡⴰⵍ ⴰⵏⴳⵎⴰⵏ, ⴳ ⵜⵉⴽⴽⵍⵜ ⵏⵏⵙ ⵜⴰⵎⵣⵡⴰⵔⵓⵜ, ⴰⵙⵙ ⵏ 30 ⴰⴱⵔⵉⵍ ⵏⵏⴰ ⵉⵣⵔⵉⵏ ⵃⵎⴰ ⴰⴷ ⵢⵉⵍⵉ ⵓⵙⵉⵜⴳ ⴷ ⵓⴹⵎⴰⵏ ⵏ ⵓⵙⵎⵎⵓⴷ ⵏ ⵓⵎⵙⴰⵡⴰⵍ ⴰⵏⴳⵎⴰⵏ ⵙ ⵜⴱⵔⵉⴷⵜ ⵏⵏⴰ ⴷ ⵉⴷⴷⴰⵏ ⴳ ⵜⵏⵎⵎⴰⵍⵉⵏ ⵜⵉⵎⵇⵇⵔⴰⵏⵉⵏ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵚ, ⵕⴱⴱⵉ ⴰⴷ ⵜ ⵢⴰⵊⵊ. 
ⵙ ⵎⴰⵏ ⴰⵢⴰ, ⴷ ⴳ ⵓⵙⴰⵜⵉ ⵏ ⵓⵙⵏⵎⴰⵍⴰ ⵉ ⵜⵏⵢⵓⴷⴷⵓⵜ ⵜⵉⵙⵙ ⵙⵏⴰⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵏⵏⴰ ⵉⵔⴰⵏ ⴰⴷ ⵢⵉⵍⵉ ⴳ ⵡⵢⵓⵔ ⵏ ⵛⵓⵜⴰⵏⴱⵉⵔ ⴷ ⵉⴷⴷⴰⵏ, ⵉⵍⵍⴰ ⵓⵔⴰⵔⴰ ⵏ ⵜⵏⴱⴰⴹⵜ ⵅⴼ  ⴰⴷ ⵜⵙⴱⴷⴷ  ⵜⵏⴱⴰⴹⵜ ⵜⵉⵙⵇⵇⵉⵎⵉⵏ ⵏ ⵜⵡⵓⵔⵉ ⵜⵉⵎⵙⵖⴰⵔⵉⵏ, ⵏⵏⴰ ⵉⵥⵍⵉⵏ ⵙ ⵓⴹⴼⵓⵕ ⴷ ⵜⵉⴳⴳⵉ ⵏ ⵉⵏⴼⵔⵓⵜⵏ ⵏ ⵉⵏⵇⵇⵉⵙ ⵏ ⵓⵎⵙⴰⵙⴰ ⵏ 30 ⴰⴱⵔⵉⵍ 2022.