ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⴳⵍⵉ ⴰⴳⵔⴰⵡ ⴰⴽⴷ ⵉⵎⴰⵔⴰⵢⵏ ⵉⵎⴰⵜⴰⵢⵏ ⴷ ⵉⵏⵎⵀⴰⵍⵏ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵏ ⵢⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵢⴰⵏⴰⵡⵏ ⴷ ⵜⵎⵔⵙⴰⵍ ⵜⵉⴳⴷⵓⵏⴰⵏⵉⵏ, ⵃⵎⴰ ⴰⴷ ⵎⵔⴰⵔⴰⵏ ⵅⴼ ⵜⵣⵣⵉⴳⵣⵉⵏ ⵏ ⵡⴰⴷⴷⴰⴷ ⴰⴱⴰⵢⵢⵓⵕ ⵏⵏⴰ ⵉⵍⵍⴰⵏ ⴳ ⵜⴳⵍⴷⵉⵜ
ⵉⵙⵙⴽⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴳ ⵜⵉⴼⴰⵡⵜ ⵏ ⵡⴰⵙⵙ ⴰ ⴰⴽⵕⴰⵙ 02 ⴼⴱⵕⴰⵢⵕ 2022, ⵙ ⵢⵉⵍⵉ ⵏ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⴰⵙ ⵜⴰⴳⵯⵏⵙⴰⵏⵜ, ⴷ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⴰⵙ ⵏ ⵜⴷⵓⵙⵉ ⴷ ⵓⵃⵟⵟⵓ ⴰⵏⴰⵎⵓⵏⵏ, ⴷ ⵎⴰⵙⵙⴰ ⵖⵉⵜⴰ ⵎⵣⵡⵡⵔ, ⵜⴰⵎⴰⵡⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵏⵖⵍ ⴰⵎⵚⵚⵉⵟⵏ ⴷ ⵓⵙⵖⵓⴷⵓ ⵏ ⵜⵏⵎⴰⵀⵍⴰ, ⵢⴰⵏ ⵓⴳⵔⴰⵡ ⴰⴽⴷ ⵉⵎⴰⵔⴰⵢⵏ ⵉⵎⴰⵜⴰⵢⵏ ⴷ ⵉⵏⵎⵀⴰⵍⵏ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵏ ⵢⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵢⴰⵏⴰⵡⵏ ⴷ ⵜⵎⵔⵙⴰⵍ ⵜⵉⴳⴷⵓⵏⴰⵏⵉⵏ, ⵃⵎⴰ ⴰⴷ ⵎⵔⴰⵔⴰⵏ ⵅⴼ ⵜⵣⵣⵉⴳⵣⵉⵏ ⵏ ⵡⴰⴷⴷⴰⴷ ⴰⴱⴰⵢⵢⵓⵕ ⵏⵏⴰ ⵉⵍⵍⴰⵏ ⴳ ⵜⴳⵍⴷⵉⵜ, ⴷ ⵉⴱⴷⴷⵉ ⵅⴼ ⵜⵎⴳⴳⵉⵜⵉⵏ ⵉⵜⵜⵡⴰⴳⴳⵏ ⴰⵎⵎⴰⵙ ⵏ ⵜⵙⴱⴷⴰⴷⵉⵏ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ, ⵃⵎⴰ ⴰⴷ ⵃⵟⵓⵏ ⵉⵎⵎⵉⵥⵏ ⵏⵏⴰ ⵜⵍⴽⵎ ⵜⵎⴰⵣⵉⵔⵜ ⵏⵏⵖ ⴳ ⵓⵔⴰⵔ ⵏ ⵜⵎⴰⴹⵓⵏⵜ. ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵅⴼ ⵡⴰⵜⵉⴳ ⵏ ⵓⵙⵉⵜⵜⵢ ⵏ ⵜⵎⴰⵎⴽⵜ ⵏ ⵓⵙⵎⵓⵙⵙⵓ ⵃⵎⴰ ⴰⴷ ⵙⵖⵓⵏⵏ ⵙ ⵇⵇⴰⵃ ⵜⵉⵎⴳⴳⵉⵜⵉⵏ ⵉⵜⵜⵡⴰⴳⴳⵏ, ⴷ ⴰⴷ ⵓⵔ ⴼⴼⵖⵏ ⵅⴼ ⵉⵙⵎⵎⴰⵍⵏ ⵏⵏⴰ ⵜⵜⵉⵏⵉⵏ ⵜⵏⴱⴰⴹⵉⵏ ⵜⵉⴳⴷⵓⵏⴰⵏⵉⵏ, ⴰⵎⵎⴰⵙ ⵏ ⵜⵎⴰⵀⵍⵉⵡⵉⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ.
