ⴰⵔⵥⵥⵓⵎ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⴼⵓⵕⵚⴰ, ⴰⵖⴰⵡⴰⵙ ⴰⵎⴰⴳⴳⴰⵎ ⴰⵎⵙⵍⵍⵡⵉ ⵏ ⵓⵙⵙⵔⵇⴱ ⵏ ⵜⵡⵓⵔⵉ ⵜⴰⵎⵙⵙⵏⵜⵉⵜ

ⵙ ⵢⵉⵙⵢ ⵙ ⵜⵖⴹⴼⵜ ⵏ ⵜⴱⴱⴰⵢⴹⴰⵔⵉⵏ ⵏⵏⴰ ⵙⵙⵏ ⵉⵄⵔⵔⵉⵎⵏ ⵃⵎⴰ ⴰⴷ ⵏⵏ ⵍⴽⵎⵏ ⵉⵙⵓⴳⴰⵎ ⵏ ⵓⵙⵙⵥⵕⴼ ⵓⵍⴰ ⵉⵎⵓⴽⵔⵉⵙⵏ ⵏⵏⴰ ⵉⵙⵙⵏ ⵢⵉⴳⵔ ⵏ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵏⵉⵏ ⴱⴰⵀⵔⴰ, ⴷ ⵉⵥⵕⵉ ⵏ ⵉⴷⵔⵉⵣⵏ ⵏ ⵜⴰⵙⵙⴰⵙⵜ ⵏ ⴽⵓⴼⵉⴷ 19 ⵅⴼ ⵜⴷⵎⵙⴰ ⵜⴰⵏⴰⵎⵓⵔⵜ, ⵀⴰⵏ ⴰⵙⵙⵔⵇⴱ ⵏ ⵜⵡⵓⵔⵉ ⵜⴰⵎⵙⵙⵏⵜⵉⵜ ⴷ ⵜⵉⴳⴳⵉ ⵏ ⵉⵣⵎⴰⵣ ⵏ ⵜⵡⵓⵔⵉ ⴳⴰⵏ ⵙⴳ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⵏ ⵓⵖⴰⵡⴰⵙ ⵓⵏⵏⴱⵉⴹ? ⴳ ⵓⵎⵏⵉⴷ ⴰⴷ, ⵜⵕⵥⵎ ⵜⵏⴱⴰⴹⵜ ⴰⵖⴰⵡⴰⵙ ⵏ ⴼⵓⵕⵚⴰ, ⵉⴳⴰ ⵢⴰⵏ ⵓⵖⴰⵡⴰⵙ ⴰⵎⴰⴳⴳⴰⵎ ⵉⵙⵙⴱⵖⵔⵏ ⵇⵇⴰⵃ ⵉⵡⵔⵉⴽⵏ ⵏⵏⴰ ⵖⵓⵔ 18 ⵏ ⵓⵙⴳⵯⴳⵯⴰⵙ ⴷ ⵡⵓⴳⴳⴰⵔ, ⵙⴳ ⵡⵉⵍⵍⵉ ⴷⴰⵔ ⵍⵍⴰⵏⵜ ⵜⵡⵏⴳⵉⵎⵉⵏ ⴷ ⵓⵙⵏⴼⴰⵔⵏ ⵏ ⵜⵎⵙⵙⵏⵜⵉⵜⵉⵏ. 
