ⵜⵕⵥⵎ ⵜⵏⴱⴰⴹⵜ ⵜⴰⵡⵡⵓⵔⵜ ⵏ ⵡⴰⵏⵜⵉⵔⵏⵉⵜ www.alhoukouma.gov.ma
ⵜⵕⵥⵎ ⵜⵏⴱⴰⴹⵜ, ⴰⵙⵙ ⴰⴷ ⵏ ⵓⴽⵕⴰⵙ, ⵜⴰⵡⵡⵓⵔⵜ ⵏ ⵡⴰⵏⵜⵉⵔⵏⵉⵜ www.alhoukouma.gov.ma ⵍⵍⵉ ⵔⴰⴷ ⵉⴳ ⵢⴰⵏ ⵓⵙⵏⴹⵡ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⴰⵎⵢⴰⵡⴰⴹ ⴷ ⵓⵎⵔⴰⵔⴰ ⵏⴳⵔ ⴰⵙ ⴷ ⵜⵉⵏⵎⵓⵔⴰ ⴷ ⵉⵏⵎⵓⵔⴰ.
ⵔⴰⴷ ⵜⴰⵡⵙ ⵜⵡⵡⵓⵔⵜ ⴰⴷ ⵖ ⵓⵙⵓⵙⵙⵏ ⵏ ⵎⵎⴰⵏⴰⵡ ⵉⵖⴰⵡⴰⵙⵏ ⴷ ⵉⵎⵓⵙⵙⵓⵜⵏ ⵍⵍⵉ ⵜⴳⴳⴰ ⵜⵏⴱⴰⴹⵜ, ⴷ ⴰⵔ ⵜⴰⴽⴽⴰ ⵉⵙⵉⵙⴼⵉⵡⵏ ⵉⵥⵍⵉⵏ ⵙ ⵉⵏⵓⵎⵔⴰ ⵃⵎⴰ ⴰⴷ ⴹⴹⴼⵉⵔⵏ ⵜⵉⴳⴳⵉⵢⵉⵏ ⵍⵍⵉ ⵜⴳⴳⴰ ⵜⵏⴱⴰⴹⵜ ⴷ ⵎⴰⵏⵉ ⵜⵍⴽⵎ ⵜⵡⵓⵔⵉ ⵖ ⵉⵚⵏⴼⴰⵕⵏ ⴷ ⵓⵛⵛⵉⵍⵏ ⵙⵔⵙ ⵉⵥⵍⵉⵏ.
ⴰⵔ ⵜⵙⵏⵎⴰⵍⴰ ⵜⵡⵡⵓⵔⵜ ⴰⴷ ⴽⵕⴰⴹ ⵉⵙⴳⵓⵎⵏ ⵉⴷⵙⵍⴰⵏⵏ ⵏ ⵓⵖⴰⵡⴰⵙ ⵓⵏⴱⵉⴹ : « ⴰⵙⴷⵓⵙ ⵏ ⵉⵏⴱⴷⴰⴷⵏ ⵏ ⵡⴰⵏⴽ ⴰⵏⴰⵎⵓⵏ » ⴷ « ⵜⴰⵏⴽⵔⴰ ⵙ ⵜⴷⴰⵎⵙⴰ ⵍⵍⵉ ⵔⴰⴷ ⵢⴰⵡⵙ ⵖ ⵓⵙⵡⵓⵔⵉ » ⴷ « ⵓⵙⴱⵓⵖⵍⵓ ⵏ ⵜⵕⵡⵉ ⵏ ⵜⵎⵙⵙⵓⴳⵓⵔⵜ ⵖ ⵜⵡⵉⵙⵉ ⵏ ⵓⵏⵎⵓⵔⵉ »
