ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 17 ⵏⵓⵡⴰⵏⵏⴱⵉⵔ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 22 ⴳ ⵉⵏⴹⴼⵕ ⵏ ⵜⵔⵡⴰⵢⵉⵏ 1444, ⵉⵎⵙⴰⵙⴰⵏ ⴰⴽⴷ 17 ⵏⵓⵡⴰⵏⵏⴱⵉⵔ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.910 ⴷ ⵢⵓⵡⵉⵏ ⵅⴼ ⵎⵔⵏⵉⵡⵜ ⴳ ⵜⵖⵕⴰⴹ ⵍⵍⵉ ⵢⴰⴽⴽⴰ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ, ⴷⵓⴷⵖⴰⵔ ⵏ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ , ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⵙⴳ ⴷⴳⵙ, ⵉⵎⵔⴰⵔⴰ ⵓⵙⵇⵇⵉⵎ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵙⴰ ⵏ ⵉⵙⵏⴼⴰⵔ ⵉⵎⵕⵚⵓⵎⵏ, ⵉⵙⵏⴽⴷ ⵜⵏ ⵎⴰⵙⵙ ⵎⵚⵟⴰⴼⴰ ⴱⴰⵢⵜⵜⴰⵙ, ⴰⵎⴰⵡⵙⴰⵙ ⵉⴳⴰⵏ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵢⴰⵇⵇⴰⵏⵉⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵉⵡⵍ ⵓⵏⵚⵉⴱ ⵙ ⵢⵉⵙⵎ ⵏ ⵜⵏⴰⴱⴹⵜ, ⴳ ⵓⴷⵖⴰⵔ ⵏ ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⴰⵢⵏⵏⴰ ⵉⵜⵜⴳⵏ ⵏⵏⵉⴽ:
- ⴰⵙⵏⴼⴰⵔ ⵏ ⵓⵎⵕⵚⵎ ⵓⵟⵟⵓⵏ 2.22.797 ⵙ ⵜⵙⴽ;ⵔⵉⵡⵜ ⵙ ⵓⵣⵔⴼ ⵓⵟⵟⵓⵏ 65.00 ⴰⴷ ⵉⴳ ⵜⵓⴳⵔⵉⵡⵜ ⵏ ⵓⵙⴰⴳⴳⵯ ⴰⴷⵓⵙⴰⵏ ⴰⴷⵙⵍⴰⵏ, ⴳ ⵎⵉⵏ ⵉⵇⵏⵏ ⵖⵔ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⵉⵥⵍⵉⵏ ⵙ ⵡⵉⵙ ⵓⵔ ⵉⵣⵎⵎⵉⵔⵏ ⴰⴷ ⵓⵛⵏ ⴰⵜⵉⴳⵏ ⵏ ⵓⴷⵔⴰⵡ.
- ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.857 ⵉ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⴹⴼⵕ ⵙ ⵓⵎⵕⵚⵓⵎ ⵓⵟⵟⵓⵏ 2.18.622 ⴷ ⵉⴼⴼⵖⵏ ⴳ 10 ⴰⵜⴼⴼⴰⵙ ⵉⵣⵡⴰⵔⵏ 1440(17 ⵉⵏⵏⴰⵢⵔ 2019) ⵙ ⵜⵉⴳⴳⵉ ⵙ ⵓⵣⵔⴼ ⵓⵟⵟⵓⵏ 98.15 ⵉⵇⵇⵏ ⵖⵔ ⵓⵏⴳⵔⴰⵡ ⵏ ⵓⵙⴼⵍⵙ ⴰⴷⵙⵍⴰⵏ ⵅⴼ ⵜⵎⴰⴹⵏⵜ ⴷ ⵓⵣⵔⴼ ⵓⵟⵟⵓⵏ 99.15 ⵏ ⵜⵙⴽⵔⵉⵡⵜ ⵏ ⵓⵏⴳⵔⴰⵡ ⵏ ⵜⵙⵓⴷⵔⵉⵏ, ⵉⵥⵍⵉⵏ ⵙ ⵉⵎⵣⵣⵓⵍⴰⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏ ⴷ ⵉⵡⵔⵉⴽⵏ ⵓⵔ ⵉⴳⵉⵏ ⵉⵎⵖⵔⴰⴷ ⵡⵉⵏⴰ ⵉⵜⵜⴳⵏ ⴽⵔⴰ ⵏ ⵜⵡⵓⵔⵉ ⵉⵥⵍⵉⵏ.
- ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.858 ⵙ ⵜⵙⴽⵔⵉⵡⵜ ⵙ ⵓⵣⵔⴼ ⵓⵟⵟⵓⵏ 98.15 ⵉⵇⵇⵏ ⵖⵔ ⵓⵏⴰⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⴷ ⵓⵣⵔⴼ ⵓⵟⵟⵓⵏ 99.15 ⵏ ⵜⵉⴳⴳⵉ ⵏ ⵓⵏⴰⴳⵔⴰⵡ ⵏ ⵜⵙⵓⴷⵔⵉⵏ, ⵉⵥⵍⵉⵏ ⵙ ⵜⴳⵔⵓⵎⵎⴰ ⵏ ⵉⵎⵣⵣⵓⵍⵏ ⴷ ⵉⵎⵙⵡⵓⵔⵉⵢⵏ ⵉⵙⵉⵎⴰⵏⵏⴷ ⵉⵡⵔⵉⴽⵏ ⵓⵔ ⵉⴳⵉⵏ ⵉⵎⵖⵔⴰⴷⵏ ⵏⵏⵉ ⵉⵜⵜⴳⵏ ⵜⴰⵡⵓⵔⵉ ⵉⵥⵍⵉⵏ, ⴳ ⵎⵉⵏ ⵉⵇⵇⵏ ⵖⵔ ⵉⵡⵔⵉⴽⵏ ⵉⵏⵉⵎⴰⵏⵏ ⵍⵍⵉ ⵉⵟⵟⴼⵏ ⵜⴰⵙⵉⴹⵏⵜ .
- ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.859 ⵙ ⵓⵙⵏⴼⵍ ⵏ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.22.751 ⴷ ⵉⴼⴼⵖⵏ ⴳ 23 ⴰⵜⴼⴼⴰⵙ ⵉⵣⵡⴰⵔⵏ 1443 (29 ⴷⵓⵊⴰⵏⴱⵉⵔ2021) ⵙ ⵜⵙⴽⵔⵉⵡⵜ ⵙ ⵓⵣⵔⴼ ⵓⵟⵟⵓⵏ 98.15 ⴷ ⵓⵣⵔⴼ ⵓⵟⵟⵓⵏ99.15, ⴳ ⵎⵉⵏ ⵉⵇⵇⵏⵏ ⵖⵔ ⵉⵙⴱⴱⴰⴱⵏ ⴷ ⵉⵎⵏⵉⴹⵏ ⵍⵍⵉ ⵉⵟⵟⴰⴼⵏ ⵜⴰⵙⵉⴹⵏⵜ.
- ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.860 ⵙ ⵜⵙⴽⵔⵉⵡⵜ ⵙ ⵓⵣⵔⴼ ⵓⵟⵟⵏ 98.15 ⴷ ⵓⵣⵔⴼ ⵓⵟⵟ 99.15, ⴳ ⵎⵉⵏ ⵉⵇⵇⵏ ⵖⵔ ⴰⵢⵜ ⵜⵓⵏⵏⵓⵏⵜ ⴷ ⵉⵎⵙⵙⵓⴳⴰⵔ ⵏ ⵜⵓⵏⵏⵓⵏⵜⵓⵔ ⵉⴳⵉⵏ ⵉⵎⵖⵔⴰⴷⵏ, ⵏⵏⴰ ⵎⵉ ⵜⴳⴰ ⵜⵡⵓⵔⵉ ⵏⵏⵙⵏ ⵜⴰⵡⵊⵊⴰ ⵏ ⵓⴹⴰⵕ.
- ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.861 ⵙ ⵜⵙⴽⵔⵉⵡⵜ ⵙ ⵓⵣⵔⴼ ⵓⵟⵟⵓⵏ 98.15 ⴷ ⵓⵣⵔⴼ ⵟⵟⵓⵏ 99.15, ⴳ ⵎⵉⵏ ⵉⵇⵇⵏⵏ ⵖⵔ ⵉⵏⵖⵎⴰⵙⵏ ⵉⵎⵣⵣⵓⵍⴰⵏ ⴷ ⵉⵏⵖⵎⴰⵙⵏ ⵓⵎⵙⵖⵣⵏ, ⵡⵉⵙ ⵓⵔ ⵉⴳⵉⵏ ⵉⵎⵖⵔⴰⴷⵏ, ⴷ ⵎⴰⴷ ⵢⵓⵎⵥⵏ ⵓⵏⴱⴰⴹ ⵏⵏⵙⵏ.
- ⴰⵙⵏⴼⴰⵔ ⵏ ⵓⵎⵕⵚⵓⵎ ⵓⵟⵟⵓⵏ 2.22.911 ⵙ ⵜⵙⴽⵔⵉⵡⵜ ⵙ ⵓⵣⵔⴼ ⵓⵟⵟⵓⵏ 98.15 ⴷ ⵓⵣⵔⴼ ⵓⵟⵟⵓⵏ 99.15 ⴳ ⵎⵉⵏ ⵉⵇⵇⵏ ⵖⵔ ⴰⵢⵜ ⵜⵓⵏⵏⵓⵏⵜ ⴷ ⵉⵎⵙⵙⵓⴳⵓⵔⵏ ⵏ ⵜⵓⵏⵏⵓⵏⵜ ⵓⵔ ⵉⴳⵉⵏ ⵉⵎⵖⵔⴰⴷⵏ ⵍⵍⵉ ⵉⵙⴽⴰⵔⵏ ⵜⴰⵡⵓⵔⵉ ⵏⵏⵙⵏ ⴳ ⴽⵔⴰ ⵏ ⵜⵓⵏⵏⵓⵏⵉⵏ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⵙⵙⵏⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵓⵃⵎⵎⴰⴷ ⴰⵣⵔⵓⵔ, ⴷ ⴰⵏⴱⴷⴰⴷ ⵉ ⵜⵖⵉⵡⴰⵏⵜ ⵜⴰⴳⵜⵉⵥⵍⵉⵜ ⴳ ⵕⵕⵛⵉⴷⵉⵢⴰ;
- ⵎⴰⵙⵙ ⴱⵕⴰⵀⵉⵎ ⴰⵍⵎⵓ, ⴷ ⴰⵏⵎⵀⴰⵍ ⵉ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵉ ⵜⵜⵉⴽⵏⵓⵍⵓⵊⵉⵜ ⴳ ⵎⴽⵏⴰⵙ;
- ⵎⴰⵙⵙⵙ ⵏⴰⵡⴰⵍ ⴱⵓⵢⵃⵢⴰⵡⵉ, ⴷ ⵜⴰⵏⴱⴷⴰⴷⵜ ⵉ ⵜⵖⵉⵡⴰⵏⵜ ⵏ ⵜⵙⵏⵉⵊⵊⵉⵜ ⴷ ⵜⵙⴰⵙⴼⴰⵔⵜ ⴳ ⵕⵕⴱⴰⵟ.
- ⴳ ⵜⵎⴰⵡⴰⵙⵜ ⵏ ⵓⵎⵎⴰⵜⵜⵉ ⴰⵎⵓⵟⵟⵓⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵃⴰⵎⵉⴷ ⵎⵔⴰⵃ, ⴷ ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵏⴰⵎⵓⵔ ⵉ ⵜⵣⵎⵔⵜ ⴷ ⵜⵎⴰⵙⵙⴰⵏⵉⵏ ⴷ ⵜⵜⵉⵇⵏⵉⵢⵉⵏ ⵜⵉⵖⵢⴰⵢⵉⵏ.
