ⴰⵙⵎⵀⵍ ⵏ ⵓⵖⴰⵡⴰⵙ ⵏ “ⴰⵡⵕⴰⵛ” ⵅⴼ ⵎⴰⵕⵕⴰ ⵜⴰⵏⴰⵎⵓⵔⵜ ⵙⴳ ⵡⴰⵙⵙ ⴰⵎⵣⵡⴰⵔⵓ ⵏ ⵎⴰⵕⵚ 2022 (ⴰⵙⵉⵡⴹ ⴰⵏⵖⵎⴰⵙ)

ⴰⴳ ⵜⵣⵡⵓⵔⵉ ⵏ ⵡⴰⵢⵓⵔ ⵏ ⵎⴰⵕⵚ 2022 ⵇⴰⴷ ⵉⵜⵜⵓⵙⵎⵀⴰⵍ ⵓⵖⴰⵡⴰⵙ ⵏ ⴰⵡⵕⴰⵛ ⴳ  ⵜⵏⴰⵎⵓⵔⵜ ⵏⵏⵖ, ⴰⵢⴷⴷⵖ ⵇⴰⴷ ⵜⵙⵎⵓⵏ ⵜⴼⵔⴽⵜ ⴰⴷ ⵜⴰⴼⵔⴽⵜ ⵜⵉⵙⵙ ⴽⵕⴰⴹⵜ ⴷ ⵜⵎⴳⴳⴰⵔⵓⵜ ⴳ ⵓⵖⴰⵡⴰⵙ ⵏ ⵜⵙⵏⴱⴰⴹⵉⵏ ⴷ ⵜⵎⵏⴰⴹⵉⵏ ⴰⴷ: 
ⵍⴼⵃⵚ - ⴰⵏⵊⵕⴰ, ⵍⵄⵔⴰⵢⵛ; ⵟⴰⵏⵊⴰ- ⴰⵚⵉⵍⴰ, ⵜⵉⵟⵡⴰⵏ, ⴱⵔⴽⴰⵏ, ⴷⴷⵔⵉⵡⵛ, ⵏⵏⴰⴹⵓⵕ, ⵡⵊⴷⴰ- ⴰⵏⴳⴰⴷ, ⵎⴽⵏⴰⵙ, ⴼⴰⵙ, ⵉⴼⵔⴰⵏ, ⵚⴼⵕⵓ, ⵜⴰⵣⴰ, ⵇⵏⵉⵟⵕⴰ, ⵕⵕⴱⴰⴹ, ⵙⵍⴰ, ⵚⵚⵅⵉⵕⴰⵜ, ⵜⵎⴰⵔⴰ, ⴱⵏⵉ ⵎⵍⵍⴰⵍ, ⵍⴼⵇⵉⵀ ⴱⵏ ⵚⴰⵍⵃ, ⵅⵔⵉⴱⴳⴰ, ⴱⵏ ⵙⵍⵉⵎⴰⵏ, ⵊⵊⴷⵉⴷⴰ, ⴷⴷⴰⵍⴱⵉⴷⴰ, ⵎⴷⵢⵓⵏⴰ, ⵍⵎⵓⵃⵎⵎⴰⴷⵉⵢⵢⴰ, ⵙⵟⵟⴰⵜ, ⵇⵍⵄⴰⵜ ⵚⵚⵔⴰⵖⵏⴰ, ⵎⵕⵕⴰⴽⵛ, ⴰⵙⴼⵉ, ⵎⵉⴷⵍⵜ, ⴰⴳⴰⴷⵉⵔ- ⵉⴷⴰⵡⵜⴰⵏⴰⵏ, ⵉⵏⵣⴳⴳⴰⵏ- ⴰⵢⵜⵎⵍⵍⵓⵍ, ⴰⵙⴰⴻⴻⴰⴳ, ⴳⵍⵎⵉⵎ, ⵟⴰⵏⵟⴰⵏ, ⴱⵓⵊⴷⵓⵔ, ⵍⵄⵢⵓⵏ, ⴰⵡⵙⵔⴷ. 
ⴳ ⵎⴰⵏ ⴰⵢⴰ, ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⵏ ⵜⵏⵇⵇⵉⵙⵜ ⵜⴰⵙⵜⵔⴰⵜⵉⵊⵉⵢⵜ ⵏⵏⴰ ⵉⵍⵍⴰⵏ ⵙ ⵜⵏⵙⵙⵉⵡⵅⴼⵜ ⵏ ⵓⵏⵙⵙⵉⵅⴼ  ⵏ ⵜⵏⴱⴰⴹⵜ ⴷ ⵙ ⵢⵉⵍⵉ ⵏ ⵉⴳⵎⴰⵎⵏ ⵏ ⵜⵏⵇⵇⵉⵙⵜ, ⵙ ⵡⴰⵜⵉⴳ ⵏ ⵓⵖⴰⵡⴰⵙ ⴰⴷ ⵉⵜⵜⵓⵙⵍⵍⵡⵉⵏ ⵏⵏⴰ ⵜⵙⵙⴽⵔ ⵜⵏⴱⴰⴹⵜ, ⵍⵍⵉ ⴷⴰⵔ ⴰⵡⵜⵜⴰⵙ ⵏ ⵓⵙⵖⵓⴷⵓ ⵏ ⵓⵙⵡⵓⵔⵉ ⴷ ⵓⵙⴷⵓⵙ ⵏ ⵉⵏⵏⴰⵣⵏ ⵏ ⵓⵙⵓⴷⴼ ⴰⵣⵣⵓⵍⴰⵏ, ⴷ ⵜⵉⴳⴳⵉ ⵏ ⵡⴰⵏⵙⵉⵡⵏ ⵜⵡⵓⵔⵉ ⵓⵙⵔⵉⴷⵏ. ⵎⴽⵉⵏⵏⴰ ⵉⵡⵛⴰ ⵎⴰⵙⵙ ⴰⵎⴰⵡⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ  ⵢⴰⵏ ⵓⵙⴼⵙⵔ ⵅⴼ ⵓⴱⵓⵖⵍⵓ ⵏ ⵓⵣⵣⴳⵉⵔ ⵏ ⵓⵖⴰⵡⴰⵙ ⵙ ⵎⴰⵏ ⴰⵢⴰ: 
ⵉⵙⴰⵡⵔⵏ ⵏ ⵓⵙⵉⴷⴼ ⵉⵙⵓⵍⴰⵏⵏ ⵏⵏⴰ ⵉⵜⵜⵓⴳⴰⵏ ⴳ ⵇⵇⴰⵃ ⵜⵉⵙⴳⴳⵉⵡⵉⵏ ⵙ ⵜⵙⵏⵙⵉ ⵏ ⵓⵣⵎⵣⴰⵏ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵡⵉⵙⵙ 2022 ⵏⵏⴰ ⵉⵍⵍⴰⵏ ⴳ 12 ⵢⵏⵏⴰⵢⵔ 2022;
ⵉⵙⴰⵡⵔⵏ ⵉⵎⴰⵜⴰⵢⵏⵏ ⵡⴰⴽⵓⴷ ⵏⵏⴰ ⵉⵜⵜⵓⵔⵣⴰⵎⵏ ⵙ 37 ⵏ ⵜⵏⴱⴱⴰⴹⵜ ⴷ ⵜⵎⵏⴰⴹⵜ ⵍⵍⵉ ⵉⴱⴹⴰⵏ ⵅⴼ ⵙⵏⴰⵜ ⵜⴼⵔⴽⵉⵡⵉⵏ, ⵅⴼ ⴰⴷ ⵜⵜⵓⵖⴰⵎⵙ ⵏⵜ ⵜⵙⴳⴳⵉⵡⵉⵏ ⵏⵏⵉⴹⵏ ⴷ ⵜⵎⵏⴱⴰⴹⵉⵏ ⵏⵏⵉⴹⵏ  ⴳ ⵉⵎⴰⵍⴰⵙⵙⵏ ⵏⵏⴰ ⴷ ⵢⵓⵙⴰⵏ; 
ⵜⵉⵎⴳⴳⵉⵜⵉⵏ ⵏⵏⴰ ⵉⵜⵜⵡⴰⴳⴳⵏ ⵣⵓⵏⴷ: ⴰⵙⵏⵎⴰⵍⴰ ⵏ ⵜⵎⵎⴰⴽⵉⵏ ⴷ ⵉⵎⴰⵏⴰⵔⵏ ⵏ ⵜⵡⵓⵔⵉ ⴷ  ⵓⵙⵔⴰⵙ ⵏⵏⵙⵏ ⴷⴷⴰⵡ ⵏ ⵜⵎⴰⵜⴰⵔⵜ ⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⴷ ⵜⴷⵖⵔⴰⵏⵉⵏ - ⴰⵎⵢⴰⵡⴰⴹ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⴳⴳⵉⵜⵏ ⵉⴷⵖⵔⴰⵏⵏ. ⵎⴰⵏ ⴰⵢⴰ, ⵜⵙⵙⵏ ⵜⵏⵇⵇⵉⵙⵜ ⵜⴰⵙⵜⵔⴰⵜⵉⵊⵉⵢⵜ ⵏ ⵓⵖⴰⵡⴰⵙ ⵏ “ⴰⵡⵕⴰⵛ”  ⵢⴰⵏ ⵓⵣⵣⵉⴳⵣ ⵉⵃⵍⴰⵏ ⴳ ⵓⵙⵙⴽⴰⵔ  ⴳ ⵓⵙⵡⵉⵔ ⵏ ⵎⴰⵕⵕⴰ ⵜⵉⵙⴳⴳⵯⵉⵏ ⴷ ⵜⵎⵏⴰⴹⵉⵏ ⵉⵥⵍⵉⵏ ⵙ ⵎⴰⵏ ⴰⵢⴰ. 

