ⵎⴰⵙⵙ ⴰ ⵅⵏⵏⵓⵛ: ⴰⵎⵏⵃⵓⵔ ⵏ ⵓⵡⵏⴽ ⴰⵏⴰⵎⵓⵏ ⵉⵍⵍⴰ ⵙ ⵜⴷⵓⵙⵉ ⴰⵎⵎⴰⵙ ⵏⵜⵎⴳⴳⵉⵜⵉⵏ ⵏⵏⴰ ⵜⵙⵙⴳⵎⵉ ⵜⵏⴱⴰⴹⵜ

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙⴰ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⵎⴰⵙⴷ ⴰⵎⵏⵃⵓⵔ ⵏ ⵓⵡⵏⴽ ⴰⵏⴰⵎⵓⵔ, ⵎⴽⵉⵏⵏⴰ ⵙ ⵉⵙⵎⴷ ⵓⵎⴷⵢⴰ ⵏ ⵓⵙⵙⴳⵎⵉ; ⵉⵍⵍⴰ ⵙ ⵢⴰⵜ ⵜⵎⴰⵎⴽⵜ ⵉⴷⵓⵙⵏ ⴰⵎⵎⴰⵙ ⵏ ⵜⵎⴳⴳⵉⵜⵉⵏ ⵜⵉⴳⴷⵓⴷⴰⵏⵉⵏ ⵏⵏⴰ ⵜⵙⵙⴳⵎⵉ ⵜⵏⴱⴰⴹⵜ, ⴳ ⵎⴰⴷ ⵜⵍⵍⴰ ⵅⴼ ⵉⵖⴼ ⵏ ⵜⵏⴱⴰⴹⵜ.

ⵉⵙⵙⵉⵡⵍ ⵎⴰⵙⵙ ⴰⵅⵏⵏⵓⵛ, ⴳ ⵜⵎⵔⴰⵔⵓⵜ ⵏⵏⵙ ⵅⴼ ⵓⵙⵇⵙⵉ ⴰⵇⵊⴷⴰⵏ ⴳ ⵜⵖⵉⵎⵉⵜ ⵏ ⵡⴰⵢⵢⵓⵔ ⵏⵏⴰ ⵉⵥⵍⵉⵏ ⵙ ⵜⵙⵔⵜⵉⵜ ⵜⴰⵎⴰⵜⴰⵢⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵅⴼ  ⵓⵎⵔⵙⵉ “ⵜⴰⵡⵏⴰⵖⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⵉ ⵓⵙⴷⵓⵙ ⵏ ⵜⵓⵚⵚⴽⴰ ⵏ ⵓⵡⵏⴽ ⴰⵏⴰⵎⵓⵏ”, ⵎⴰⵙⴷ ⵍⵡⵍⴰⵢⵜ ⴰⴷ ⵜⴳⴰ ⵙ ⵜⵉⴷⵜ “ⵍⵡⵉⵍⴰⵢⴰ ⵏ ⵓⵙⴱⴷⴷⵉ” ⵃⵎⴰ ⴰⴷ ⵜⵣⵣⵓⴳⵣ ⵉⴳⵓⵎⵏ ⵉⵎⵇⵇⵔⴰⵏⵏ ⵏ ⵓⵎⴷⵢⴰ ⵏ ⵓⴱⵓⵖⵍⵍⵓ ⴰⵎⵢⵏⵓ ⴷ ⵜⵓⵥⵍⴰⵢⵉⵏ ⵏⵏⵙ ⵜⵉⵙⵜⵔⴰⵜⵉⵊⵢⵉⵏ ⴷ ⵜⵓⵔⴷⵉⵡⵉⵏ ⵏⵏⵙ ⵏ ⵓⵙⵡⵓⴷⴷⵓ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⴷ ⴰⵎⴷⵢⴰ ⴰⴷ ⵉⵃⵜⴰⵊⵊⴰ “ⴰⵎⴷⵢⴰ ⴰⵎⴰⵢⵏⵓ ⴳ ⵓⵙⵡⵓⴷⴷⵓ”, ⵢⵏⵉ ⵎⴰⵙⴷ ⴰⵙⵙⵕⵚⵓ ⵏ ⵜⵔⵙⴰⵍ ⵏ ⵓⵡⵏⴽ ⴰⵏⴰⵎⵓⵏ ⵉⴳⴰ ⵢⴰⵜ ⵜⵥⵍⴰⵢⵏⵏⴰ ⵉⵙⵙⴹⵀⴰⵕⵏ ⵜⵉⵔⵉⵜ ⵜⴰⵙⵔⵜⴰⵏⵜ ⵏⵏⴰ ⵙ ⵜⴼⵓⵍⵙ ⵜⵏⴱⴰⴹⵜ, ⴰⵛⴽⵓ ⴰⵔⴰⵔ ⵏ ⵜⵎⵢⵉⵎⴰⵏⵜ ⴳ ⵜⵡⵓⵔⵉ ⵜⴰⵙⵔⵜⴰⵏⵜ ⴷⴰ ⵜⵜⵉⵍⵉ ⵙ ⵜⵥⵍⴰⵢⵉⵏ ⴷ ⵉⵖⴰⵡⴰⵙⵏ ⵉⵏⴰⵎⵓⵏⵏ ⵏ ⵜⵉⵍⴰⵡⵜ ⵏⵏⴰ ⵉⵖⵥⴰⵏⵏ ⴰⵔ ⵜⵣⵣⵡⵓⵔ ⵜⵉⵖⴰⵡⵙⵉⵡⵉⵏ ⵏ ⵜⵉⴷⵜ ⴷ ⴰⵔ ⵜⵜⵔⴰⵔⴰ ⵅⴼ ⵓⵢⵏⵏⴰ ⵜⵜⴳⴰⵏⵏⴰⵢⵏ ⵉⵎⵣⴷⴰⵖⵏ.
ⵙⴳ ⵓⵢⵏⵏⴰ ⵉⵏⵏⴰ ⵎⴰⵙⵙ ⴰⵅⵏⵏⵓⵛ, ⵀⴰⵏ ⴰⵖⴰⵡⴰⵙ ⵏ ⵜⵏⴱⴰⴹⵜ ⴳⵉⵙ ⴽⵉⴳⴰⵏ ⵏ ⵉⵙⵓⵖⴰⵏⵏ ⵏⵏⴰ ⵉⵎⵎⴰⵍⵏ ⵉⵣⵓⵔⴰ ⵉⵏⴰⵎⵓⵏⵏ ⵏ ⵜⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ ⵏⵏⴰ ⴷ ⵉⴷⴷⴰⵏ, ⴷ ⵎⴰⵏ ⴰⵢⴰ ⴰⵙ ⵏⵥⴹⴰⵕ ⴰⴷ ⵜ ⵉⴷ ⵏⵙⵙⵓⴼⵖ ⵙⴳ ⵉⵙⵓⵖⴰⵏⵏ ⵙ ⵎⵔⴰⵡ ⵏ ⵜⵏⴱⴰⴹⵜ, ⵉⵙⴰⵡⵍ ⴳ ⵓⵎⵏⵉⴷ ⴰⴷ; ⵙⵍⴰⵡⴰⵏ ⴰⴽⴽⵯ, ⴰⵙⵙⴽⴰⵔ ⵏ ⵎⵍⵢⵓⵏ ⵏ ⵡⴰⵏⵙⴰ ⵏ ⵜⵡⵓⵔⵉ ⴳ ⵙⵎⵎⵓⵙ ⵏ ⵉⵙⴳⴳⵯⵙⵏ ⴷ ⵢⵓⵙⴰⵏ, ⴷ ⵓⵙⵎⵀⵍ ⵏ ⵓⵃⵟⵟⵓ ⵜⴰⵏⴰⵎⵓⵏⵜ ⵜⴰⵅⴰⵜⴰⵔⵜ, ⴷ ⵓⵙⵙⵓⴼⵖ ⵏ ⵎⵍⵢⵓⵏ ⵏ ⵜⴰⵡⵊⴰ ⵙⴳ ⵥⵥⵍⴹ ⴷ ⴳⴰⵔ, ⴷ ⵓⵃⵟⵟⵓ ⴷ ⵓⵙⵅⵉⵜⵔ ⵏ ⴰⵢⵜ ⵡⴰⵎⵎⴰⵙ ⴷ ⵢⵉⵍⵉ ⵏ ⵜⵖⴰⵡⵙⵉⵡⵉⵏ ⵏ ⵜⴷⵎⵙⴰ ⴷ  ⵜⵏⴰⵎⵓⵏⵉⵏ ⴰⴼⴰⴷ  ⴰⴷ ⵜⴼⴼⵖ ⵢⴰⵜ ⵜⴰⴳⴳⴰⵢⵜ ⵜⴰⵏⴰⵎⵎⴰⵙⵜ ⵙⴳ ⵉⴼⵍⵍⴰⵃⵏ ⵏ ⵓⵎⴰⴹⴰⵍ ⴰⴼⴰⵔⴰⵏ, ⴷ ⵓⵙⵎⴰⵜⴰ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⵉ ⵇⵇⴰⵃ ⵜⴰⵣⵣⴰⵏⵉⵏ ⵙⴳ ⵓⵙⴳⴳⵯⴰⵙ ⵡⵉⵙⵙ ⴽⴽⵓⵥ ⴰⴽⴷ ⵓⵚⵚⵕⵚⵓ ⵏ ⵓⵏⵏⴱⴹ ⵉⴷⵓⵎⵏ ⴱⵓ ⵜⵢⴰⴼⵓⵜ ⵉ ⵓⵃⵟⵟⵓ ⵏ ⵓⵖⵓⴷⵓ; ⴷ ⵓⵚⵎⵥⵉ ⵏ ⵉⵙⵏⵓⵃⵢⵓⵜⵏ ⵉⵏⴰⵎⵓⵏⵏ ⴷ ⵉⴷⵖⵔⴰⵏⵏ.
ⵉⵄⵥⵥⵕ ⴳ ⵓⵙⴰⵜⵉ ⴰⴷ ⵎⴰⵙ ⴷ “ⵜⵉⵔⵙⴰⵍ ⵏ ⵜⵎⵢⵉⵎⴰⵏⵜ ⴷⴰ ⵜⵜⵉⵍⵉⵏⵜ ⵙⴳ ⵉⴱⴷⴷⵉ ⵅⴼ ⵡⴰⵡⴰⵍ ⴷ ⵉⵙⵖⵓⵏⵏ ⴷ ⵓⵣⵣⵓⴳⵣ ⵉ ⵎⴰⵕⵕⴰ ⵉⵖⴰⵡⴰⵙⵏ ⵉⵏⴰⵎⵓⵏⵏ ⵏⵏⴰ ⴳ ⵉⴳⴰ ⵓⵙⵎⴰⵜⴰ ⵏ ⵓⵃⵟⵟⵓ ⴰⵏⴰⵎⵓⵏ ⵢⴰⵏ ⵙⴳ  ⵉⴳⵔⴰⵏ ⵏⵏⵙ, ⴰⵛⴽⵓ ⵉⴳⴰ ⴰⵙⴰⵡⵔ ⴰⵏⴰⵎⵓⵏ ⵏⵏⴰ ⵉⴳⴰⵏ ⵜⵉⵔⵙⵍⵜ ⵏ ⵓⵡⵏⴽ ⴰⵏⴰⵎⵓⵏ, ⴷⴰⵔⵙ ⵢⴰⵜ ⵜⴹⴼⵓⵕⵜ ⴷ ⵜⵖⴹⴼⵜ ⵙⴳ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ”.
ⵉⵙⵎⴷ ⵎⴰⵙⴷ ⵜⴰⵏⴱⴰⴹⵜ ⵜⵙⵙⵏⵜⵉ ⵙⴳ ⵡⵓⵙⵙⴰⵏ ⵏⵏⵙ ⵉⵎⵣⵡⵓⵔⴰ, ⴳ ⵓⵣⵣⵓⴳⵣ ⵙ ⵜⴰⵣⵣⵍⴰ ⵉ ⵓⵙⴰⵡⵔ ⴰⴷ ⵙⴳ ⵎⴰⴷ ⵜⵣⵣⵔⵢ ⴳ ⵡⴰⴽⵓⴷ ⵏ 17 ⵏⵓⵡⵡⴰⵏⴱⵉⵔ 2021 ⵉⵙⵏⴼⴰⵔⵏ ⴷ ⵉⵎⵕⵚⵓⵎⵏ ⵏ ⵉⵙⵍⴳⵏⵏ ⵡⵉⵙⵙ 98.15 ⴷ ⵡⵉⵙⵙ 99.15 ⵏ ⵓⵏⴳⵔⴰⵡ ⵏ ⵓⵙⴼⵍⵙ ⴰⵎⴱⵣⵣⴻⵣ ⴰⴳⵊⴷⴰⵏ ⵅⴼ ⵜⵎⴰⴹⵓⵏⵜ, ⴷ ⵙ  ⵓⵙⵙⴽⴰⵔ ⵏ ⵓⵏⴳⵔⴰⵡ ⵏ ⵜⵡⵙⵓⴷⵔⵉⵏ ⵉ ⵎⵉⴷⴷⵏ ⵉⵣⵣⵓⵍⴰⵏⵏ ⴷ ⵉⵎⵡⵓⵔⴰ ⵏⵏⴰ ⵉⵥⵍⵉⵏ ⴷ ⵉⵡⵔⵉⴽⵏ ⵏⵏⴰ ⵓⵔ ⵉⴳⵉⵏ ⵉⵎⵏⵖⵔⴰⴷ ⵏⵏⴰ ⵉⵙⴽⴰⵔⵏ ⴽⵔⴰ ⵏ ⵜⵉⵍⴰⵍ ⵉⵣⵍⵉⵏ, ⴷ ⵏⵜⵜⴰ ⴰⵇⴰⴷ ⵉⵣⵎⵔ, ⵅⴼ ⵓⵢⵏⵏⴰ ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, 3,4 ⵏ ⵉⴷ ⵎⵍⵢⵓⵏ ⵏ ⵉⵎⵣⴷⴰⵖⵏ ⵙⴳ ⵡⵉⵏⵏⴰ ⵓⵔ ⵉⴳⵉⵏ ⵉⵎⵖⵔⴰⴷ, ⴷ ⵉⴷ ⴱⴰⴱ ⵏ ⵉⵣⵔⴼⴰⵏ ⵍⵍⵉ ⵉⴷⵙⵏ ⵉⵣⴷⵉⵏ, ⵃⵎⴰ ⴰⴷ ⵙⵢⴰⴼⴰⵏ ⵙⴳ ⵓⵏⴼⵍⵙ ⴰⴷⵓⵙⴰⴰⵎⴱⵣⵣⴻⵣ ⵅⴼ ⵜⵎⴰⴷⵓⵏⵜ.
