ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ

ⵕⵕⴱⴰⵟ - ⵀⴰ ⵎⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ 

ⵉⵙⵏⵓⴱⴳ ⴱⴰⴱ ⵏ ⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⴰⵙⵙ ⴰⴷ ⴳ ⵜⴰⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵕⵕⴱⴰⵟ, ⵎⴰⵙⵙ ⴱⵉⴷⵔⵓ ⵙⵏⵛⵉⵣ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⵍⵍⵉ ⵉⵙⴽⵔⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵉ ⵍⵎⵖⵔⵉⴱ.

ⴰⵔⵣⴰⴼ ⴰⴷ ⵉⴽⵛⵎ ⴳ ⵓⵙⴰⵜⵉ ⵏ ⵜⴰⴷⵉⵏⴰⵎⵉⵜ ⵉⵣⴷⵉⵏ ⵍⵍⵉ ⵉⵕⵥⵎ ⵓⵣⵎⵣ ⴰⵎⴰⵢⵏⵓ ⵏ ⵉⵎⵢⴰⵙⵙⴰⵏ ⴳⵔ ⵍⵎⵖⵔⵉⴱ ⴷ ⵚⴱⴰⵏⵢⴰ ⵍⵍⵉ ⵉⴱⴷⴰⵏ ⵙⴳ ⴰⵏⵎⵓⵇⵇⴰⵔ ⴳⵔ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⴳ ⴰⴱⵔⵉⵍ 2022 ⵍⵍⵉ ⵉⴽⵎⵍ  ⵙ ⵓⵙⵔⵙ ⵏ  ⵜⴰⵙⴳⵓⵔⵉ  ⵉⵛⵛⴰⵔⵏ ⴳⵔ ⵜⵉⵎⵉⵣⴰⵔ ⵙⵏⴰⵜ.

ⵜⴰⴷⵉⵏⴰⵎⵉⵜ ⴰⴷ ⵜⵣⴷⵉ ⴷ ⴰⵔ ⵜⵙⵙⵓⵙⵎ .ⵜⵢⴰⵡⵙⵙⴰⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵣⴷⴷⵓⵢ ⴷ ⵜⴷⵔⴰⵡⵜ ⴳ  ⴰⴽⴽⵯ ⵉⴳⵔⴰⵏ ⵅⴼ ⵜⴰⵙⵉⵍⴰ ⵏ ⵍⴰⵎⴰⵏ ⴷ ⵍⵉⵃⵜⵔⴰⵎ ⴷ ⵜⵉⵔⴰⵜ ⴷ ⴷ ⵊⵓⵕⴰ ⵉⵖⵓⴷⴰⵏ ⴷ ⵍⵡⴰⴼⴰ ⵙ  ⵜⵉⵖⵜⴰⵙⵉⵏ .

ⵙ ⵓⵣⵎⵣⵣⵓ ⵏ ⵓⵙⵏⵓⴱⴳ ⴰⴷ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⵉ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵙⵙⵔⵏⵓ ⵕⴱⴱⵉ  ⵜⵉⴽⵍⵉⵜ ⵢⴰⴹⵏ ⵜⴰⵖⵜⴰⵙⵜ ⵏ ⵚⴱⴰⵏⵢⴰ ⵍⵍⵉ ⵉⵍⵍⴰⵏ ⴳ ⵜⴰⵙⴳⵓⵔⵉ ⵉⵛⵛⴰⵔⵏ ⵏ ⴰⴱⵔⵉⵍ ⵏ 2022 ⵍⵍⵉ ⵉⵏⵏⴰⵏ ⵎⴰⵙ ⵜⴳⴰ ⵜⵙⵏⵜⴰⵢⵜ ⵏ ⵍⵎⵖⵉⴱ ⵉⵍⵉⵏ ⵙ ⵜⴰⴼⵓⵍⵎⴰⵏⵜ ⵜⴰⵙⵉⵍⴰ ⵏ ⵙⵜⵉⴷⴷⴰⵜ ⴷ ⵍⵡⴰⵇⵉⵄ ⴷⵇⵔ ⵉⵍⵍⴰ ⴰⴷⴷⵓⵔ ⴰⴼⴰⴷ ⴰⴼⵙⵙⴰⵢ ⵏ ⵜⵎⵓⴽⵔⵉⵙⵜ ⴰⴷ.

ⵉⵙⵏⵉⵎⵎⵔ ⴱⴰⴱ ⵏ ⵡⴰⴷⴷⵓⵔ ⵚⴱⴰⵏⵢⴰ ⵅⴼ ⵜⴰⵖⵜⴰⵙⵜ ⴰⴷ ⵜⴰⵎⴰⵢⵏⵓⵜ ⵉⵖⵓⴷⴰⵏ ⵜⴰⵅⴰⵜⴰⵔⵜ.