ⴳ ⵓⵎⵏⵉⴷ ⴰⴷ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵡⴰⵜⵉⴳ ⵏ ⵉⵍⵜⴰⵖⵏ ⵏ ⵜⵎⴰⵀⵍⵉⵡⵉⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ ⴳ ⵓⵙⵎⵎⵓⴷ ⵏ ⵉⵙⵡⵓⴷⴷⵓⵜⵏ ⵏ ⵓⵃⵢⵢⴹ ⴷ ⵓⴼⵔⴰⴳ ⵙⴳ ⴽⵓⴼⵉⴷ 19 ⴰⵎⵎⴰⵙ ⵏ ⵜⵖⵎⵔⵉⵏ ⵏⵏⵙ, ⵙ ⵜⵎⴰⵎⴽⵜ ⵍⵍⵉ ⵉⴹⵎⵎⵏ ⵜⴰⴷⵓⵙⵉ ⵏ ⵉⵎⵙⵖⴰⵏ ⴷ ⵉⵙⵓⵎⵜⴰ, ⴷ ⵉⵃⵟⵓ ⴰⵣⴷⴰⵢ ⵏ ⵜⵡⵓⵔⵉ ⵏⵏⵙ ⴳ ⵊⴰⵊ ⵏⵏⵙ, ⵉⴳⵔ ⴰⵖⵓⵔⵉ ⵅⴼ ⵓⵙⴼⵔⴽ ⵏ ⵓⵎⴰⵜⴰ ⵏ ⵉⵎⵙⵖⴰⵏⵏ ⵅⴼ ⴰⴷ ⵙⵎⴷⵏ ⴰⴳⵣⵣⴰⵢ, ⴷ ⴰⴷ ⵙⵙⴽⵔⵏ ⵜⵉⵙⵙ ⴽⵕⴰⴹⵜ, ⴰⵢⴷⴷⵖ ⵜⵙⵙⴰⵡⵀⵎⵎⴰ ⵜⵎⵙⴽⵉⵔⵜ ⵏⵏⵙ ⵜⴰⴳⵊⴷⴰⵏⵜ ⴳ ⵓⵙⴰⴳⴳⵯ ⵏ ⵓⴼⵔⴰⴳ , ⵙ ⵓⵙⵙⵉⵜⵎ ⵏ ⵓⴷⵡⴰⵍ ⵏ ⵜⵓⴷⵔⵜ ⵜⴰⴳⴰⵎⴰⵏⵜ.
ⵎⴽⵉⵏⵏⴰ ⵉⵍⵍⴰ ⵓⵎⵙⴰⵙⴰ ⵅⴼ ⵎⴰⵙ ⴷ ⵉⵇⵇⵏ ⵓⵙⴷⵓⵙ ⵏ ⵉⵙⵡⵓⴷⴷⵓⵜⵏ ⵏ ⵓⵏⴹⴰⴼ ⵏ ⵓⵙⵖⵓⵏ ⵏ ⵉⵎⵙⵖⴰⵏⵏ ⵙ ⵉⵙⵎⵎⴰⵍⵏ ⴷ ⵜⵏⴱⴰⴹⵜ ⵜⴰⴳⴷⵓⴷⴰⵏⵜ, ⵙⵍⴰⵡⴰⵏ ⴰⴽⴽⵯ ⴰⵢⵏⵏⴰ ⵉⵥⵍⵉⵏ ⵙ ⵜⵉⴳⵣⵉ?
ⵙⴳ ⵜⵙⴳⴰ ⵏⵏⵙⵏ, ⵙⵙⵉⵡⵍⵏ ⵉⵎⴰⵔⴰⵢⵏⵉⴳⴷⵓⴷⴰⵏⵏ ⵏ ⵜⵎⴰⵡⴰⵙⵉⵏ ⵉⵎⵢⴰⵏⴰⵡⵏ ⴷ ⵜⵎⵔⵙⴰⵍ ⵜⵉⴳⴷⵓⵏⴰⵏⵉⵏ ⵅⴼ ⵜⵉⵔⵉⵜ ⵏⵏⵙⵏ ⵎⵇⵇⵓⵔⵏ ⵅⴼ ⴰⴷ ⵃⴹⵓⵏ ⵉⵙⵓⵖⵏⵏ ⵙ ⵇⵇⴰⵃ ⵉⵏⵎⵎⴰⵍⵏ, ⴷ ⴰⴷ ⵡⵊⴷⵏ ⵇⵇⴰⵃ ⵉⵙⴰⵜⵉⴳⵏ ⴷ ⵉⵎⴰⵙⵙⵏ ⴷ ⵜⵎⴰⵎⴽⵉⵏ, ⵅⴼ ⴰⴷ ⵓⵎⵓⵏ ⴳ ⵓⵙⵡⴳⴳⴹ ⵏ ⵉⵏⵎⵓⵔⴰ ⴳ ⵜⵎⴰⵀⵍⵉⵡⵉⵏ ⴷ ⵜⵎⵔⵙⴰⵍ ⵜⵉⴳⴷⵓⵏⴰⵏⵉⵏ ⴳ ⵓⵎⵓⵔⵙ ⵜⵉⵎⵙⴽⵔⵜ ⵏ ⵜⵉⵣⴳⵉ, ⵙⵍⴰⵡⴰⵏ ⵜⵉⵙⵙ ⴽⵕⴰⴹⵜ ⵉⴳⴰⵏ ⵜⴰⵎⵙⴷⵓⵙⵜ, ⴰⴼⴰⴷ ⴰⴷ ⴼⵔⴳⵏ ⵏ ⵓⴷⴳⴰⵔ ⴰⴳⴷⵓⴷⴰⵏ ⴷ ⵓⵃⵟⵟⵓ ⵏ ⵙⵙⵍⴰⵎⵜ ⵜⴰⵎⴰⵜⴰⵢⵜ ⵏ ⵉⵎⵣⴷⴰⵖⵏ.
