ⵎⴰⵙⵙ ⴰⵅⵏⵏⵓⵛ: ⵇⴰⴷ ⵜⴻⵜⵜⵓⴳⵔ 13 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⵃⵎⴰ ⴰⴷ ⵜⵜⵓⴼⵔⵓⵏⵜ ⵜⵖⵔⴰⴷ ⵏ ⵓⴳⵔⴰⵢ ⵅⴼ ⵡⴰⵜⵉⴳ ⴰⵡⵍⴽⴰⵏ ⵏ ⵓⵙⴷⵓⵙ ⵏ ⵜⵎⵙⵙⵏⵜⵉⵜⵉⵏ ⵅⴼ ⵜⵍⵓⵏⴹⴰ ⵎⵏⵉⴷ ⵏ ⵜⴰⵙⵙⴰⵙⵜ
| Question : |
ⵜⴰⵡⵏⴰⵖⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⵏ ⵓⵙⴷⵓⵙ ⵜⵓⵚⵚⴽⴰ ⵏ ⵓⵡⵏⴽ ⴰⴳⴷⵓⴷⴰⵏ
|
|---|---|
| Session date : | |
| Session : |
Octobre 2021
|
ⵉⴱⵔⵔⵃ ⵓⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⴰ ⴰⵙⵉⵏⴰⵙ ⴳ ⵕⵕⴱⴰⴹ, ⵎⴰⵙⴷ ⵇⴰⴷ ⵜⵜⵓⴳⵔ 13 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⴰⴼⴰⴷ ⴰⴷ ⵉⴼⵔⵓ ⴰⵢⵏⵏⴰ ⴷ ⵜⵉⵡⵢ ⴳ ⵓⵙⵙⵉⵡⵙ ⵅⴼ ⵡⴰⵜⵉⴳ ⴰⵡⵍⴳⴰⵏ ⵙⴳ ⵜⵣⵡⵓⵔⵉ ⵏ ⴷⵓⵊⴰⵏⴱⵉⵔ ⵏⵏⴰ ⴷ ⵢⵓⵛⴽⴰⵏ, ⵎⴰⵏ ⴰⵢⴰ ⴰⴼⴰⴷ ⴰⴷ ⵣⵎⵔⵏⵜ ⵜⵎⵙⵙⵏⵜⵉⵜⵉⵏ ⴰⴷ ⴰⴼⵏⵜ ⵎⴰⵙ ⵓⵜⵏⵜ ⴳ ⵍⵡⵣⵉⵏ ⵏⵏⵙⵏⵜ, ⵃⵎⴰ ⴰⴷ ⴱⴷⴷⵉⵏⵜ ⵎⵏⵉⴷ ⵏ ⵜⴰⵙⵙⴰⵙⵜ. ⵉⵏⵏⴰ ⵎⴰⵙ ⵙ ⴰⵅⵏⵏⵓⵛ, ⴳ ⵜⵎⵔⴰⵔⵓⵜ ⵏⵏⵙ ⵅⴼ ⵓⵙⵇⵙⵉ ⴰⴳⵊⴷⴰⵏ ⴰⵎⵎⴰⵙ ⵏ ⵜⵇⵉⵎⵉⵜ ⵏ ⵡⴰⵢⵢⵓⵔ ⵏⵏⴰ ⵉⵥⵍⵉⵏ ⵙ ⵜⵙⵔⵜⵉⵜⵉⵏ ⵜⵉⵎⴰⵜⴰⵢⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵅⴼ ⵓⵎⵔⵙⵉ ““ⵜⴰⵡⵏⴰⵖⵜ ⵏ ⵜⵡⵓⵔⵉ ⵏ ⵜⵏⴱⴰⴹⵜ ⵉ ⵓⵙⴷⵓⵙ ⵏ ⵜⵓⵚⵚⴽⴰ ⵏ ⵓⵡⵏⴽ ⴰⴳⴷⵓⴷⴰⵏ” ⵀⴰⵏ ⵜⵏⴱⴰⴹⵜ ⵜⵜⵙⵓⵖⵏ ⵙⴳ ⵓⵙⴳⴳⵯⴰⵙ ⵉⵏⵏ ⴷ ⵢⵓⵙⴰⵏ, ⴰⴷ ⵜⴼⵔⵓ ⴰⵎⵔⵡⴰⵙ ⵏ ⵜⵢⵓⵙⵉ ⵅⴼ ⵡⴰⵜⵉⴳ ⴰⵡⵍⴳⴰⵏ ⵏⵏⴰ ⵉⵍⵍⴰⵏ ⵅⴼ ⵜⵎⵙⵙⵏⵜⵉⵜⵉⵏ ⵏ ⵢⵉⴳⵔ ⵉⵥⵍⵉⵏ? ⴰⵛⴽⵓ ⵇⴰⴷ ⵢⵉⵍⵉ, ⵙⴳ ⴷⵓⵊⴰⵏⴱⵉⵔ ⵏⵏⴰ ⴷ ⵢⵓⵛⴽⴰⵏ ⴷ ⴷⴰⵜ ⵏ ⵎⴰ ⴰⴷ ⵉⵙⵎⴷ ⵢⵉⵎⵉⵔ ⴰⵎⵣⵡⴰⵔⵓ ⴳ ⵓⵙⴳⴳⵯⴰⵙ ⵏ 2022, ⴰⴷ ⵜⵜⵓⴳⵔ 13 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ ⵃⵎⴰ ⴰⴷ ⵜⵜⵓⴼⵔⵓⵏⵜ ⵜⵖⵔⴰⴷ ⵏ ⵜⵢⵓⵙⵓ ⵅⴼ ⵡⴰⵜⵉⴳ ⴰⵡⵍⴳⴰⵏ ⴰⴼⴰⴷ ⴰⴷ ⵉⵖⵉⵢⵏⵜ ⵜⵎⵙⵙⵏⵜⵉⵜⵉⵏ, ⵙⵍⴰⵡⴰⵏ ⵜⵉⵏⵏⴰ ⴷⵉⴳⵙⵏⵜ ⴰⴽⴽⵯ ⵉⵎⵥⵥⵉⵢⵏ ⴷ ⵜⵏⴰⵎⵎⴰⵙⵉⵏ, ⴰⴷ ⴰⴼⵉⵏⵜ ⴽⵔⴰ ⵏ ⵉⴷⵔⵉⵎⵏ ⴳ ⵍⵅⵣⵉⵏ ⵏⵏⵙⵏ ⵜⵜ, ⵃⵎⴰ ⴰⴷ ⴱⴷⴷⵉⵏⵜ ⵎⵏⵉⴷ ⵏ ⵜⴰⵙⵙⴰⵙⵜ, ⴷⵔⵓⵏⵜ ⴳ ⵜⴷⵉⵏⴰⵎⵉⵢⵜ ⵏ ⵜⵉⴳⴳⵉ ⵏ ⵡⴰⵜⵉⴳ ⴷ ⵉⵙⵓⵍⴼⵏ ⵏ ⵜⵡⵓⵔⵉ.”
ⵉⵙⵙⴼⵔⴰ ⵄⴰⵣⵉⵣ ⴰⵅⵏⵏⵓⵛ ⵎⴰⵙⴷ ⵜⴰⵏⴱⴰⴹⵜ ⴷⴰ ⵜⴳⴳⴰ ⵜⵉⵎⴳⴳⵉⵜⵉⵏ ⵉⵜⵜⵓⵥⵍⴰⵢⵏ, ⵜⵙⵙⴰⵡⵀⵎⵎⴰ ⴰⴷⴷⴰⴷ ⴷ ⵓⵣⵣⵓⴳⵣ ⵏ ⵜⵙⵔⵜⵉⵜⵉⵏ ⵜⵉⵎⵙⴷⵖⵉⵢⵉⵏ ⵏ ⵜⴰⵎⵓⵏⵜ ⴰⴽⴷ ⵡⵉⵏⵏⴰ ⵉⵜⵜⵓⵙⵉⵜⵜⵉⴳ ⵓⴳⴰⴷⴰⵣ ⵏ ⵜⵡⵓⵔⵉ, ⴷ ⵓⵙⵙⵏⵊⵎ ⵏ ⵜⴰⵣⵣⵍⴰ ⵉ ⵜⵎⵙⵙⵏⵜⵉⵜⵉⵏ ⵏⵏⴰ ⵉⵍⵍⴰⵏ ⴳ ⵢⴰⵏ ⵡⴰⴷⴷⴰⴷ ⵉⵛⵇⵇⴰⵏ. ⵉⵙⵎⴷ ⵎⴰⵙⴷ ⵉⵣⵎⵔ ⴰⴷ ⵏⵏ ⵉⵍⴽⵎ ⵡⴰⵜⵉⴳ ⵏ ⵓⵣⵉⵣⵣⵍ ⴰⵎⴰⵜⴰⵢ ⵏ ⵓⵙⴳⴳⵯⴰⵙ ⵏ 2022 ⵢⴰⵏ ⵡⴰⵜⵉⴳ ⵏ 245 ⵏ ⵉⴷ ⵎⵍⵢⴰⵕ ⵏ ⵉⴷ ⴷⵔⵀⵎ, ⵎⴰⵏ ⴰⵢⴰ ⵙⵢⵓⵛⴽⴰ ⴷ ⵙ ⵓⵙⵙⴽⴰⵔ ⵏ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵜⵙⴰⵔⵡⴰ.
ⵉⵣⵓⵣⵣⴼ ⵎⴰⵙⵙ ⴰⵅⵏⵏⵓⵛ ⵎⴰⵙⴷ ⴰⵖⴰⵡⴰⵙ ⵏ ⵜⵏⴱⴰⴹⵜ ⵉⵙⵎⴰⵏ ⴽⵉⴳⴰⵏ ⵏ ⵉⵙⵖⵓⵏⵏ ⵏⵏⴰ ⵉⵎⵎⴰⵍⵏ ⴰⵎⵏⵉⴷ ⴰⵏⴰⵎⵏ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⴷ ⵉⴷⴷⴰⵏ, ⴷ ⵏⵜⵜⴰ ⴰⵙ ⴷ ⵏⵣⵎⵔ ⴰⴷ ⵜ ⵉⴷ ⵏⵙⵙⵓⴼⵖ ⵙⴳ ⵎⵔⴰⵡ ⵏ ⵉⵙⵖⵓⵏⵏ ⵏ ⵜⵏⴱⴰⴹⵜ, ⵉⵙⴰⵡⵍ ⴳ ⵎⴰⵏ ⴰⵢⴰ, ⵙ ⵓⵥⵍⴰⵢ, ⵅⴼ ⵓⵙⵙⴽⴰⵔ ⵏ ⵎⵍⵢⵓⵏ ⵏ ⵡⴰⵏⵙⴰ ⵏ ⵜⵡⵓⵔⵉ ⴳ 5 ⵏ ⵉⵙⴳⴳⵯⴰⵙⵏ ⴷ ⵢⵓⵛⴽⴰⵏ, ⴷ ⵓⵙⵎⵀⵍ ⵏ ⵓⵃⵟⵟⵓ ⴰⵏⴰⵎⵓⵏⴰⵅⴰⵜⴰⵔ, ⴷ ⵓⵙⵙⵓⴼⵖ ⵏ ⵎⵍⵢⵓⵏ ⵏ ⵜⴰⵡⵊⴰ ⵙⴳ ⵥⵥⵍⴹ ⴷ ⵜⵎⴰⵔⴰ, ⴷ ⵓⵃⵟⵟⵓ ⴷ ⵓⵙⵅⵉⵜⵔ ⵏ ⴰⵢⵜ ⵡⴰⵎⵎⴰⵙ ⴷ ⵓⵙⵃⴷⵓⴷⵉ ⵏ ⵛⵛⵕⴹ ⴰⴷⵎⵙⴰⵏ ⴷ ⵓⵏⴰⵎⵓⵏ ⵃⵎⴰ ⴰⴷ ⵜⴼⴼⵖ ⵢⴰⵜ ⵜⴰⴳⴳⴰⵢⵜ ⵏ ⵜⴼⵍⵍⴰⵃⵜ ⵜⴰⵏⴰⵎⵎⴰⵙⵜ ⴳ ⵓⵎⴰⴹⴰⵍ ⴰⴼⴰⵔⴰⵏ, ⴷ ⵓⵙⵎⴰⵜⴰ ⵏ ⵓⵙⵙⵍⵎⴷ ⴰⵎⵣⵡⴰⵔⵓ ⵉ ⵎⴰⵕⵕⴰ ⵜⴰⵣⵣⴰⵏⵉⵏ ⵙⴳ ⵓⵙⴳⴳⵯⴰⵙ ⵡⵉⵙⵙ ⴽⴽⵓⵥ ⴰⴽⴷ ⵓⵙⵔⵔⵓⵙ ⵏ ⵓⵏⵏⴱⴰⴹ ⵉⵣⴷⵉⵏ ⴱⵓ ⵜⵢⴰⴼⵓⵜ ⵉ ⵓⵃⵟⵟⵓ ⵏ ⵜⵖⵓⴷⵉ, ⴷ ⵓⵙⵙⴳⵣⵍ ⵏ ⵉⵙⵏⵓⵃⵢⵓⵜⵏ ⵉⵏⴰⵎⵓⵏⵏ ⴷ ⵉⴷⵖⵔⴰⵏⵏ.