ⴷⴰ ⵉⴽⴽⴰⵜ ⵓⵖⴰⵡⴰⵙ ⵏ ⴼⵓⵕⵚⴰ ⵏⵏⴰ ⴷ ⵢⵓⵙⴰⵏ ⴳ ⵜⵎⵔⴰⵔⵓⵜⵏ ⵉⵙⵎⵎⴰⵍⵏ ⵉⴳⵍⴷⴰⵏⵏ ⵢⴰⵜⵜⵢⵏ ⵏⵏⴰ ⵉⵥⵍⵉⵏ ⵙ ⵓⵙⵙⵔⵇⴱ ⵓⵙⵖⵍⵍⴰ ⴷ ⵓⵙⵡⵓⵔⵉ, ⵙⵍⴰⵡⴰⵏ ⴳⵔ ⵉⵄⵔⵔⵉⵎⵏ, ⵅⴼ ⴰⴷ ⵣⵎⵔⵏ ⵉⵏⵎⵓⵔⴰ ⴳ ⵊⴰⵊ ⵏⵏⵙ, ⴰⵢⴷⴷⵖ ⵙⵏⴰⵜ ⵜⵎⵎⴰⴽⵉⵏ ⵏⵏⴰ ⵉⵙⵎⵓⵏⵏ ⴳⵔ ⵜⴰⵎⵓⵏⵜ ⴰⴽⴷ ⴷ ⵓⵙⵙⵥⵕⴼ? ⴰⵔ ⵉⵜⵜⵎⵓⵏ ⵓⵖⴰⵡⴰⵙ  ⴼⵓⵕⵚⴰ ⴰⴽⴷ ⵜⵙⵏⵜⴰⵢ ⵏ ⵓⵙⴷⵓⵙ ⵏⵏⵉⴹⵏ ⵏ ⵜⵙⵏⵜⴰⵢⵉ ⵜⵉⵎⴷⴰⵏⵉⵏ, ⴰⵔ ⵉⵜⵜⵙⵎⴰⴷ ⴰⴳⵔⴰⵡ ⵏⵏⴰ ⵉⵍⵍⴰⵏ. 
ⵇⴰⴷ ⵉⵜⵜⵓⵥⵍⴰⵢ ⵢⴰⵏ ⵡⴰⵜⵉⴳ ⵏ ⵉⴷⵔⵉⵎⵏ ⵉ ⵓⵖⴰⵡⴰⵙ ⵏ ⴼⵓⵕⵚⴰ ⵇⴰⴷ ⵏⵏ ⵉⵍⴽⵎ 1,25 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⵉ ⵓⵙⴳⴳⵯⴰⵙ ⵏ 2022. ⴰⵔ ⵉⴽⴽⴰⵜ ⵓⵖⴰⵡⴰⵙ ⵅⴼ ⴰⴷ ⵉⵎⵓⵏ ⴰⴽⴷ 10000 ⵙⴳ ⵡⵉⵏⵏⴰ ⵖⵓⵔ  ⵉⵙⵏⴼⴰⵔⴳ ⵇⵇⴰⵃ ⵉⴳⵔⴰⵏ  ⵜⴷⵎⵙⴰ, ⴰⴽⴷⴰⴹⵎⴰⵏ ⵏ  ⵉⵎⵏⵣⴰⵢⵏ ⵏ ⵓⵎⵙⴰⵙⴰ ⴰⵏⵎⵏⴰⴹ ⴷ ⵓⵎⵙⴰⵙⴰ ⴳⵔ ⵜⵡⴰⵙⵉⵜⵉⵏⴰⵡⵏ. 
 ⵇⴰⴷ ⵜⵙⵎⵓⵏ ⵜⵎⵎⴰⴽⵜ ⵏ ⵜⴰⵎⵓⵏⵜ ⴰⴽⴷ ⴳ ⵓⵙⵙⵍⵎⴷ ⴰⵍⵉⴽⵜⵕⵓⵏⵉⵢ ⵉ ⵇⵇⴰⵃ ⵉⵙⵏⴼⴰⵔⵏ ⵉⵜⵜⵓⵙⴰⵜⵜⴰⵢⵏ, ⵓⵍⴰⵓⵏⵓⴹ ⵙ ⵡⵓⴳⴳⴰⵔ ⵉ ⵉⵙⵏⴼⴰⵔⵏ ⵉⵃⵍⴰⵏ ⵉ ⵙⵉⵏ ⵡⴰⵢⵓⵔⵏ ⴷ ⵓⵣⴳⵏ, ⴰⴼⴰⴷ ⴰⴷ ⵉⵎⵓⵏ ⵜⵓⵚⴽⵉⵡⵉⵏ ⵏⵏⴰ ⵢⵓⵎⵥⵏ ⴳ ⴽⵓ ⵜⴰⵙⴳⴰ. 

