ⵉⵙⵙⵉⵏⵅⴼ ⵓⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴰⵙⴳⵎⴹ ⵏ ⵓⵎⵙⴰⵙⴰ ⵏ ⵜⵙⵓⵜⵍⵜ ⵏ ⵉⴱⵔⵉⵔ 2024 ⵏⴳⵔ ⵜⴰⵏⴱⴰⴹⵜ ⴷ ⵡⴰⵎⵎⴰⵙⵏ ⵉⵏⵎⴰⵍⵍⴰⵏⵏ ⴷ ⵜⵎⴰⴷⴷⴰⵙⵉⵏ ⴷ ⵜⵎⵙⵎⵓⵏⵉⵏ ⵜⵉⵣⵣⵓⵍⴰⵏⵉⵏ ⴷ ⵉⵎⵙⵡⵓⵔⵉⵜⵏ
- ⴰⵙⵎⵖⵔ ⴰⵎⴰⵜⴰⵢ ⵙ 1000 ⵏ ⴷⴷⵔⵀⵎ ⴽⵓ ⴰⵢⵢⵓⵔ ⴳ ⵜⵖⵔⴰⴷ ⵏ ⵉⵎⵙⵡⵓⵔⵉⵢⵏ ⴳ ⵉⴳⵔ ⴰⴳⴷⵓⴷⴰⵏ, ⵡⵉⵍⵍⵉ ⵓⵔ ⵉⵙⵢⴰⴼⴰⵏ ⴳ ⵓⵙⵎⵖⵔ ;
- ⴰⵙⵉⴷⵔ ⵏ ⵉⵔⴳⴰⵢⵏ ⵅⴼ ⵜⵖⵔⴰⴷ (IR) ⵉ ⵢⵉⵎⵙⵖⴰⵏⵏ ⴷ ⵉⵎⵙⵡⵓⵔⵉⵢⵏ ⴽⵓ ⴰⵢⵢⵓⵔ ⵎⴰ ⵉⵜⵜⴳⴰⵏ 400 ⵏ ⴷⴷⵔⵀⵎ ⵉ ⵜⵔⵓⴱⴱⴰ ⵜⴰⵎⵎⴰⵙⵉⵏ ⴳ ⴰⵢⵍⵍⵉ ⴼⴰⵍⵍⴰⵙⵏ ⵉⴽⵛⵛⵎⵏ ⵏ ⵜⵖⵔⴰⴷ ;
- ⴰⵙⵎⵖⵔ ⵏ ⵙⵎⵉⴳ (SMIG) ⵙ ⵜⵉⴳⵎⵉⴹⵉ ⵏ ⵎⴰ ⵉⵜⵜⴳⴰⵏ 10 % ⵜⴰⵎⴰⵢⵏⵓⵜ ⴳ ⵜⵙⵓⵜⵍⵜ ⴰⴷ, ⵍⵍⵉ ⵔⴰⴷ ⵏⵏ ⵉⵣⴰⵢⴷ ⴳ ⵓⵙⵎⵖⵔ ⵉⵣⵔⵉⵏ, ⵍⵍⵉ ⵔⴰⴷ ⵉⵙⵖⵓⴷⵓ ⵙⵎⴰⴳ ⴰⵏⴼⵍⴰⵃ 20 % ⵣⵖ ⵍⵍⵉⵖ ⵜⵙⵡⵓⵔⵉ ⵜⵏⴱⴰⴹⵜ ⴰⴷ ;
- ⴰⵙⵎⵖⵔ ⵏ ⵙⵎⴰⴳ (SMAG) ⴰⵏⴼⵍⴰⵃ ⵙ ⵜⵉⴳⵎⵉⴹⵉ ⵏ ⵎⴰ ⵉⵜⵜⴳⴳⴰⵏ10 % ⵏ ⵓⴳⵟⵟⵓⵎ ⴰⵎⴰⵢⵏⵓ, ⵍⵍⵉ ⵔⴰⴷ ⵏⵏ ⵉⵣⴰⵢⴷ ⴳ ⵓⵙⵎⵖⵔ ⵉⵣⵔⵉⵏ ⵙ ⵎⴰ ⵉⵜⴳⴳⴰⵏ 15 % ⵍⵍⵉ ⵔⴰⴷ ⵉⵙⵖⵓⴷⵓ ⵙⵎⴰⴳ ⴰⵏⴼⵍⴰⵃ 25 % ⵣⵖ ⵍⵍⵉⵖ ⵜⵙⵡⵓⵔⵉ ⵜⵏⴱⴰⴹⵜ ⴰⴷ.
ⵉⴱⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⴰⵢⵏⴰⵙ ⴳ ⵕⵕⴱⴰⵟ ⵅⴼ ⵓⵙⴳⵎⴹ ⵏ ⵓⵎⵙⴰⵙⴰ ⵏ ⵜⵙⵓⵍⵜⵍⵜ ⵏ ⵉⴱⵔⵉⵔ 2024 ⵏⴳⵔ ⵜⵏⴱⴰⴹⵜ ⴷ ⵡⴰⵎⴰⵙⵙⵏ ⵉⵏⵎⴰⵍⵍⴰⵏⵏ ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵏⵜⴰⵢ ⴳ ⵍⵎⵖⵔⵉⴱ ⴷ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴼⴰⵔⴰⵏⵜ, ⴹⵕⴰⵜ ⴰⵙⵔⵓⵙ ⵏ ⵜⵙⵓⵜⵍⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵍⵍⵉ ⵎⵓ ⵜⴳⴰ ⵜⵏⴱⴰⴹⵜ ⴰⵙⵎⵔⵙⵍ ⵏⵏⵙ ⴰⵙⵜⵕⴰⵜⵉⵊⵉ ⴳ ⵓⵙⵡⵓⴷⴷⵓ ⵏ ⵉⵥⵉⵕ ⴰⴳⵍⴷⴰⵏ ⵢⴰⵜⵜⵓⵢⵏ.
ⵉⴳⴰ ⵓⵎⵙⴰⵙⴰ ⴰⴷ ⵜⴰⵢⴰⴼⵓⵜ ⵏ ⵜⵎⴳⴳⵢⵉⵏ ⵍⵍⵉ ⴳⴰⵏ ⵙ ⵙⵉⵏ ⵍⵍⵉⵖ ⵍⵍⴰⵏ ⵜⵓⴳⵜ ⵏ ⵜⵙⵓⵎⴰⵔ ⴷ ⵜⵖⴰⵔⴰⵙⵉⵏ ⵃⵎⴰ ⴰⴷ ⵍⴽⵎⵏ ⴽⵔⴰ ⵏ ⵉⴼⵙⵙⴰⵢⵏ ⵏ ⵉⵙⴷⴰⵡⵏ ⵏ ⵅⴼ ⵉⵍⵍⴰ ⵓⵙⵓⵜⵔ ⴳ ⵎⴰ ⵉⵥⵉⵍ ⵙ ⵓⵙⴼⵓⵍⴽⵉ ⵏ ⵡⴰⴷⴷⴰⴷⵏ ⵏ ⵢⵉⵎⵙⵡⵓⵔⵉⵢⵏ ⴷ ⵓⵃⵟⵟⵓ ⵏ ⵜⵎⵙⵏⵜⵉⵜ ⵜⴰⵏⴰⵎⵓⵔⵜ ⴷ ⵓⵙⵖⵓⵏ ⵏⵏⵙ ⴰⵏⴰⵎⵓⵔ, ⵓⵙⵓⴳⴳⵣ ⵓⵎⵙⴰⵙⴰ 30 ⵉⴱⵔⵉⵔ 2022 ⵍⵍⵉ ⵉⵙⵔⵙ ⵜⵉⵔⵙⴰⵍ ⵏ ⵓⵎⵙⵡⴰⵍ ⴰⵏⴰⵎⵓⵔ.