ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵢⵓⴳⴳⴰ ⵏⵏ ⵅⴼ ⵓⵏⵇⵇⵉⵙ ⵏ ⵓⵙⴳⴳⵯⴰⵙ ⵉ ⵓⵎⵖⵏⵓ ⵏ ⵓⵏⴹⴰⴼ ⵏ ⵉⵙⴼⵍⵉⵙⵏ ⴷ ⵓⵖⴹⴰⴼ ⴰⵏⴰⵎⵓⵏ
ⵢⵓⴳⴳⴰ ⵏⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵕⴰⵙ 12 ⵢⵏⵏⴰⵢⵔ 2022, ⴳ ⵢⴰⵏ ⵓⴳⵔⴰⵡ ⵏⵏⴰ ⵉⵜⵜⵓⴳⴰⵏ ⵙ ⵜⴻⵜⵉⵇⵏⵉⵢⵜ ⵏ ⵓⴼⵉⴷⵢⵓ (ⴰⵎⵢⴰⵡⴰⴹ ⵉ ⵥⵕⵉ) ⵓⵏⵇⵇⵉⵙ ⵏ ⵓⵙⴳⴳⵯⴰⵙ ⵉ ⵓⵎⵖⵏⵓ ⵏ ⵓⵏⴹⴰⴼ ⵏ ⵉⵙⴼⵍⵉⵙⵏ ⴷ ⵓⵖⴹⴰⴼ ⴰⵏⴰⵎⵓⵏⵏⵏⴰ ⵉⵍⵍⴰⵏ ⴳ ⵓⵙⴳⴳⵯⴰⵙ ⵏ 2020, ⵉⵙⵙⵏⴽ ⴷ ⵜ ⵓⵏⵙⵙⵉⵅⴼ ⵏ ⵓⵎⵖⵏⵓ ⵙ ⵜⵎⴰⵔⵉⵜ, ⵎⴰⵙⵙ ⵄⵜⵎⴰⵏ ⵅⴰⵍⵉⵍ ⵍⵄⴰⵍⴰⵎⵉ, ⴷ ⵎⴰⵏ ⴰⵢⴰ ⴰⴽⴷ ⵉⵙⴱⴷⴰⴷⵏ ⵏ ⵜⵎⵜⵜⴰ 9 ⵙⴳ ⵓⵙⵍⴳⵏ ⵡⵉⵙⵙ 12-64 ⵏⵏⴰ ⵉⵙⵙⴽⵔ ⵓⵎⵖⵏⵓ.
ⴷ ⵢⵓⴳⴳⴰ ⵏⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⵏⵎⵓⵇⵇⴰⵔ ⵏⵏⴰ ⵅⴼ ⵓⵏⵇⵇⵉⵙ ⵍⵍⵉ ⵉⵜⵜⵓⴳⴰⵏ ⵅⴼ ⵜⵢⴰⴼⵓⵜⵉⵏ ⵏ ⵓⵏⴹⴰⴼ ⵏ ⵓⵙⴳⴳⵯⴰⵙ ⵏⵏⴰⵖ ⵉⵥⵍⵉⵏ ⵙ ⵜⵎⵙⴽⵉⵔⵉⵏ ⵏ ⵜⴰⵏⴰⴼⵜ ⵏⵖ ⴰⵢⵏⵏⴰ ⴷ ⵉⵜⵜⴷⵡⴰⵍⵏ ⵉⴽⵛⵎⵏ ⴳ ⵓⴹⵕⵉⵙ ⵏ ⵓⵙⵍⴳⵏ ⴳ ⵎⴰⴷ ⵢⵓⵙⴰⵏ ⴳ ⵜⵎⵜⵜⴰ 11 ⴳ ⵓⵙⵍⴳⵏ ⵏⵏⴰ. ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵡⴷ ⵢⴰⵜ ⵜⵎⵍⴷⴰ ⵉ ⵎⴰⵙⵙ ⵍⵄⴰⵍⴰⵎⵉ ⵃⵎⴰ ⴰⴷ ⵉⴼⴽ ⵢⴰⵜ ⵜⴰⵏⵏⴰⵢⵜ ⵜⴰⵎⴰⵜⴰⵢⵜ ⵅⴼ ⵡⴰⴷⴷⴰⴷ ⵏ ⵢⵉⴳⵔⴰⵏ ⵏ ⵏ ⵉⵙⴼⵍⵉⵙⵏ ⴷ ⵡⴰⴹⴰⴼ ⴰⵏⴰⵎⵓⵏ ⴳ ⵓⵙⴳⴳⵯⴰⵙ ⵏ 2020, ⵓⵍⴰ ⵅⴼ ⵜⵢⴰⴼⵓⵜⵉⵏ ⵏ ⵜⵉⵍⴰⵍ ⵏ ⵓⵖⴹⴰⴼ ⴰⵏⴰⵎⵓⵏ ⴳ ⵎⴰⴷ ⵉⵥⵍⵉⵏ ⵙ ⵓⵏⴹⴰⴼ.
ⴰⵔ ⵉⵙⵡⵓⵔⵉ ⵓⴳⵔⴰⵡ ⵏ ⵓⵏⴷⴰ ⵏ ⵉⵙⴼⵍⵉⵙⵏ ⴷ ⵓⵖⴹⴰⴼ ⴰⵏⴰⵎⵓⵏ ⵅⴼ ⵓⵏⴹⴰⴼ ⵏ ⵜⵡⵓⵔⵉ ⵏ ⵜⵎⵙⵙⵏⵜⵉⵜⵉⵏ ⵏ ⵓⵙⴼⵍⵙ ⴷ ⵓⴷⵡⴰⵍ ⵏ ⵓⵙⴼⵍⵙ ⴷ ⵜⵔⴰⵜⵙⴰ ⵏ ⴱⴹⴹⵓ, ⴷ ⵉⴳⵔⴰⵡⵏ ⵏ ⵓⵖⴹⴰⴼ ⴰⵏⴰⵎⵓⵏ, ⵎⴽⵉⵏⵏⴰ ⵜⴱⴷⴷⴰ ⵅⴼ ⵓⵃⵟⵟⵓ ⵏ ⵓⵏⴼⵍⴰⵙ ⵏⵏⵙⵏ ⴷ ⵡⵉⵏⵏⴰ ⴷⵉⵙⵏ ⵢⴰⵎⵓⵏ ⴷ ⵉⵎⴰⴷⵔⴰⵡⵏ ⵏⵏⴰ ⵉⵙⴱⵖⵔⵏ ⵙⴳ ⵉⵣⵔⴼⴰⵏ.