ⴳ ⵎⴰⴷ ⵉⵣⵍⵉⵏ ⵙ ⵜⵎⵎⴰⴽⵜ ⵏ ⵓⵥⵕⴰⴼ ⵏ ⵉⵎⵙⴱⵖⴰⵔ, ⵉⵍⵍⴰ ⴳ ⵜⵎⵎⴰⴽⵜ ⴰⴷ ⵜⵉⴽⴽⵉ ⵏ ⵢⴰⵏ ⵓⵎⵔⵡⴰⵙ ⵏ ⵡⴰⴷⴷⵓⵔ ⵏⵏ ⵉⵍⴽⵎ ⵏ ⵖⵓⵔ 100000 ⵏ ⵉⴷ ⴷⵔⵀⵎ, ⵜⵉⵍⵉ ⴰⵡⴷ ⵢⴰⵜ ⵜⵉⴽⴽⵉⵜ ⵏ 10000 ⵏ ⵉⴷ ⴷⵔⵀⵎ.
ⵎⴰⵕⵕ ⵉⴳⵔⴰⵏ ⵏ ⵜⵉⵍⴰⵍ ⵣⵎⵔⵏⵜ ⴰⴷ ⵜⵜⵓⵥⵕⴰⴼⵏⵜ, ⴷ ⵜⵍⴽⵎ ⵏⵏ ⵜⵉⵣⵉ ⵏ ⵓⵔⴰⵔ ⵏ ⵓⵎⵔⵡⴰⵙ ⴰⵔ 10 ⵏ ⵉⵙⴳⴳⵯⴰⵙⵏ ⴰⴽⴷ ⵜⵉⵣⵉ ⵏ ⵓⵙⵎⵎⵅⴹⵉ ⵏ ⵙⵉⵏ ⵉⵙⴳⴳⵯⴰⵙⵏ. 
ⵇⴰⴷ ⵜⵜⵓⵙⴰⵜⵜⴰⵢⵏ ⵉⴷ ⴱⴰⴱ ⵏ ⵉⵙⵏⴼⴰⵔⵏ ⴷⴼⴼⵉⵔ ⵏ ⵎⴰ ⴰⴷ ⵡⵛⵉⵏ ⵜⵓⵜⵔⴰ ⵏ ⵜⵉⴽⴽⵉ ⵏ ⵉⵙⴼⵙⵔⵏ ⵏ ⵉⵙⵏⴼⴰⵔⵏ, ⴰⵛⴽⵓ ⵇⴰⴷ ⵜⵜⵓⵕⵥⴰⵎ ⵜⵎⵙⴽⵔⵜ ⴰⴷ ⴳ ⵜⵣⵡⵓⵔⵉ ⵏ ⵡⵢⵓⵔ ⵏ ⴰⴱⵔⵉⵍ 2022,  ⴷⴼⴼⵉⵔ ⴰⵙ, ⵇⴰⴷ ⵡⵛⵉⵏ ⵉⵎⵏⴽⴰⴷⵏ ⵉⵙⴷⴰⵡⵏ ⵏ ⵜⵓⵜⵔⵉⵡⵉⵏ ⵏⵏⵙⵏ ⵅⴼ ⵜⴳⴰⴷⵉⵔⵜ ⵜⴰⵢⵉⵍⵉⴽⵟⵕⵓⵏⵉⵢⵜ  http://www.forsa.ma.    ⵇⴰⴷ ⵥⴹⴰⵕⵏ ⴰⴷ ⵙⵙⴱⵖⵔⵏ ⵙⴳ ⵜⵡⵉⵙⵉ ⴳ ⵓⵎⵓⵔⵉⵙⵏ ⵏ ⴼⵓⵕⵚⴰ ⵏⵏⴰ ⵉⵏⵏⵓⵔⵣⵎⵏ ⵉ ⵜⵎⵏⵜⵉⵍⵜ ⴰⴷ ⴳ ⵇⵇⴰⵃ ⵜⵉⵙⴳⴳⵉⵡⵉⵏ ⵏ ⵜⴳⵍⴷⵉⵜ, ⵎⴽⵉⵏⵏⴰ ⵇⴰⴷ ⵢⵉⵍⵉ ⵢⴰⵏ ⵡⴰⵎⵎⴰⵙ ⵏ ⵜⵣⴷⴰⵢⵉⵏ ⵏⵉⵎⵙⴰⵖⵏ  ⵇⴰⴷ ⵉⵙⵡⵓⵔⵉ ⵅⴼ  ⴰⴷ ⵢⴰⵡⵙ ⵉⴷ ⴱⴰⴱ ⵏ ⵉⵙⵏⴼⴰⵔⵏ ⵎⴰⵢⴷ ⵜⵍⴰ ⵜⵎⵙⴽⵉⵔⵜ ⴰⴷ. 