ⵙ ⵓⵎⵙⴰⵙⴰ ⴰⴽⴷ ⵜⴱⴱⴰⵢⴹⴰⵔⵉⵏ ⵜⵉⵎⴰⵢⵏⵓⵜⵉⵏ ⵏⵏⴰ ⵉⵍⵍⴰⵏ ⴳ ⵓⵣⵎⵣ ⴰⴷ ⵉⵛⵇⵇⴰⵏ, ⴳ ⵓⵃⴷⴷⴰ ⵙⴳ ⵜⵎⴰⴹⵓⵏⵜ, ⵉⵍⵍⴰ ⵓⵎⵙⴰⵙⴰ ⵅⴼ ⵎⴰⵙ ⴷ ⵉⵇⵇⴰⵏ ⴰⴷ ⵉⵍⵉⵏⵜ ⵜⵣⵎⵎⴰⵔ ⴷ ⵜⴰⵣⵣⵍⵉⵡⵉⵏ ⴳ ⵎⴰⴷ ⵉⵥⵍⵉⵏ ⵙ ⵓⴹⴼⵓⵕ ⵏ ⵜⵎⴳⴳⵉⵜⵉⵏ ⴷ ⵉⵙⵡⵓⴷⴷⵓⵜⵏ ⴰⵎⵎⴰⵙ ⵏ ⵜⵏⵎⵀⴰⵍⵉⵏ ⴷ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ ⵉⵎⵢⴰⵏⴰⵡⵏ, ⵃⵎⴰ ⴰⴷ ⵢⵉⵍⵉ ⵓⵙⵉⵜⵜⵢ ⴳ ⵜⴷⵓⵙⵉ ⵏ ⵓⴷⵖⴰⵔ ⴰⵎⴰⵜⴰⵢ ⴷ ⵉⵙⵙⵏⵜⵉ ⵏ ⵜⴷⵍⵙⴰ ⵜⴰⵎⴰⵢⵏⵓⵜ ⵖⵓⵔ ⵉⵏⵎⵓⵔⴰ, ⴷ ⵓⵡⴽⵎ ⵏⵏⵙⵏ ⵅⴼ ⴰⴷ ⵙⵙⵉⴳⵓⵜⵏ ⵜⴰⵡⵓⵔⵉ ⵜⴰⵏⵎⵀⴰⵍⵜ ⵏⵏⵙⵏ ⵙ ⵢⴰⵜ ⵜⵎⴰⵎⴽⵜ ⵍⵍⵉ ⵢⴰⴽⴽⴰⵏ ⵜⵉⵏⴰⴼⵓⵜⵉⵏ ⵉⵕⵡⴰⵏ, ⵙ ⵜⵎⴰⵎⴽⵉⵏ ⵏ ⵓⵚⵚⵉⵟⵏ ⴰⵎⴰⵢⵏⵓ ⵏⵏⴰ ⴳ ⵇⴰⴷ ⵙⵢⴰⴼⴰⵏⵜ ⵜⵙⵓⵜⴰ ⵏ ⵏ ⵖⵉⵍⴰ ⴷ ⵜⵉⵏ ⵉⵎⴰⵍ, ⵍⵍⵉ ⵉⵎⵙⴰⵙⴰⵏ ⴰⴽⴷ ⵉⵙⵎⵎⴰⵇⵍⵏ ⵏ ⵓⵣⵎⵣ, ⴰⵔ ⵜⴰⴽⴽⴰ ⵜⵉⵎⵔⴰⵔⵓⵜⵉⵏ ⵏ ⵜⴱⴱⴰⵢⴹⴰⵕⵉⵏ ⵏⵓⵣⵎⵣ ⵏ ⴽⵓⵕⵓⵏⴰ ⴷ ⴷⴼⴼⵉⵔ ⴰⵙ.