ⵉⵙⵙⴳⵎⴹ ⴱⴰⴱ ⵏ ⵡⴰⴷⴷⵓⵔ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⴳ ⵕⵕⴱⴰⵟ ⵜⴰⵖⵓⵔⵉ ⵉⵥⵍⵉⵏ ⵙ ⵜⴰⵎⴷⵔⴰⵡⵜ ⵉⵥⵍⵉⵏ ⵉⴷⵓⵙⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ

ⵕⵕⴱⴰⵟ - ⵉⵙⵙⴳⵎⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⵜ ⵉⵏⵚⵕ ⵕⴱⴱⵉ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⴷ ⵓⵏⵙⵙⵉⵅⴼ ⵏ ⴼⵕⴰⵏⵚⴰ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ ⴳ ⵓⵙⴱⵔⵙⵉⵔⴰ ⴰⴳⵍⴷⴰⵏ ⴳ ⵕⵕⴱⴰⵟ ⴰⵙⵙ ⵏ ⵓⵏⵢⴰⵙ ⵜⴰⵖⵓⵔⵉ ⵉⵥⵍⵉⵏ ⵙ ⵜⴰⵎⴷⵔⴰⵡⵜ ⵉⵥⵍⵉⵏ ⵉⴷⵓⵙⵏ ⴳⵔ ⵜⵉⴳⵍⴷⵉⵜ ⵍⵎⵖⵔⵉⴱ ⴷ ⵜⴰⴳⴷⵓⴷⴰⵏⵜ ⵏ ⴼⵕⴰⵏⵚⴰ

ⵖⵉⴷ ⵉⵡⴰⵍⵉⵡⵏ ⵏ ⵜⴰⵖⵓⵔⵉ ⵢⴰⴷ:
1- ⵉⵖⵜⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵏⵙⵙⵉⵅⴼ ⵏ ⴼⵕⴰⵏⵚⴰ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ ⵙ ⵓⵣⵎⵣⵣⵓ ⵏ ⵓⵔⵣⴰⴼ ⵏⵡⴰⵏⴽ ⵉ ⵍⵎⵖⵔⵉⴱ ⵓⵙⵙⴰⵏ 28 ⴰⵔ 30 ⴽⵟⵓⴱⵕ 2024 ⴰⴷ ⴰⵔⴰⵏ ⵢⴰⵏ ⵍⴼⴰⵚⵍ ⴰⵎⴰⵢⵏⵓ ⴳ ⵓⵎⵣⵔⵓⵢ, ⴰⵇⴱⵓⵔ ⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ.

2 - ⵎⵍⴰⵏ ⵉⵏⵙⵙⵉⵅⴼ ⵏ ⵡⴰⵏⴽ ⵙⵉⵏ ⵜⵉⵔⴰⵜ ⵏⵏⵙⵏ ⵉⵛⵛⴰⵔⵏ ⴰⴷ ⵜⵙⴷⵓⵙ ⵜⴰⵎⴷⵔⴰⵡⵜ ⴰⴷ ⴳ

-ⴰⵙⴷⵓⵙ ⵉ ⵉⵎⵢⴰⵙⵙⴰⵏ ⴳⵔ ⵜⵉⵎⵉⵣⴰⵔ ⵙⵏⴰⵜ ⴷⴰⵔ ⴰⵎⵣⵔⵓⵢ ⴰⵇⴱⵓⵔ ⴼ ⵉⴳⵔⴰⵏ ⵉⵏⴼⴳⴰⵏⵏ ⴷ ⵉⴷⵍⵙⴰⵏⵏ ⵥⵍⵉⵏ ⴷ ⵜⵉⴷⴷⵓⴽⵍⴰ ⴷ ⵓⵎⵢⴰⵡⴰⵙ ⵉⵙⴳⴳⴰⵙⵏ ⴰⵢⴰⴷ.

-ⵜⵉⵔⴰⵜ ⵏⵏⵙⵏ ⵏ ⵜⵓⵙⴽⴰ ⵏ ⵢⴰⵜ ⵎⴷⵔⴰⵡⵜ ⴳ ⵉⴳⵔⴰⵏ ⵉⵙⵜⵔⴰⵜⵉⵊⵉⵢⵏ ⵉ ⵜⵉⵎⵉⵣⴰⵔ ⵙⵏⴰⵜ

- ⵔⵔⵊⴰ ⵏⵏⵙⵏ ⴰⴷ ⴼⴽ, ⵉ ⵉⵎⵢⴰⵙⵙⴰⵏ ⴳⵔ ⵍⵎⵖⵔⵉⴱ ⴷ ⴼⵕⴰⵏⵚⴰ ⵢⴰⵏ ⵓⵙⴰⵜⵉ ⴰⵙⵜⵔⴰⵜⵉⵊⵉ ⵏ ⵍⵀⵏⴰ ⴷ ⵉⵖⵓⴷⴰⵏ