ⴳ ⵎⴰⴷ ⵉⵥⵍⵉⵏ ⵙ ⵉⵙⴰⵡⵔⵏ ⵏ ⵓⵙⴷⵓⵙ ⵏ ⵡⴰⴷⴰⴼ ⴰⵙⵓⵍⴰⵏ  ⵏⵏⴰ ⵉⵙⵙⴰⵡⵀⵎⵎⴰⵏ ⵙ  ⵜⴰⴳⴳⴰⵣⵜ  ⵏ ⵓⵙⴷⵓⵙ ⵏ ⵓⵙⵡⵓⵔⵉ ⵏ ⵎⵉⴷⴷⵏ ⵉⵜⵜⵓⵙⴱⵖⵔⵏ ⴳ ⵢⴰⵜ ⵜⵉⵣⵉ ⵏⵏⴰ ⵓⵔ ⵉⴽⴽⵉⵏ ⴷⴷⴰⵡ ⵏ ⵙⵉⵏ ⵉⵙⴳⴳⵯⴰⵙⵏ,  ⵏⵏⴰ ⵅⴼ ⴱⴷⴷⴰⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵙ ⵜⵏⵙⵙⵉⵅⴼⵜ ⵏ ⵉⴷ ⵎⴰⵙⵙ  ⵍⵡⵓⵍⴰⵜ ⴷ ⵙ ⵜⵙⴳⵎⴰⵎⵜ ⵏ ⵉⵏⵙⵙⵉⵡⴼⵏ ⵏ ⵜⵎⵏⴰⴹⵉⵏ ⴷ ⵉⵏⵎⵀⴰⵍⵏ ⵉⵙⴳⴰⵡⴰⵏ ⵏ ⵢⵉⴳⵔⴰⵏ ⵉⵎⴰⵡⵙⴰⵏ ⴷ ⵜⵎⵔⵙⴰⵍ ⵜⵉⴳⴷⵓⵏⴰⵏⵉⵏ ⵏ ⵉⴹⵕⵉⵚⵏ ⴳ  ⵜⵉⵍⴰⵍⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵓⵜⵜⵡⴰⴳⴳ: 
ⵉⵜⵜⵓⵙⴽⴰⵔ ⵓⵏⵎⵓⵇⵇⴰⵔ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⴰⴽⴷ ⵓⵙⵎⵓⵜⵜⴳ ⵏ ⵡⵓⴳⴳⴰⵔ ⵏ 200 ⵏ ⵓⵙⴱⴷⴰⴷ ⴰⵏⵎⵏⴰⴹ ⵅⴼ ⴽⵉⴳⴰⵏ ⵏ ⵉⵖⴰⵡⴰⵙⵏ; 
ⴰⵙⵏⵎⴰⵍⴰ ⵏ ⵉⵎⴷⵢⴰⵜⵏ ⵏ ⵜⵓⵜⵔⵉⵡⵉⵏ ⵏ ⵉⵙⴼⵙⵔⵏ ⵏ ⵉⵙⵏⴼⴰⵔⵏ ⴰⴼⴰⴷ ⴰⴷ ⵢⵉⵍⵉ ⵓⵙⵎⵙⵜⴰⵢ ⵏ ⵜⵎⵙⵙⵏⵜⵉⵜⵉⵏ ⴷ ⵜⵎⵢⴰⵡⴰⵙⵉⵏ ⴷ ⵜⵎⵙⵎⵓⵏⵉⵏ ⵏⵏⴰ ⵇⴰⴷ ⵉⵙⴱⵖⵔ ⴳ ⵜⵉⴳⴳⵉⵜ ⴰⴷ; 
ⴰⵙⵙⴽⴰⵔ ⵏ ⵉⵏⵎⵓⵇⵇⴰⵔⵏ ⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵓⵖⴰⵡⴰⵙ “ⴰⵡⵕⴰⵛ”  ⵏ ⵓⵣⵣⴳⴰⵔ ⵅⴼ ⵜⵓⵜⵔⵉⵡⵉⵏ ⵏ ⵉⵙⴼⵙⴰⵔⵏ ⵏ ⵉⵙⵏⴼⴰⵔⵏ ⴷ ⵜⵡⵓⵔⵉ ⵅⴼ  ⵓⵕⵥⴰⵎ ⵏⵏⵙⵏⵜ. 
