ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ "ⴰⴽⵓⵕ"
ⵉⵙⵏⵓⴱⴳ, ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⴽⵡⴰⵙ 11 ⵢⵓⵍⵓⵣ 2024 ⵎⴰⵙⵙ ⵙⵉⴱⴰⵙⵜⴰⵢⵏ ⴱⴰⵣⵉⵏ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ ⴰⴽⵓⵕ ⵉⵙ ⵡⵓⵔⵉ ⴳ ⵉⴳⵔ ⵏ ⵓⵙⵣⴷⵖ ⵏ ⵜⵎⴰⵍⵍⴰⵢⵜ, ⵜⵃⴰⴹⵕ ⴷⵉⴷⵙⵏ ⵎⴰⵙⵙⴰ ⴼⴰⵜⵉⵎⴰ ⵣⵣⴰⵀⵕⴰ ⵄⵎⵎⵓⵔ ⵜⴰⵎⴰⵡⴰⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⵎⵓⵏⵜ ⴷ ⵜⵡⵉⵣⵉ.
ⵉⴳⴰ ⵓⴳⵔⴰⵡ ⵢⴰⵜ ⵜⵉⵣⵉ ⵍⵍⵉⵖ ⵎⴹⴰⴽⴰⵕⵏ ⵅⴼ ⵜⵡⵓⵔⵉⵡⵉⵏ ⵏ ⵓⵙⵙⴰⵔⵓ ⴷ ⵓⵙⴷⵓⵙ ⵏ ⵜⴰⵔⴰⴱⴱⵓⵜ ⵏ ⴰⴽⵓⵕ ⴳ ⵍⵎⵖⵔⵉⴱ ⵖⵎⴽⵍⵍⵉ ⴷ ⵉⴷⴷⴰⵏ ⴳ ⵉⵡⵓⵜⵜⴰⵙⵏ ⵏ ⵜⵖⵔⴰⵙⵜ ⵏ ⵜⵎⴰⵍⵍⴰⵢⵜ 2023-2026 ⵍⵍⵉ ⵎⵓ ⵉⴳ ⴰⵡⴰⵡⵜⵜⴰⵙ ⵏⵏⵙ ⴰⴷ ⵜⵣⴰⵢⴷ ⴳ ⵜⵥⴹⵉⵔⵜ ⵏ ⵓⵙⵣⴷⴳⵖ ⵏ ⵉⵙⵏⵙⴰⵏ ⴳ ⵓⵙⵙⵓⵊⴷ ⵏ ⵎⵓⵏⴹⵢⴰⵍ ⵍⵍⵉ ⵔⴰⴷ ⵜⵙⵏⵎⴰⵍⴰ ⵜⴰⵎⴰⵣⵉⵔⵜ ⵏⵏⵖ ⴳ 2030. ⴳ ⵎⵏⵉⴷ ⴰⴷ ⵏⵉⵜ, ⵢⵉⵡⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵔⴰⴷ ⵢⴰⵡⵙ ⵓⵎⵓⵙⵙⵓ ⴳ ⵓⵖⵓⴷⵓ ⴷ ⵓⵙⵏⴼⵍ ⴰⵙⵓⵍⴰⵏ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⴳ ⵜⴰⵎⴰⵣⵉⵔⵜ ⵏⵏⵖ.