- ⵜⵉⵔⴰⵜ ⵏⵏⵙⵏ ⴰⴷ ⵙⵡⵓⵔⵉⵏ ⵣⵓⵏⴷ ⵉⵎⴷⴰⵔⵡⵏ ⵉⵙⵜⵔⴰⵜⵉⵊⵉⵢ, ⴳ ⴰⴽⴽⵯ ⵉⴳⵔⴰⵏ ⵙⵍⴰⵡⴰⵏ ⴰⴽⴽⵯ ⵡⵉⵏ ⵜⴰⵙⵔⵜⵉⵜ ⴷ ⵜⴰⴷⴰⵎⵙⴰ ⴷ ⵉⵙⵏⴼⴰⵍⵏ ⵉⵏⴼⴳⴰⵏⵏ

-ⵜⵓⵙⵙⵏⴰ ⵏⵏⴰⵙ ⵙ ⵡⴰⴷⴷⵓⵔ ⵏ ⵜⵉⴳⵔⴰⵡⵉⵏ ⵏ ⵡⴰⴽⴰⵍ ⴷ ⵜⵉⵎⵔⵙⴰⵍ ⵏ ⵓⵙⵎⴷⵢⴰ ⴷ ⵉⵎⵙⴽⴰⵔⵏ ⵉⴷⴰⵎⵙⴰⵏⵏ ⴷ ⵡⵉⵏ ⵜⵉⵎⵙⵎⵓⵏⵉⵏ ⴷ ⵉⵎⵖⵔⵉⴱⵉⵢⵏ ⵏ ⴼⵕⴰⵏⵚⴰ ⴷ ⵉⴼⵕⴰⵏⵚⴰⵡⵉⵢⵏ ⵏ ⵍⵎⵖⵔⵉⴱ ⴷ ⵜⵉⵔⴰⵜ ⵏⵏⵙⵏ ⴰⴷ ⵙⴷⵓⵙⵏ ⵉ ⵜⵎⴷⵔⴰⵡⵜ ⴰⴷ.

3-ⵙⴷⴷⵉⴷⵏ ⵉⵏⵙⵙⵉⵅⴼ ⵜⵉⴽⵍⵉⵜ ⵢⴰⴹⵏ ⵅⴼ ⵜⴰⵡⵓⵔⵉ ⵉⵛⵛⴰⵔⵏ ⵏ ⵜⵉⵎⵉⵣⴰⵔ ⵙⵏⴰⵜ ⴳ ⵉⵙⵡⵉⵔⵏ ⴳⵔ ⵜⵉⵎⵉⵣⴰⵔ ⵙⵏⴰⵜ ⴷ ⵉⴳⵔⴰⵖⵍⴰⵏⵏ ⵍⵍⵉ ⵉⴱⵏⴰⵏ ⵅⴼ ⵉⵎⵢⴰⵙⵙⴰⵏ ⵡⴰⵏⴽ ⵎⵏⵉⴷ ⵡⴰⵏⴽ ⴷ ⵜⴳⴰⴷⴷⴰ ⴷ ⵓⵔ ⴰⴽⵛⵛⵓⵎ ⴳ ⵜⵉⵖⴰⵡⵙⵉⵡⵉⵏ ⵏ ⵓⴳⵏⵙ ⴷ ⵉⵙⵜⴰⵢⵏ ⵏ ⵜⵙⵔⵜⵉⵜ ⵏ ⴱⵕⵕⴰ ⴷ ⵍⵉⵃⵜⵉⵔⴰⵎ ⵏⵍⵉⵍⵜⵉⵣⴰⵎⴰⵜ ⴷ ⵜⵉⵇⴰ ⴷ ⵜⴱⴷⴷⴰⴷⵜ ⴷ ⵜⴰⵎⵙⵙⵓⴳⵔⵜ ⴳⵔⴰⵜⵙⵏ.

4 -ⵙⴰⵡⵍⵏ ⵓⵍⴰ ⵅⴼ ⴰⴷ ⵜⴳ ⵜⵎⴷⵔⴰⵡⵜ ⴰⴷ ⵉⵥⵍⵉⵏ ⵉⴷⵓⵙⵏ ⴰⴱⵔⵉⴷ ⵏ ⴽⵕⴰⴹ ⵉⵡⵜⵜⵙ

-ⴰⵙⴷⵓⵙ ⵏ ⵓⵎⵙⴰⵙⴰ ⴰⵙⵔⵜⴰⵏ ⴷ ⴰⵙ ⴷ ⵓⵙⵜⵔⴰⵜⵉⵊⵉ ⴳⵔ ⵍⵎⵖⵔⵉⴱ ⴷ ⴼⵕⴰⵏⵙⴰ

- ⵜⴰⵎⴰⵜⴰⵔⵜ ⵏ ⵜⴰⵎⴷⵔⴰⵡⵜ ⴰⴼⴰⴷ ⵜⵉⴳⵎⵉ ⵜⴰⴷⴰⵎⵙⴰⵏⵜ ⴷ ⵓⵎⵙⴰⵙⴰ ⴰⵏⴰⵎⵓⵏ

-ⴰⴹⴼⵕ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵉⵎⵢⴰⵙⵙⴰⵏ ⵉⵏⴼⴳⴰⵏⵏ ⴷ ⵓⵙⵙⴰⵔⵓ ⴰⵏⴼⴳⴰⵏ ⴷ ⵜⴰⴷⵍⵙⴰ ⵉⴷⵔⴰⵏ ⴳ ⵍⴼⵔⴰⵏⴽⵓⴼⵓⵏⵉ ⴷ ⵉⵜⵉⴳⵏ ⵏ ⵓⵕⵥⵥⵓⵎ

