ⵜⴰⵏⴱⴰⴹⵜ ⵜⵕⵥⵎ ⵜⴰⵎⵀⵍⵜ ⵏ ⵓⵙⵎⵏⵉⴷ ⵏ ⵓⵙⴷⵓⵙ ⵓⵙⵍⵉⴷ ⵉⵜⵜⵡⴰⵥⵍⴰⵢⵏ ⵉ ⵉⵣⵣⵓⵍⴰⵏⵏ ⵏ ⵢⵉⴳⵔ ⵏ ⵓⵙⵏⵖⵍ ⴳ ⵉⴱⵔⴷⴰⵏ (ⴰⵙⵉⵡⴹ ⴰⵏⵖⵎⴰⵙ)

ⵜⵔⵥⵎ ⵜⵏⴱⴰⴹⵜ, ⴰⵙⵙ ⴰ ⵏ ⵓⴽⵕⴰⵙ 23 ⵎⴰⵕⵚ 2022, ⵙ ⵡⵓⵏⵚⵉⴱ, ⵜⴰⵎⵀⵍⵜ ⵏ ⵓⵙⵎⵎⵏⵉⴷ ⵏ ⵓⵙⴷⵓⵙ  ⵓⵙⵍⵉⴷ ⵉⵜⵜⵡⴰⵥⵍⴰⵢⵏ ⵉ ⵉⵣⵣⵓⵍⴰⵏⵏ ⵏ ⵢⵉⴳⵔ ⵏ ⵓⵙⵏⵖⵍ ⴳ ⵓⴱⵔⵉⴷ , ⵏⵏⴰ ⵉⵜⵜⵓⵍⴰⵖⵉⵏ ⴳ ⵓⵙⵇⵇⵉⵎ ⴰⵏⵎⵏⴰⴹ ⴳ ⵡⴰⵙⵙ ⵏ 10 ⴳ ⵡⴰⵢⵓⵔ ⴰ, ⴰⵢⴷⴷⵖ ⵇⴰⴷ ⵉⵙⵙⴱⵖⵔ    ⵙⴳ   ⴷⵉⴳⵙ ⴽⵉⴳⴰⵏ ⵏ ⵉⵣⵣⵓⵍⴰⵏⵏ ⵉⵎⵢⴰⵏⴰⵡⵏⴷ ⵇⴰⴷ ⵉⵜⵜⵓⴼⴽⴰ ⵉ ⵖⵓⵔ 180 ⵏ ⵢⵉⴼⴹ ⵏ ⵜⵍⴷⵉⵜ. 

 ⴰⵔ ⵜⵙⵡⵜⵜⴰⵙ ⵜⵏⴱⴰⴹⵜ ⵙ ⵜⵉⴽⴽⵉ ⵏ ⵓⵙⴷⵓⵙ ⴰⴷ ⴰⴼⴰⴷ ⴰⴷ ⵜⴰⵡⵙ ⵉⵣⵣⵓⵍⴰⵏⵏ ⵏ ⵢⵉⴳⵔ ⵏ ⵓⵙⵏⵖⵍ, ⵃⵎⴰ ⴰⴷ ⵜⵙⴼⵙⵉⵙ ⵙⴳ ⵉⴷⵔⵉⵣⵏ ⵏ ⵍⵖⵍⴰ ⵏ ⵉⵜⵉⴳⵏ ⵏ ⵉⴽⵎⵎⵉⴹⵏ ⴳ ⵓⴳⴰⴷⴰⵣ ⴰⴳⵯⵏⵙⴰⵏ ⴰⵢⴷⴷⵖ ⴷⴰ ⵜⵜⴰⵍⵉⵏ ⵉⵜⵉⴳⵏ ⴳ ⵓⴳⴰⴷⴰⵣ ⴰⵎⴰⴹⵍⴰⵏ. 