ⵖⵉⴽⴽⵍⵍⵉ ⵜⵜⵕⵥⵓⵎ ⵜⵡⵡⵓⵔⵜ ⴰⵖⴰⵔⴰⵙ ⵉ ⵉⵏⵎⵓⵔⴰ ⵃⵎⴰ ⴰⴷ ⴰⴳⴳⵯ ⵏⵏ ⵙ « ⵉⵏⵏⴰⵡ ⴷ ⵉⵎⵓⵙⵙⵓⵜⵏ ⵉⴳⵍⴰⴷⴰⵏⵏ » ⴷ ⵎⴰⵏⵉ ⵍⴽⵎⵏ ⵉⵖⴰⵡⴰⵙⵏ ⵓⵏⴱⵉⴹⵏ ⵣⵓⵏ ⴷ « ⵜⵉⵡⵉⵙⵉ ⵜⵏⴰⵎⵓⵏⵜ ⵜⵓⵙⵔⵉⴷⵜ » ⴷ « ⵉⵏⵖⵎⵉⵙⵏ ⵉⵎⴰⵢⵏⵓⵜⵏ ⵉⴱⴹⴰⵏ ⴼ ⵙⵉⵏ ⵉⴳⵣⵎⴰⵏ : ⵢⴰⵏ ⵓⴳⵣⵣⵓⵎ ⵉⵥⵍⵉⵏ ⵙ « ⵉⵏⵖⵎⵉⵙⵏ » ⵍⵍⵉ ⴷ ⵉⵜⵜⴰⵡⵉⵏ ⵉⵏⵖⵎⵉⵙⵏ ⵉⵎⴰⵢⵏⵓⵜⵏ ⴷ « ⵉⵙⴷⴰⵡⵏ ⴷ ⵉⴼⴰⵢⵍⵓⵜⵏ » ⵍⵍⵉ ⴷ ⵉⵜⵜⴰⵡⵉⵏ ⵉⵏⵖⵎⵉⵙⵏ ⴼ ⵜⵓⴳⵜ ⵏ ⵜⵖⴰⵡⵙⵉⵡⵉⵏ ⵖ ⵢⴰⵜ ⵜⵖⴰⵔⴰⵙⵜ ⵉⴷⵔⴰⵏ. ⵖⵉⴽⵍⵍⵉ ⵉⵍⵍⴰ ⴷⴰⵔ ⵜⵡⵡⵓⵔⵜ ⴰⴷ ⵢⴰⵜ « ⵜⵙⴷⵍⵉⵙⵜ ⵏ ⵓⴼⵉⴷⵢⵓ » ⴷ ⵉⵣⴷⴰⵢⵏ ⵙ ⵡⴰⵏⵙⴰⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ.
ⵃⵎⴰ ⴰⴷ ⵢⵉⵍⵉ ⵓⵎⵔⴰⵔⴰ ⴷ ⵓⵎⴹⴰⴽⴰⵕ ⴷ ⵓⴳⴷⵓⴷ, ⵜⵕⵥⵎ ⵜⵡⵡⵓⵔⵜ ⵏ ⵜⵏⴱⴰⴹⵜ ⵢⴰⵏ ⵓⴷⵖⴰⵔ « ⴰⵡⵙ ⵙ ⵜⴰⵏⵏⴰⵢⵜ ⵏⵏⴽ » ⵍⵍⵉ ⵥⴹⴰⵕⵏ ⵜⵉⵏⵎⵓⵔⴰ ⴷ ⵉⵏⵎⵓⵔⴰ ⴰⴷ ⵙⵔⵙⵏ ⴷⵔⵓⵏ ⵜⵏⵏⴰⵢⵉⵏ ⵏⵏⵙⵏ ⴷ ⵜⵉⵙⵓⵎⴰⵔ ⵏⵏⵙ ⵉⵥⵍⵉⵏ ⵙ ⵉⵖⴰⵡⴰⵙⵏ ⴷ ⵜⵎⴳⴳⵉⵢⵉⵏ ⵍⵍⵉ ⵜⴳⴳⴰ ⵜⵏⴱⴰⴹⵜ.
ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⵜⵍⵍⴰ ⵜⴰⵡⵡⵓⵔⵜ ⴰⴷ ⵏ ⵡⴰⵏⵜⵉⵔⵏⵉⵜ ⵙ ⵜⵓⵜⵍⴰⵢⵜ ⵜⵄⵕⴰⴱⵜ ⴷ ⵜⵍⵍⴰ ⵖ ⵓⵎⵙⵙⵓⴷⵙ ⵜⵉⵍⵉⴼⵓⵏ ⵏ ⵓⴼⵓⵙ.