ⴳ ⵎⴰⴷ ⵉⵥⵍⵉⵏ ⵙ ⴰⵡⵕⴰⵛ ⵉⵎⴰⵜⴰⵢⵏ ⵏⵏⴰ ⵉⵜⵜⵓⵙⵡⵓⵜⵜⴰⵏ ⵙ ⵡⴰⴽⵓⴷ  ⵏⵏⴰ ⴷⴰⵔ ⴰⵡⵜⵜⴰⵙ ⵏ ⵓⵙⵉⴷⴼ ⵏ ⵎⵉⴷⴷⵏ ⵉⵜⵜⵓⵙⴱⵖⵔⵏ, ⵙ ⵉⴷⵙⵏⵜ ⵜⵏⵜⵜⴰⵎⵉⵏ ⵎⵉ ⵉⵜⵜⵓⵥⵍⴰⵢ ⵡⴰⴽⵓⴷ, ⵏⵏⴰ ⵅⴼ ⴱⴷⴷⴰⵏⵜ ⵜⵏⵇⵇⵉⵙⵉⵏ ⵜⵉⵏⵎⵏⴰⴹⵉⵏ ⵙ  ⵜⵏⵙⵙⵉⵅⴼⵜ ⵏ ⵉⴷ ⵎⴰⵙⵙ  ⵉⵎⵏⴱⴰⴹⵏ  ⵏ ⵜⵎⵏⴰⴹⵉⵏ  ⴷ  ⵜⵎⵏⴱⴰⴹⵉⵏ  ⵙ ⵜⴽⴰⵎⴰⵏⵜ ⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵉⵏⵎⵏⴰⴹⵏ ⴷ ⵜⵎⵏⴱⴰⴹⵉⵏ ⴷ ⵉⵏⵎⵀⴰⵍⵏ ⵉⵏⵎⵏⴰⴹⵏ ⵏ ⵢⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵜⵎⵔⵙⴰⵍ ⵜⵉⴳⴷⵓⵏⴰⵏⵉⵏ ⵏⵏⴰ ⵉⵍⵍⴰⵏ ⴳ ⵉⴹⵕⵉⵚⵏ ⵏ ⵜⵙⵖⵏⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⴷ ⵢⵉⵍⵉ : 
ⵉⵜⵜⵓⵙⴽⴰⵔ ⵓⵏⵎⵓⵇⵇⴰⵔ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⴰⴽⴷ ⵓⵙⵎⵓⵜⵜⴳ ⵏ ⵡⵓⴳⴳⴰⵔ ⵏ500 ⵏ ⵓⵙⴱⴷⴰⴷ ⴰⵏⵎⵏⴰⴹ ⵅⴼ ⴽⵉⴳⴰⵏ ⵏ ⵉⵖⴰⵡⴰⵙⵏ; 
ⴰⵙⵏⵎⴰⵍⴰ ⵏ ⵉⵎⴷⵢⴰⵜⵏ ⵏ ⵜⵓⵜⵔⵉⵡⵉⵏ ⵏ ⵉⵙⴼⵙⵔⵏ ⵏ ⵉⵙⵏⴼⴰⵔⵏ ⴰⴼⴰⴷ ⴰⴷ ⵢⵉⵍⵉ ⵓⵙⵎⵙⵜⴰⵢ ⵏ ⵜⵎⵙⵙⵏⵜⵉⵜⵉⵏ ⴷ ⵜⵎⵢⴰⵡⴰⵙⵉⵏ ⴷ ⵜⵎⵙⵎⵓⵏⵉⵏ ⵏⵏⴰ ⵇⴰⴷ ⵉⵙⴱⵖⵔ ⴳ ⵜⵉⴳⴳⵉⵜ ⴰⴷ; 
ⴰⵙⵙⴽⴰⵔ ⵏ ⵉⵏⵎⵓⵇⵇⴰⵔⵏ ⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵓⵖⴰⵡⴰⵙ “ⴰⵡⵕⴰⵛ”  ⵏ ⵓⵣⵣⴳⴰⵔ ⵅⴼ ⵜⵓⵜⵔⵉⵡⵉⵏ ⵏ ⵉⵙⴼⵙⴰⵔⵏ ⵏ ⵉⵙⵏⴼⴰⵔⵏ ⴷ ⵜⵡⵓⵔⵉ ⵅⴼ  ⵓⵕⵥⴰⵎ ⵏⵏⵙⵏⵜ. 
ⵎⴽⵉⵏⵏⴰ ⵉⵍⵍⴰ ⵓⵙⵜⴰⵢ ⵏ ⵜⵙⵇⵇⵉⵎⵜ ⵜⴰⵙⵜⵔⴰⵜⵉⵊⵉⵢⵜ ⴳ ⵓⵏⵎⵓⵇⵇⴰⵔ ⴰⴷ  ⴰⴼⴰⴷ ⴰⴷ ⵜⵙⵙⴽⵜⵉ ⵙ ⵓⵏⵏⴱⴹ ⵏ ⵓⵖⴰⵡⴰⵙ  ⵏⵏⴰ ⵉⴽⴽⴰⵜⵏ ⴰⴷ ⵜⴹⵎⵏ ⵜⴰⵎⴰⴼⴰⵡⵜ ⴷ ⵓⵎⵙⴰⵙⴰ ⵏ ⵉⵎⵡⴰⵊⴱⵏ, ⵙⵍⴰⵡⴰⵏ ⴰⴽⴽⵯ ⴰⵢⵏⵏⴰ ⵉⵥⵍⵉⵏ ⵙ ⵜⵓⵜⵔⵉⵡⵉⵏ ⵏ ⵉⵙⵏⴼⴰⵔ ⵏⵏⴰ ⵅⴼ ⴱⴷⴷⴰⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⴷ ⵜⵙⴳⴰⵡⴰⵏⵉⵏ ⵏⵏⴰ ⵉⵜⵜⵓⵚⴽⴰⵏ ⵅⴼ ⵜⵔⵙⴰⵍ ⴷ ⵉⵙⴱⴷⴰⴷⵏ ⵉⵜⵜⵓⵥⵍⴰⵢⵏ ⵃⵎⴰ ⴰⴷ ⵢⵉⵍⵉ ⵓⵙⵉⵜⵜⵢ ⵏ ⵜⵎⵙⵙⵏⵜⵉⵜⵉⵏ ⴷ ⵜⵎⵢⴰⵡⴰⵙⵉⵏ ⴷ ⵜⵎⵙⵎⵓⵏⵉⵏ ⵙⴳ ⴷⵉⵙⵏ:
ⴰⵔⵎⴰⵙ ⵓⵏⵖⵉⴷ ⵏ ⵉⴳⴰⵏⵏⴰⵢⵏ ⴰⵥⵢ ⵏ ⵓⵙⴰⵡⵔ ; 
ⵜⵉⵥⵥⵉⴹⵕⴰ ⵜⴰⵜⵉⵇⵏⵉⵢⵜ ⵅⴼ ⵜⵉⴳⴳⵉ ⵏ ⵓⵙⴰⵡⵔ; 
ⵜⵉⵔⵉⵎⵜ ⴳ ⵢⵉⴳⵔ ⵏ ⵜⵉⴳⴳⵉ ⵏ ⵉⵙⴰⵡⵔⵏ ⵉⵔⵡⴰⵙⵏ ⴰⵙⴰⵡⵔ  ⵏⵏⴰ ⵉⵜⵜⵡⴰⵜⵜⴰⵔⵏ; 
ⵜⴰⵖⴰⵔⴰⵙⵜ ⵏⵏⴰ ⵉⵜⵜⵡⴰⴼⴽⴰⵏ ⵃⵎⴰ ⴰⴷ ⵉⵜⵜⵡⴰⴳ ⵓⵙⴰⵡⵔ;
ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⵎⵙⵎⵓⵏⵜ/ ⵜⴰⵎⵢⴰⵡⴰⵙⵜ,ⴳ ⵜⴰⵎⵓ ⴰⵡⴷ ⵜⵙⴳⴰ ⵜⵓⵥⵕⵉⴼⵜ. 