5- ⵙⵜⵉⵏ ⵙⵍⴰⵡⴰⵏ ⴰⴽⴽⵯ ⵉⴳⵔⴰⵏ ⵉⵙⵜⵔⴰⵜⵉⵊⵉⵏ ⵜⵏⴼⵔⵓⵜ ⵏ ⵜⴷⵓⵙⵉ ⴷ ⵜⴰⵢⴼⵓⵜ ⵏ ⵉⴳⵣⵣⴰⵢⵏ ⴷ ⵡⴰⵎⴰⵏ ⴷ ⵓⵙⵡⵓⴷⴷⵓ ⵏ ⵉⵙⴰⴳⵎⵏ ⵏ ⵡⴰⵎⴰⵏ ⴷ ⵜⴰⴼⵍⵍⴰⵃⵜ ⴷ ⵜⴰⴳⴰⵏⵉⵏ ⴷ ⵓⵙⴷⵓⵙⵏ ⵏ ⵉⴱⵔⵉⴷⵏ ⴷ ⵡⵉⵏ ⵍⵎⵛⵉⵏⴰ ⴷ ⴰⵢⵍⴰⵏ

.ⵙⵙⴼⵓⵍⴽⵉⵏ ⵉⵏⵙⵙⵉⵅⴼ ⵓⵍⴰ ⴰⵎⵢⴰⵡⴰⵙ ⴳ ⵉⴳⵔ ⵏ ⵓⵎⵣⴰⵡⴰⴳ ⴷ ⵓⵙⴱⴷⴷ ⵏ ⵓⵣⵡⴰⴳ ⵓⵔ ⵉⴳⵉⵏ ⴰⵣⵔⴼⴰⵏ .

ⵉⵙⵙⴼⵓⵍⴽⵉ ⵓⵏⵙⵙⵉⵅⴼ ⵏ ⴼⵕⴰⵏⵙⴰ ⵜⵉⵡⵓⵔⵉⵡⵉⵏ ⵉⵖⵓⴷⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴼⴰⴷ ⵍⵉⵙⵜⵇⵔⴰⵔ ⴷ ⵜⵉⴳⵎⵉ ⴳ ⵉⴼⵔⵉⵇⵢⴰ ⴷ ⵜⵉⵙⵏⵜⴰⵢⵉⵏ ⵜⵉⴳⵍⴷⴰⵏⵉⵏ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ .

ⵉⴹⵕ ⴱⴰⴱ ⵏ ⵡⴰⴷⴷⵓⵔ ⵜⵓⴳⴳⴰⵙ ⵏ ⴼⵕⴰⵏⴷⴰ ⴰⴼⴰ ⴰⵙⵎⵢⵏⵓ ⵏ ⵜⴰⵎⴷⵔⴰⵡⵜ ⴳⵔ ⴼⵕⴰⵏ ⵚⴰ ⴷ ⴷ ⵓⵕⵓⴱⴱⴰ ⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ ⴰⴼⴰⴷ ⴰⴷ ⵎⵙⴰⵙⴰⵏ ⴷ ⵜⴰⵙⵙⴰⵙⵉⵏ ⵏ ⵜⴰⵙⵓⵜ ⵏ 21 .

 6 -ⵎⵙⴰⵙⵏ ⵉⵏⵙⵙⵉⵅⴼ ⵙⵉⵏ ⵅⴼ ⴰⴷ ⴹⴼⵕⵏ ⵜⴰⵎⴷⵔⵡⴰⵜ ⵥⵍⵉⵏ ⵉⴷⵓⵙⵏ .

7 – ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴰⴳⴷⵓⴷⵏⵜ ⵓⵍⴰ ⵜⵉⴽⵍⵉⵜ ⴰⵢⴹⵏ ⴰⴷ ⵉⵙⴷⵓⴷ ⵉ ⵜⵓⴳⴳⴰⵙ ⵏ ⵍⵎⵖⵔⵉⴱ ⴰⴼⴰⴷ ⵜⵉⴳⵎⵉ ⵜⴰⴷⴰⵎⵙⴰⵏⵜ ⵜⴰⵏⴰⵎⵓⵏⵜ ⵏ ⵜⴰⵙⴳⴰ ⵉ ⵉⵎⵣⴷⴰⵖⵏ ⵓⵖⵔⵉⵎⵏ.

ⴳ ⵜⵉⴳⵉⵔⴰ ⵏ ⵜⴰⴼⵓⴳⵍⴰ ⵢⴰⴷ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵢⴰⵜ ⵍⵀⴰⴷⵉⵢⵢⴰ ⵉ ⵢⵉⵏⴱⴳⵉ ⵏⵏⵙ ⴰⵎⵇⵇⵔⴰⵏ