ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 27 ⵛⵓⵜⴰⵏⴱⵉⵔ 2023
ⵜⴳⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵕⴰⵙ 27 ⵕⴰⴱⵉⵄ ⴰⵎⵣⵡⴰⵔⵓ 1445, ⵉⵎⵙⴰⵙⴰⵏ ⴰⴽⴷ 27 ⵛⵓⵜⴰⵏⴱⵉⵔ 2023, ⵢⴰⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵥⵍⵉ ⵙ ⵓⵎⵙⴷⵉⵡⵍ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵓⵎⴷⴰⴽⴰⵕ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ 92 ⵏ ⵓⴷⵓⵙⵜⵓⵔ.
- ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵢⵓⴳⴳⴰ ⵏⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵅⴼ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 50.23 ⵉⵥⵍⵉⵏ ⵙ ⵉⵎⵥⵢⴰⵏⵏ ⵓⵏⴳⵉⵙⵏ ⵏ ⵓⵏⴷⵓⴷⵉ ⵏ ⵍⵃⴰⵡⵣ ⵃⵎⴰ ⴰⴷ ⴳⵉⵏ ⵉⵎⴷⵓⵀⴰⵏⵏ ⵏ ⵜⵎⵜⵜⵉ, ⵍⵍⵉ ⴷ ⵉⵃⵢⵢⵉⵍ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵍⵡⵉⴷⵢⵉ, ⴰⵎⴰⵡⵙⴰⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵙⵡⵓⴷⴷⵓ ⵙ ⵓⵎⵣⴰⵖ ⴰⵏⴰⵎⵓⵔ, ⴰⴼⴰⴷ ⴰⴷ ⵉⵣⵔⵉ ⵖ ⵓⵙⵇⵇⵉⵎ ⴰⵎⴰⵡⵙⴰⵙ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.23.870 ⵉⵥⵍⵉⵏ ⵙ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵏ ⴰⵟⵍⴰⵚ ⴰⵎⵇⵇⵔⴰⵏ ⴹⴰⵕⴰⵜ ⵍⵍⵉⵖ ⴳⵉⵙ ⴳⴰⵏ ⵜⵏⵏⴰⵢⵉⵏ ⵍⵍⵉ ⵉⵜⵜⵓⴼⴰⵏ, ⵉⵃⵢⵢⵉⵍ ⵜ ⵉⴷ ⵎⴰⵙⵙ ⵎⵓⵚⵟⴰⴼ ⴱⴰⵢⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵓⵏⵙⵙⵉⵅⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⴰⴽⴷ ⵓⴱⴰⵕⵍⵎⴰⵏ, ⴰⵎⵙⵉⵡⵍ ⵏ ⵜⵏⴱⴰⴹⵜ ⴳ ⵓⴷⵖⴰⵔ ⵏ ⵏ ⵎⴰⵙⵙ ⴼⴰⵡⵣⵉ ⵍⵇⵊⴰⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⴰⵔ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⵉⴳⵍⵏ ⴼ ⵜⵙⴰⵙⵜⵍⵜ.
- ⵉⴹⴼⴰⵕ ⵓⵙⵇⵇⵉⵎ ⵜⴰⵡⵓⵔⵉ ⵏⵏⵙ ⵙ ⵓⵎⴷⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.23.819 ⵉⵥⵍⵉⵏ ⵙ ⵓⵙⵏⵎⴰⵍⴰ ⴰⵙⵉⵍⴰⵏ ⵏ ⵉⵎⵙⵖⴰⵏⵏ ⴳ ⵉⴳⵔ ⵏ ⵓⵙⴳⵎⵉ ⴰⵏⴰⵎⵓⵔ, ⵍⵍⵉ ⴷ ⵉⵃⵢⵢⵉⵍ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵎⵉⵏ ⴷ ⵢⵓⵙⴰⵏ ⴰⴽⴷ ⵓⵎⴰⴳⵔⴰⴷ 92 ⴳ ⵓⴷⵓⵙⵜⵓⵔ.
