ⵜⴰⵏⴱⴰⴹⵜ ⴷ ⵉⵏⵎⴰⵍⵍⵓⵜⵏ ⵉⵙⵎⴰⵜⴰⵢⵏ ⵏ ⵉⵙⵎⴷⵢⴰⵜⵏ ⵅⴼ ⵜⴱⵔⵉⴷⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ(ⴰⵙⵉⵡⴹ)

ⵜⵜⵓⵙⵏⵜⴰⵢⵏⵜ ⴰⵙⵙ ⵏ ⵓⴽⵡⴰⵙ 24  ⴼⴱⵕⴰⵢⵕ ⴷ ⵓⵙⵉⵎⵡⴰⵙ 25 ⴼⴱⵕⴰⵢⵕ  2022, ⵜⵖⵉⵎⵉⵜⵉⵏ ⵏ ⵓⵎⵚⴰⵡⴰⴹ ⴰⵏⴰⵎⵓⵏⵏ, ⵙ ⵓⵎⵔⴰⵔⴰ ⵏ ⵓⵖⵓⵔⵉ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵙ ⵢⵉⵍⵉ ⵏ ⵎⴰⵙⵙ ⵢⵓⵏⵙ ⵙⵙⴽⴽⵓⵔⵉ ⴰⵎⴰⵡⵙⴰⵙ ⵏ ⵓⵙⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ, ⴷ ⵎⴰⵙⵙ ⵎⵚⵟⴰⴼⴰ ⴱⴰⵢⵜⵜⴰⵙ ⵏⵏⴰ ⵉⴳⴰⵏ ⴰⵎⴰⵡⴰⵙ ⴰⵎⵍⴰⵍⴰⵢ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵜⵣⴷⴰⵢⵉⵏ ⴰⴽⴷ ⵍⴱⵕⵍⴰⵎⴰⵏ- ⴰⵎⵙⵙⵉⵡⵍ ⵓⵏⵚⵉⴱ ⵙ ⵡⴰⵙⵙⴰⵖ ⵏ ⵜⵏⴱⴰⴹⵜ, ⴷ ⵎⴰⵙⵙⴰ ⵖⵉⵜⴰ ⵎⵣⵡⵡⵔ  ⵜⴰⵎⴰⵡⵙⴰⵙⵜ ⵜⴰⵎⵍⴰⵍⴰⵢⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵓⵙⵏⵖⵍ ⴰⵎⵚⵚⵉⵟⵏ ⴷ ⵓⵙⵖⵓⴷⵓ ⵏ ⵜⵏⵎⵀⴰⵍⵜ, ⴳ ⵢⴰⵏ ⵓⵏⵣⵡⵉ ⵏⵏⴰ ⴳ ⵍⵍⴰⵏ ⵢⵉⵎⴰⵏ ⵏ ⵜⵏⴰⵎⵓⵔⵜ ⴷ ⵓⵎⵢⴰⵡⴰⵙ ⵢⴰⵜⵜⵓⵢⵏ, ⴳ ⵓⵙⴰⵜⵉ ⵏ ⵜⵉⵔⵉⵜ ⵉⵛⵛⴰⵔⵏ ⵏ ⵓⵙⵙⵏⵜⵉ ⵏ ⵓⵎⵚⴰⵡⴰⴹ ⴰⴳⴷⵓⴷⴰⵏ ⵉⵜⵜⵓⵢⴰⵡⴰⵙⵏ ⵉⴳⴰⵏ ⴰⵎⵏⴱⴰⴹ. 