ⵓⴳⴳⴰⵔ ⵏ ⵎⴰⵏ ⴰⵢⴰ, ⵉⵙⵎⴷ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵎⴰⵙⴷ ⵜⵜⵡⴰⴳⴳ ⵢⴰⵜ ⵜⵙⵇⵇⵉⵎⵜ ⵜⴰⵎⴰⵡⵙⴰⵏⵜ ⵃⵎⴰ ⴰⴷ ⵜⵣⵣⵓⴳⵣ ⴰⵢⴷⴷⵖ ⵏ ⵓⵙⵏⴼⴰⵔ ⴰⵏⴰⵎⵓⵏ ⵉⵙⵙⴰⵡⵀⵎⵎⴰⵏ, ⵎⴽⵉⵏⵏⴰ ⵜⵍⵍⴰ ⵢⴰⵜ ⵜⵎⴰⵡⵙⴰⵏⵜ ⵜⴰⵜⵉⵇⵏⵉⵢⵜ ⵜⵓⵙⵉ ⵜⴰⵎⴰⵙⴰⵢⵜ ⵏ ⵜⴰⵣⵣⵍⴰ ⵏ ⵓⵣⵣⵓⴳⵣ ⵏ ⵓⵙⴰⵡⵔ, ⵉⵡⵛⴰ ⵜⴰⵎⴰⵜⴰⵔⵜ ⵎⴰⵙⴷ  “ⴷⴰ ⵏⵙⵡⵓⵔⵉ, ⵎⵎⴰⵙ ⵏ ⵜⵎⴰⵡⴰⵙⵉⵏ ⴰⴷ , ⵙ ⵢⴰⵜ ⵜⵎⴰⵎⴽⵜ ⵉⵣⴷⵉⵏ ⴰⴼⴰⴷ ⴰⴷ ⵏⵥⵥⵉⵥⴹⵉⵕ  ⵎⵉⴷⴷⵏ ⵏⵏⵉⴹⵏ ⵉⵎⵡⵓⵔⴰ ⴷ ⵉⵎⵖⵔⴰⴷ, ⵙⵍⴰⵡⴰⵏ ⴰⴽⴽⵯ ⵉⴼⵍⵍⴰⵃⵏ, ⴷ ⵉⵎⵣⵣⵓⵍⴰⵏⵏ ⵉⵣⴰⵢⴽⵓⵜⵏ, ⴷ ⵉⵎⵣⵣⵓⵍⴰⵏⵏ ⵏ ⵓⵙⵏⵖⵍ, ⴷ ⵉⴷ ⴱⴰⴱ ⵏ ⵜⵣⵣⵓⵍⴰⵏⵉⵏ ⵏ ⵜⵍⴻⵍⵍⵉ, ⴰⴷ ⵙⵙⴱⵖⵔⵏ ⵙⴳ ⵓⵏⴼⵍⵙ ⴰⵎⴱⵣⵣⴻⵣ ⴰⴳⵊⴷⴰⵏ ⵅⴼ ⵜⵎⴰⴹⵓⵏⵜ ⵙⴳ ⵎⴰⵏⵏ ⵓⵔ ⵢⴰⴳⴳⵓⴳⵏ.”
ⵉⵙⵙⵉⵡⵍ ⵅⴼ ⵎⴰⵙ ⵉⵍⵍⴰ ⴳ  ⵓⵙⵖⵉⵡⵙ ⵏ ⵜⵡⵓⵔⵉ ⵏ ⵓⵙⴳⴳⵯⴰⵙ ⵏ 2022 ⴰⵙⵓⵖⵏ ⵏ ⵓⵙⵙⵎⵔⵙ ⵏ ⵡⴰⴽⵓⴷ ⵏⵏⴰ ⵜⵙⵔⵙ ⵜⵉⵏⴰⵡⵜ ⵏ ⵓⴷⴰⴱⵓ, ⴰⴷ ⵣⵎⵔⵏ ⵎⵉⴷⴷⵏ ⵏⵏⴰ ⵉⵀⵔⵛⵏ ⴷ ⵡⵉⵏⵏⴰ ⵉⵥⵥⵓⵍⴹⵏ ⵍⵍⵉ ⵉⵍⵍⴰⵏ ⵖⵉⵍⴰ ⴳ ⵕⵕⴰⵎⵉⴷ, ⴰⴷ ⴷⴰⵔⵙⵏ ⵢⵉⵍⵉ ⵓⵏⴼⵍⵙ ⵅⴼ ⵜⵎⴰⴹⵓⵏⵜ, ⵍⵍⵉ ⵔⴰⴷ ⵜⵏ ⵢⴰⵊⵊ ⴰⴷ ⴰⴷⴼⵏ ⴳ ⵢⵉⴳⵔ ⴰⵎⴰⵜⴰⵢ ⴷ ⵢⵉⴳⵔ ⵉⵥⵍⵉⵏ, ⵣⵓⵏⴷ ⵉⵙⴰⴼⴰⵔⵏ ⵏⵏⴰ ⵉⵍⵍⴰⵏ ⴷⴰⵔ ⵉⵎⵖⵔⴷ ⵏ ⵢⵉⴳⵔ ⵉⵥⵍⵉⵏ.
ⴳ ⵙⵉⵏ ⵉⵙⴳⴳⵯⴰⵙⵏ 2023 ⴷ 2024, ⵉⵙⵙⵏⵜⵉ ⵎⴰⵙ ⴰⵅⵏⵏⵓⵛ, ⵇⴰⴷ ⵜⵙⵡⵓⵔⵉ ⵜⵏⴱⴰⴹⵜ ⵅⴼ ⴰⴷ ⵜⴹⵎⵏ ⴰⵔⵔⴰⵣⵏ ⵏ ⵜⴰⵡⵊⴰ ⵉ ⴽⵓ ⵜⴰⵡⵊⴰ ⵅⴼ ⴰⴷ ⴰⵙ ⵏ ⵜⴼⵔⴳ  ⵅⴼ  ⵉⵎⵉⵣⵉⵜⵏ ⵏⵏⴰ ⵉⵣⴷⵉⵏ ⵙ ⵜⴰⵎⵥⵉ ⴷ ⵓⵙⴷⵓⵙ ⵏ ⵜⵖⵓⵔⵉ ⴳ ⵓⵙⵙⵎⵓⴷ ⵏ ⵣⵉ, ⴷ ⵇⴰⴷ ⵢⵍⵉ ⴳ ⵓⵙⴳⴳⵯⴰⵙ 2025 ⵙ ⵡⵓⵙⵔⵉⴷ ⴷ ⵓⵙⵅⵉⵜⵔ ⵏ ⵉⵍⵜⴰⵖⵏ ⴳ ⵉⵎⴰⴳⴰⵡⵏ ⵏ ⵜⵙⵜⴰⵖⵜ ⵉ ⵇⵇⴰⵃ ⵉⴷ ⴱⴰⴱ ⵏ ⵜⵉⵍⴰⵍ ⴷ ⵓⵙⵎⴰⵜⴰ ⵏ ⵡⴰⵔⵔⴰⵣⵏ ⵏ ⵜⴰⵡⵊⴰ ⴷ  ⵉⴱⴷⴷⵉ ⵙⴳ ⵜⵡⵓⵔⵉ. 
ⵙ ⵜⵎⵍⴷⴰ ⴰⴷ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ  ⵉⴳⵓⵎⵏⵉⵙⵜⵔⴰⵜⵉⵊⵉⵢⵏ ⵓⵙⵖⵓⴷⵓ ⵏ ⵓⵏⴰⴳⵔⴰⵡ ⴰⴷⵓⵙⴰⵏ, ⴷ ⵡⵓⵟⵟⵓⵏⵏ ⴷ ⵜⵎⴰⵜⴰⵔⵉⵏ ⵏⵏⴰ ⵉⵍⵍⴰⵏ ⴳ ⵉⵙⵏⴼⴰⵔⵏ ⵏ ⵓⵙⵍⴳⵏ ⵏ ⵜⵥⵕⴼⵜ 2022 ⵉ ⵜⵓⵚⵚⴽⴰ ⵏ ⵜⵔⵙⴰⵍ ⵏ ⵓⵡⵏⴽ ⴰⵏⴰⵎⵓⵏ ⵉⵥⵍⵉⵏ ⵙ ⵢⵉⴳⵔ ⵏ ⵜⴷⵓⵙⵉ ⴷ ⵡⵉⵏ ⵓⵙⵙⵍⵎⴷ.