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵏ ⵓⵎⴰⴹⴰⵍ, ⵜⵜⵓⵙⵎⴰⵍⵏ :
- ⵎⴰⵙⵙⴰ ⵏⴰⴷⵢⴰ ⵍⵃⵏⵏⵓⵟ, ⵜⴰⵎⵏⵀⴰⵍⵜ ⵏ ⵓⵎⵢⴰⵡⴰⵙ ⴷ ⵜⵡⵓⵔⵉ ⵜⴰⴷⵍⵙⴰⵏⵜ ;
- ⵎⴰⵙⵙ ⴼⵓⵡⴷ ⴰⵅⵔⵔⵉⴼ, ⴰⵎⵏⵀⴰⵍ ⵏ ⵍⵎⴰⵛⵕⵉⵇ ⴷ ⵍⵅⴰⵍⵉⵊ ⴷ ⵜⵎⴰⴷⴷⴰⵙⵉⵏ ⵜⵄⵔⴰⴱⵉⵏ ⴷ ⵜⵎⵓⵙⵍⵎⵉⵏ ;
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ
- ⵎⴰⵙⵙ ⵅⴰⵍⵉⴷ ⵍⵃⵍⵓ, ⴰⵎⵏⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⴼⵍⵙ ⴰⴷⵓⵙⴰⵏ ;
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵓⵎⴰⵜⵜⵉ ⴰⵏⵣⵎⴰⵔ ⴷ ⵜⴳⵎⵉ ⵜⴰⵙⵓⵍⴰⵏⵜ-ⵉⴳⵔ ⵏ ⵜⴳⵎⵉ ⵜⴰⵙⵓⵍⴰⵏⵜ ⵉⵜⵜⵓⵙⵎⴰⵍⴰ :
- ⵎⴰⵙⵙ ⵎⴰⵙⵙ ⴱⵓⵣⴽⵔⵉ ⵕⵕⴰⵥⵉ, ⴰⵎⵏⵀⴰⵍ ⵏ ⵓⵙⵏⴼⵍ ⵏ ⵓⵏⵥⵡⵉ ⴷ ⵓⵎⵢⴰⵏⴰⵡ ⴰⴷⵢⵓⵍⵓⵊⵉ ⴷ ⵜⴷⴰⵎⵙⴰ ⵜⴰⵣⴳⵣⴰⵡⵜ ;
- ⵜⴰⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⵜⵜⵓⵙⵎⴰⵍⴰⵏ :
- ⵎⴰⵙⵙ ⵄⵣⵉⵣ ⵍⵅⵢⴰⵟⵉ, ⴰⵎⵏⵀⴰⵍ ⵏ ⵜⵎⵙⴰⵙⵍⵜ ;
- ⵎⴰⵙⵙ ⵄⴰⴱⴷ ⵕⵕⴰⵃⵎⴰⵏ ⵍⵍⴰⵎⵜⵓⵏⵉ, ⴰⴳⵏⵙⴰⵙ ⵓⵏⴱⵉⴹ ⵏ ⵜⴳⵍⴷⵉⵜ ;
- ⵎⴰⵙⵙ ⵃⴰⵙⴰⵏ ⴱⵓⵍⵇⵏⴰⴷⵍ, ⴰⵎⵏⵀⴰⵍ ⵏ ⵓⵙⵉⵔⴰ ⵏ ⵓⵇⵕⴰⴹ ;
- ⵎⴰⵙⵙ ⵄⴰⴷⵉⵍ ⵀⴷⴷⴰⵏ, ⴰⵎⵏⵀⴰⵍ ⵜⵖⵓⵔⵉⵡⵉⵏ ⵏ ⵉⵎⴰⵍ
- ⵎⴰⵙⵙ ⵅⴰⵍⵉⴷ ⵙⵙⴱⵉⵢⵉⵄ, ⴰⵎⵏⵀⴰⵍ ⵏ ⵜⵎⵏⵙⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵓⵥⵍⵉⵡⵉⵏ
- ⵎⵙⵙ ⵎⵓⵃⵎⵎⴰⴷ ⵍⵅⵔⵎⵓⴷⵉ, ⴰⵎⵏⵀⴰⵍ ⵏ ⵡⴰⵢⴷⴰ ⵏ ⵡⴰⵏⴽ.