ⵉⵏⵎⵓⵇⵇⴰⵔⵏ ⵉⵣⴷⵉⵏ ⴰⴽⴷ ⵜⵏⴰⵎⵎⴰⵙⵉⵏⵜⵉⵏⵎⴰⵍⵍⵓⵜⵉⵏ ⵉⵙⵎⴰⵜⴰⵢⵏ ⵏ ⵉⵙⵎⴷⵢⴰⵜⵏ, ⵏⵏⴰ ⵉⵍⵍⴰⵏ ⴳ ⵓⴷⵖⴰⵔ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵓⵙⴰⵜⵉ ⵏ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⵏ ⵓⵎⵙⴰⵡⴰⵍ ⴰⴳⴷⵓⴷⴰⵏ, ⵍⵍⵉ ⴳ ⵢⴰⵎⵓ ⵏ: ⵡⴰⵎⵓⵏ ⴰⵎⵖⵔⵉⴱⵉⵢ ⵏ ⵜⵡⵓⵔⵉ ⵏⵏⴰ ⵉⵙⵏⵙⵙⵉⵅⴼ ⵓⵏⴼⵍⵓⵙ ⴰⵎⴰⵜⴰⵢ ⵍⵎⵉⵍⵓⴷⵉ ⵎⵓⵅⴰⵔⵉⵇ, ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵉⵎⵙⵡⵓⵔⴰ ⴳ ⵍⵎⵖⵔⵉⴱ ⵙ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵎⴰⵙⵙ ⵏⵉⵄⴰⵎ ⵎⵢⴰⵕⴰ, ⴷ ⵜⴽⵓⵏⴼⵉⴷⵉⵕⴰⵍⵉⵢⵜ ⵜⴰⴷⵉⵎⵓⵇⵕⴰⵜⵉⵢⵜ ⵏ ⵜⵡⵓⵔⵉ ⵙ ⵜⵏⵙⵙⵉⵅⴼⵜ ⵏ ⵓⵎⵉⵔⵓ ⴰⵎⴰⵜⴰⵢ ⵎⴰⵙⵙ ⵍⵄⴰⵍⴰⵎⵉ ⵍⵀⵡⵉⵔ ⴷ ⵎⴰⵙⵙ ⴱⵓⵛⵜ ⴱⵓⵅⴰⵍⴼⴰ, ⵎⴽⵉⵏⵏⴰ ⵉⵙⵙⵏ ⵉⵍⵉ ⵏ ⵉⵙⵎⴷⴰⵢⵏ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ, ⵙ ⵜⵏⵙⵙⵉⵅⴼⵜ ⵏ ⵓⵙⵍⵡⴰⵢ ⵛⴰⴽⵉⴱ ⵍⵄⵍⵊ. 
ⴳ ⵓⵢⴷⴷⵖ ⵏ ⵓⵏⵎⵓⵇⵇⴰⵔⵏ ⵉⵙⵉⵏⵔⴰⵔⵏ, ⵉⵙⵙⵉⵡⵍ ⵓⵎⴰⵜⴰ ⵅⴼ  ⵜⵉⵎⵎⵓⵖⵔⴰ ⵏ  ⵡⴰⵜⵉⴳ ⵏ ⵜⵙⵏⵜⴰⵢⵜ ⴰⴷ ⵏⵏⴰ ⵉⵍⵍⴰⵏ ⴳ ⵜⵣⵡⵓⵔⵉ ⵏ ⵍⵡⵉⵍⴰ ⵜⵓⵏⵏⴱⵉⴹⵜ, ⵏⵏⴰ ⵉⵣⵎⵔⵏ ⴰⴷ ⵜⵙⴷⵓⵙ ⵜⴰⵎⵢⵉⵎⴰⵏⵜ ⵏ ⵓⵙⵙⵏⵜⵉ ⵏ ⵜⴷⵍⵙⴰ ⵏ ⵓⵎⵢⴰⵡⴰⵙ ⴷ ⵓⵙⵙⵏⵜⵉ ⵏ ⵜⵎⴰⵎⴽⵜ ⵏ ⵜⴰⵛⵛⵓⵔⵜ ⴳ ⵓⵙⵡⵓⴷⴷⵓ ⵏ ⵓⵙⴽⴽⵉⵏ ⴰⴳⴷⵓⴷⴰⵏ, ⵙⵍⴰⵡⴰⵏ ⴰⴽⴽⵯ ⵢⵏⵏⴰ ⵉⵥⵍⵉⵏ ⵙ ⵉⵙⴷⴰⵡⵏ ⵉⴳⴷⵓⴷⴰⵏⵏ ⵉⵙⵙⴰⵡⵀⵎⵎⴰⵏ ⵏⵏⴰ ⵖⵓⵔ ⵜⵍⵍⴰ ⵢⴰⵜ ⵖⴷⴼⵜ ⵉⵙⵙⴰⵡⵀⵎⵎⴰⵏ ⵙⴳ ⴷⴰⵔ ⵜⵙⴳⴳⵉⵡⵉⵏ ⵙ ⵓⵎⴰⵜⴰ.  