ⵕⵎⴹⴰⵏ 1443: ⴰⵙⵎⵓⵙⵙⵓ ⵉⵙⵙⴰⵡⵀⵎⵎⴰⵏ ⵏ ⵜⵏⴰⴼⵓⵜⵉⵏ ⵜⵓⵏⵏⴱⵉⴹⵉⵏ ⵏⵏⴰ ⵉⵙⵙⴰⵡⵀⵎⵎⴰⵏ ⵅⴼ ⵓⴼⵣⵓⴽⵎ ⵏ ⵉⴳⴰⴷⴰⵣⵏ ⵙ ⵉⴼⴰⵔⵙⵏ ⵏ ⵡⵓⵜⵜⵛⵉ ⴷ ⵓⵏⴹⴰⴼ ⵏⵏⵙⵏ
- ⴰⵙⵡⵉⵔ ⵏ ⵓⴼⵏⵣⵓ ⵉⵥⵉⵍⵏ ⵏ ⵉⴳⴰⴷⴰⵣⵏ ⵙ ⵎⴰⴷ ⵉⵥⵍⵉⵏ ⵙ ⴽⴰ ⵏ ⵉⴼⴰⵔⵙⵏ ⵏ ⵜⴼⵍⵍⴰⵃⵜ
- ⴷ ⵓⵙⴷⵓⵙ ⵏ ⵓⴹⴼⵓⵕ ⴷ ⵓⵏⴹⴰⴼ ⵏ ⵡⴰⴷⴷⴰⴷ ⵏ ⵓⴼⵣⴽⵓⵎ ⴷ ⵓⵙⵙⴳⴷⵣ ⵏ ⵉⴼⴰⵔⵙⵏ ⵏ ⵡⵓⵜⵜⵛⵉ ⴳ ⵡⴰⵢⵓⵔ ⵏ ⵕⵎⴹⴰⵏ ⴰⵏⴱⴰⵔⴽⵉ
ⵉⵙⵏⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⴰⵢⵏⴰⵙ14 ⵎⴰⵕⵚ 2022, ⵢⴰⵏ ⵓⴳⵔⴰⵡ ⵉⵣⴷⵉⵏ ⵙ ⵓⴼⵣⵓⴽⵎ ⵏ ⵉⴳⴰⴷⴰⵣⵏ ⵙ ⵉⴼⴰⵔⵙⵏ ⵏ ⵡⵓⵜⵜⵛⵉ ⴰⴽⴷ ⵓⵍⵎⵉⵍⵉ ⵏ ⵡⵢⵓⵔ ⵏ ⵕⵎⴹⴰⵏ ⴰⵎⴱⴰⵔⴽⵉ. ⵉⴷⴷⴰⴷ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵉⵏⵎⵎⵍⴰⵏ ⵉⴳⵍⴷⴰⵏⵏ ⵎⵇⵇⵓⵔⵏⵉⵏ ⵏⵏⴰ ⵉⴽⴽⴰⵜⵏ ⵅⴼ ⴰⴷ ⵉⵃⵟⵓ ⵜⵉⵥⵥⵉⴹⵕⴰ ⵏ ⵜⵎⵙⵓⵖⵜ ⵏ ⵉⵎⵣⴷⴰⵖⵏ ⴷ ⵓⴹⵎⴰⵏ ⵏ ⵓⴼⵣⵓⴽⵎ ⵏ ⵉⴳⴰⴷⴰⵣⵏ ⵙ ⵉⴼⴰⵔⵙⵏ ⵏ ⵡⵓⵜⵜⵛⵉ ⵏⵏⴰ ⵉⵅⵚⵚⵏ.
ⴰⵔ ⵉⵜⵜⵉⵙⵉⵏ ⵡⴰⵢⵓⵔ ⵏ ⵕⵎⴹⴰⵏ ⴰⵎⴱⴰⵔⴽⵉ, ⴰⵣⴰⵢⴷ ⵙⴳ ⵜⵓⵜⵔⵉⵡⵉⵏ ⵏ ⴽⵉⴳⴰⵏ ⵏ ⵉⴼⴰⵔⵙⵏ ⵏ ⵡⵓⵜⵛⵉ, ⴰⴼⴰⴷ ⴰⴷ ⵉⵡⵊⴷ ⵎⴰⵢⵏⵏⵏⴰ ⵇⴰⴷ ⵢⵉⵍⵉ ⵓⵙⵉⵜⵜⵢ ⵏ ⵓⵙⵎⵓⵙⵙⵓ ⵓⵏⵏⴱⵉⴹ ⵙ ⵢⴰⵜ ⵜⵖⴰⵔⴰⵙⵜ ⵉⵙⵙⴰⵡⵀⵎⵎⴰⵏ ⵙⴳ ⵓⵙⵉⵜⵜⵢ ⵏ ⵓⵏⴹⴰⴼ ⵏ ⵡⴰⴷⴷⴰⴷ ⵏ ⵓⴼⵣⵓⴽⵎ ⵏ ⵉⴳⴰⴷⴰⵣⵏ ⵏ ⵜⴳⵍⴷⵉⵜ ⵙ ⵉⴼⴰⵔⵙⵏ, ⵓⴳⴳⴰⵔ ⵏ ⵎⴰⵏ ⴰⵢⴰ ⴰⵙⴷⵓⵙ ⵏ ⵓⵏⴱⴷⵓⵔ ⴳ ⵎⴰⴷ ⵉⵣⴷⵉⵏ ⵙ ⵓⴳⴰⴷⴰⵣ ⴷ ⵓⵏⴱⴷⵓⵔ ⵏ ⵜⵉⵕⵡⵉ, ⴷ ⵓⴹⵓⵔ ⴷ ⵜⵎⵔⵔⵓⵜ ⵏ ⵏ ⵉⵏⵓⴼⵏ ⵏⵖ ⴽⴰ ⵏ ⵓⵚⵏⵉⵄ ⵓⵔ ⵉⵃⵍⵉⵏ.
ⵎⴰⵏ ⴰⵢⴰ, ⵜⴰⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵏ ⵢⵉⵍⵍ ⴷ ⵓⵙⵙⴳⵎⵉ ⵜⴰⴷⵖⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵙ ⵜⵡⵉⵙⵉ ⵏ ⵜⵏⵎⵀⴰⵍⵉⵏ ⵉⵎⵢⴰⵏⴰⵡⵏ ⵉⵥⵍⵉⵏ, ⴷⴰ ⵜⴽⴽⴰⵜ ⵅⴼ ⵓⴼⵣⵓⴽⵎ ⵏ ⵉⴳⴰⴷⴰⵣⵏ ⵉⵏⴰⵎⵓⵔⵏ ⵙ ⵢⴰⵜ ⵜⵎⴰⵎⴽⵜ ⵉⴼⵓⵍⴽⵉⵏ ⴳ ⵎⴰⴷ ⵉⵥⵍⵉⵏ ⵙ ⵉⴼⴰⵔⵙⵏ ⵏ ⵡⵓⵜⵜⵛⵉ ⵏⵏⴰ ⵉⵜⵜⵓⵙⵎⵔⴰⵙⵏ ⴱⴰⵀⵔⴰ, ⵙⵍⴰⵡⴰⵏ ⴰⴽⴽⵯ ⴰⴳⴳⵯⵔⵏ, ⴷ ⵜⵎⵉⵟⴰⵛ, ⴷ ⵡⵓⵔⴽⵉⵎⵏ, ⴷ ⵜⵉⵢⵏⵉ, ⴷ ⵍⵍⵓⵣ, ⵍⵜⵛⵉⵏ, ⴰⵥⴰⵜⵉⵎ, ⴰⴽⵯⴼⴼⴰⵢ, ⵜⴰⵎⵓⴷⵉⵜ, ⵜⴰⵎⵎⵏⵜ, ⵜⵉⴼⵢⵢⵉ, ⵜⵉⴳⵍⴰⵢ, ⵉⵙⵍⵎⴰⵏ.
ⵉⵙⵙⴹⵀⵕ ⵓⵎⴰⵜⵔ ⵏ ⵉⴳⴰⴷⴰⵣⵏ ⵙ ⵢⴰⵜ ⵜⵎⴰⵎⴽⵜ ⵜⴰⴽⵓⵢⴰⵙⵜ, ⴰⵢⵓⵔ ⴰⵢⴰⴷ, ⵎⴰⵙⴷ ⵉⵍⵍⴰ ⵓⴼⵓⵣⴽⵎ ⵏ ⵉⴳⴰⴷⴰⵣⵏ ⵙ ⵢⴰⵜ ⵜⵎⴰⵎⴽⵜ ⵉⴼⵓⵍⴽⵉⵏ ⵙ ⵓⵎⴰⵜⴰ, ⵎⵇⵇⴰⵔ ⴷ ⵎⴰⵏ ⴰⵢⴰ, ⵇⴰⴷ ⵇⵇⵉⵎⵉⵏⵜ ⵜⵏⴱⴱⵉⴹⵉⵏⵜⵉⵎⵥⵍⴰⵢ ⵔⵓⵔⴰⵏⵜ ⵜⴰⵖⴹⴼⵜ ⴳ ⵎⴰⴷ ⵉⵥⵍⵉⵏ ⵙ ⴽⵔⴰ ⵏ ⵉⴼⴰⵔⵙⵏ, ⵙⵍⴰⵡⴰⵏ ⴳ ⵓⵣⵎⵣ ⴰⴷ ⵍⵍⵉ ⴳ ⵉⴷⵔⵓⵙ ⵓⵏⵥⴰⵕ ⵏⵏⴰ ⵉⵍⵍⴰⵏ ⵖⴰⵙ ⴳ ⵡⴰⵢⵓⵔ ⵏ ⴼⴱⵕⴰⵢⵕ ⵉⵣⵔⵉⵏ, ⴰⴽⴷ ⵉⵔⵡⴰⵢⵏ ⵏⵏ ⵉⵍⵍⴰⵏ ⴳ ⵓⴳⴰⴷⴰⵣ ⴰⵎⴹⵍⴰⵏ.
ⴰⵙⴷⵓⵙ ⵏ ⵓⴹⴼⵓⵕ ⴷ ⵓⵏⵎⴰⵜⵔ
ⵇⴰⴷ ⵇⵇⵉⵎⵉⵏ ⵉⴳⵔⴰⵏ ⵉⵎⵢⴰⵏⴰⵡⵏ ⵙⵍⴰⵡⴰⵏ ⴰⴽⴽⵯ ⵜⴰⵎⴰⵡⴰⵙⵜ ⵜⴰⴳⵯⵏⵙⴰⵏⵜ, ⴷ ⵜⴷⵎⵙⴰ ⴷ ⵓⵥⵕⴼ, ⴷ ⵜⴼⵍⵍⴰⵃⵜ ⴷ ⵜⴳⵎⵔⵜ ⵏ ⵢⵉⵍⵍ ⴷ ⵜⴳⵎⵉ ⵜⴰⴷⵖⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⴷ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⵎⴰⵡⴰⵙⵜ ⵏ ⵓⵙⵏⵖⵍ ⴰⵣⵎⵔⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵜⵜⵓⵎⵓⵙⵙⴰ ⵃⵎⴰ ⴰⴷ ⵜⵙⴷⵓⵙ ⵜⵉⵎⵎⴰⴽⵉⵏ ⵏ ⵓⵣⴷⴰⵢ ⴷ ⵓⴷⴼⵓⵕ ⵅⴼ ⵓⵙⵡⵉⵔ ⴰⵏⴰⵎⵎⴰⵙ ⴷ ⵓⴷⵖⵔⴰⵏ, ⴰⴼⴰⴷ ⴰⴷ ⵜⵃⴹⵓ ⴰⵣⵔⴰⵢ ⵏ ⵡⴰⵢⵓⵔ ⴰⴷ ⴰⵎⴱⴰⵔⴽⵉ ⴳ ⵢⴰⵏ ⵡⴰⴷⴷⴰⴷ ⵉⵃⵍⴰⵏ.
ⴳ ⵎⴰⴷ ⵉⵥⵍⵉⵏ ⵙ ⵜⵕⵡⵉ ⵏ ⵉⴼⴰⵔⵙⵏ, ⵇⴰⴷ ⵜⵜⵓⵙⴷⵓⵙⵏⵜ ⵜⵏⴰⴼⵓⵜⵉⵏ ⵏ ⵓⵎⵉⵔⵓ ⴰⵏⴰⵎⵓⵔ ⵏ ⵙⵙⵍⴰⵎⵜ ⵜⴰⴷⵓⵙⴰⵏⵜ ⵉ ⵉⴼⴰⵔⵙⵏ ⵏ ⵡⵓⵜⵜⵛⵉ ⵜⵉⵎⵙⴽⴰⵔ ⵏ ⵓⵎⴰⵜⵔ ⵏ ⵉⴼⴰⵔⵙⵏ ⵏ ⵡⵓⵜⵜⵛⵉ ⵏⵏⴰ ⵉⵜⵜⵓⵙⵎⵔⴰⵙⵏ ⴱⴰⵀⵔⴰ, ⴷ ⵎⴰⵏ ⴰⵢⴰ ⵙ ⵜⵙⵇⵇⵉⵎⵉⵏ ⵉⵛⵛⴰⵔⵏ ⵅⴼ ⴰⴷ ⴱⴷⴷⵉⵏⵜ ⵅⴼ ⵓⵎⵙⴰⵙⴰ ⵏ ⵉⴼⴰⵔⵙⵏ ⵉ ⵉⴹⵕⵉⵚⵏ ⵉⵙⵏⵎⴰⵍⴰⵏ, ⴷ ⵓⵙⵙⴽⴰⵔ ⵏ ⵡⵓⴽⴽⵓⵙ ⴷ ⵓⵙⵢⵢⴱ ⵏ ⵜⵖⴰⵡⵙⵉⵡⵉⵏ ⵓⵔ ⵉⵥⵉⵍⵏ, ⴷ ⵜⵉⵏⵏⴰ ⵎⵉ ⵍⴰⵃ ⴰⵣⵡⵍ ⴷ ⵜⵏⵏⴰ ⵎⵉ ⵓⵔ ⵉⵜⵜⵡⴰⵙⵙⴰⵏ ⵓⵖⴱⴰⵍⵓ ⵏⵏⵙ.
ⵉⵜⵜⵓⵙⵎⵎⴰⵜⵔ ⵎⴰⵙⴷ ⴰⴳⵔⴰⵡ ⴰⴷ ⵏⵏⴰ ⵉⵜⵜⵓⴳⴰⵏ ⵅⴼ ⵎⴰⴷ ⵉⵥⵍⵉⵏ ⵙ ⵓⴼⵣⵓⴽⵎ ⵏ ⵉⴳⴰⴷⴰⵣⵏ ⵙ ⵉⴼⴰⵔⵙⵏ ⵏ ⵡⵓⵜⵜⵛⵉ ⴳ ⵡⴰⵢⵓⵔ ⵏ ⵕⵎⴹⴰⵏ, ⵉⵍⵍⴰ ⴷⵉⵙ ⵎⴰⵙⵙ ⵄⴱⴷ ⵍⵄⴰⵍⵉ ⵍⴼⵜⵉⵜ, ⴰⵎⴰⵡⴰⵙ ⵏ ⵜⵎⴰⵡⴰⵙⵜ ⵜⴰⴳⵯⵏⵙⴰⵏⵜ, ⴷ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ ⵜⴰⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ, ⴷ ⵎⴰⵙⵙ ⵙⴰⴷⵉⵇⵉ, ⴰⵎⴰⵡⴰⵙ ⵏ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵏ ⵢⵉⵍⵍ ⴷ ⵓⵙⴳⵎⵉ ⴰⴼⴰⵔⴰⵏ ⴷ ⵡⴰⵎⴰⵏ ⴷ ⵜⴳⴰⵏⵉⵏ, ⴷ ⵎⴰⵙⵙ ⵕⵉⵢⵢⴰⴹ ⵎⵥⵡⵡⵕ, ⴰⵎⴰⵡⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵜⴰⵎⴰⵡⵙⴰⵙⵜ ⵏ ⵓⵙⵏⵖⵍ ⴷ ⵜⵣⵎⵔⵜ ⵜⴰⵏⴳⵎⴰⵏⵜⴰⵙⵓⵍⴰⵏⵜ, ⴷ ⵎⴰⵙⵙ ⵅⴰⵍⵉⴷ ⵍⵢⵄⵇⵓⴱⵉ; ⴰⵎⵏⴱⴰⴹ, ⴰⵏⵎⵀⴰⵍ ⵏ ⵓⵣⴷⴰⵢ ⵏ ⵉⵙⴽⴽⵉⵏ ⵉⴷⵎⵙⴰⵏ ⴳ ⵜⵎⴰⵡⴰⵙⵜ ⵜⴰⴳⵯⵏⵙⴰⵏⵜ, ⴷ ⵎⴰⵙⵙ ⵏⴰⴱⵉⵍ ⵍⵅⴹⵕ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴷⵉⵡⴰⵏⵜ ⵏ ⵓⵙⵙⵉⵡⵙ ⵓⵔ ⵉⴳⵉⵏ ⵜⵓⵙⵔⵉⴷⵜ, ⴷ ⵎⴰⵙⵙ ⵄⴱⴷ ⵍⵍⴰⵀ ⵍⵊⴰ,ⴰⵜⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵎⵉⵔⵓ ⴰⵏⴰⵎⵓⵔ ⵏ ⵙⵙⵍⵎⴰⵜ ⵜⴰⴷⵓⵙⴰⵏⵜ ⵏ ⵉⴼⴰⵔⵙⵏ ⵏ ⵡⵓⵜⵜⵛⵉ, ⴷ ⵎⴰⵙⵙ ⵃⴰⵙⴰⵏ ⴱⵓⵙⵍⵎⴰⵏ ⴰⵏⵎⵀⴰⵍ ⵏ ⵓⵎⵃⵉⵣⵡⴰⵔ ⴷ ⵡⴰⵜⵉⴳ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ.