ⴷⴼⴼⵉⵔ ⵏ ⵓⵎⵙⴳⴷⴰⵍ ⵏⵏⵙ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵡⵉⵏ ⵉⵎⵛⵛⴰⵡⵕⵏ... ⵜⴰⵎⵚⵕⵉⵢⵜ ⵜⴰⵎⵣⵡⴰⵔⵓⵜ ⵜⵙⵖⵣⵏ ⴰⵖⴰⵡⴰⵙ ⵓⵏⴱⵉⴹ ⵜⵡⵛ ⴰⵙ ⵜⴰⵎⵢⵉⵎⴰⵏⵜ ⵉ ⵜⵏⴱⴰⴹⵜ
| Question : |
ⴷⴼⴼⵉⵔ ⵏ ⵓⵎⵙⴳⴷⴰⵍ ⵏⵏⵙ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵡⵉⵏ ⵉⵎⵛⵛⴰⵡⵕⵏ... ⵜⴰⵎⵚⵕⵉⵢⵜ ⵜⴰⵎⵣⵡⴰⵔⵓⵜ ⵜⵙⵖⵣⵏ ⴰⵖⴰⵡⴰⵙ ⵓⵏⴱⵉⴹ ⵜⵡⵛ ⴰⵙ ⵜⴰⵎⵢⵉⵎⴰⵏⵜ ⵉ ⵜⵏⴱⴰⴹⵜ
|
|---|---|
| Session date : | |
| Session : |
ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴹⵍⵍⵉ ⵏ ⵓⴽⵕⴰⵙ ⴳ ⵜⵇⵉⵎⵉⵜ ⵜⴰⴳⴷⵓⴷⴰⵏⵜⵏ ⵙ ⵜⵓⴳⵜ, ⵅⴼ ⵓⵖⴰⵡⴰⵙ ⵓⵏⵏⴱⵉⴹ ⵏⵏⴰ ⵉⵡⵛⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵎⵏⵉⴷ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵏ ⴰⵢⴰ ⵉⵎⵙⴰⵙⴰ ⴰⴽⴷ ⵓⵢⵏⵏⴰ ⵉⵍⵍⴰⵏ ⴳ ⵡⴰⵏⵏⴰⵣ ⵡⵉⵙⵙ 88 ⴳ ⵓⴷⵓⵙⵜⵓⵔ.
ⴰⵖⴰⵡⴰⵙ ⴰⴷ ⵓⵏⴱⵉⴹ ⵢⵉⵡⵉ ⵜⴰⵎⵢⵉⵎⴰⵏⵜ ⵏ 213 ⵏ ⵓⵎⴰⵔⵉ ⴷ ⵜⵓⵣⵍⵜ ⵏ 64 ⵏ ⵓⵎⴰⵔⵉ, ⵎⴽⵉⵏⵏⴰ ⵢⵓⴳⵉ ⵢⴰⵏ ⵓⵎⴰⵔⵉ ⵅⴼ ⴰⴷ ⵉⵡⵛ ⴰⵡⴰⵍ ⵏⵏⵙ. ⵙ ⵎⴰⵏ ⴰⵢⴰ ⴰⵙ ⵉⴼⴽⴰ ⵓⵙⵇⵇⵉⵎ ⵜⴰⵎⵢⵉⵎⴰⵏⵜ ⵏⵏⵙ ⵉ ⵜⵏⴱⴰⴹⵜ ⵜⴰⵎⴰⵢⵏⵓⵜ ⵅⴼ ⵓⵢⵏⵏⴰ ⴷ ⵢⵓⵛⴽⴰⵏ ⴳ ⵓⴷⵓⵙⵜⵓⵔ ⴳ ⵡⴰⵏⵏⴰⵣ ⵏⵏⵙ ⵡⵉⵙⵙ 88 ⵏⵏⴰ ⴷ ⴳⵉⵙ ⴷ ⵢⵓⵛⴽⴰⵏ “ⴷⴰ ⵜⴱⴷⴷⴰ ⵜⵏⴱⴰⴹⵜ ⴰⴷⴷⴰⵢ ⵟⴰⵎⵥ ⵜⴰⵎⵢⵉⵎⴰⵏⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏⵏⴰ ⵉⵜⵜⵉⵍⵉⵏ ⵙ ⵓⵙⵜⴰⵢ ⵏ ⵜⵓⴳⴳⵜ ⵏ ⵉⴳⵎⴰⵏⵏ ⵏⵏⴰ ⴳⵉⵙ ⵉⵍⵍⴰⵏ, ⵉ ⵓⵖⴰⵡⴰⵙ ⵏⵏⴰ ⵜⵙⵔⵙ ⵜⵏⴱⴰⴹⵜ”.
ⴷⴼⴼⵉⵔ ⵏ ⵎⴰ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⵅⴼ ⵓⵖⴰⵡⴰⵙ ⵓⵏⵏⴱⵉⴹ, ⵜⵙⵎⴷ ⵜⵏⴱⴰⴹⵜ ⵛⵛⵓⵕⵓⴹ ⵏⵏⵙ ⵏ ⵓⴷⵓⵙⵜⵓⵓⵔ ⵃⵎⴰ ⴰⴷ ⵜⵙⴽⵔ ⵜⴰⵡⵓⵔⵉ ⵏⵏⵙ ⵜⴰⵙⵉ ⵜⴰⵎⴰⵙⴰⵢⵜ ⵏ ⵜⵡⵓⵔⵉ ⵏⵏⵙ ⵎⵏⵉⴷ ⵏ ⵓⴱⵕⵍⴰⵎⴰⵏ.
ⵙⴷⴷⵉⴷⵏ ⵉⴽⴰⴱⴰⵕⵏ ⵏ ⵜⵓⴳⴳⵜ ⵏ ⵜⵏⴱⴰⴹⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⴷ ⵜⴰⵎⵔⵉⵙⵉⵏ ⵏⵏⴰ ⵉⵍⵍⴰⵏ ⴳ ⵓⵖⴰⵡⴰⵙ ⵓⵏⵏⴱⵉⴹ ⵜⵙⵎⴰⵏ ⴳⵔ ⵓⵏⴰⵔⵓⵣ ⴷ ⵜⵉⵍⴰⵡⵜ, ⵜⴰⵙⵉ ⵜⵉⵎⵔⴰⵔⵓⵜⵉⵏ ⵉⴼⴰⵡⵏ ⵉ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴷ ⵉⴳⴰⵏⵏⴰⵢⵏ ⵉⵙⵔⵜⴰⵏⵏ ⴷ ⵉⴷⵎⵙⴰⵏⵏ ⴷ ⵓⵏⴰⵎⵓⵏⵏ.
ⵙⵙⵉⵡⵍⵏⵜ ⵜⵔⵓⴱⴱⴰ ⵏ ⵜⵓⴳⴳⵜ ⴳ ⵜⴽⵛⵛⵓⵎⵉⵏ ⵏⵏⵙⵏ ⵅⴼ ⵓⵙⵏⴰⵍ ⵏⵏⵙⵏⵜ ⵉ ⵜⵏⴱⴰⴹⵜ ⴳ ⵓⵣⵣⵓⴳⵣ ⵏ ⵓⵖⴰⵡⴰⵙ ⴰⴷ, ⵎⴽⵉⵏⵏⴰ ⵙⵡⵍⴰⵏⵜ ⵅⴼ ⵓⵡⵊⴰⴷ ⵏⵏⵙⵏ ⴰⴷ ⵡⵛⵉⵏⵜ “ⵜⵓⵔⴷⵉⵡⵉⵏ ⵏⵏⵙⵏⵜ ⵉⵛⵏⴰⵏ ⵖⵓⵔ ⵎⵉ ⴰⵡⵜⵜⴰⵙ, ⴷ ⵉⵙⴼⵇⵇⵉⵀⵏ ⵎⴽ ⵉⵃⵜⴰⴷⴷⵊⴰ ⵓⵣⵎⵣ”, ⵃⵎⴰ ⴰⴷ ⵙⵖⵓⴷⵓⵏ ⵙⴱⵓⵖⵍⵍⵓⵏ ⵇⵇⴰⵃ ⵉⵙⵏⴼⴰⵔⵏ ⴷ ⵜⵙⵜⵔⴰⵜⵉⵊⵢⵉⵏ ⴷ ⵉⵖⴰⵡⴰⵙⵏ ⵏ ⵓⵣⴳⴳⵉⵔ, ⵓⵍⴰ ⵜⵉⵎⴳⴳⵉⵜⵉⵏ ⴷ ⵓⵙⵡⵓⴷⴷⵓⵜⵏ ⵏⵏⴰ ⵉⵜⵜⴰⵡⵙⵏ ⴳ ⵜⵎⵙⴰⵔⵉⵏ ⵏ ⵓⴳⴷⵓⴷ.