ⴳ ⵓⵙⵏⵓⴱⴳⴰ ⴷ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵙⵙⵔⵏⵓ ⵕⴱⴱⵉ ⴷ ⵎⴰⵙⵙ ⴱⵉⴷⵔⵓ ⵚⴰⵏⵛⵉⵣ ⵅⴼ ⵉⵎⵏⴰⴷⵏ ⵉⵖⵓⴷⴰⵏ ⵏ ⵓⵎⵢⴰⵡⴰⵙ ⵎⵏⵉⴷ ⵜⵉⵎⴰⵉⵣⴰⵔ ⵜⴰⴷⵊⴰⵔⵉⵏ ⵍⵍⵉ ⵎⵉ ⵉⴳⴰ ⴰⵙⵏⵎⴰⵍⴰ ⵉⵛⵛⴰⵔⵏ  ⵏ ⵜⴰⴽⵓⵙⵜ ⵏ ⵓⵎⴰⴹⴰⵍ ⵏ ⵜⴽⵓⵔⵜ ⵏ ⵓⴹⴰⵕ 2030 ⴷ ⵍⴱⵓⵔⵜⵓⵖⴰⵍ ⵢⴰⵏ ⵜⴰⵏⵏⴰⵍⵜ ⵢⴰⴹⵏ ⴰⴼⴰⴷ ⵓⵙⴷⵓⵙ ⵏⵏⵙ.

ⵉⵙⵙⴼⵓⵍⴽⵉ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⴷ ⵉⵙⴷⴷⵉⴷ ⵎⴰⵙ ⵜⴳⴽⴰ ⵚⴱⴰⵏⵢⴰ ⴰⴷⴷⵓⵔ ⵉ ⵜⵉⵙⵏⵜⴰⵢⵉⵏ ⵜⵉⵙⵜⵔⴰⵜⵉⵊⵉⵏ ⵍⵍⵉ ⵉⵕⵥ, ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵙⵍⴰⵡⴰⵏ ⴰⴽⴽⵯ ⵜⴰⵙⵏⵜⴰⵢⵜ ⵉⵥⵍⵉⵏ ⵙ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⵏ ⵍⴰⵟⵍⴰⵙⵉ ⴷ ⵜⴰⵙⵏⵜⴰⵢⵜ ⵜⴰⴳⵍⴷⴰⵏⵜ ⵏ ⵓⵙⴷⵓⵙ ⵏ ⵓⴽⵛⵛⵓⵎ ⵏ ⵜⵎⵉⵣⴰⵔ ⵏ ⵙⴰⵃⵉⵍ ⵙ   ⵍⴰⵟⵍⴰⵙⵉ  ⴷ ⵓⴱⵔⵉⴷ ⵏ ⵍⴳⴰⵣ ⴰⵟⵍⴰⵙⵉ ⵏⵉⵊⵉⵔⵢⴰ-ⵍⵎⵖⵔⵉⴱ.

ⵉⵍⵍⴰ ⴳ ⵓⵙⵏⵓⴱⴳ ⴰⴷ ⴷ ⵜⴰⵙⴳⴰ ⵏ ⵚⴱⴰⵏⵢⴰ ⵎⴰⵙⵙ  ⵅⵓⵙⵉ ⵎⴰⵏⵡⵉⵍ ⴰⵍⴱⴰⵕⵉⵙ ⴰⵎⴰⵙⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ  ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ  ⴷ ⵓⵎⵢⴰⵡⴰⵙ    ⴷ ⵎⴰⵙⵙⴰ ⵉⵎⴰ ⴱⴰⵔⵉⵜⵛⵉ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⴰⵡⴰⵙⵜ ⵏ ⴱⵕⵕⴰ ⴳ ⵜⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴷ ⵜⵙⴳⴰ ⵜⴰⵎⵖⵔⵉⴱⵉⵜ ⵉⵍⵍⴰ ⵎⴰⵙⵙ ⴼⵓⵡⴰⴷ ⵄⴰⵍⵉ ⵍⵀⵉⵎⵎⴰ ⴰⵎⵛⵉⵡⵔ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵎⴰⵙⵙ  ⵏⴰⵚⵕ ⴱⵓⵕⵉⵟⴰ ⴰⵎⴰⵡⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ

ⵉⴽⴰⵜⵜⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⵉⵣⵣⵔⵉ ⵜⴰⵃⵉⵢⵢⴰ ⵏ ⵜⵉⴹⴰⴼ ⵜⴰⴳⵍⴷⴰⵏⵜ ⴷⴰⵜ ⴰⴷ ⵜⵜⵢⴰⵡⴼⴽⴰ ⵜⵉⵢⵏⵉ ⴷ ⵓⴽⴼⴰⵢ ⵍⵍⵉ ⵉⴽⵛⵎⵏ ⴳ ⵜⴰⵇⴰⵍⵉⵜ ⵜⵉⵎⵖⵔⵉⴱⵉⵢⵉⵏ ⵜⵉⵇⴱⵓⵔⵉⵏ.