ⵇⴰⴷ ⵣⵎⵔⵏ ⵉⵣⵣⵓⵍⴰⵏⵏ ⵏ ⵉⵙⵏⵖⵍ ⵏ ⵓⴱⵔⵉⴷ, ⵙⴳ ⵉⵎⴰⵍⴰⵙⵙ ⴰⵎⵣⵡⴰⵔⵓ ⵏ ⵡⴰⵢⵓⵔ ⵏ ⴰⴱⵔⵉⵍ 2022 ⴰⴷ ⵙⵙⴱⵖⵔⵏ  ⵙⴳ ⵓⵙⴷⵓⵙ ⵏⵏⴰⴰⵙⵏ  ⵉⵜⵜⵡⴰⵥⵍⴰⵢⵏ ⵅⴼ  ⵉⵏⵙⵎⵉⵍⵏ, ⵙⴳ ⵜⴷⴰⴱⵓⵜ ⵜⴰⵢⵉⵍⵉⴽⵜⵔⵓⵏⵉⵢⵜ ⴰⴷ  https://mouakaba.transport.gov.ma, ⵏⵏⴰ ⴳ ⵇⴰⴷ ⵣⵎⵔⵏ ⴰⴷ ⴳⵉⵙ ⵣⵎⵎⴻⵎⵏ ⵙⴳ ⵡⴰⵙⵙ ⴰⴷ. 
ⵇⴰⴷ ⵙⵙⴱⵖⵔⵏ  ⵉⵎⵣⵣⵓⵍⴰⵏⵏ ⵏ ⵓⵙⵏⵖⵍ ⴰⴳⴷⵓⴷⴰⵏ ⵏ ⵉⵏⵎⵓⴷⴷⴰ ⵙⴳ  ⵓⵙⴷⵓⵙ ⵏ ⵡⴰⵜⵉⴳ ⵏ 2000 ⵏ ⵉⴷ ⴷⵔⵀⵎ  ⵉ ⵜⵀⵉⵔⵔⵉⵜⵉⵏ ⵏ ⵟⴰⴽⵙⵉ ⵜⴰⵎⵇⵇⵔⴰⵏⵜ, ⴷ 1600 ⵏ ⵉⴷ ⴷⵔⵀⵎ  ⵉ ⵜⵀⵉⵔⵔⵉⵜⵉⵏ ⵏ ⵟⵟⴰⴽⵙⵉ ⵜⴰⵎⵥⵥⵢⴰⵏⵜ, ⴷ 1800 ⵏ ⵉⴷ ⴷⵔⵀⵎ  ⵉ ⵜⵍⴷⴰⵢⵉⵏ ⵏ ⵓⵙⵏⵖⵍ ⵉⵍⵍⴰⵏ ⴳ ⵓⵎⴰⴹⴰⵍ ⴰⴼⴰⵔⴰⵏ, ⴷ 7000 ⵏ ⵉⴷ ⴷⵔⵀⵎ ⵉ ⵍⴽⵉⵔⴰⵏ ⵏⵏⴰ ⵉⵜⵜⴰⵙⵉⵏ ⵉⵏⵎⵓⴷⴷⴰ ⴳⵔ  ⵉⵖⵔⵎⴰⵏ, ⴷ 6200 ⵏ ⵉⴷ ⴷⵔⵀⵎ  ⵉ ⵉⵙⵏⵎⴰⴷⴷⵓⵜⵏ ⵏ ⵓⵙⵏⵖⵍ ⴰⵖⵔⵎⴰⵏ. ⵎⴰⴽⴰ ⴰⵢⵏⵏⴰ ⵉⵥⵍⵉⵏ ⵙ ⵓⵙⵏⵖⵍ ⵏ ⵜⵎⴰⵍⵍⴰⵢⵜ , ⵇⴰⴷ ⵙⴱⵖⵔⵏ ⵉⵎⵣⵣⵓⵍⴰⵏⵏ ⴳ ⵓⵙⴷⵓⵙ ⴰⵥⵕⴼⴰⵏ  ⵏⵏⴰ ⵏⵏ ⵉⵍⴽⵎⵏ 2800 ⵏ ⵉⴷ ⴷⵔⵀⵎ ⵉ ⵉⵙⵏⵎⴰⴷⴷⵓⵜⵏ ⵏ ⵓⵙⵏⵖⵍ ⵉⵍⵍⴰⵏ ⴳ ⵓⵙⵡⵉⵔ ⴰⵎⵣⵡⴰⵔⵓ, ⴷ 1400 ⵏ ⵉⴷ ⴷⵔⵀⵎ  ⵉ ⵜⵉⵏ ⵓⵙⵡⵉⵔ ⵡⵉⵙⵙ ⵙⵉⵏ, ⴷ 1000 ⵏ ⵉⴷ ⴷⵔⵀⵎ ⵉ ⵉ ⵜⵍⴷⴰⵢⵉⵏ ⵏ ⵏⴰ ⵉⵍⵍⴰⵏ ⴳ ⵓⵙⵡⵉⵔ ⵡⵉⵙⵙ  ⴽⵕⴰⴹ TGR/TLS)). 