ⵜⵙⵙⴽⵔ ⵜⵙⵇⵇⵉⵎⵜ ⵜⴰⵙⵜⵔⵜⵉⵊⵉⵢⵜ ⵢⴰⵜ ⵜⵖⴰⵔⴰⵙⵜ ⵏ ⵓⵕⵥⵥⵓⵎ ⵏ ⵜⵓⵜⵔⵉⵡⵉⵏ  ⵏ ⵉⵙⴼⵙⴰⵔⵏ ⴳ ⵇⵇⴰⵃ ⵜⵉⵙⴳⴳⵉⵡⵉⵏ ⵃⵎⴰ ⴰⴷ ⵢⵉⵍⵉ ⵓⵎⵙⴰⵙⴰ ⵏ ⵉⵎⵡⴰⵊⴱⵏ ⴷ ⵜⵎⴰⴼⴰⵡⵜ  ⴷ ⵓⵖⵓⴷ ⴳ ⵓⵣⵣⵓⴳⵣ ⵏ ⵓⵖⴰⵡⴰⵙ “ⴰⵡⵕⴰⵛ”. 
ⵎⴰⵏ ⴰⵢⴰ, ⵉⵍⴰⵇ ⴰⴷ ⵏⴱⴷⵔ ⵎⴰⵙⴷ ⴰⵖⴰⵡⴰⵙ ⵏ “ⴰⵡⵕⴰⵛ” ⴷⴰ ⵉⵙⵙⴱⵖⴰⵔ ⵎⵉⴷⴷⵏ ⴰⴷ: 

ⵉⵡⵔⵉⴽⵏ ⵏⵏⴰ ⴷⴰⵔ ⵜⵉⵎⵓⴽⵔⵉⵙⵉⵏ ⵏ ⵓⵙⵉⴷⴼ ⴳ ⵓⴳⴰⴷⴰⵣ ⵏ ⵜⵡⵓⵔⵉ, ⴷ ⵡⵉⵏⵏⴰ ⵉⵜⵜⵓⵣⵎⵎⴰⵎⵏ ⴳ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⴷⴷⵔ  ⵏ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ  ⵣⵓⵏⴷ ⵡⵉⵏⵏⴰ ⵉⵜⵜⵉⵏⵉⴳⵏ ⵜⴰⵡⵓⵔⵉ, ⵏⵖ ⵉⵡⵔⵉⴽⵏ ⵏⵏⴰ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵓⵎⵎⵓⵄⴹⵕ...