ⵓⴳⴳⴰⵔ ⵏ ⵎⴰⵏ ⴰⵢⴰ, ⵇⴰⴷ ⵉⵜⵜⵓⴳ ⵢⴰⵏ ⵓⴳⴰⵡ ⵏ ⵓⵃⵟⵟⵓ ⵏ ⵓⵃⵔⴰⵢ ⴷ ⵓⴹⴼⵓⵕ ⴷ ⵡⴰⵎⵓⵏ ⴰⴽⴷ ⵓⵓⵣⵣⵉⴳⵔ ⵏ ⵓⵖⴰⵡⴰⵙ. ⵇⴰⴷ ⵉⵜⵜⵓⵙⴽⴰⵔ ⵙⴳ ⵢⴰⵜ ⵜⵏⵇⵇⵉⵙⵜ ⵜⴰⵙⵜⵔⴰⵜⵉⵊⵉⵢⵜ ⵏⵏⴰ ⵉⵏⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵢⴰⵜ ⵜⵏⵇⵇⵉⵙⵜ ⵏ  ⵜⵏⴰⵔⴰ ⵜⴰⵏⴰⵎⵓⵔⵜ ⴷ ⵜⵏⵇⵇⵉⵙⵉⵏ ⵏ ⵓⴹⴼⵓⵕ ⵜⵉⵏⵎⵏⴰⴹⵉⵏ ⴷ ⵜⴷⵖⵔⴰⵏⵉⵏ. 
ⵇⴰⴷ ⵢⵉⵍⵉ ⵓⵙⵎⴰⵜⴰ ⵉⵎⵕⵡⵉ ⵓⵖⴰⵡⴰⵙ ⵏ ⴼⵓⵕⵚⴰ ⵅⴼ ⵓⵙⵎⵓⵙⵙⵓ ⵏ ⵉⵎⵛⵛⴰⵔⵏ ⴳ ⵓⵙⵡⵉⵔ ⵏ ⵜⵙⴳⴳⵉⵡⵉⵏ, ⵙⵍⴰⵡⴰⵏ ⴰⴽⴽⵯ ⵉⵎⵎⴰⵙⵏ ⵉⵙⴳⴰⵡⴰⵏⵏ ⵏ ⵓⵙⵖⵍⵍⴰ, ⴷ ⵜⵎⵔⵙⴰⵍⵉⵏ ⵏ ⵓⵙⴼⵓⵥⵕ ⴰⵎⵥⵥⵢⴰⵏ ⴷ ⵓⵙⴳⴷⵍ ⴰⴷⵖⵔⴰⵏ. 
ⵜⵜⵓⵙⴱⴷⴷⴰ ⵜⵎⵙⵙⵓⵔⵜⵜⴰⵎⵖⵔⵉⴱⵉⵜ ⵏ ⵓⵜⵡⴰⵍ  (SMIT) ⵃⵎⴰ ⴷ  ⵜⵏⴰⵔⴰ ⴰⵖⴰⵡⴰⵙ, ⵙⵍⴰⵡⴰⵏ ⴰⴽⴽⵯ ⵙ ⵜⵉⴳⴳⵉ ⵏ ⵢⴰⵜ ⵜⴼⵔⴷⵉⵙⵜ ⵏ ⵓⵙⵡⵓⴷⴷⵓ ⴷ ⵓⴹⴼⴰⵕ ⵉⵥⵍⵉⵏ ⵙ ⵓⵖⴰⵡⴰⵙ ⵏ ⵓⵕⵚⴰ, ⵅⴼ ⴰⴷ ⵜⵜⵓⵙⵎⴰⵜⴰ ⴳ ⵇⵇⴰⵃ ⵜⴰⴳⵍⴷⵉⵜ ⵜⴰⵏⴰⵎⵓⵔⵜ.