ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵜⵙⵏⵜⵉ ⵜⵏⴱⴰⴹⵜ ⴰⵖⴰⵡⴰⵙ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵖ ⵉⴼⴼⵓⵙ ⵏ ⵍⵇⴱⵍⵜ ⵏ ⵜⴳⵎⴷⵉⴷⵜ
ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵜⵙⵏⵜⵉ ⵜⵏⴱⴰⴹⵜ ⴰⵖⴰⵡⴰⵙ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵉ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⵖ ⵉⴼⴼⵓⵙ ⵏ ⵍⵇⴱⵍⵜ ⵏ ⵜⴳⵎⴷⵉⴷⵜ ⴹⵕⴰⵜ ⵉⵏⵥⵕⴰⵏ ⵍⵍⵉ ⵢⵓⵜⵏ ⵜⵉⵙⴳⴳⵉⵡⵉⵏ ⴰⴷ ⵍⵍⵉ ⴷ ⵉⴼⵍⵏ ⵜⵓⴳⵜ ⵉⵎⵏⵖⵉⵏ ⴷ ⵉⵎⵓⵔⴽⵉⵔⵙⵏ ⴳ ⵜⵎⵏⴰⴹⵉⵏ ⵕⵕⴰⵛⵉⴷⵢⴰ ⴷ ⵎⵉⴷⵍⵜ ⴷ ⵡⴰⵔⵣⴰⵣⴰⵜ ⴷ ⵜⵉⵏⵖⵉⵔ ⴷ ⵣⴰⴳⵓⵔⴰ ⴷ ⴼⵉⴳⵉⴳ ⴷ ⵊⵕⴰⴷⴰ ⴷ ⵜⵔⵓⴷⴰⵏⵜ ⴷ ⵟⴰⵟⴰ ⴷ ⵜⵣⵏⵉⵜ ⴷ ⵓⴳⵍⵎⵉⵎ ⴷ ⴰⵙⴰ ⵣⵣⴰⴽ. ⵔⴰⴷ ⵜⵍⴽⵎ ⵜⵎⵙⴰⵙⵍⵜ ⵍⵍⵉ ⵔⴰⴷ ⵉⵜⵜⵓⴼⴽⵉ ⵉ ⵓⵣⵓⴳⵣ ⵏ ⵓⵖⴰⵡⴰⵙ ⴰⴷ ⵎⴰ ⵉⵜⵜⴳⴰⵏ 2,5 ⵎⵍⵢⴰⵕ ⵏ ⴷⴷⵔⵀⵎ.
ⴳ ⵎⵏⵉⴷ ⴰⴷ ⵏⵉⵜ, ⵙ ⵓⵙⵡⵓⴷⴷⵓ ⵏ ⵜⵔⴰⵔⵜⵉⵏ ⵜⵉⴳⴷⵓⴷⴰⵏⵉⵏ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵉⵏⵚⵕ ⵔⴱⴱⵉ ⵉⵙⵔⵏⵓ ⵜ, ⵜⴱⵉⴽⴽⵙ ⵜⵏⴱⴰⴹⵜ ⵙ ⴽⵓⵍⵍⵓ ⵎⴰ ⴷⴰⵔⵙ ⵉⵍⵍⴰⵏ ⵖ ⵉⵎⴰⵙⵙⵏ ⵉⵍⵓⵊⵉⵜⵙⵉⵏ ⴷ ⵉⵏⴰⴼⴰⴳⴰⵏ ⵃⵎⴰ ⴰⴷ ⴰⵡⵙⵏ ⵉ ⵉⵎⵣⴷⴰⵖⵏ ⵉⵜⵜⵓⴹⵕⴰⵏ, ⵜⵙⵙⵓⵊⴰⴷ ⴰⴽⴽⵯ ⵎⵏⴰⵡ ⵉⴳⵔⴰⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵣⵔⴰⵢ ⴷ ⵓⵣⵓⴳⵣ ⵏ ⵓⵖⴰⵡⴰⵙ ⴰⴷ ⵢⴰⵜⵜⵓⵢⵏ.
