ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷⴰ ⵏⵏ ⵉⵜⵜⴰⴳⴳⴰ ⵅⴼ ⵓⵏⵇⵇⵉⵙ ⴰⵙⴳⵯⵙⴰⵏ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵖⵎⵉⵙⵏ ⵉⵥⵕⴼⴰⵏⵏ
ⵉⵙⵙⴽⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵄⴰⵣⵉⵣ ⴰⵅⵏⵏⵓⵛ , ⴰⵙⵙ ⴰⴷ 12 ⵢⵏⵏⴰⵢⵔ 2022 ⵢⴰⵏ ⵓⵏⵎⵓⵇⵇⴰⵔ ⵙ ⵜⴱⵔⵉⴷⵜ ⵏ ⵓⵎⵢⴰⵡⴰⴹ ⵙ ⵜⵓⴳⴳⵓⴳⵜ, ⴰⴽⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵖⵎⵉⵙⵏ ⵉⵥⵕⴼⴰⵏⵏ, ⵎⴰⵙⵙ ⵊⴰⵡⵀⵔ ⵏⵏⴼⵉⵙⵉ, ⵏⵏⴰ ⴰⵙ ⵉⵡⵛⴰⵏ ⴰⵏⵇⵇⵉⵙ ⴰⵙⴳⵯⵙⴰⵏ ⵏ ⵓⴳⵔⴰⵡ ⴰⵏⴰⵎⵓ ⵏ ⵓⵙⴳⴳⵯⴰⵙ ⵏ 2022, ⴷ ⵎⴰⵏ ⴰⵢⴰ ⵖⵉⴽⵍⵍⵉ ⴷ ⵢⵓⵛⴽⴰⵏ ⴳ ⵉⵙⴱⴷⴰⴷⵏ ⵏ ⵓⵙⵍⴳⵏ ⵡⵉⵙⵙ 43-05 ⵏⵏⴰ ⵉⵥⵍⵉⵏ ⵙ ⵓⵙⴱⴷⴷ ⵏ ⵜⴰⵔⴷⴰ ⵏ ⵉⴷⵔⵉⵎⵏ ⵖⵉⴽⵍⵍⵉ ⵉⵜⵜⵓⵀⵉⵢⵢⴰ ⵉⵜⵜⵓⵙⵎⴰⴷ.
ⵎⵔⴰⵔⴰⵏⵜ ⵜⵙⴳⴳⵉⵡⵉⵏ ⵙ ⵙⵏⴰⵜ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴳ ⵓⵏⵎⵓⵇⵇⴰⵔ ⴰⴷ ⵍⵍⵉ ⵉⵣⴷⵉⵏ ⵙ ⵜⵖⴰⵔⴰⵙⵉⵏ ⵏ ⵓⵙⵖⵓⴷⵓ ⴷ ⵓⵙⴱⵓⵖⵍⵍⵓ ⵏ ⵜⵡⵓⵔⵉ ⵏ ⵓⴳⵔⴰⵡ, ⴰⵛⴽⵓ ⵇⴰⴷ ⵉⵜⵜⵓⴳ ⵢⴰⵏ ⵓⵏⵎⵓⴳⴳⴰⵔ ⴳ ⵜⵣⵡⵓⵔⵉ ⵏ ⵡⴰⵢⵓⵔ ⵏ ⴼⴱⵕⴰⵢⵕ ⵍⵍⵉ ⴷ ⵢⵓⵙⴰⵏ ⴰⴽⴷ ⵉⵎⵏⴱⴰⴹⵏ ⴳ ⵉⴳⵔⴰⵏ ⵉⵏⴱⴱⴰⴹⵏ ⵏⵏⴰ ⵉⵥⵍⵉⵏ ⵙ ⵎⴰⵏ ⴰⵢⴰ ⵃⵎⴰ ⴰⴷ ⵙⵏⵓⴱⴱⵛⵏ ⴳ ⵉⵙⴼⴽⴰ ⵍⵍⵉ ⵉⵙⵙⴰⵡⵀⵎⴰⵏ ⴳ ⵓⵎⵏⵉⴷ ⴰⴷ. ⴷ ⵉⵣⵎⵎⴻⵎ ⵓⵏⵇⵇⵉⵙⵏ ⵏⵏⴰ ⵅⴼ ⵏⵏ ⵢⵓⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵍⵍⵉ ⵉⴽⴽⴰⵏ ⵜⴰⴱⵔⵉⴷⵜ ⵜⴰⵎⴰⵍⴰⵢⵜ ⵏⵏⴰ ⵡⵛⴰⵏⵜ ⵜⵎⴰⵜⴰⵔⵉⵏ ⵏ ⵜⵉⵍⴰⵍ ⵏ ⵓⴳⵔⴰⵡ ⴳ ⵓⵙⴳⴳⵯⴰⵙ ⵏ 2020, ⴳ ⵎⴰⴷ ⵉⵥⵍⵉⵏ ⵙ ⵡⵓⵟⵟⵓⵏ ⵏ ⵜⵙⴳⵓⵔⵉⵡⵉⵏ ⵙ ⵓⵔⵡⴰⵙ ⴷⵉⵙ ⵉⵍⵍⴰⵏ ⴰⵛⴽⵓ ⵜⵓⵍⵢ ⵙ
23% ⴷ ⵓⵙⵎⵣⴰⵣⴰⵍ ⴰⴽⴷ ⵓⵙⴳⴳⵯⴰⵙ ⵏ 2019, ⵎⴽⵉⵏⵏⴰ ⵜⵜⵓⵣⵎⵎⴰⵎ ⴳ ⵓⵙⴳⴳⵯⴰⵙ ⵏⵏⴰ ⵢⴰⵏ ⵓⵙⵙⵔⵚⵓ ⴳ ⵜⵙⴳⴰ ⵏ ⵓⴱⴰⴷⵍ ⵏ ⵉⵏⵖⵎⵉⵙⵏ ⴳⵔ ⵓⴳⵔⴰⵡ ⴰⵏⴰⵎⵓⵔ ⴷ ⵓⵎⴷⴷⵓⵔ ⵏⵏⵙ ⵏ ⴱⵕⵕⴰ ⴳ ⵢⵉⴳⵔ ⵏ ⵓⵙⴱⴷⴷ ⵏ ⵜⴰⵔⴷⴰ ⵏ ⵉⴷⵔⵉⵎⵏ ⴷ ⵓⵥⵕⴼ ⵏ ⵍⵉⵔⵀⴰⴱ?
ⵎⵇⵇⴰⵔ ⵍⵍⴰⵏ ⵡⴰⴷⴷⴰⴷⵏ ⵓⵙⵍⵉⴷⵏ ⵏⵏⴰ ⵉⵙⵙⴼⵔⵙⵏ ⴰⵙⴳⴳⵯⴰⵙ ⵏ 2020 ⴰⵢⴷⴷⵖ ⵜⵍⵍⴰ ⵜⵎⴰⴷⵓⵏⵜ ⵏ ⴽⵓⵕⵓⵏⴰ ⴽⵓⴼⵉⴷ 19, ⵉⵙⵎⴷ ⵓⴳⵔⴰⵡ ⵜⵉⵣⵎⵎⴰⵔ ⵏⵏⵙ ⵙ ⵓⵣⴷⴰⵢ ⴰⴽⴷ ⵜⵏⴱⴰⴹⵉⵏ ⵜⵉⵏⴰⵎⵓⵏⵉⵏ ⵜⵓⵥⵍⴰⵢⵉⵏ ⵙ ⵓⵙⴷⵓⵙ ⵏ ⵓⵙⵖⵓⵏ ⴰⵥⵓⵕⴰⵏ ⵏ ⵓⵏⴰⴳⵔⴰⵡ ⴰⵏⴰⵎⵓⵔ ⵏ ⵓⵙⴱⴷⴷ ⵏ ⵜⴰⵔⴷⴰ ⵏ ⵉⴷⵔⵉⵎⵏ ⴷ ⵓⵥⵕⴼ ⵏ ⵍⵉⵔⵀⴰⴱ ⴷ ⵜⵉⵕⵡⵉ ⵏⵏⵙ ⴳ ⵡⵓⴼⵓⵖ ⵙⴳ ⵓⵙⴷⴷⵉ ⵏ ⵜⴹⴼⵕⵜ ⵏⵏⴰ ⵉⵜⵜⵓⵙⴷⵓⵙⵏ ⵙⴳ ⴷⴰⵔ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵥⵕⴼⴰⵏⵜ ⴳ ⵓⴷⵖⴰⵔ ⵏ ⵓⵏⵇⴰⵔ ⴰⵏⴰⵎⵎⴰⵙ ⴷ ⵓⴳⴰⴼⴰⵢ ⵏ ⵉⴼⵔⵉⵇⵇⵢⴰ (GAFIMOAN) ⵓⵍⴰ ⵜⴰⵔⴰⴱⴱⵓⵜ ⵏ ⵜⵡⵓⵔⵉ ⵜⵓⵥⵕⵉⴼⵜ (GAFI) ⴳ ⵡⴰⴽⵓⴷ ⵉⵜⵜⵓⵙⵡⵓⵜⵜⴰⵏ.
ⵎⴰⵏ ⴰⵢⴰ, ⵉⵙⵙⵏ ⵓⵙⴳⴳⵯⴰⵙ ⵏ 2020 ⵙ ⵓⵙⵙⴽⴰⵔ ⵏ ⵓⵙⵖⵓⴷⵓ ⵏⴰⵣⵔⴼⴰⵏ ⵏⵏⴰ ⵉⵜⵜⵓⵙⵎⴷⵢⴰⵏ ⴳ ⵓⵙⵍⴳⵏ ⵡⵉⵙⵙ 12-18 ⵏⵏⴰ ⵉⵙⵏⴼⵍⵏ ⴷ ⵉⵜⵜⵓⵙⵎⴰⴷⵏ ⴳ ⵓⵙⵍⴳⵏ ⴰⵏⴱⴽⴰⴹ ⴷ ⵓⵙⵍⴳⵏ ⵡⵉⵙⵙ 43- 05 ⵏⵏⴰ ⵉⵥⵍⵉⵏ ⵙ ⵓⵙⴱⴷⴷ ⵏ ⵜⴰⵔⴷⴰ ⵏ ⵉⴷⵔⵉⵎⵏ, ⵏⵏⴰ ⵢⵉⵡⵙⵏ ⴳ ⵓⵙⴷⵓⵙ ⵏ ⵓⴳⵔⴰⵡ ⵏ ⵓⵃⵟⵟⵓ ⴷ ⵓⵖⴰⵜⴰⵍ ⴷ ⵓⵣⵣⵔⴰⵢ ⵏ ⵓⴳⴰⵔⴰⵡ ⴰⵣⵔⴼⴰⵏ ⴳ ⵓⵙⴰⵜⵉⴳ ⵏ ⵜⵎⵔⵙⴰⵍ ⵏ ⵓⴳⵔⴰⵡ ⴰⵏⴰⵎⵓⵔ ⴷ ⵓⵙⴷⵓⵙ ⵏ ⵓⵙⴰⵜⵉⴳ ⵏ ⵉⴱⴷⴷⵉ ⵅⴼ ⵜⵡⵓⵔⵉⵡⵉⵏ ⴷ ⵜⵣⵣⵓⵍⴰⵏⵉⵏ ⵓⵔ ⵉⴳⵉⵏ ⵜⵉⵥⵕⴼⵉⵏ, ⴷ ⴰⴷ ⵉⵡⵛ ⵢⴰⵜ ⵜⵎⴰⵜⴰⵔⵜⵜⵉⵎⵔⵙⴰⵍ ⵅⴼ ⵓⵔⵓ ⴰⴳⴷⵓⴷⴰⵏ ⵏ ⵉⵎⵙⵙⴱⵔⵏ ⵙⴳ ⵉⵡⵔⵉⴽⵏ ⵓⵍⴰ ⴰⴷ ⵢⵉⵍⵓⵄⵔⴰⵎ ⵏ ⵓⵙⴰⵜⵉ ⴰⵣⵔⴼⴰⵏ ⴷ ⵜⵎⵔⵙⴰⵍ ⵏ ⵓⵣⵣⵓⴳⵣ ⵏ ⵉⵣⵎⴰⵣ ⵏ ⵉⴷⵔⵉⵎⵏ ⵏⵏⴰ ⵉⵜⵜⵓⵙⴱⵖⵔⵏ ⴷ ⵉⴼⴼⵖⵏ ⴳ ⵓⵙⵇⵇⵉⵎ ⵏ ⵓⴼⵔⴰ ⵍⵍⵉ ⵉⴹⴼⴰⵕⵏ ⵉ ⵉⴳⴷⵓⴷⴰⵏⵏ ⵉⵏⴰⵎⵓⵏⵏ.
