ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵔ ⵉⴳⵣⵣⴰ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⴳ ⵜⵡⵓⵔⵉⵡⵉⵏ “ ⵓⵙⴳⵔⴰⵡ ⵏ ⵜⵙⵏⵜⴰⵢⵜ ⵏ ⵙⵙⴰⵄⵓⴷⵢⵢⴰ ⵜⴰⵣⴳⵣⴰⵡⵜ” ⴷ ⵓⵣⴰⴳ ⵏ “ⵜⵙⵏⵜⴰⵢⵜ ⵏ ⵓⵙⵏⵇⵔ ⴰⵏⴰⵎⵎⴰⵙ ⴰⵣⴳⵣⴰ” (ⴰⵙⵉⵡⴹ)
ⵙ ⵓⵙⵎⴳⵍ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵕⴱⴱⵉ ⴰⴷ ⵢⴰⴷⴷⵊ, ⵇⴰⴷ ⵉⵎⵎⵓⴷⴷⵓ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⴰⵎⴰⵙ 24 ⴽⵟⵓⴱⵕ 2021, ⵙ ⵜⴳⵍⴷⵉⵢⵜ ⵜⴰⵄⵔⴰⴱⵜ ⵏ ⵙⵙⴰⵄⵓⴷⵢⵢⴰ, ⴰⵢⴷⴷⵖ ⵇⴰⴷ ⵉⵙⵎⴷⵢⴰ ⴱⴰⴱ ⵏ ⵜⵎⴰⴳⴰⵔⵜ ⴳ ⵜⵡⵓⵔⵉⵏ ⵏ “ ⵓⵙⴳⵔⴰⵡ ⵏ ⵜⵙⵏⵜⴰⵢⵜ ⵏ ⵙⵙⴰⵄⵓⴷⵢⵢⴰ ⵜⴰⵣⴳⵣⴰⵡⵜ” ⴷ ⵓⵣⴰⴳ ⵏ “ⵜⵙⵏⵜⴰⵢⵜ ⵏ ⵓⵙⵏⵇⵔ ⴰⵏⴰⵎⵎⴰⵙ ⴰⵣⴳⵣⴰ” ⵏⵏⴰ ⵉⵜⵜⵓⴳⴰⵏ ⴳ ⵜⵎⴰⵥⵓⵏⵜ ⵏ ⵙⵙⴰⵄⵓⴷⵉⵢⵢⴰ ⵕⵕⵉⵢⵢⴰⴹ ⴰⵙⵙ ⵏ 25 ⴽⵟⵓⴱⵕ 2021.
ⵜⵜⵡⴰⵙⵙⴰⵏⵏ ⵉⵎⵓⵙⵙⵓⵜⵏ ⴰⴷ ⵍⵍⵉ ⵇⴰⴷ ⵉⴷⵔⵓ ⵍⵎⵖⵔⵉⴱ ⵙ ⵢⴰⵏ ⵓⴽⴰⴱⴰⵕ ⵉⵙⵙⴰⵡⵀⵎⵎⴰⵏ ⵏⵏ ⵉⵏⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵜⴰⴷⵔⴰⵡⵜ ⵏ ⴽⵉⴳⴰⵏ ⵏ ⵉⵏⵎⵖⵓⵔⵏ ⵏ ⵉⵡⵓⵏⴰⴽ ⴷ ⵜⵏⴱⴰⴹⵉⵏ, ⴷ ⵉⵏⵙⵙⵉⵅⴼⵏ ⵓⵣⵣⴳⵉⵔⵏ ⵏ ⵜⵎⵙⵙⵓⵔⵉⵏ ⵜⵉⵅⴰⵜⴰⵔⵉⵏ ⵏ ⵓⵎⴰⴹⴰⵍ, ⴷ ⵉⵏⵙⵙⵉⵖⴼⵏ ⵏ ⵜⵎⴰⴷⴷⴰⵙⵉⵏ ⵜⵉⵎⴰⴹⵍⴰⵏⵉⵏ ⴷ ⵉⵡⵔⵉⴽⵏ ⵉⵎⴰⴹⵍⴰⵏⵏ, ⴷ ⵉⴽⴰⴷⵉⵎⵉⵢⵏ ⴷ ⵉⵙⵎⴷⵢⴰⵜⵏ ⵏ ⵡⴰⵎⵓⵏ ⵓⵖⵔⵉⵎ.
ⵇⴰⴷ ⵖⵓⴱⴱⵣⵏ ⵉⵎⴰⴷⵔⴰⵡⵏ ⴳ ⵉⵎⵓⵙⵙⵓⵜⵏ ⴰⴷ ⵅⴼ ⴰⴷ ⴷⵔⵓⵏ ⴽⵉⴳⴰⵏ ⵏ ⵉⴳⵓⵎⵏ ⵏⵏⴰ ⵉⴱⴷⴷⴰⵏ ⵅⴼ ⵜⵎⵙⵙⵓⵎⴰⵏⵜ ⵏⵏⴰ ⵜⴳⴳⴰⵏ ⵅⴼ ⵓⵃⵟⵟⵓ ⵏ ⵜⵡⵏⴰⴹⵜ, ⵙⵍⴰⵡⴰⵏ ⴰⴽⴽⵯ ⴳ ⵓⵣⵎⵣ ⵏ ⵉⵙⵏⴼⴰⵍⵏ ⵏ ⵓⵏⵣⵡⵉ ⵏⵏⴰ ⵉⵙⵙⵏ ⵓⵎⴰⴹⴰⵍ ⴷ ⵜⴱⴱⴰⵢⴹⴰⵔⵉⵏ ⵏⵏⴰ ⵉⵍⵍⴰⵏ.