ⵉⵙⴳⵎⴹ ⵅⴼ ⵓⵎⵙⴰⵙⴰ ⵏ ⵜⵙⵓⵜⵍⵜ 2024, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵣⵖ ⵡⴰⵎⵎⴰⵙⵏ ⵉⵏⵎⴰⵍⵍⴰⵏⵏ ⴰⵏⴼⵍⵓⵙ ⴰⵎⴰⵜⴰⵢ ⵏ ⵡⴰⵎⵓⵏ ⴰⵎⵖⵔⵉⴱⵉ ⵏ ⵓⵙⵡⵓⵔⵉ ⵎⴰⵙⵙ ⵎⵉⵍⵓⴷ ⵎⵓⵅⴰⵔⵉⵇ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵉⵎⵙⵡⵓⵔⵉⵜⵏ ⴳ ⵍⵎⵖⵔⵉⴱ ⵎⴰⵙⵙ ⵏⵏⵉⵄⴰⵎ ⵎⵢⴰⵕⴰ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⴽⵓⴼⵉⴷⵉⵕⴰⵍⵉⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵓⵙⵡⵓⵔⵉ ⵎⴰⵙⵙ ⵄⴰⴱⴷⵍⵇⴰⴷⵔ ⵣⵣⴰⵢⵔ ⴷ ⵜⵎⴰⴷⴷⴰⵙⵉⵏ ⴷ ⵜⵎⵙⵎⵓⵏⵉⵏ ⵜⵉⵣⵣⵓⵍⴰⵏⵉⵏ ⵏ ⵉⵎⵙⵡⵓⵔⵉⵜⵏ, ⴰⵏⵙⵙⵉⵅⴼ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ ⵎⴰⵙⵙ ⵛⴰⴽⵉⴱ ⵍⵄⵍⵊ ⴷ ⵓⵏⵙⵙⵉⵅⴼ ⵏ ⵜⴼⵉⴷⵉⵕⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⵎⴰⵙⵙ ⵕⴰⵛⵉⴷ ⴱⵏⵄⵍⵉ.
ⵥⵍⵉⵏ ⵜⵎⴳⴳⵢⵉⵏ ⵏ ⵜⵙⵓⵜⵍⵜ ⵉⴱⵔⵉⵔ 2024 :
- ⴰⵙⵎⵖⵔ ⴰⵎⴰⵜⴰⵢ ⵙ 1000 ⵏ ⴷⴷⵔⵀⵎ ⴽⵓ ⴰⵢⵢⵓⵔ ⴳ ⵜⵖⵔⴰⴷ ⵏ ⵉⵎⵙⵡⵓⵔⵉⵢⵏ ⴳ ⵉⴳⵔ ⴰⴳⴷⵓⴷⴰⵏ, ⵡⵉⵍⵍⵉ ⵓⵔ ⵉⵙⵢⴰⴼⴰⵏ ⴳ ⵓⵙⵎⵖⵔ ;
