ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 25 ⵖⵓⵛⵜ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 27 ⴳ ⵡⵉⵏ ⵉⴳⵯⵔⵔⴰⵎⵏ 1444, ⵉⵎⵙⴰⵙⴰⵏ ⴰⴽⴷ 25 ⵖⵓⵛⵜ 2022, ⴰⴳⵔⴰⵡ ⵏⵏⵙ ⵏ ⵉⵎⴰⵍⴰⵙⵙ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⵅⴼ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.495ⵏ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.04.89 ⴷ ⵉⴼⴼⵖⵏ ⴳ 18 ⴳ ⵉⵏⴹⴼⵕ ⵏ ⵜⵔⵡⴰⵢⵉⵏ 1425 (7 ⵢⵓⵏⵢⵓ 2004) ⵙ ⵓⵙⵡⵜⵜⵓ ⵏ ⵜⵡⵓⵔⵉⵡⵉⵏ ⵏ ⵜⵎⵔⵙⴰⵍ ⵜⵉⵙⴷⴰⵡⴰⵏⵉⵏ ⴷ ⵉⵙⴰⴽⴰⵜⵏ ⵏ ⵜⵖⵓⵔⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⴷ ⵉⵙⵍⴽⵉⵏⵏ ⵉⵏⴰⵎⵓⵔⵏ ⴷ ⵓⵎⵙⴰⵙⴰ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵎⵉⵔⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵉⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ.
- ⵙⴳ ⴷⴳⵙ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴰⴱⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.21.501 ⵅⴼ ⵡⴰⵔⴰⵢ ⵏ ⵉⵎⵖⵔⴰⴷⵏ ⵉⵜⵜⵏⴰⵍⵏ ⴰⴳⴹⵕⵓⵕ ⵏ ⵏ ⵍⵃⵔⵉⵔ ⵏ ⵓⵥⵕⵓ, ⵉⵙⵏⴽⴷ ⵜ ⵎⴰⵙⵙ ⵢⵓⵏⵙ ⵙⵙⴽⵓⵔⵉ ⵓⴱⵃⵙⵓ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵣⵎⵎⴰⵔ.
- ⴳ ⵓⵎⵏⴰⴹ ⴰⴷ ⵏⵏⵉⴽ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.12.502 ⵙ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵎ ⵓⵟⵟⵓⵏ 2.08.528 ⴷ ⵉⴼⴼⵖⵏ ⴳ 25 ⴰⵜⴼⴼⴰⵙ ⵉⵣⵡⴰⵔⵏ 1430 (21 ⵎⴰⵢⵢⵓ 2009), ⵉⵇⵇⵏ ⵖⵔ ⵓⴼⵔⴰⴳ ⵉ ⵉⵎⵙⵡⵓⵔⵉⵢⵏ ⵎⴳⴰⵍ ⵉⵎⵉⵣⵉⵜⵏ ⴷ ⵉⵜⵜⴰⵡⵉ ⵍⵎⴰⵥⵓⵟ ⴷ ⵉⵎⵜⵜⵉⵜⵏ ⵍⵍⵉ ⴳ ⵢⵓⵜⵉ ⵍⵎⴰⵥⵓⵜ 1 ⵜⵉⴳⵎⵉⴹⵉ ⴳ ⵓⴽⵙⴰⵢ, ⵉⵙⵏⴽⴷ ⵜ ⴰⵍⵜⵓ ⵎⴰⵙⵙ ⵢⵓⵏⵙ ⵙⵙⴽⵓⵔⵉ ⵓⴱⵃⵙⵓ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵣⵎⵎⴰⵔ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⴽⵔⵉⵎ ⴽⵉⵔⵉ, ⴷ ⴰⵏⵎⵀⴰⵍ ⵉ ⵓⵔⵣⵣⵓ ⴷ ⵓⵙⵍⴳⵏ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ.
- ⴰⵃⵎⴰⴷ ⵄⴱⴰⵔ, ⴷ ⴰⵏⵎⵀⴰⵍ ⵉ ⵜⵙⵉⴹⵏⵜ ⵜⴰⵎⴰⵜⴰⵢⵜ ⴳ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ.
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ:
- ⵎⴰⵙⵙ ⵊⴰⵡⴰⴷ ⴱⴰⵄⵊⵉ, ⴷ ⴰⵏⵎⵀⴰⵍ ⴰⵎⴰⵜⵓ ⵉ ⵓⵙⵉⵔⴰ ⴰⵏⴰⵎⵓⵔ ⵉ ⵓⵎⵛⴰⵡⴰⵔ ⵏ ⵜⴼⵍⵍⴰⵃⵜ.
- ⵎⴰⵙⵙ ⵙⴰⵄⵉⴷ ⴰⵇⵔⵢⴰⵍ, ⴷ ⴰⵏⵎⵀⴰⵍ ⵉ ⵓⵙⵉⵔⴰ ⴰⵏⴰⵎⵏⴰⴹ ⵉ ⵓⵙⵙⴰⵔⵓ ⴰⵏⴼⵍⴰⵃ ⵏ ⵜⴰⴷⵍⴰ.