ⵎⴰⴽⴰ ⴰⵢⵏⵏⴰ ⵉⵥⵍⵉⵏ ⵙ ⵓⵙⵏⵖⵍ ⵏ ⵉⵍⵣⴰⵣⵏ ⵏ ⵡⵉⵢⵢⴰⴹ, ⵇⴰⴷ ⵜⵜⵡⴰⵥⵍⴰⵢ 1000 ⵏ ⵉⴷ ⴷⵔⵀⵎ ⵉ ⵜⵍⴷⴰⵢⵉⵏ ⵏ ⵡⴰⵡⵓⵎ, ⴷ 2600 ⵏ ⵉⴷ ⴷⵔⵀⵎ ⵉ ⵡⴰⵍⴽⴰⵎⵢⵢⵓⵜⵏ ⵏⵏⴰ ⵖⵓⵔ ⴰⵣⵔⴼ ⵏ ⴰⴷ ⵢⴰⵙⵉ ⵓⴳⴳⴰⵔ ⵏ 3.5 ⵏ ⵉⴷ ⵟⵓⵏ ⴷ ⴷⴷⴰⵡ ⵏ 14 ⵏ ⵉⴷ ⵟⵓⵏ, ⴷ 3400 ⵏ ⵉⴷ ⴷⵔⵀⵎ  ⵉ ⵍⴽⴰⵎⵢⵢⵓⵡⴰⵜ ⵏⵏⴰ ⴷⴰⵔ ⴰⵣⵔⴼ ⵏ ⴰⴷ ⵢⴰⵙⵉ ⴳⵔ  ⵏ 14 ⴷ  19 ⵏ ⵉⴷ ⵟⵓⵏ, ⴷ 4200 ⵉ ⵡⵉⵏⵏⴰ ⵉⵜⵜⴰⵙⵉⵏ ⵓⴳⴳⴰⵔ ⵏ 19 ⵏ ⵉⴷ ⵟⵓⵏ, ⵜⵉⵍⵉ ⴰⵡⴷ 6000 ⵏ ⵉⴷ ⴷⵔⵀⵎ ⵉ ⵡⵉⵏⵏⴰ ⵉⵣⵣⵓⵖⵔⵓⵔⵏ  ⴳ ⵉⴱⵔⴷⴰⵏ. 
ⴳ ⵓⵎⵏⵉⴷ ⴰⴷ, ⴰⵢⵏⵏⴰ ⵉⵥⵍⵉⵏ ⵙ ⵓⵙⴷⵓⵙ ⵏⵏⵏⴰ ⵉⵥⵍⵉⵏ ⵙ ⵓⵙⵏⵖⵍ ⵏ ⵉⵎⵙⵡⵓⵔⵉⵜⵏ ⵏ ⵓⵙⵏⵖⵍ ⴰⴱⵎⵍⴰⵏ, ⵇⴰⴷ ⵙⴱⵖⵔⵏ ⵉⵎⵥⵥⵓⵍⴰⵏⵏ ⵏ ⵓⵙⵏⵖⵍ ⵏ ⵓⵎⵙⵡⵓⵔⴰ ⵉ ⵡⵉⵢⵢⴰⴹ ⵙ ⵢⴰⵏ ⵓⵙⴷⵓⵙ ⵏ 1200 ⵏ ⵉⴷ ⴷⵔⵀⵎ  ⵅⴼ ⴽⵓ ⵜⵉⵀⵉⵔⵔⵉⵜ, ⴷ 1000 ⵉ  ⴽⵓ ⵜⵍⴷⴰⵢⵜ ⵉⵜⵜⵓⵥⵍⴰⵢⵏ ⵙ ⵓⵙⵏⵖⵍ ⴰⵏⵎⵍⴰⵏ ⵏ ⵡⵉⵢⵢⴰⴹ.