- ⴰⵙⵉⴷⵔ ⵏ ⵉⵔⴳⴰⵢⵏ ⵅⴼ ⵜⵖⵔⴰⴷ (IR) ⵉ ⵢⵉⵎⵙⵖⴰⵏⵏ ⴷ ⵉⵎⵙⵡⵓⵔⵉⵢⵏ ⴽⵓ ⴰⵢⵢⵓⵔ ⵎⴰ ⵉⵜⵜⴳⴰⵏ 400 ⵏ ⴷⴷⵔⵀⵎ ⵉ ⵜⵔⵓⴱⴱⴰ ⵜⴰⵎⵎⴰⵙⵉⵏ ⴳ ⴰⵢⵍⵍⵉ ⴼⴰⵍⵍⴰⵙⵏ ⵉⴽⵛⵛⵎⵏ ⵏ ⵜⵖⵔⴰⴷ ;
- ⴰⵙⵎⵖⵔ ⵏ ⵙⵎⵉⴳ (SMIG) ⵙ ⵜⵉⴳⵎⵉⴹⵉ ⵏ ⵎⴰ ⵉⵜⵜⴳⴰⵏ 10 % ⵜⴰⵎⴰⵢⵏⵓⵜ ⴳ ⵜⵙⵓⵜⵍⵜ ⴰⴷ, ⵍⵍⵉ ⵔⴰⴷ ⵏⵏ ⵉⵣⴰⵢⴷ ⴳ ⵓⵙⵎⵖⵔ ⵉⵣⵔⵉⵏ, ⵍⵍⵉ ⵔⴰⴷ ⵉⵙⵖⵓⴷⵓ ⵙⵎⴰⴳ ⴰⵏⴼⵍⴰⵃ 20 % ⵣⵖ ⵍⵍⵉⵖ ⵜⵙⵡⵓⵔⵉ ⵜⵏⴱⴰⴹⵜ ⴰⴷ ;
- ⴰⵙⵎⵖⵔ ⵏ ⵙⵎⴰⴳ (SMAG) ⴰⵏⴼⵍⴰⵃ ⵙ ⵜⵉⴳⵎⵉⴹⵉ ⵏ ⵎⴰ ⵉⵜⵜⴳⴳⴰⵏ10 % ⵏ ⵓⴳⵟⵟⵓⵎ ⴰⵎⴰⵢⵏⵓ, ⵍⵍⵉ ⵔⴰⴷ ⵏⵏ ⵉⵣⴰⵢⴷ ⴳ ⵓⵙⵎⵖⵔ ⵉⵣⵔⵉⵏ ⵙ ⵎⴰ ⵉⵜⴳⴳⴰⵏ 15 % ⵍⵍⵉ ⵔⴰⴷ ⵉⵙⵖⵓⴷⵓ ⵙⵎⴰⴳ ⴰⵏⴼⵍⴰⵃ 25 % ⵣⵖ ⵍⵍⵉⵖ ⵜⵙⵡⵓⵔⵉ ⵜⵏⴱⴰⴹⵜ ⴰⴷ.
ⴳ ⵜⵖⴰⵔⴰⵙⵜ ⵜⴰⴷⵉⵎⵓⵇⵕⴰⵜⵉⵜ ⴰⵖ ⴷ ⴷⴷⴰⵏⵜ ⵜⵎⴳⴳⵉⵢⵉⵏ ⵍⵍⵉ ⵜⴳⴰ ⵜⵏⴱⴰⴹⵜ ⴰⴷ, ⵉⵍⴽⵎ ⵓⵟⵟⵓⵏ ⵏ ⵉⵎⵏⴼⴰ ⵍⵍⵉ ⵎⵓ ⵣⴰⵢⴷⵏⵜ ⵜⵖⴰⴷ ⵏⵏⵙⵏ ⵣⵖ ⵍⵍⵉⵖ ⵉⵍⵍⴰ ⵓⵙⵏⵜⵉ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵎⴰ ⵉⵜⴳⴳⴰⵏ 4 ⵉⴷⵎⵍⵢⵓⵏ ⴷ250 ⵏ ⵉⴼⴹ, ⵖ ⵉⵍⵍⴰ 250 ⵏ ⵉⴼⴹ ⵏ ⵓⵎⵙⵖⴰⵏ ⵖ ⵉⴳⵔ ⴰⵎⴰⵜⴰⵢ ⴷ 3 ⵉⴷⵎⵢⵓⵏ ⴳ ⵉⴳⵔ ⵉⵥⵍⵉⵏ.
