ⴰⵙⵙⴳⵎⴹ ⵏ ⵜⵎⴰⵖⵓⵏⵜⵏ ⵓⵙⴰⵜⵉ ⵅⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵏ ⵉⵙⵍⵎⴰⴷⵏ ⵏ ⵓⵙⵙⵍⵎⴷ ⴰⵎⵏⵣⵓ ⴷ ⴰⵙⵉⵏⴰⵏ ⵙ ⵓⵎⵏⵉⴷ ⵏ ⵓⵙⴳⴳⵯⴰⵙ 2025
ⴰⵙⵙⴳⵎⴹ ⵏ ⵜⵎⴰⵖⵓⵏⵜⵏ ⵓⵙⴰⵜⵉ ⵅⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵏ ⵉⵙⵍⵎⴰⴷⵏ ⵏ ⵓⵙⵙⵍⵎⴷ ⴰⵎⵏⵣⵓ ⴷ ⴰⵙⵉⵏⴰⵏ ⵙ ⵓⵎⵏⵉⴷ ⵏ ⵓⵙⴳⴳⵯⴰⵙ 2025 ⵏⵏⴰ ⵉⵜⵜⵓⴳⴰⵏ ⴳⵔ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⴷ ⵜⵎⴰⵡⴰⵙⵜ ⵏ ⵓⵙⵙⴳⵎⵉ ⴰⵏⴰⵎⵓⵔ ⴷ ⵓⵙⵙⴳⵎⵉ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴷ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ:
- ⵉⵜⵜⵓⵎⴷⵉ ⵢⴰⵏ ⵡⴰⵜⵉⴳ ⵏ ⵉⴷⵔⵉⵎⵏ ⵏⵏ ⵉⵍⴽⵎⵏ 4 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⵅⴼ 5 ⵏ ⵉⵙⴳⴳⵯⴰⵙⵏ;
- ⴰⴷ ⵜⵜⵡⴰⴳⴳ ⵢⴰⵏ ⵓⵜⵡⴰⵍ ⴰⵎⴰⵢⵏⵓ ⵉ ⵓⵙⵎⵓⵜⵜⴳ ⴰⴳⵊⴷⴰⵏ ⵏ ⵙⵎⵎⵓⵙ ⵉⵙⴳⴳⵯⴰⵙⵏ.
ⵉⵏⵙⵙⵉⵅⴼ ⵎⴰⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴹⵜ, ⴰⵙⵙ ⵏ ⵡⴰⵢⵏⴰⵙ 13 ⵢⵓⵏⵢⵓ 2023 ⵢⴰⵏ ⵓⵏⵎⵓⵇⵇⴰⵔ ⵏ ⵓⵙⴳⵎⴹ ⵏ ⵜⴰⵇⵇⴰⵏⵜ ⵏ ⵓⵙⴰⵜⵉ ⵅⴼ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⵏ ⵉⵙⵍⵎⴰⴷⵏ ⵏ ⵓⵙⵙⵍⵎⴷ ⴰⵎⵏⵣⵓ ⴷ ⵓⵙⵉⵏⴰⵏ ⵙ ⵓⵙⴳⴳⵯⴰⵙ ⵏ 2025, ⵏⵏⴰ ⵉⵜⵜⵓⴳⴰⵏ ⴳⵔ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⴷ ⵜⵎⴰⵡⴰⵙⵜ ⵏ ⵓⵙⵙⴳⵎⵉ ⴰⵏⴰⵎⵓⵔ ⴷ ⵓⵙⵙⴳⵎⵉ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴷ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ.
ⵉⴷⴷⴰⴷ ⵓⵖⴰⵡⴰⵙ ⴰⴷ ⵃⵎⴰ ⴰⴷⵉⵙⵙⵓⵎⵏ ⵜⴰⵖⴹⴼⵜ ⵜⴰⵎⵇⵇⵔⴰⵏⵜ ⵏⵏⴰ ⵉⵡⵛⴰ ⴱⴰⴱ ⵏ ⵜⵎⴰⴳⴰⵔⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵕⴱⴱⵉ ⴰⴷ ⵜ ⵢⴰⵊⵊ ⵢⴰⵡⵙ ⵜ ⵉ ⵜⵎⵏⵜⵉⵍⵉⵏ ⵏ ⵓⵙⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⴰⵏ ⴰⵢⴷⴷⵖ ⵉⴳⴰ ⵜⴰⵎⴰⵙⴰⵢⵜ ⵜⴰⴳⵊⴷⴰⵏⵜ ⵏ ⵢⵉⵙⵢ ⵏ ⵓⴼⵔⴷⵉⵙ ⴰⵏⴰⴼⴳⴰⵏ ⴷ ⵢⴰⵜ ⵜⵎⵔⵙⵍⵜ ⵜⴰⵎⵇⵇⵔⴰⵏⵜ ⴳ ⵓⵙⵏⴼⴰⵔ ⴰⵙⴳⵎⴰⵏ, ⴷ ⵓⵣⵣⴳⵉⵔ ⵏ ⵉⵙⴱⴷⴰⴷⵏ ⵏ ⵓⵙⵍⴳⵏ ⴰⵙⴰⵜⵉ ⵡⵉⵙⵙ 17-51 ⵏⵏⴰ ⵉⵣⴷⵉⵏ ⵙ ⵜⴳⵔⴰⵡⵜ ⵏ ⵓⵙⵙⴳⵎⵉ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⵎⴰⵙⵙⴰⵏ ⵏ ⵓⵣⵓⵔⵜ ⴰⵙⴳⵎⴰⵏ ⴰⵎⴰⵢⵏⵓ, ⵏⵏⴰ ⵉⴳⴰⵏ ⵙⴳ ⵓⵙⵉⵜⵜⵢ ⵏ ⵓⵙⵡⵉⵔ ⵏ ⵉⵙⵍⵎⴰⴷⵏ ⵓⵍⴰ ⴰⵢⵏⵏⴰ ⵉⵣⴷⵉⵏ ⵙ ⵓⵙⵎⵓⵜⵜⴳ ⵏⵏⵙⵏ ⴷ ⵓⵙⴷⵓⵙ ⵏⵏⵙⵏ ⵣⵓⵏⴷ ⵢⴰⵏ ⵡⴰⴷⴰⴼ ⴰⴳⵊⴷⴰⵏ ⵃⵎⴰ ⴰⴷ ⵜⵜⵓⵙⵉⵜⵜⵢ ⵜⵕⵡⵉ ⵏ ⵓⵙⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵎⴰⵣⵉⵔⵜ ⵏⵏⵖ. ⴷ ⵎⴰⵏ ⴰⵢⴰ ⵙ ⵓⵚⵚⵕⵙⵓ ⵏ ⵓⵜⵡⴰⵍ ⴰⵎⴰⵢⵏⵓ ⵏ ⵓⵙⵎⵓⵜⵜⴳ ⴰⴳⵊⴷⴰⵏ ⵏⵏⴰ ⴳ ⵜⵍⵍⴰ ⵙⵎⵎⵓⵙ ⵏ ⵉⵙⴳⴳⵯⴰⵙⵏ, ⵇⴰⴷ ⵢⵉⵍⵉ ⵓⵙⵎⵓⵜⵜⴳ ⴰⴷ ⴳ ⴽⵕⴰⴹ ⵡⴰⵏⵙⵉⵡⵏ ⵉⵜⵜⵓⵙⵎⴰⴷⵏ (ⴰⵙⵎⵓⵜⵜⴳ ⴰⴳⵊⴷⴰⵏ ⴳ ⵉⵙⴰⴽⴰⵜⵏ ⵏ ⵍⵉⵊⴰⵣⴰ ⴳ ⵓⵙⵙⴳⵎⵉ ⴳ ⵜⵎⵔⵙⴰⵍ ⵏ ⵜⵙⴷⴰⵡⵉⵜ ⵉⵥⵍⵉⵏ, ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴳ ⵡⴰⵎⵎⴰⵙⵏ ⵉⵙⴳⴰⵡⴰⵏⵏ ⵏ ⵜⵣⵣⵓⵍⴰⵏⵉⵏ ⵏ ⵓⵙⵙⴳⵎⵉ ⵙ ⵓⵙⵎⵓⵜⵜⴳ, ⴷ ⵉⵙⴰⵏⵓⵏⵏ ⴳ ⵜⵎⵔⵙⴰⵍ ⵜⵉⴳⵎⴰⵏⵉⵏ).
ⵙ ⵎⴰⵏ ⴰⵢⴰ ⴷⴰ ⵉⴽⴽⴰⵜ ⵓⵖⴰⵡⴰⵙ ⴰⴷ ⴰⴷ ⵉⵔⴰⵔ ⵅⴼ ⵜⵖⴰⵡⵙⵉⵡⵉⵏ ⵏ ⵖⵉⵍⴰ ⴷ ⵜⵉⵏ ⵉⵎⴰⵍ ⵏⵏⴰ ⵜⵜⵃⵜⴰⵊⵊⴰⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⴳ ⵉⵥⵍⴰⵢⵏ ⵉⵎⵢⴰⵏⴰⵡⵏ ⵏ ⵉⵙⴰⴽⴰⵜⵏ ⵏ ⵓⵙⵙⵍⵎⴷ ⴰⵎⵏⵣⵓ ⴷ ⴰⵙⵉⵏⴰⵏ, ⴷ ⴰⴷ ⴳⵉⵏ ⵉⵙⴰⴽⴰⵜⵏ ⵏ ⵍⵉⵊⴰⵣⴰ ⴳ ⵓⵙⵙⴳⵎⵉ ⵢⴰⵏ ⵓⴽⴰⴹⵓⵕ ⴰⴳⵊⴷⴰⵏ ⵏ ⵡⴰⴷⴰⴼ ⵙ ⵜⵣⵣⵓⵍⴰⵏⵉⵏ ⵏ ⵓⵙⵙⵍⵎⴷ, ⵎⴰⵏ ⴰⵢⴰ ⵙ ⵓⵙⵉⵜⵜⵢ ⵙⴳ ⵜⵥⵉⴹⵕⵜ ⵏⵏⵙ ⵏ ⵢⵉⵙⵢ, ⴷ ⴰⴷ ⵜⴰⵍⵍ ⵙⴳ ⵜⵉⵏⵏⵓⵖⵣⴰ ⵏⵏⵙ ⴷ ⵜⵙⵖⵓⴷⵓ ⵜⵉⵕⵡⵉ ⵏ ⵓⵙⵎⵓⵜⵜⴳ ⵏⵏⵙ ⴰⴳⵊⴷⴰⵏ.
ⵇⴰⴷ ⵟⴰⵎⵣ ⵜⵉⵣⵉ ⵏ ⵓⵖⴰⵡⴰⵙ ⴰⴷ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⴷ ⵇⴰⴷ ⴰⵙ ⵜⵥⵍⵉ ⵜⵏⴱⴰⴹⵜ ⵢⴰⵏ ⵡⴰⵜⵉⴳ ⵏ ⵉⴷⵔⵉⵎⵏ ⵏⵏⴰ ⵉⵏⴹⵓⵏ ⴽⴽⵓⵥ ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ.