ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 10 ⵉⴱⵔⵉⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ11 ⵛⴰⵡⵡⴰⵍ1446 ⵉⵎⵙⴰⵙⴰⵏ ⴰⴽⴷ10 ⵉⴱⵔⵉⵔ2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵉⵔⵉ ⵏ ⵓⴳⵔⴰⵡ ⵏ ⵓⵙⵇⵇⵉⵎ ⴰⴷ, ⴰⵢⵍⵍⵉ ⵉⵣⴷⵉⵏ ⵙ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 14.25 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ 47.06 ⵉⵥⵍⵉⵏ ⵙ ⵉⵔⴳⴰⵢⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ, ⵍⵍⵉ ⵍⵍⴰⵏⵜ ⵜⴰⵏⵏⴰⵢⵉⵏ ⵍⵍⵉ ⴷ ⴼⵍⵍⴰⵙ ⵢⵓⵛⴽⴰⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.250 ⵉⵥⵍⵉⵏ ⵙ ⵓⵙⴽⴰⵔ ⴷ ⵓⵙⵡⵓⴷⴷⵓ ⵏ ⵓⵙⵉⵏⴰⴳ ⵏ ⵓⵙⵎⵓⵜⵜⴳ ⴳ ⵜⵓⵣⵣⵓⵍⵉⵏ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ ⴳ ⵏⵏⴰⵡⵚⵕ, ⵉⵙⵎⵏⵉⴷ ⵜ ⵎⴰⵙⵙ ⵢⵓⵏⵙ ⵙⴽⴽⵓⵔⵉ ⵓⴱⴰⵃⵙⵙⵓ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⴰⵢ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⵙⵉⵏ ⵉⵙⵏⵜⵉⵏ ⵉⵎⵕⵙⵓⵎⵏ, ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵏⵉⴷ ⵜⵏ, ⵎⴰⵙⵙ ⴽⴰⵔⵉⵎ ⵣⴰⵢⴷⴰⵏ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵥⵍⵉⵏ ⵙ :
- ⴰⵙⵏⵜⵉ ⴰⵎⵕⵙⵓⵎ ⵓⵟⵟⵓⵏ 2.24.568 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.21.992 ⵍⵍⵉ ⴷ ⵉⴼⴼⴰⵖⵏ ⴳ 7 ⵕⴰⵊⴰⴱ 1443 (9 ⴱⵕⴰⵢⵕ 2022) ⵉⵎⵎⴰⵍⵏ ⵜⵡⵓⵔⵉⵡⵉⵏ ⴷ ⵓⵙⵏⵎⴰⵍⴰ ⵏ ⵜⵎⴰⵡⴰⵙⵜ ⵏ ⵓⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ;
- ⴰⵙⵏⵜⵉ ⴰⵎⵕⵙⵓⵎ ⵓⵟⵟⵓⵏ 2.24. 342 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵜⵡⵉⵙⵉ ⵜⵉⵎⵥⵍⵉⵢⵜ ⵏ ⵜⵎⵙⵙⵏⵜⴰⵢ ⵉⵎⵥⵥⵉⵏ ⴱⴰⵀⵔⴰ ⴷ ⵜⵎⵙⵙⵏⵜⴰⵢ ⵜⵉⵎⵥⵢⴰⵏⵉⵏ ⴷ ⵜⵏⴰⵎⵎⴰⵙⵉⵏ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴷⵜ ⵏ ⵜⴳⴷⵓⴷⴰⵏⵜ ⵏ ⵎⴰⵍⴰⵡⵉ ⵉⵥⵍⵉⵏ ⵙ ⵜⵉⴽⴽⵉ ⵏ ⵉⵏⴱⴽⴰⴹ, ⵉⵜⵜⵓⵙⴳⵎⴰⴹⵏ ⴳ 16 ⵢⵓⵍⵢⵓⵣ 2024, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 49.24 ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜ ⵉⵙⵎⵏⵉⴷ ⵜ ⵎⴰⵙⵙ ⵎⵓⵃⵎⵎⴰⴷ ⵃⵊⵊⵓⵡⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⴳⴰ ⴰⵡⴷ ⵓⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⴰⵙⴱⵓⵖⵍⵓ ⵏ ⵓⵎⵢⴰⵡⴰⵙ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⴳ ⵉⴳⵔ ⴰⵏⵣⵔⴰⴼ ⴷ ⵓⵙⴱⴷⴷⵉ ⵏ ⵓⴱⴽⴽⵉⴹ ⵙ ⵜⵉⴽⴽⵉ ⵏ ⵉⵏⴱⴽⴰⴹ ⵍⵍⵉ ⵜⵣⵜⵜⵔ ⵜⵣⵔⴰⴼⵜ ⴳⵔ ⵏ ⵜⵉⵏⴱⴰⴹⵉⵏ ⵜⵓⵏⵣⵔⴼⵉ ⵏ ⵜⵎⵉⵣⴰⵔ ⵙ ⵙⵏⴰⵜ, ⵙ ⵜⵖⵔⴰⵙⵜ ⴰⴷ ⴰⵔⴰⴽⴽⴰⵏⵜ ⵜⵎⵉⵣⴰⵔ ⵉⵏⴱⴽⴰⴹ ⵉ ⵏⴳⵔ ⴰⵙⵜⵏⵜ, ⵙ ⵜⵓⵜⵔⴰ ⵏ ⵢⴰⵜ ⴳⵉⵙⵏⵜ ⵙ ⵓⵎⵙⴰⵙⴰ ⵏ ⵉⵙⵍⴳⵏ ⵏ ⵓⴳⵯⵏⵙ, ⴰⵔ ⴰⴽⴽⴰⵏⵜ ⵜⵎⵉⵣⴰⵔ ⵙ ⵙⵏⴰⵜ ⵡⵓⵏⵏⴰ ⵅⴼ ⵉⵍⵍⴰ ⵉⴱⴹⵉ ⵏⵖ ⴷ ⴰⵙⵡⵓⵓⴷⵓ ⵏ ⵉⴱⴹⵉ ⵍⵍⵉ ⵙ ⴳⵉⵏ ⵜⵉⴽⴽⵉ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⵍⴰⵏ :
- ⵎⴰⵙⵙ ⵄⴰⴱⴷⵍⵎⴰⵍⴽ ⴰⵄⵡⵉⵛ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵛⵛⴰⵔⵉⵄⴰ ⴳ ⴼⴰⵙ;
- ⵎⴰⵙⵙ ⵎⵓⵃⵎⵎⴰⴷ ⴱⵓⵣⵍⴰⴼⴰ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⴳⵉⵏⵏ ⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ ⴳ ⴼⴰⵙ;
- ⵎⴰⵙⵙ ⵎⵓⵃⵎⵎⴰⴷ ⵇⵇⴰⴷⵓⵙ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⴳⵉⵏⵏ ⴷ ⵉⴷⴰⵎⵙⴰⵏ ⴷ ⵉⵏⴰⵎⵓⵏⵏ ⴳ ⵎⴽⵏⴰⵙ ;
- ⵎⴰⵙⵙ ⵜⴰⵡⴼⵉⵇ ⴼⵛⵜⴰⵍⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⴳ ⵎⴽⵏⴰⵙ;
- ⴳ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⵓⵃⵎⵎⴰⴷ ⵍⵖⴰⵣⵍⴰⵏⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵣⵣⴰⵔⴼ ⴷ ⵓⵎⵛⵉⵡⴰⵕ ⴷ ⵜⵖⵓⵔⵓⵡⵉⵏ ⵜⵓⵍⴳⵉⵢⵉⵏ;
- ⵎⴰⵙⵙ ⵎⵓⵃⵎⵎⴰⴷ ⵕⵉⴹⴰ ⴰⵄⵎⵎⴰⵕ, ⴰⵏⵎⵀⴰⵍ ⵏ ⵜⵎⵙⵎⵓⵏⵉⵏ ⴷ ⵜⴰⵣⵣⵓⵍⵉⵏ ⵜⵉⵏⵎⴰⵍⴰⵢⵉⵏ ⴷ ⵜⵙⵏⵓⵔⴰⵢ ⵜⵉⵣⵣⵓⵍⴰⵏⵉⵏ.
