ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 26 ⵎⴰⵢⵢⵓ2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 25 ⵉⵏⴹⴼⵕ ⵏ ⵉⵙⵡⵉ 1443, ⵉⵎⵙⴰⵙⴰⵏ ⴰⴽⴷ 26 ⵎⴰⵢⵢⵓ 2022, ⴰⴳⵔⴰⵡ ⵏⵏⵙ ⵏ ⵉⵎⴰⵍⴰⵙⵙ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴳ ⵜⵉⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ , ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.375 ⵉⵇⵇⵏ ⵖⵔ ⵓⵙⵖⵣⴼ ⵏ ⵜⵉⵣⵉ ⵏ ⵡⴰⴷⴷⴰⴷ ⴰⵎⵓⴳⵣ ⴰⴷⵓⵙⴰⵏ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵉ ⵓⵎⵏⴰⵍⴰ ⵏ ⵜⴰⴷⵓⵢⵜ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ-ⴽⵓⴼⵉⴷ19, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴰⴱⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.337 ⵙ ⵜⵙⴽⵔⵉⵡⵜ ⵙ ⵓⵣⵔⴼ ⵓⵟⵟⵓⵏ 98.15 ⵉⵇⵇⵏ ⵖⵔ ⵉⵏⴰⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⴷ ⵓⵣⵔⴼ ⵓⵟⵟⵓⵏ 99.15 ⵉ ⵜⵉⴳⴳⵉ ⵏ ⵓⵏⴳⵔⴰⵡ ⵏ ⵜⵙⴰⴷⵓⵔⵉⵏ, ⵥⵍⵉⵏⵉⵏ ⵙ ⵜⴳⵔⴰⵡⵉⵏ ⵏ ⵉⵎⵣⵣⵓⵍⴰⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵉⵡⵔⵉⴽⵏ ⵓⵔ ⵉⴳⵉⵏ ⵉⵎⵖⵔⴰⴷⵏ ⵍⵍⵉ ⵉⵜⵜⴳⵏ ⵜⵉⵡⵓⵔⵉⵡⵉⵏ ⵉⵥⵍⵉⵏ, ⴳ ⵎⴰ ⴰⵢⴷ ⵉⵣⴷⵉⵏ ⵙ ⵉⴷ ⴱⴰⴱ ⵏ ⵉⵖⵔⵔⵓⴱⴰ ⵏ ⵜⴳⵯⵎⵔⵜ ⵜⴰⴱⵍⴷⵉⵜ, ⴱⵍⴰ ⵏ ⵡⵉⵙ ⵅⴼ ⵉⵍⵍⴰ ⵓⵏⴳⵔⴰⵡ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⵉⵙⵏⴽⴷ ⵜ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ.
- ⴳ ⵓⵎⵏⴰⴹ ⴰⴷ ⵏⵏⵉⴽ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.338 ⵉ ⵓⵙⵏⴼⵍ ⴷ ⵓⵙⵎⴰⴷ ⵓⵎⵕⵚⵓⵎ ⵓⵟⵟⵓⵏ 2.21.751 ⴷ ⵉⴼⴼⵖⵏ ⴳ 23 ⵉⵏⴹⴼⵕ ⵏ ⵜⵉⵔⵡⴰⵢⵉⵏ 1443 (29 ⵏⵓⵡⴰⵏⵏⴱⵉⵔ 2021) ⵉ ⵓⵙⴽⴰⵔ ⵙ ⵓⵔⵣⴼ ⵓⵟⵟⵓⵏ 98.15 ⵉⵇⵇⵏ ⵖⵔ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ, ⵥⵍⵉⵏⵉⵏ ⵙ ⵜⴳⵔⴰⵡⵉⵏ ⵏ ⵉⵎⵣⵣⵓⵍⴰⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵉⵡⵔⵉⴽⵏ ⵓⵔ ⵉⴳⵉⵏ ⵉⵎⵖⵔⴰⴷⵏ ⵍⵍⵉ ⵉⵜⵜⴳⵏ ⵜⵉⵡⵓⵔⵉⵡⵉⵏ ⵉⵥⵍⵉⵏ, ⴳ ⵎⴰ ⴰⵢⴷ ⵉⵣⴷⵉⵏ ⵙ ⵉⵙⴱⴱⴰⴱⵏ ⴷ ⵉⵎⵉⵏⴹⵉⵢⵏ ⵍⵍⵉ ⵉⵟⵟⴰⴼⵏ ⵜⴰⵙⵉⴹⵏⵜ, ⵉⵙⵏⴽⴷ ⵜ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ.
- ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.342 ⵏ ⵉ ⵓⵙⵏⴼⵍ ⵏ ⵓⵎⵕⵚⵓⵎ ⵓⵟⵟⵓⵏ 2.22.957 ⴷ ⵉⴼⴼⵖⵏ ⴳ 18 ⴰⵜⴼⴼⴰⵙ ⵉⵣⵡⴰⵔⵏ 1443 (23 ⴷⵓⵊⴰⵏⴱⵉⵔ 2021) ⵉ ⵜⵉⴳⴳⵉ ⵏ ⵏ ⵜⵎⵏⴰⴹⵜ ⵏ ⵓⵙⴷⴷⵔⴼ ⴰⵎⵓⴳⵔⴰⵏ ⵏ ⴱⵓⵇⵏⴰⴷⵍ, ⵉⵙⵏⴽⴷ ⵜ ⵎⴰⵙⵙ ⵕⵢⴰⴹ ⵎⵣⵡⴰⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ, ⵉⵜⵜⵓⵙⵎⴰⵍ:
- ⵎⴰⵙⵙ ⵅⵟⴰⵔ ⵍⵎⵊⴰⵀⴷⵉ, ⴷ ⴰⵏⵎⵀⴰⵍ ⵉ ⵓⵎⵢⴰⵡⴰⵙ ⴰⵏⴰⵎⵓⵔ.
- ⵎⴰⵙⵙ ⵕⴰⵛⵉⴷ ⵍⵇⴷⵉⴷⴰ, ⴷ ⴰⵏⵎⵀⴰⵍ ⵉ ⵜⴳⵎⵉ ⵜⴰⵏⴰⵎⵓⵏⵜ.
