ⵉⴱⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⵙⴰⵔⵓ ⵉⴳⴰⵏ ⵜⴰⵙⵕⴰⵜⵉⵊⵉⵜ ⵏⴳⵔ ⵜⵏⴱⴰⴹⵜ ⵜⵎⵖⵔⵉⴱⵉⵜ ⴷ ⵜⵔⴰⴱⴱⵓⵜ ⵏ ⵚⵚⵉⵏ-ⵓⵕⵓⴱⴱⴰ "GOTION High-Tech "
- ⴰⵙⴽⴰⵔ ⵢⴰⵜ ⵜⴳⵣⵣⵓⵎⵜ ⵏ ⵜⵎⴳⵓⵔⵉ ⵉⵅⴰⵜⵔⵏ" GIGAFACTORY" ⵏ ⵓⵙⵢⴰⴼⵓ ⵏ ⵜⴱⵍⴰⴹⵉⵏ ⵜⵉⵎⵙⵙⵓⴷⵓⵜⵉⵏ ⵏ ⵓⵎⵥⵓⵕⴰⵕ ⵙ ⵢⴰⵏ ⵓⵙⵙⴰⵔⵓ ⵏ 12,8 ⵎⵍⵢⴰⵕ ⴷⴷⵔⵀⵎ ;
- ⴰⵙⴽⴰⵔ 17.00 ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵜⴰⵔⵜⵓⵙⵔⵉⴷⵜ ⵖ ⵉⵍⵍⴰ 2.300 ⵏⵜⵡⵓⵔⵉ ⵢⴰⵜⵜⵓⵢⵏ ⵉⵙⵙⵓⴳⵔⵏ.
ⵉⴱⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵡⴰⴽⵡⴰⵙ 6 ⵢⵓⵏⵢⵓ 2024 ⵅⴼ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⵙⴰⵔⵓ ⵉⴳⴰⵏ ⵜⴰⵙⵕⴰⵜⵉⵊⵉⵜ ⵏⴳⵔ ⵜⵏⴱⴰⴹⵜ ⵜⵎⵖⵔⵉⴱⵉⵜ ⴷ ⵜⵔⴰⴱⴱⵓⵜ ⵏ ⵚⵚⵉⵏ-ⵓⵕⵓⴱⴱⴰ "GOTION High-Tech " ⵢⴰⵜⵜⵓⵢⵏ ⴳ ⵉⴳⵔ ⵏ ⵡⴰⵙⵙⴰⵢ ⵓⵎⵥⵓⵕⴰⵕ.
ⵙ ⵜⵎⴰⵢⴰⵇⵇⴰⵏⵜ ⴰⴷ ⵔⴰⴷ ⵉⵜⵜⵓⵙⴽⵉⵔ ⵢⴰⵜ ⵜⴳⵣⵣⵓⵎⵜ ⵏ ⵜⵎⴳⵓⵔⵉ ⵉⵅⴰⵜⵔⵏ GIGAFACTORY ⴰⵖⴰⵡⴰⵙⵏ ⵉⴷⵓⵙⵏ ⵏ ⵓⵙⴰⴽⴰⵔ ⵏ ⵜⵉⴱⵍⴰⴹⵉⵏ ⵏ ⵜⵉⵀⵉⵕⵕⴰⵢ ⵏ ⵓⵎⵥⵓⵕⴰⵕ ⴳ ⵜⵎⴷⵉⵏⵜ ⵏ ⵇⵏⵉⵟⵕⴰ ⵃⵎⴰ ⴰⴷ ⵜⴳ ⵜⴰⵎⵣⴰⵡⴰⵔⵓⵜ ⴳ ⵉⵥⵥⵍⵎⴹ ⵏ ⵉⴼⵕⵉⵇⵢⴰ ⴷ ⵛⵛⵔⵇ ⵏⵡⴰⵎⵎⴰⵙ, ⵎⵢⴰⵏ ⵍⵍⵉ ⵔⴰⴷ ⵉⵙⵖⵓⴷⵓ ⵜⵉⵎⵓⵖⵔⴰ ⵏ ⵍⵎⵖⵔⵉⴱ ⴳ ⵜⵎⴳⵓⵔⵉ ⵏ ⵜⵉⵎⵙⵙⵓⴷⵓⵜⵉⵏ ⴷ ⵓⵎⵓⵜⵜⵉ ⴰⵥⴹⴰⵕⴰⵏ ⵙ ⵉⵥⵉⵕ ⵏ ⴱⴰⴱⴰ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⵉⵣⵎⵎⵉⵎ ⵜⴰⵎⵢⴰⵇⵇⴰⵏⵜ ⴰⴷ ⵏ ⵓⵙⵙⴰⵔⵓ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵜⴰⵎⴰⵡⵙⴰⵙⵜ ⵏ ⵜⵥⵕⴼⵜ ⴷ ⵜⴷⴰⵎⵙⴰ ⴷ ⵎⴰⵙⵙ ⵏⵉⵣⴰⵕ ⴱⵕⴰⴽⴰⵜ ⴰⵎⴰⵡⵙⴰⵙ ⵏ ⵓⵇⵡⵡⵓⵎ ⴷ ⵡⴰⵎⴰⵏ ⴷ ⵎⴰⵙⵙⴰ ⴼⵜⵉⵎⴰ ⵣⵣⴰⵀⵔⴰ ⵍⵎⵏⵚⵓⵕⵉ ⵜⴰⵎⴰⵡⵙⴰⵙⵜ ⵏ ⵓⵎⵙⴰⵙⴰ ⵏ ⵡⴰⴽⴰⵍ ⴷ ⵓⵙⵖⵔⵎ ⵓⵣⴷⵓⵖ ⴷ ⵜⵙⵜⵔⵉⵜ ⵏ ⵜⵎⴷⵉⵏⵜ ⴷ ⵎⴰⵙⵙ ⵢⵓⵏⵙ ⵙⴽⵓⵔⵉ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵜⵉⵜ ⵜⴰⵎⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴷⵎⴰⵙⵙ ⵕⵢⴰⴹ ⵎⵣⵣⵓⵕ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ ⵜⴰⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵎⴰⵙⵙ ⵎⵓⵀⵙⵉⵏ ⵊⴰⵣⵓⵍⵉ ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⵓⵔⵓ ⴷ ⵓⵎⵙⴰⵙⴰ ⴷ ⵓⵙⴳⴷⴷ ⵏ ⵜⵙⵔⵜⴰⵢ ⵜⵉⴳⴷⵓⴷⵉⵏ ⴷ ⵎⴰⵙⵙ ⴼⴰⵣⵉ ⵍⵇⵊⵄ ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ, ⴷ ⴰⵡⴷ ⵎⴰⵙⵙ ⵍⵢⵉ ⵣⵀⵏ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ ⵏ ⵚⵚⵉⵏ ⴷ ⵓⵕⵓⴱⴱⴰ « ⵖⵓⵛⵏ ⵀⴰⵢ ⵜⵛⴽ », ⵉⵃⴰⴹⵕ ⴰⵡⴷ ⵎⴰⵙⵙ ⵄⵍⵉ ⵚⴰⴷⵉⵇⵉ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⴳⵎⵉ ⵏ ⵉⵙⵙⴰⵔⵓⵜⵏ ⴷ ⵉⵚⴰⴼⵓⴹⵏ.
ⴰⴼⴰⴷ ⴰⴷ ⵜⵜⵓⵙⴽⵉⵔ ⵓⴼⴷⵔⵉⵙ ⴰⵎⴳⵓⵔⴰⵏ ⵉⵅⴰⵜⵔⵏ, ⵜⴳⴰ ⵜⴳⵍⴷⵉⵜ ⵜⴰⵎⵢⵉⵎⴰⵏⵜ ⴳ ⵖⵓⵛⵏ ⵀⴰⵢ ⵜⵉⴽ ⵍⵍⵉ ⵎⵓ ⴱⴰⵀⵔⴰ ⵢⴰⵜⵜⵓⵢ ⵓⴳⵔⴹ ⵏⵏⵙ ⴳ ⵉⴳⵔ ⵜⴱⵍⴰⴹⵜ ⵏ ⵓⵎⵥⵓⵕⴰⵕ, ⵙⵍⴰⵀⴰⵡ ⴰⴽⴽⵯ ⵍⵍⵉⵖ ⵜⴳⴰ ⴼⵓⵍⴽⵙ ⴼⴰⴳⵏ ⵏ ⴰⵍⵎⴰⵏⵢⴰ ⵢⴰⵏ ⴳ ⵉⵎⴷⵔⴰⵡⵏ ⵉⵎⴰⵜⴰⵢⵏ ⵏⵏⵙ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⵏ ⵢⴰⵏ ⵓⵙⵏⵜⵉ ⵉⵙⵎⴷⵏ ⵏ ⵓⵙⵢⴰⴼⵓ ⵏ ⵜⵉⴱⵍⴰⴹⵉⵏ ⵏ ⵜⵉⵎⵙⵙⵓⴷⵓⵜⵉⵏ ⵏ ⵓⵎⵥⵓⵕⴰⵕ ⵏ ⵎⴰ ⵉⵜⴳⴳⴰⵏ 20 GWh ⵏ ⵢⴰⵏ ⵡⴰⵜⵉⴳ ⵏ ⵓⵙⵙⴰⵔⵓ 12 ⵎⵍⵢⴰⵕ ⵏ ⴷⴷⵔⵀⵎ. ⵔⴰⴷ ⵢⴰⵡⵙ ⵓⵙⵏⵜⵉ ⴳ ⵓⵙⴽⴰⵔ 17.000 ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵜⴰⵔⵓⵙⵔⵉⴷⵜ ⵖ ⵍⵍⴰⵏ 2.300 ⵏ ⵜⵡⵓⵔⵉ ⵢⴰⵜⵜⵓⵢⵏ.
ⵔⴰⴷ ⵢⴰⵡⵙ ⵓⴳⵣⵣⵓⵎ ⴰⵎⵣⵡⴰⵔⵓ ⵏ ⵓⵙⵙⴰⵔⵓ ⴳ ⵓⵙⵖⵓⴷⵓ ⵏ ⵓⵎⵓⵙⵙⵓⵜⵏ ⵉⵎⴳⵓⵔⴰⵏⵏ ⵏ ⵜⵔⴰⴱⴱⵓⵜ ⴳ ⵍⵎⵖⵔⵉⴱ ⴷ ⵓⵔⵓⵙ ⵏ ⵉⵖⴰⵡⴰⵙⵏ ⵏ ⵜⴱⵍⴰⴹⵉⵏ ⵏ ⵜⵉⵎⵙⵙⵓⴷⵓⵜⵉⵏ ⵜⵉⵎⵥⵓⵕⴰⵕ ⵙ ⵜⵥⴹⵉⵕⵜ ⵏ 100 GWh ⴳ ⵜⴳⵉⵔⴰ ⵙ ⵡⴰⵜⵉⴳ ⵏ ⵓⵙⵙⴰⵔⵓ ⵏ ⵎⴰ ⵉⵜⵜⴳⴰⵏ 65 ⵎⵍⵢⴰⵕ ⵏ ⴷⴷⵔⵀⵎ.