ⵎⴽⵉⵏⵏⴰ ⵙⵙⵉⵡⵍⵜ ⵜⵔⵓⴱⴱⴰ ⵅⴼ  ⵓⵃⵏⵏ ⵏ ⵓⴳⵍⵍⵉⴷ ⴷ ⵜⵖⴹⴼⵜ ⵜⴰⵎⵇⵇⵔⴰⵏⵜ ⵏ ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ  ⵚⴹⵉⵚ  ⵕⴱⴱⵉ ⴰⴷ ⵢⴰⴷⵊ, ⵉ ⵎⴰⵕⵕⴰ ⴰⴳⴷⵓⴷ, ⵉⵏⵎⵓⵔⴰ ⴷ  ⵉⵅⴷⴷⴰⵎⵏ ⴷ ⴰⵢⵜ ⵜⵡⵓⵔⵉ ⵙ ⴽⵉⴳⴰⵏ ⵏ ⵜⵙⵏⵜⴰⵢ ⴷ ⵉⵙⵡⵓⴷⴷⵓⵜⵏ  ⵏⵏⴰ ⵉⵙⴼⵙⵉⵙⵏ ⴰⵥⴰⵥⴰ ⵏ ⵜⵎⴰⴹⵓⵏⵜ, ⵜⴳ ⵙⴳ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵏ ⵉⴱⴷⴷⵉ ⵎⵏⵉⴷ ⵏ ⵓⵔⴰⵔ ⵏ ⵇⵇⴰⵃ ⴰⵢⵏⵏⴰ ⵉⵛⵇⵇⴰⵏ  ⴷ ⵜⴱⴱⴰⵢⴹⵕⵉⵏ ⵏⵏⴰ ⵇⴰⴷ ⵉⴱⴷⴷ ⵎⵏⵉⴷ ⵏ ⵜⵡⴰⴷⴰ ⵜⴰⵙⴳⵎⴰⵏⵜ ⵙ ⵓⵎⴰⵜⴰ. 

ⴷ ⵅⴼ ⵜⵎⵏⵜⵉⵍⵉⵏ ⵏⵏⴰ ⵉⵍⵍⴰⵏ ⴳ ⵓⵢⴷⴷⵖ ⵏ ⵉⵏⵎⵓⵇⵇⴰⵔⵏ, ⴷ ⵓⵎⵔⴰⵔⴰ ⵅⴼ ⵜⵓⵜⵔⵉⵡⵉⵏ ⵏ ⵇⵇⴰⵃ ⵉⴼⵔⴷⵉⵙⵏ ⵉⵏⵎⴰⵍⵍⵓⵜⵏ, ⴰⴼⴰⴷ ⴰⴷ ⵜⵜⵡⴰⴳⴳ ⵢⴰⵜ ⵜⵖⴰⵔⴰⵙⵜ ⵉⵛⵛⴰⵔⵏ ⵜⵉⵔⵙⵍⵜ ⵏⵏⵙ ⵜⴰⴷⵍⵙⴰ ⵏ ⵜⵢⴰⴼⵓⵜⵉⵏ, ⵉⵎⵙⴰⵙⴰ ⵓⵎⴰⵜⴰ ⵏ ⵉⴷⵔⴰⵡⵏ ⵅⴼ ⵓⵙⵙⵔⵙⵍ  ⵏ ⵜⵎⴰⵎⴽⵜ ⵏ ⵓⵎⵙⴰⵡⴰⴹ  ⴷ ⵓⵏⵏⴹ ⵏⵏⵙ ⵙ ⵎⴰⵕⵕⴰ ⴹⴹⴰⵎⴰⵏⴰⵜ ⵏ ⵓⵎⵓⵔⵙ ⵙ  ⵓⵏⵓⵖ ⵍⵍⵉ ⵇⴰⴷ ⵉⵙⵙⵓⴼⵖ ⵙ  ⵉⵎⵙⴰⵙⴰⵜⵏ ⵓⵏⵖⵉⴷⵏ ⵉⴳⴰⵏ ⵡⵉⵏ ⵜⵉⴷⵜ, ⵇⴰⴷ ⵜⴰⵡⵙ  ⵉⴳ ⵉⵎⵣⴷⴰⵖⵏ ⴰⴷ ⵙⵢⴰⴼⴰⵏ ⵙ  ⵡⴰⵜⵉⴳ ⵏⵏⵙ  ⴷ ⵓⵣⴷⴰⵢ ⵏⵏⵙ ⵙ ⵜⵡⵓⵔⵉⵡⵉⵏ ⵏⵏⵙⵏ ⵜⵉⴽⵓⵢⴰⵙⵉⵏ ⴷ ⵜⵣⵣⵓⵍⴰⵏⵉⵏ, ⴷ ⴳ ⵓⵙⴰⵜⵉ ⴰⴷ ⵉⵍⵍⴰ ⵢⴰⵏ ⵓⵎⵙⴰⵙⴰ ⵅⴼ  ⵜⵎⴰⵇⵇⴰⵏⵜ  ⵅⴼ ⵜⵖⴰⵔⴰⵙⵜ ⴰⴷ: 
ⴰⵜⵡⴰⵍ  ⵏ ⵜⴱⵔⵉⴷⵜ: ⵉⵍⵍⴰ ⵢⴰⵏ ⵓⵎⵙⴰⵙⴰ ⵅⴼ ⴰⴷ ⵜⵜⵓⴳ ⵢⴰⵜ ⵜⵙⵇⵇⵉⵎⵜ ⵜⴰⵎⵇⵇⵔⴰⵏⵜ ⵏ ⵓⵎⵙⴰⵡⴰⵍ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ  ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵏⵏⴰ ⴳ ⵍⵍⴰⵏ ⵉⵏⴼⵍⴰⵙ ⵉⵎⴰⵜⴰⵢⵏ ⵏ ⵉⵙⵎⴷⵢⴰⵜⵏ ⵅⴼ ⵜⴱⵔⵉⴷⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⵉⵜⵉⵏ ⵏ ⵍⵎⵖⵔⵉⴱ ⴷ ⵉⵎⴰⵡⵙⴰⵙⵏ ⵉⵙⵙⴰⵡⵀⵎⵎⴰⵏ, ⵏⵏⴰ  ⵅⴼ ⵜⵜⵓⴼⵍⴰⵙⵏⵜ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵉⵥⵍⵉⵏ, ⴷ ⵢⴰⵜ ⵜⵙⵇⵇⵉⵎⵜ ⵏ ⴽⵕⴰⴹ ⵏ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵉⵏ ⵜⵉⵎⵇⵇⵔⴰⵏⵉⵏ ⴷ ⵜⵙⵇⵇⵉⵎⵜ ⵏ ⵢⵉⴳⵔ  ⴰⵎⵥⵍⴰⵢ ⵏⵏⴰ ⵉⵏⵙⵙⵉⵅⴼ  ⵓⵎⴰⵡⴰⵙ ⵏ ⵓⵙⴰⴷⴼ  ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵢⴰⵏⵜ ⴷ ⵜⵡⵓⵔⵉ ⴷ ⵜⵎⵙⵙⵓⴳⴰⵔ  ⵎⴰⵙ ⵢⵓⵏⵙ ⵙⵙⴽⴽⵓⵔⵉ, ⴷ ⵜⵙⵇⵇⵉⵎⵜ  ⵏ ⵢⵉⴳⵔ ⴰⵎⴰⵜⴰⵢ ⵏⵏⴰ ⵜⵏⵙⵙⵉⵅⴼ ⵎⴰⵙⵙⴰ ⵜⴰⵎⴰⵡⵙⴰⵙⵜ  ⵜⴰⵏⵎⵍⴰⵍⵜ ⴷⴰⵔ ⵓⵏⵙⵙⵉⵅⴼ   ⵏ ⵜⵏⴱⴰⴹⵜ ⵏⵏⴰ ⵉⵣⴷⵉⵏ ⵙ  ⵓⵙⵏⵖⵍ ⴰⵎⵙⵙⵉⵟⵏ  ⴷ ⵓⵙⵖⵓⴷⵓ ⵏ ⵜⵏⵎⴰⵀⵍⴰ ⵎⴰⵙⵙⴰ ⵖⵉⵜⴰ ⵎⵣⵡⵡⵕ, ⴷ ⴳⵔ ⵜⵙⵇⵇⵉⵎⵉⵏ  ⵢⴰⵜ ⵜⵙⵇⵇⵉⵎⵜ ⵜⴰⵜⵉⵇⵏⵉⵢⵜ ⵏ ⵓⵣⵣⵓⴳⵣ ⵏ ⵜⵓⵜⵔⵉⵡⵉⵏ ⵙ ⵜⵏⵜⵜⴰⵎⵉⵏ. 