ⴳ ⵓⴳⵔⴰⵡ ⴰⴷ ⵏⵉⵜ, ⴱⵉⴷⵏ ⵅⴼ ⵜⵎⴳⴳⵉⵢⵉⵏ ⵍⵍⵉ ⴷ ⵜⵃⵢⵉⵍ ⵜⴰⵎⴰⵣⵉⵔⵜ ⵏⵏⵖ ⵃⵎⴰ ⴰⴷ ⵜⴰⵡⵙ ⵉ ⵢⵉⴳⵔ ⵏ ⵜⵎⴰⵍⵍⴰⵢⵜ, ⵙⵍⴰⵡⴰⵏⵏ ⴰⴽⴽⵯ ⴰⵢⵍⵍⵉ ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵖⴰⵔⴰⵙⵜ ⵏ ⵜⵎⴰⵍⵍⴰⵢⵜ ⵍⵍⵉ ⵎⵓ ⴷ ⵜⴱⴰⵢⴰⵏ ⵜⵢⴰⴼⵓⵜ ⵏⵏⵙ ⵍⵍⵉ ⵉⵍⴽⵎ ⵍⵎⵖⵔⵉⴱ ⵓⵟⵟⵓⵏ ⵏ 14.5 ⵎⵍⵢⵓⵏ ⵏ ⵓⵎⴰⵍⵍⴰⵢ ⴳ ⵓⵙⴳⴳⵯⴰⵙ ⵏ 2023, ⵖⵉⴽⵍⵍⵉ ⵉⵣⵎⵎⵉⵎ ⴳ ⵓⴳⵣⵣⵓⵎ ⴰⵎⵣⵡⴰⵔⵓ ⵏ 2024 ⵓⵙⵏⵓⴱⴳ ⵏ 7.4 ⵎⵍⵢⵓⵏ ⵏ ⵓⵎⴰⵍⵍⴰⵢ ⵙ ⵢⴰⵏ ⵓⵙⵢⴰⴼⴰ ⵏ 909.000 ⵏ ⵓⵎⵍⵍⴰⵢ ⵉⵖ ⵜ ⵏⵎⵙⴰⵙⴰ ⴷ ⵣⵓⵏⴷ ⵜⵉⵣⵉ ⴰⴷ ⵏ ⵓⵙⴳⴳⵯⴰⵙ ⵉⵣⵔⵉⵏ. ⴰⵔ ⴰⵖ ⵜⵎⵎⴰⵍⴰ ⵜⴷⵉⵎⴰⵏⵉⵜ ⴰⴷ ⵎⴰ ⵙ ⴷ ⵜⴰⵡⵓⵔⵉ ⵏ ⵓⵎⵙⴰⵙⴰ ⵉⵙⵓⴷⴰⵏ ⴳ ⵉⵙⵓⴳⴰⵎ ⵏ ⵜⵓⵚⴽⴰ ⵏ ⵓⵙⵙⵏⵙ ⴰⵏⵎⴰⵍⵍⴰⵢ, ⵍⵍⵉⵖ ⵉⵍⵍⴰ ⵓⵏⵓⵕⵥⵎ ⵏ 135 ⵏ ⵉⵙⵏⵙⴰⵏ ⵉⵎⴰⵢⵏⵓⵜⵏ ⴳ ⵓⵙⴳⴳⵯⴰⵙ 2023 ⵉⴱⴹⴰⵏ ⵅⴼ ⵜⵙⴳⴳⵉⵡⵉⵏ ⴰⴽⴽⵯ ⵏ ⵜⵎⴰⵣⵉⵔⵜ ⵙ ⵢⴰⵜ ⵜⵖⴰⵔⴰⵙⵜ ⵜⴰⵙⵜⵕⴰⵜⵉⵊⵉⵜ.
ⴳ ⵎⵏⵉⴷ ⵏⵏⵙ, ⵢⵉⵡⵉ ⴷ ⵎⴰⵙⵙ ⵙⵉⴱⴰⵙⵜⴰⵢⵏ ⴱⴰⵣⵉⵏ ⵅⴼ ⵜⵎⵢⵉⵎⴰⵏⵜ ⵍⵍⵉ ⵜⴳⴰ ⵜⵔⴰⴱⴱⵓⵜ ⵏ ⴰⴽⵓⵕ ⴳ ⵜⵥⴹⵉⵕⵉⵏ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵜⵎⴰⵍⵍⴰⵢⵜ. ⵖⵉⴽⵍⵍⵉ ⵉⵏⵏⴰ ⵜⵔⴰ ⵜⵔⴰⴱⴱⵓⵜ ⴰⴷ ⵜⵙⴷⵓⵙ ⵜⵙⵙⵉⴳⵓⵜ ⴳ ⵉⵙⵙⴰⵔⵓⵜⵏ ⵏⵏⵙ ⴳ ⵜⴳⵍⴷⵉⵜ, ⴰⵢⵍⵍⵉ ⵉⵎⵎⴰⵍⴰⵏ ⵎⴰ ⵜⵔⴰ ⴰⴷ ⵜⴰⵡⵙ ⴳ ⵓⵙⵎⵓⵜⵜⴳ ⵏ ⵜⵎⴰⵍⵍⴰⵢⵜ ⵢⴰⵓⵜⵜⵓⵢⵏ ⵉⵍⵍⴰⵏ ⴳ ⵍⵎⵖⵔⵉⴱ ⴷ ⴰⴷ ⵜⴰⵡⵙ ⴳ ⵓⵙⵙⵓⵊⴷ ⵏ ⵓⵙⵏⵓⴱⴳ ⵏ ⵏ ⵉⵎⵓⵙⵙⵓⵜⵏ ⵢⴰⴰⵜⵜⵓⵢⵏ ⴷ ⵉⴷⴷⴰⵏ.