ⵜⴽⴽⴰ ⵜⵜ ⵏⵏ ⵜⵔⴰⴱⴱⵓⵜ « ⵖⵓⵛⵏ ⵀⴰⵢ ⵜⵉⴽ » ⵜⵙⴽⵔ ⵜⵓⴳⵜ ⵏ ⵜⵢⴰⴼⵓⵜⵉⵏ ⴳ ⵓⵕⵓⴱⴱⴰ ⴷ ⵎⵉⵔⵉⴽⴰⵏ ⵍⵍⵉⵖ ⵜⵙⴽⵔ 12 ⵏ ⵜⴳⵯⵣⵎⵉⵏ ⵏ ⵜⵎⴳⵓⵔⵉ ⵉⵅⴰⵜⵔⵏ GIGAFACTORY ⴳ ⵙⵉⵏ ⵉⵙⴳⴳⵯⴰⵙⵏ ⵉⵣⵔⵉⵏ ⵃⵎⴰ ⴰⴷ ⵔⴰⵔⵏ ⵅⴼ ⵜⵓⵜⵔⴰ ⵜⴰⴳⵔⴰⵖⵍⴰⵏⵜ ⵉⴳⴳⵓⵜⵏ ⴳ ⵉⴳⵔ ⵏ ⵡⴰⵙⵙⴰⵢ ⴰⵎⵥⴰⵕⵓⵕ. ⴰⵔ ⵉⵎⵎⴰⵍⴰ ⵓⵙⵜⴰⵢ ⵏ ⵜⵔⴰⴱⴱⵓⵜ ⵜⵎⵢⵉⵎⴰⵏⵜ ⵍⵍⵉ ⵜⴳⴰ ⵖ ⵍⵎⵖⵔⵉⴱ ⵉⴳⴰⵏ ⵢⴰⵏ ⵡⴰⵏⵙⴰ ⵏ ⵓⵙⵙⴰⵔⵓ ⵉⵖⵓⴷⴰⵏ, ⵙⵍⴰⵀⵡⴰⵏ ⴰⴽⴽⵯ ⴳ ⵓⵙⵡⵉⵔ ⵏ ⵉⵖⴰⵡⴰⵙⵏ ⵏ ⵎⴳⵓⵔⵉ ⵍⵍⵉ ⵉⵙⴰⴽⴰⵔⵏ ⵜⵓⴳⵜ ⵏ ⵜⵡⵓⵔⵉⵡⵉⵏ ⴷ ⵓⵙⴽⴰⵔ ⵏ ⵜⵢⴰⴼⵓⵜ.
ⴷⴷⴰⵡ ⵜⵉⵎⵎⵓⵖⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴷ ⵉⵏⵚⵕ ⵔⴱⴱⵉ, ⵢⵓⵔⵔⵉ ⴷ ⵍⵎⵖⵔⵉⴱ ⵉⴳⴰ ⵢⴰⵏ ⵓⴷⵖⴰⵔ ⵉⴳⴰⵏ ⴰⵎⴷⵢⴰ ⵏ ⵜⵡⵓⵔⵉⵡⵉⵏⵏⵏ ⵜⵎⴳⵓⵔⵉ ⵏ ⵜⵉⵕⵉⵔⵔⴰ ⴷ ⵜⴰⵢⵍⴰⵏⵉⵏ ⴷ ⵙⵉⵎⵔⴰⵡ ⴷ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵉⵣⵔⵉⵏ, ⵖⴰⵢⴰⵏⵏ ⴰⴷ ⵢⵓⵊⵊⴰⵏ ⵜⵎⴰⵣⵉⵔⵜ ⵏⵏⵖ ⴰⴷ ⵜⴰⵡⴹ ⵢⴰⵏ ⵓⵙⵡⵉⵔ ⴰⴳⵔⴰⵖⵍⴰⵏ ⵢⴰⵜⵜⵓⵢⵏ.
ⵖⴰⵙⵙⴰⴷ ⵙ ⵉⵥⵉⵕ ⴰⴳⵍⴷⴰⵏ ⵉⴼⴰⵡⵏ, ⵜⵎⵎⴰⵖ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴷ ⵜⵙⵖⵓⴷⵓ ⴰⴷⵖⴰⵔ ⵏⵏⵙ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴳ ⵎⴰ ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⴷⴰⵔ ⴰⵜⵉⴳ ⵢⴰⵜⵜⵓⵢⵏ ⵣⵓⵏⴷ ⴰⵙⵙⴰⵢ ⵓⵎⵥⵓⵕⴰⵕ ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵢⴰⴼⵓⵜⵏ ⵏⵜⴳⵍⴷⵉⵜ ⴷ ⵜⵡⵉⵙⵉ ⴳ ⵓⵎⵓⵜⵜⵉ ⵏ ⵉⵖⴰⵡⴰⵙⵏ ⵏ ⵜⵎⴳⵓⵔⵉ ⵉⵥⵍⵉⵏ ⵙ ⵜⵔⵉⵕⴰⵢ ⵙ ⵜⵖⴰⵔⴰⵙⵜ ⵏ ⵜⵉⴼⴰⵡⵜ ⴷ ⴰⴷ ⵜⵉⵍⵉ ⵜⵢⴰⴼⵓⵜ ⵖⵓⵔ ⵉⵏⵎⵓⵔⴰ.