ⴰⵙⴷⴰⵡ ⴰⴳⴷⵓⴷⴰⵏ: ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜⵎⴰⵙ ⵇⴰⴷ ⵉⴳⴳ  ⵜⵉⵎⴳⴳⵉⵜⵉⵏ ⵉⵜⵜⵓⵣⵉⵣⵣⵍⵏ ⵙ ⵉⵙⵎⵎⴰⵍⵏ ⵉⴳⵍⴷⴰⵏⵏ ⵉⵎⵇⵇⵓⵔⵏ ⵃⵎⴰ ⴰⴷ ⵢⵉⵍⵉ ⵓⵙⴼⵙⵉⵙ   ⵏ ⵜⴰⵙⵙⴰⵙⵜ ⵅⴼ ⵓⴼⵍⵍⴰⵃ ⴰⵎⵖⵔⵉⴱⵉⵢ, ⴰⵢⴷⴷⵖ ⵉⵍⵍⴰ ⵡⴰⴷⴷⴰⴷ ⴰⴷ ⵏ ⵓⵏⵣⵡⵉ ⵉⵛⵇⵇⴰⵏ, ⴷ ⵜⴳⴰ ⵜⵏⴱⴰⴹⵜ ⵓⵙⵙⴰⵏ ⴰⴷ ⴷ ⵢⵓⵙⴰⵏ ⴰⴷ ⵜⵙⵙⴽⵔ  ⵜⵉⵙⵏⵜⴰⵢ ⵉⵃⵍⴰⵏ ⵉⵙⵙⴰⵡⵀⵎⵎⴰⵏ, ⵅⴼ ⴰⴷ ⵃⵟⵓⵏ ⵜⵉⵥⵉⵥⴹⵔⵜ ⵏ ⵜⵎⵙⵓⵖⵜ ⵏ ⵉⵎⵣⴷⴰⵖⵏ ⵙ ⵢⴰⵏ ⵓⵙⴷⵓⵙ ⵓⵙⵔⵉⴷ ⵏ ⴽⵉⴳⴰⵏ ⵏ ⵢⵉⴳⵔⴰⵏ ⵉⵏⴰⵎⵓⵏⵏ ⵏ ⵓⴼⴰⵔⵙ  ⴷ ⵉⵙⴰⴷⵓⵔⵏ ⵏ ⵓⵙⵙⵎⵔⵙ, ⵓⵍⴰ ⴰⵕⵥⵥⵓⵎ ⵏ ⵉⵎⵙⴰⵡⴰⵍ ⵉⵏⴳⵔⴰⵏ. 
ⴰⵣⵣⵔⴰⴼ ⴰⵏⴰⵎⵓⵏ: 
ⵉⵥⵍⵉ ⵙ ⵓⵎⵔⴰⵔⴰ ⵏ ⵓⵙⵖⵏⵓ ⵏ ⵓⵙⵍⴳⵏ ⵏ ⵓⵙⵏⵎⴰⵍⴰ ⵏ ⵜⵎⵙⴽⵔⵜ ⵏ ⵓⵣⵔⴼ ⵏ ⵓⵙⵍⴰⴳ, ⴷ ⵓⵙⵖⵏⵓ ⵏ ⵓⵙⵍⴳⵏⴰⵎⵥⵍⴰⵢ ⵏ ⵜⵎⴰⴷⴷⴰⵙⵉⵜⵉⵏⵎⵍⵍⵓⵜⵉⵏ, ⴷ ⵓⵙⵖⵓⴷⵓ ⵏ ⵜⴳⵔⵉⵡⵜ ⵏ ⵜⵡⵓⵔⵉ. ⴰⵢⴷⴷⵖ ⵙⵉⵡⵍⵏⵜ  ⵜⵙⴳⴳⵉⵡⵉⵏ ⴽⵓⵍ ⵅⴼ ⵓⵏⵏⵓⵕⵥⵎ ⴷ ⵜⵡⵉⵙⵉ ⵏⵏⵙ ⵅⴼ ⵓⵕⵣⵥⵓⵎ ⵏ ⵓⵎⵔⴰⵔⴰ ⴰⴷ, ⴰⴽⴷ ⵓⵙⵡⵜⵜⵓ ⵏ ⵡⴰⴽⵓⴷ ⵙ ⵢⴰⵜ ⵜⵎⴰⵎⴽⵜ ⵉⵛⵛⴰⵔⵏ ⵏⵏⴰ ⵢⵓⵙⵉⵏ ⵙ ⵜⵖⴹⴼⵜ ⵜⴰⵏⵏⴰⵢⵉⵏ ⴷ ⵜⵖⴰⵔⴰⵙⵉⵏ ⵏⵏⵙⵏ, ⴷ ⵙ ⵖⵉⴽⵍⵍⵉ ⵉⴹⵎⵏⵏ  ⴰⵢⵍⵍⵉ ⵏ ⵉⵎⵎⵉⵥⵏ ⴷ ⵓⵙⴷⵓⵙ ⵏⵏⵙⵏ.