ⴳ ⵓⵙⵡⵉⵔ ⵏ ⵜⵕⵡⵉ, ⵉⵙⵙⵏ ⵓⵙⴳⴳⵯⴰⵙ ⵏ 2020 ⵙ ⵓⵙⵙⴽⴰⵔ ⵏ ⵓⵏⵇⵇⵉⵙ ⵅⴼ ⵜⵉⵣⵉ ⵏ ⴷⴼⴼⵉⵔ ⵏ ⵜⴰⵏⵏⴰⵢⵜ ⵏⵏⴰ ⵉⵜⵜⵓⴼⴽⴰⵏ ⵉ ⵜⵔⴰⴱⴱⵓⵜ ⵏ ⵓⵣⵣⵔⴰⵢ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ ⵏⵏⴰ ⵉⴹⴼⴰⵕⵏ ⵉ ⴽⵉⴳⴰⵏ ⵏ ⵜⵡⵓⵔⵉ ⵜⵓⵥⵕⵉⴼⵜ (GAFI), ⵎⴽⵉⵏⵏⴰ ⵜⵙⵙⵏ ⵓⴼⵓⵖ ⵏ ⴽⵉⴳⴰⵏ ⵏ ⵜⵖⵜⴰⵙⵉⵏ ⴷ ⵜⵎⵙⴽⵜⵉⵜⵉⵏ ⵉⵙⵏⵎⴰⵍⴰⵏ ⴷ ⵉⵎⴰⵏⴰⵔⵏ ⵓⵙⵏⵖⵜ, ⴰⴽⴷ ⵜⴰⵎⵓⵏⵜ ⴰⴽⴷ ⵜⵏⴱⴰⴹⵉⵏ ⵉⵎⵢⴰⵏⴰⵡⵏ ⵏ ⵓⵙⵙⵓⴳⵔ ⴷ ⵓⵎⵎⴰⵜⵔ ⵉⵥⵍⵉⵏ ⵙ ⵉⴳⵔⴰⵏ ⵓⵥⵕⵉⴼⵏ ⴷ ⵡⴰⵔ ⵓⵥⵕⵉⴼⵏ ⴳ ⵓⵙⵙⴽⴰⵔ ⵏ ⵉⴹⵕⵉⵚⵏ ⵉⵥⵍⵉⵏ ⵙ ⵉⴳⵔⴰⵏ ⵏⵏⴰ ⵅⴼ ⵉⵙⵙⴰⴳⴳⴰ, ⴷ ⵎⴰⵏ ⴰⵢⴰ ⴰⴼⴰⴷ ⴰⴷ ⵉⵜⵜⵓⵙⵖⵓⴷⵓ ⵏ ⵜⵙⴽⵯⴼⵍⵜ ⵏ ⵓⵙⵖⵓⵏ ⴰⵥⵓⵕⴰⵏ ⵙ ⵉⵏⴰⵡⴰⵢⵏ ⵉⵎⴰⴹⵍⴰⵏⵏ ⴷ ⵓⵙⵙⵀⵡⵏ ⵏ ⵓⵔⵎⴰⵙ ⵉⴼⵓⵍⴽⵉⵏ ⵏ ⵉⵏⴱⴰⴹⵏ ⵉⵣⵔⴼⴰⵏⵏ ⴷ ⵓⵟⵎⴰⵏ ⵏ ⵜⵙⵏⵙⵉ ⵜⴰⵎⴰⴼⴰⵢⵜ.
ⴳ ⵜⵙⴳⴰ ⵏⵏⵉⴹⵏ, ⵉⵙⵎⴷ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵖⵎⵉⵙⵏ ⵉⵥⵕⴼⴰⵏⵏ ⴳ ⵓⵙⴳⴳⵯⴰⵙ ⵏ 2020, ⵙ ⵓⵣⴷⴰⵢ ⵏ ⵜⵏⴱⴰⴹⵉⵏ ⵓⵍⵓⵎⵎⵜ ⴷ ⵓⵎⴰⵜⵔ ⵏ ⵉⴳⵔ ⴰⵥⵕⴼⴰⵏ ⴷ ⵢⵉⴳⵔ ⵡⴰⵔ ⴰⵥⵕⴼⴰⵏ, ⴰⵙⵎⴰⵜⴰ ⵏ ⵜⵏⴰⴼⵓⵜⵉⵏⵏ ⵉⵎⵙⴳⵔⴰⵜⵏ ⵏ ⵓⵏⵇⵇⵉⵙ ⵏ ⵓⵙⵜⴰⵍ ⴰⵏⴰⵎⵓⵔ ⵏ ⵉⵎⵏⵣⵉ, ⵎⴽⵉⵏⵏⴰ ⵜⵜⵓⵣⴳⴰⵔ ⵜⵖⴰⵔⴰⵙⵜ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⴳ ⵢⵓⵏⵢⵓ 2020 ⴰⴼⴰⴷ ⴰⴷ ⵢⵉⵍⵉ ⵓⵃⵟⵟⵓ ⵙⴳ ⵉⵎⵉⵣⵉⵜⵏ ⵏⵏⴰ ⵉⵜⵜⵓⵙⵡⵓⵜⵜⴰⵏ ⴷ ⵓⵏⵏⴱⴹ ⴳⵉⵙ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⵡⵉⵔ ⴰⴳⵀⵔⴰⵖⵍⴰⵏ.