ⴳ ⵜⵎⵔⴰⵔⵓⵜⵉⵏ ⵅⴼ ⵜⴽⵛⵛⵓⵎⵉⵏ ⵏ ⵜⵔⵓⴱⴱⴰ ⵏ ⵜⵓⴳⴳⵜ ⵅⴼ ⵓⵖⴰⵡⴰⵙ ⵓⵏⵏⴱⵉⴹ, ⵢⵓⵍⵙ ⵎⴰⵙⵙ ⵓ,ⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵓⵙⴷⴷⵉⴷ ⵏⵜⵉⵍⴰⵡⵜ ⵏ ⵓⵖⴰⵡⴰⵙ ⵓⵏⵏⴱⵉⴹ ⵏⵏⴰ ⵉⴱⴷⴷⴰⵏ ⵅⴼ ⵉⵎⵙⴰⵙⴰⵜⵏ ⴳⵔ ⵉⴽⴰⴱⴰⵕⵏ ⵙ ⴽⵕⴰⴹ ⵏⵏⴰ ⵉⵍⵍⴰⵏ ⴳ ⵜⵓⴳⴳⵜ ⵏ ⵜⵏⴱⴰⴹⵜ, ⵉⵙⴷⴷⵉⴷ ⵅⴼ ⵓⵍⴰⵣⵎ ⵏ ⵓⵎⵢⴰⵡⴰⵙ ⵏ ⵓⵎⴰⵜⴰ, ⵙⵡⴰ ⵜⵓⴳⴳⵜ ⵓⵍⴰ ⵜⵓⵣⵍⵜ, ⵃⵎⴰ ⴰⴷ ⵏⵏ ⵍⴽⵎⵏ ⴰⵙⵙⴳⵎⵉ ⵏⵏ ⵅⴼ ⴽⴽⴰⵜⵏ ⴳ ⵓⵣⵎⵣ ⴰⴷ ⵏⵏⴰ ⵉⵜⵜⵡⴰⵙⵙⴰⵏ ⵙ ⵜⵎⴰⴹⵓⵏⵜ ⵏ ⴽⵓⴼⵉⴷ 19.
ⴳ ⵎⴰⵏ ⴰⵢⴰ, ⵉⵙⵙⴽⵕⵕⵥ ⵅⴼ ⵓⵙⵖⴰⵡⵙⴰ ⵏ ⵓⵙⴷⵓⵙ ⵏ ⵉⵙⵖⵍⵍⴰⵜⵏ ⵃⵎⴰ ⴰⴷ ⵉⵍⵉⵏⵜ ⵉⴷⵖⴰⵔⵏ ⵏ ⵜⵡⵓⵔⵉ ⵜⵉⵍⵉ ⵜⴳⵎⵉ ⴳ ⵜⵎⴰⵣⵉⵔⵜ ⴷ ⵓⵟⵕⵕⵃ ⵏ ⵉⵎⵣⴷⴰⵖⵏ, ⵉⵡⵛ ⵜⴰⵎⴰⵜⴰⵔⵜ ⵉ ⵎⴰⵕⵕⴰ ⵜⵉⵎⵏⴰⴹⵉⵏ ⴷ ⵜⴳⵔⴰⵡⵉⵏ ⵜⵉⴷⵖⵔⴰⵏⵉⵏ ⴳ ⵜⴳⵍⴷⵉⵜ ⵉⵇⵇⵏⴷ ⴼⵍⵍⴰⵙⵏⵜ ⴰⴷ ⴳⵉⵏⵜ ⴰⵣⴷⴰⵢ ⵏ ⵉⵖⴰⵡⴰⵙⵏ ⴷⵉⵏⴰⵎⵓⵔⵏ ⴰⴼⴰⴷ ⴰⴷ ⵜⵜⵓⵙⵓⴳⵣⵏ ⵙ ⵜⵎⴰⵎⴽⵜ ⵉⵖⵓⴷⴰⵏ ⵅⴼ ⵜⵉⵍⴰⵡⵜ.