ⵙ ⴰⵢⵍⵍⵉ ⵉⴷⴷⴰⵏ ⴳ ⵓⵖⴰⵡⴰⵙ ⴰⴷ, ⵔⴰⴷ ⵜⵜⵓⴼⴽⵉ ⵜⵡⵉⵙⵉ ⴷ ⵓⴱⴷⴷⴰⴷ ⴳ ⵡⴰⵍⵍⴰⵙ ⵏ ⵜⵓⵚⴽⴰ ⵏ ⵜⴷⵔⵉⵡⵉⵏ ⴷ ⵜⴳⵎⵎⴰ ⵉⵔⴷⵍⵏ. ⴷ ⵡⴰⵍⵍⴰⵙ ⵏ ⵓⵙⴳⵉⴷⴷⵉ ⵏ ⵉⴱⵔⴷⴰⵏ ⴷ ⵉⵖⴰⵔⴰⵙⵏ ⴷ ⵓⵥⵟⵟⴰ ⵏ ⵜⵔⵉⵙⵉⵏⵜⵉ ⴷ ⵡⴰⵎⴰⵏ ⵏ ⵜⵉⵙⵙⵉ ⴷ ⵡⴰⵏ ⵉⵊⵍⵅⵏ.
ⵖⵉⴽⵍⵍⵉ ⵉⴳⴰ ⵓⵡⵜⵜⴰⵙ ⵏ ⵓⵖⴰⵡⴰⵙ ⴰⴷ ⵉⴼⴽ ⵜⵡⵉⵙⵉ ⵉ ⵉⵎⵓⵙⵙⵓⵜⵏ ⵉⵏⴼⵍⴰⵃⵏ ⴳ ⵜⵙⴳⴳⵉⵡⵉⵏ ⵍⵍⵉ ⵉⵜⵜⵓⵜⵏ ⵙ ⵉⵏⴳⴰⵢⵏ ⴰⴷ ⵙⵍⴰⵀⴰⵡⴰⵏ ⴰⴽⴽⵯ ⵉⴳⵔⴰ ⵎⵉⵥⵥⵉⵏ ⴷ ⵉⵏⴰⵎⵎⴰⵙⵏ, ⴷ ⴰⴷ ⵜⵜⵓⴼⴽⵉ ⵜⵡⵉⵙⵉ ⵉ ⵉⴽⵙⵙⴰⴱⵏ ⵍⵍⵉ ⵎⵎⵓⵜⵏⵜ ⵓⵍⵍⵉ ⵏⵏⵙⵏ ⵖ ⵉⵏⴳⴰⵢⵏ ⴰⴷ ⵉⵣⵔⵉⵏ ⵃⵎⴰ ⴰⴷ ⵏⵔⴰⵔ ⵜⵓⴷⵔⵜ ⵉ ⵉⵎⵓⴷⴰⵔ ⵖ ⵜⵉⵙⴳⴳⵡⵉⵏ ⴰⴷ.
ⴰⵔ ⴷ ⵉⵙⴱⴰⵢⴰⵏ ⵓⵙⵏⵜⵉ ⵏ ⵓⵖⴰⵡⴰⵙ ⴰⴷ ⵏ ⵡⴰⵍⵍⴰⵙ ⵏ ⵜⵓⵚⴽⴰ ⵏ ⵜⵉⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵉⵏⴳⴰⵢⵏ ⴳ ⵉⴼⴼⵓⵙ ⵏ ⵍⵇⴱⵍⵜ ⵏ ⵜⴳⵍⴷⵉⴷⵜ ⵙⵙⵉⵄⵔ ⴷ ⵜⵎⴰⵙⴰⵢⵜ ⵍⵍⵉ ⵙ ⵜⴱⵉⴽⴽⵙ ⴷ ⵜⵙⵡⵓⵔⵉ ⵙⵔⵙ ⵜⵏⴱⴰⴹⵜ, ⴷ ⵜⵎⵎⴰⵖ ⴰⴷ ⵏⵏ ⵜⵉⵍⵉ ⴷ ⵉⵎⵓⵔⴰ ⴷ ⵜⵏⵎⵓⵔⴰ ⵜⴱⵉⴷⴷ ⴷⵉⴷⵙⵏ ⵙ ⴰⵢⵍⵍⵉ ⵙⵖⴰⵡⵙⴰⵏ.