ⵉⵡⵔⵉⴽⵏ ⵏⵏⴰ ⵎⵉ ⵜⴷⴷⴰ ⵜⵡⵓⵔⵉ ⵙ ⵜⵎⵏⵜⵉⵍⵜ ⵏ ⴽⵓⵕⵓⵏⴰ ⵏⵖ ⵙ ⵜⵎⵏⵜⵉⵍⵉⵏ ⵏⵏⵉⴹⵏ:
ⵉⵡⵔⵉⴽⵏ ⵏⵏⴰ ⵉⵜⵜⵓⵣⵎⵎⴰⵎⴻⵏ ⴳ ⵓⴼⵏⵉⵇ ⴰⵏⴰⵎⵓⵔ ⵏ ⵓⴹⴰⴽⴰⵍ ⴰⵏⴰⵎⵓⵏ ⴳ ⵡⴰⵢⵢⵓⵔ ⵏ ⴼⴱⵕⴰⵢⵕ 2020 ⴷ ⵡⵉⵏⵏⴰ ⵓⵔ ⵉⵍⵍⵉⵏ ⴳ ⵓⴼⵉⵏⵉⵇ ⴳ ⵡⴰⵢⵓⵔ ⴰⴷ  ⴳ ⵡⴰⵢⵓⵔⵏ ⴰⴷ ⵉⵣⵔⵉⵏ ⵙ ⵚⴹⵉⵚ ⵃⵎⴰ ⴰⴷ ⵙⵙⴱⵖⵔⵏ ⴳ ⵓⵖⴰⵡⴰⵙ, ⵙⴳ ⴷⵉⴳⵙⵏ ⵡⵉⵏⵏⴰⵖ ⵏⵏⴰ ⵉⵙⴱⵖⵔⵏ ⵙⴳ   ⵓⵎⵢⴰⵔⴰⵣ ⵏ ⵍⵍⵉ ⵎⵉ ⵜⴷⴷⴰ ⵜⵡⵓⵔⵉ; 
ⵜⵉⵔⴰⵜⵙⵉⵡⵉⵏ ⵏⵏⴰ ⴳⴰⵏⵜ ⵜⵎⵏⴰⴹⵉⵏ ⴷ ⵜⵙⴱⴷⴰⴷⵉⵏ ⵉ ⵉⵡⵔⵉⴽⵏ ⵏⵏⴰ ⵎⵉ ⵉⴷⴷⴰ ⵓⵢⵏⵏⴰ ⴳ ⴷ ⵜⵔⴰⵔⴰⵏ ⵜⵉⵖⵔⴰⴷ ⵏⵏⵙⵏ ⵙ ⵜⵎⵏⵜⵉⵍⵜ ⵏ ⴽⵓⵕⵓⵏⴰ; 
ⵜⵉⵔⴰⵜⵙⵉⵡⵉⵏ ⵏⵏⴰ ⵙⵙⴽⵔⵏⵜ ⵜⵎⵏⴰⴹⵉⵏ ⴷ ⵜⵙⴱⴷⴰⴷⵉⵏ ⵉ ⵉⵡⵔⵉⴽⵏ ⵏⵏⴰ ⵎⵉ ⵉⴷⴷⴰ ⵓⵢⵏⵏⴰ ⴳ ⴷ ⵜⵔⴰⵔⴰⵏ ⵜⵉⵖⵔⴰⴷ ⵏⵏⵙⵏ ⵙ  ⵜⵎⵜⵉⵍⵉⵏ ⵉⵥⵍⵉⵏ ⴳ ⴽⵔⴰ ⵏ ⵉⴳⵔⴰⵏ ⵉⵥⵍⵉⵏ; 
ⵉⴳⵔⴰⵏ ⴷ ⵜⵎⵙⵙⵏⵜⵉⵜⵉⵏ ⵏⵏⴰ ⵉⵜⵜⵓⵇⵙⵙⴰⵃⵏ ⴳ ⵜⵎⴰⴹⵓⵏⵜ ⵏ ⴽⵓⵕⵓⵏⴰ. 
ⴳ ⵓⵎⴳⴳⴰⵔⵓ, ⴰⵔ ⵉⵙⵏⵉⵎⵎⵉⵔ  ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ  ⵙ ⵜⴷⵔⴰⵡⵜ ⵜⴰⴳⴷⵓⴷⴰⵏⵜ ⵏ ⵓⵎⴰⵜⴰ  ⵉⵎⴳⴳⵉⵜⵏ ⵏⵏⴰ ⵉⵥⵍⵉⵏ ⵙ ⵎⴰⵏ ⴰⵢⴰ ⵉⴳⵔ ⴰⵖⵓⵔⵉ ⵏⵏⵙ ⵅⴼ ⴰⴷ ⵓⵙⵎⵓⵙⵙⵓ ⵏ ⴽⵉⴳⴰⵏ ⵏ ⵜⵣⵎⵎⴰⵔ ⵃⵎⴰ ⴰⴷ ⵉⵜⵜⵓⵙⵎⴰⴷ ⵓⵣⵣⵓⴳⵣ ⵏ ⵓⵖⴰⵡⴰⵙ ⴰⴷ ⴳ ⵎⴰⵕⵕⴰ ⵜⵉⵙⴳⴳⵉⵡⵉⵏ ⴷ ⵜⵏⵎⵏⴰⴹⵉⵏ ⴷ ⵜⵎⵏⴱⴰⴹⵉⵏ.