ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 12 ⵛⵓⵜⴰⵏⴱⵉⵔ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 08 ⵕⴰⴱⵉⵄ ⴰⵎⵣⵡⴰⵔⵓ1446 ⵉⵎⵙⴰⵙⴰⵏ ⴰⴽⴷ 12 ⵛⵓⵜⴰⵏⴱⵉⵔ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵙⵎⵏⵉⴷ ⵢⴰⵏ ⵓⴼⵙⴰⵔ ⴰⵣⵓⵏⴰⵏ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⵕⵙⵓⵎ ⵓⵟⵟⵓⵏ 2.24.728 ⵉⵙⵖⵓⴷⴰⵏ ⴰⵙⵍⴳⵏ 17.04 ⵉⴳⴰⵏ ⴰⵙⵍⴳⵏ ⵏ ⵉⵙⴰⴼⴰⵔⵏ ⴷ ⵜⴰⵙⴰⵙⴼⵔⵜ, ⵉⵃⵢⵉⵍ ⵜ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⴰⵙⴰⵙ ⵏ ⵜⴷⵓⵙⵉ ⴷ ⵡⵔⴰⵢ ⴰⵏⴰⵎⵓⵏ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵉⵙⵖⵥⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵎⵕⵙⵓⵎ ⵓⵟⵟⵓⵏ 2.24..729 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵜⵉⴽⴽⵉ ⵏ ⵓⵙⵍⴽⵉⵏ ⵏ ⵓⵙⵖⵜⵙ ⴰⵎⴰⴷⴷⵓⴷ ⵙ ⵜⵖⴰⵎⵜ ⵏ ⵓⵙⴳⴷⵣ, ⵉⵃⵢⵉⵍ ⵜ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⴰⵙⴰⵙ ⵏ ⵜⴷⵓⵙⵉ ⴷ ⵡⵔⴰⵢ ⴰⵏⴰⵎⵓⵏ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵔⵉ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.657 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.10.337 ⵍⵍⵉ ⵉⴼⴼⵖⵏ ⴳ 16 ⴳ ⵊⵓⵎⴷⴰ ⴰⵎⵣⵡⴰⵔⵓ 1432 ⵉⵎⵙⴰⵙⴰⵏ ⴷ 20 ⵉⴱⵔⵉⵔ 2011 ⵉⵥⵍⵉⵏ ⵙ ⵓⵙⴽⴰⵔ ⵏ ⵓⴷⵖⴰⵔ ⵉⵍⴻⵍⵍⵉ ⵏ ⵓⵚⴰⴼⵓⴹ ‘ⵟⴰⵏⵊⴰ ⵓⵟⵓ ⵎⵓⵜⵉⴼ ⵙⵉⵜⵉ’, ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⵉⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵏⵎⴰⴳⴰⵔ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵓⴷⵖⴰⵔ ⵏ ⵕⵢⴰⴹ ⵎⵣⵓⵔ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.153 ⵉⵙⵡⵓⴷⴷⵓⵏ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ 47.09 ⵉⵥⵍⵉⵏ ⵙ ⵜⵉⵕⵡⵉ ⵜⴰⵥⴹⴰⵕⴰⵏⵜ ⵖⵓⵔ ⵜⵉⵎⵙⵙⵏⵜⴰⵢ ⵏ ⵜⵏⵓⴼⴰ ⵜⵉⵥⴹⴰⵕⴰⵏⵉⵏ, ⵍⵍⵉⵖ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⴰⵏ, ⵜⵃⵢⵉⵍ ⵜ ⵉⴷ ⴰⵡⴷ ⵏⵜⵜⴰ ⵎⴰⵙⵙⴰ ⵍⴰⵢⵍⴰ ⴱⵏⵄⴰⵍⵉ ⵜⴰⵎⴰⵡⴰⵙⵜ ⵏ ⵓⵎⵎⵓⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.761 ⵉⵥⵍⵉⵏ ⵙ ⵓⵙⵍⴽⵉⵏ ⴰⴽⵏⵉⵡ ⵏ ⵓⵥⴰⵕⵓⵕ ⵣⵖ ⵉⵙⵓⴳⴰⵎ ⵏ ⵜⵉⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ, ⵍⵍⵉⵖ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⴰⵏ, ⵜⵃⵢⵉⵍ ⵜ ⵉⴷ ⴰⵡⴷ ⵏⵜⵜⴰ ⵎⴰⵙⵙⴰ ⵍⴰⵢⵍⴰ ⴱⵏⵄⴰⵍⵉ ⵜⴰⵎⴰⵡⴰⵙⵜ ⵏ ⵓⵎⵎⵓⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵔ ⵓⵙⵇⵇⵉⵎ ⵏ ⵜⴱⴰⴹⵜ ⵉⵙⵖⵥⵏ ⴰⵎⵕⵙⵓⵎ ⵓⵟⵟⵓⵏ 2.24.804 ⵉⵙⵡⵓⴷⴷⵓⵏ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ 82.21 ⵉⵥⵍⵉⵏ ⵜⵙⵢⴰⴼⵓⵜ ⵜⴰⵏⵉⵎⴰⵏⵜ ⵏ ⵜⵥⴹⵉⵕⵜ ⵏ ⵜⵜⵔⵉⵙⵉⵏⵜⵉ ⵖ ⵎⴰ ⵉⵥⵍⵉⵏ ⵙ ⵓⵎⵙⵙⵉⴹⵏ ⵓⵎⵖⵉⵙ, ⵜⵃⵢⵉⵍ ⵜ ⵉⴷ ⴰⵡⴷ ⵏⵜⵜⴰ ⵎⴰⵙⵙⴰ ⵍⴰⵢⵍⴰ ⴱⵏⵄⴰⵍⵉ ⵜⴰⵎⴰⵡⴰⵙⵜ ⵏ ⵓⵎⵎⵓⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵉⴷⵔⵉⵙ ⴱⵏⵛⵛⵉⵅ, ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵓⵙⵏⴼⵍ ⵏ ⵓⴷⵔⵉⵎ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵅⴰⵍⵉⵍ ⴰⵎⵖⵔⴼⴰⵡⵉ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵊⴷⵉⴷⴰ ;
- ⵎⴰⵙⵙ ⵅⴰⵍⵉⵍ ⵣⵣⵉⵏⴱⵉ, ⴰⵏⵎⵀⴰⵍ ⵏ ⵜⵏⵎⵍ ⵜⴰⵏⴰⴼⵍⵍⴰⵜ ⵏ ⵜⴰⵜⵉⴽⵏⵓⵍⵓⵊⵉⵜ ⴳ ⵇⵇⵍⵄⴰⵜ ⵙⵙⵕⴰⵖⵏⴰ.