ⵜⵉⵡⵉ ⴷ ⵜⵙⵓⵜⵍⵜ ⵏ ⵉⴱⵔⵉⵔ 2024 ⴳ ⵓⵙⵓⴳⵣ ⵏ ⵓⵙⴳⴷⴷ ⵏ ⵉⵏⴳⵔⴰⵡⵏ ⵏ ⵜⵏⴰⴼⵜ ⵍⵍⵉ ⴼ ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵃⵎⴰ ⵉⵣⵔⵉ ⵙ ⵓⴱⴰⵕⵍⴰⵎⴰⵏ ⴳ ⵜⵓⵙⵜⵍⵜ ⵏ ⵜⴼⵙⵓⵜ ⴰⴷ. ⵖⵉⴽⵍⵍⵉ ⵔⴰⴷ ⵜⵙⵡⵓⵔⵉ ⵏ ⵜⴱⴰⴹⵜ ⴳ ⵓⵎⵛⵉⵡⴰⵕ ⴷ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⵅⴼ ⵜⵖⵓⵔⵉ ⵏ ⴽⵔⴰ ⵏ ⵉⵙⵍⴳⵏ ⵉⵥⵍⵉⵏ ⵙ ⵉⵣⵔⵔⴰⴼ ⵏ ⵜⵡⵓⵔⵉ.
ⵉⵡⵉ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⴷ ⴰⵙⴳⵎⴹ ⵏ ⵜⵙⵓⵜⵍⵜ ⵏ ⵉⴱⵔⵉⵔ 2024 ⵉⴳⴰ ⵢⴰⵜ ⵜⴰⵎⵙⴰⵔⵜ ⵏ ⵓⵎⵣⵔⵓⵢ ⴷ ⵢⴰⵏ ⵓⵎⵄⵉⵏ ⴰⵎⴰⵢⵏⵓ ⴳ ⵓⵙⵖⵓⴷⵓ ⵉⵎⵙⵡⵓⵔⵉⵜⵏ ⵍⵍⵉ ⵅⴼ ⵉⴱⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵙⵔⵏⵓ ⵔⴱⴱⵉ, ⵎⴰ ⵙ ⴰⴷ ⵜⵉⵍⵉ ⵜⴳⵎⵉ ⴰⵎⴰⵢⵏⵓ ⴷ ⵓⵙⵓⵎⵓ ⴷ ⵜⵡⵉⵣⵉ ⵜⴰⵏⴰⵎⵓⵔⵜ.
ⵉⵏⵏⴰ ⴰⵡⴷ ⵎⴰ ⵙ ⵜⵎⵎⴰⵖ ⵜⵏⴱⴰⴹⵜ ⵣⵖ ⵍⵍⵉⵖ ⵜⵙⵏⵜⵉ ⵜⴰⵡⵓⵔⵉ ⵜⴰⵎⴷⵔⴰⵡⵜ ⵜⴰⵙⵉ ⵜⴰⵎⴰⵙⴰⵢⵜ ⴷ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⴳ ⵜⵖⴰⵔⴰⵙⵜ ⵏ ⵎⵙⴰⵙⴰ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⵍⵍⵉ ⴷ ⵉⴷⴷⴰⵏ ⴳ ⵉⵥⵉⵕ ⴰⴳⵍⴷⴰⵏ ⵢⴰⵜⵜⵢⵓⵏ ⵍⵍⵉ ⵜ ⵢⵓⵍ ⵙ ⵓⵙⵡⵉⵔ ⴰⵙⵜⵕⴰⵜⵉⵊⵉ, ⵉⵏⵏⴰ ⴰⵡⴷ ⵎⴰ ⵙ ⵜⵍⵍⴰ ⵜⵉⵔⵉⵜ ⵜⴰⵙⵔⵜⴰⵏⵜ ⵖⵓⵔ ⵏ ⵜⵏⴱⴰⴹⵜ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⵏ ⵡⴰⴷⴷⴰⴷ ⴰⵥⵕⴼⴰⵏ ⴷ ⵜⵡⵉⵙⵉ ⵏ ⵜⵥⴹⵉⵕⵜ ⵏ ⵡⴰⵙⵙⴰⵖ ⴳ ⵉⴳⵔ ⴰⴳⴷⵓⴷⴰⵏ ⴷ ⵉⵎⵥⵍⵉ ⴳ ⵜⵓⴳⵜ ⵏ ⵉⴳⵔⴰⵏ.