ⵃⵎⴰ ⴰⴷ ⵏⴰⵡⴹ ⴰⵡⵜⵜⴰⵙ ⴰⴷ, ⵜⴳⴰ ⵜⵔⴰⴱⴱⵓⵜ ⵏ ⴰⴽⵓⵕ ⴰⵖⴰⵡⴰⵙ ⵏ ⵜⵙⵜⵕⴰⵜⵉⵊⵉⵜ ⵍⵍⵉⵖ ⵔⴰⴷ ⵜⵙⴽⵛⵉⵎ ⵜⵉⵎⴰⵜⴰⵔⵉⵏ ⵜⵉⵎⴰⵢⵏⵓⵜⵏ ⵉⵙⵏⴼⵍⵏ ⵙ ⵓⴳⴰⴷⴰⵣ ⴰⵎⵖⵔⵉⴱⵉ, ⴷ ⵓⵙⴷⵓⵙ ⵏ ⵜⵎⴰⵜⴰⵔⵉⵏ ⵏ ⵜⵙⴱⴱⴰⴱⵜ ⵏ ⵖⵉⵍⴰ.
ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⴷ ⴰⴳⵔⴰⵡ ⵉⴷⴷⴰ ⴷ ⴳ ⵜⵡⵓⵔⵉ ⵍⵍⵉ ⵜⴳⴳⴰ ⵜⵏⴱⴰⴹⵜ ⵃⵎⴰ ⴰⴷ ⵜⵙⵖⵓⴷⵓ ⵜⵎⴰⵍⵍⴰⵢⵜ ⵜⴰⵎⵖⵔⵉⴱⵉⵜ, ⵖⵉⴽⵍⵍⵉ ⵉⵎⵎⴰⵍⴰ ⵜⵉⵔⵉⵜ ⵏⵏⵙ ⴰⴼⴰⴷ ⴰⴷ ⵜⵙⴷⵓⵙ ⵉⵎⴰⵢⴰⵡⴰⵙⵏ ⴷ ⵜⵔⵓⴱⴱⴰ ⵜⵉⴳⵔⴰⵖⵍⴰⵏⵉⵏ, ⵍⵍⵉ ⵉⵔⴰⵏ ⴰⴷ ⴳⵉⵏⵜ ⵉⵙⵙⴰⵔⵓⵜⵏ ⴳ ⵓⵙⴱⵓⵖⵍⵓ ⵏ ⵜⵎⴰⵍⵍⴰⵢⵜ ⵜⴰⵎⵖⵔⵉⴱⵉⵜ.
ⵢⵉⵡⵙ ⴳ ⵓⴳⵔⴰⴷ ⴰⴷ ⵎⴰⵙⵙ ⵓⵍⵉⴱⵢⵉ ⴳⴰⵕⵏⵉ ⴰⵏⵎⵀⴰⵍ ⴰⵎⴰⵜⴰⵢ ⴷ ⵓⵏⵙⵙⵉⵅⴼ « Kasada Capital Management » ⴷ ⵃⴰⵎⵉⴷ ⴱⵏⵟⵟⴰⵀⵕ, ⴰⵏⵙⵙⵉⵅⴼ ⵏ ⴰⴽⵓⵕ ⴳ ⵍⵎⵖⵔⵉⴱ ⴷ ⴽⴰⵎⴰⵍ ⵖⴰⵣⴰⵍ, ⴰⵏⴼⵍⵓⵙ ⴰⵎⴰⵜⴰⵢ ⴷ ⵓⵏⵎⵀⴰⵍ ⴰⵣⵔⴼⴰⵏ ⵏ ⴰⴽⵓⵕ.