ⵉⵙⵙⵓⵎⵏ ⵎⴰⵙⴷ ⵜⴰⵡⵏⴰⵖⵜ ⵏ ⵜⵡⵓⵔⵉ ⵏ ⵓⵙⴳⴳⵯⴰⵙ ⵏ 2022 ⵉⵍⵍⴰ ⴷⵉⴳⵙ ⴰⵡⴷ ⵓⵙⵓⵖⵏ ⵏ ⵓⵙⵙⵎⵔⵙ ⵏ ⵡⴰⴽⵓⴷ ⵏⵏⴰ ⵜⵥⵍⵉ ⵜⵉⵏⴰⵡⵜ ⵏ ⵓⴷⴰⴱⵓ, ⴰⵥⴹⴰⵕ ⵏ ⵎⵉⴷⴷⵏ ⵉⵀⵔⵛⵏ ⴷ ⵡⵉⵏⵏⴰ ⵉⵥⵥⵓⵍⴹⵏ ⵏⵏⴰ ⵉⵍⴰⵏ ⵖⵉⵍⴰ ⴳ ⵓⵎⴰⴳⴰⵡ ⵏ ⵕⵕⴰⵎⵉⴷ, ⴰⴷ ⴷⴰⵔⵙⵏ ⵢⵉⵍⵉ ⵓⵙⴼⵓⵍⵙ ⵅⴼ ⵜⵎⴰⴹⵓⵏⵜ, ⵖⵉⵏ ⴰⴷ ⴰⴷⴼⵏ ⵖⵔ ⵢⵉⴳⵔ ⴰⵎⴰⵜⴰⵢ ⵏⵖ ⵉⴳⵔ ⴰⵎⵥⵍⴰⵢ, ⵙ ⵣⵓⵏⴷ ⵉⵙⵓⵊⵊⵉⵏ ⵏ ⵉⵎⵖⵔⴰⴷⵏ ⵏ ⵢⵉⴳⵔ ⵉⵥⵍⵉⵏ. ⵉⵙⵙⵏⵜⵉ ⵎⴰⵙⴷ ⵜⴰⵏⴱⴰⴹⵜ ⵜⴱⴷⴰ ⵙⴳ ⵡⵓⵙⵙⴰⵏ ⵉⵎⵣⵡⵓⵔⴰ ⵏ ⵜⵡⵓⵔⵉ ⵏⵏⵙ, ⴳ ⵓⵣⵣⵓⴳⵣ ⵙ ⵜⴰⵣⵣⵍⴰ ⵏ ⵓⵙⵎⴰⵜⴰ ⵏ ⵓⵙⴼⵓⵍⵙ ⵏ ⵓⴱⵣⵣⴻⵣ ⴰⴳⵊⴷⴰⵏ ⵅⴼ ⵜⵎⴰⴹⵓⵏⵜ, ⴷ ⵉⴷ ⴱⴰⴱ ⵏ ⵉⵣⵔⴼⴰⵏ ⵏⵏⴰ ⵉⵣⴷⵉⵏ ⵉⵙⵙⵏ ⵙⴳ ⵓⵙⴼⵓⵍⵙ ⴰⴷⵓⵙⴰⵏ ⴰⵎⴱⵣⵣⴻⵣ ⵅⴼ ⵜⵎⴰⴹⵓⵏⵜ.