ⴷ ⴳ ⵓⵙⵇⵇⵉⵎ ⵏ ⵉⵎⵛⵛⴰⵡⵕⵏ ⴳ ⵢⴰⵜ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵉⵥⵍⵉⵏ ⵙ ⵓⵎⵔⴰⵔⴰ ⵏ ⵓⵢⵏⵏⴰ ⵉⵍⵍⴰⵏ ⴳ ⵓⵖⴰⵡⴰⵙ ⵓⵏⵏⴱⵉⴹ ⵉⴹⴳⴰⵏ ⵏ ⵓⴽⵕⴰⵙ, ⵙⵙⴽⵕⵥⵏⵜ ⵜⵔⵓⴱⴱⴰ ⵏ ⵜⵓⴳⴳⵜ ⵎⴰⵙⴷ ⴰⵎⴳⴳⴰⵔⵓ ⴰⴷ ⵉⴳⴰ ⵢⴰⵏ ⵓⵖⴰⵡⴰⵙ ⵉⵜⵜⵓⵙⵎⴰⴷⵏ ⵉⵏⵓⵔⵣⵏ ⴷ ⵍⵍⴰⵏ ⴳⵉⵙ ⵜⵖⵡⵙⵉⵡⵉⵏ ⵍⵍⵉ ⵉⵣⵡⴰⵔⵏ ⴼⴰⵡⵏⵜ, ⵎⴽⵉⵏⵏⴰ ⵙⴷⴷⵉⴷⵏ ⵉⵙⵎⴷⴰⵢⵏ ⵏ ⵓⵏⵎⴰⵍⵍⵓ ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⵕⵏ, ⵅⴼ ⵎⴰⵙ ⴷ ⵉⵇⵇⴰⵏ ⴰⴷ ⵏⴽⵯⵜⵉ ⵜⵉⴱⴱⴰⵢⴹⵕⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⵉⵍⵍⴰⵏ.
ⴷⴼⴼⵉⵔ ⵏ ⵎⴰ ⵏⵏⴰⵏ ⵎⴰⵙⴷ ⴰⵖⴰⵡⴰⵙ ⴰⴷ ⵓⵏⵏⴱⵉⴹ ⵉⵡⵛⴰ ⵢⴰⵜ “ⵜⴰⵏⵏⴰⵢⵜ ⵉⴼⴰⵡⵏ” ⴳⵔ ⵢⵉⴳⵔⴰⵏ ⵙⵡⴰ ⴰⵎⴰⵜⴰⵢ ⵓⵍⴰ ⴰⵎⵥⵍⴰⵢ ⴳ ⵓⴱⵓⵖⵍⵍⵓ ⴰⴷⵎⵙⴰⵏ, ⵙⴷⴷⵉⴷⵏ ⵅⴼ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵢⴰⵜ ⵜⵎⴰⵎⴽⵜ ⵏ ⵜⵓⵛⵛⵓⵔⵜ ⴰⵢⴷⴷⵖ ⵜⴳⴰ ⵢⴰⵏ ⵓⵎⵏⵣⴰⵢ ⵉⵚⵚⵕⵚⵓⵏ ⵜⴰⴷⵉⵎⵓⵇⵕⴰⵟⵉⵢⵜ ⵜⴰⵏⴰⵎⵓⵏⵜ, ⴷ ⵜⴰⵎⴰⵖⵜ ⵅⴼ ⴰⴷ ⵢⵉⵍⵉ “ⵓⵎⵔⴰⵔⴰ ⵉⵖⵓⴷⴰⵏ” ⴷ ⵎⴰⵕⵕⴰ ⵜⵉⵙⵏⵜⴰⵢⵉⵏ ⵜⵉⵏⴰⵍⵓⵔⵉⵏ ⵏⵏⴰ ⵉⴽⴽⴰⵜⵏ ⵅⴼ ⴰⴷ ⵜⵙⴷⵓⵙ ⵉⵣⵔⴼⴰⵏ ⴷ ⵓⵢⵏⵏⴰ ⵍⴰⵏ ⵉⵏⵎⵓⵔⴰ ⵃⵎⴰ ⴰⴷ ⴳⴳⵉⵏ ⵛⵛⵓⵕⵓⴷ ⵏ ⵓⵎⵎⵔⵃⵍ ⴰⴷⵎⵙⴰⵏ.