ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 24 ⵏⵓⵡⴰⵏⵏⴱⵉⵔ 2022
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 29 ⴳ ⵉⵏⴹⴼⵕ ⵏ ⵜⵔⵡⴰⵢⵉⵏ 1444, ⵉⵎⵙⴰⵙⴰⵏ ⴰⴽⴷ 24 ⵉⵏⵏⴰⵢⵔ 2022, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⴱⴷⴷⵉ ⵅⴼ ⵓⵎⵢⴰⵇⵇⴰⵏ ⴰⴳⵔⴰⵖⵍⴰⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- •ⴳ ⵜⵉⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 53. 22 ⴷ ⵢⵓⵡⵉⵏ ⵅⴼ ⵓⵙⵖⵣⵏ ⵅⴼ ⵓⵎⵕⵚⵓⵎ ⵙ ⵓⵣⵔⴼ ⵓⵟⵟⵓⵏ 2.22.770 ⴷ ⵉⴼⴼⵖⵏ ⴳ 9 ⵜⵔⵡⴰⵢⵉⵏ 1444 (6 ⴽⵜⵓⴱⵕ 2022) ⵙ ⵓⵙⴽⴰⵔ ⵙ ⵉⵏⴱⴰⴹⵏ ⵉⵥⵍⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ, ⵉⵙⵏⴽⴷ ⵜ ⵎⴰⵙⵙ ⵍⵎⵀⴷⵉ ⴱⵏ ⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.932 ⵏ ⵓⵙⵖⵣⴼ ⵏ ⵜⵉⵣⵉ ⵏ ⵡⴰⴷⴷⴰⴷ ⵓⵎⵓⴳⵣ ⴰⴷⵓⵙⴰⵏ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵉ ⵓⵏⵎⴰⵍⴰ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ -ⴽⵓⴼⵉⴷ 19, ⵉⵙⵏⴽⴷ ⵜ ⵎⴰⵙⵙ ⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⵙⴳ ⴷⴳⵙ, ⵉⵎⵔⴰⵔⴰ ⵓⵙⵇⵇⵉⵎ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.923 ⵙ ⵓⵙⵡⵜⵜⵓ ⵏ ⵜⵙⴽⵯⴼⵍⵜ ⵏ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⵉⵥⵍⵉⵏ ⵙ ⵡⵉⵙⵙ ⵓⵔ ⵥⴹⴰⵕⵏⵉⵏ ⴰⴷ ⴼⵔⵓⵏ ⴰⵜⵉⴳ ⵏ ⵓⴷⵔⴰⵡ, ⵙ ⵢⵉⵙⵢ ⵙ ⵜⴰⵏⵏⴰⵢⴰⵏ ⵉⵜⵜⵓⴼⴽⴰⵏ, ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴷⴼⴼⵔ ⵎⴰⵏ ⴰⵢⴰ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.924 ⵉⵇⵇⵏ ⵖⵔ ⵓⵙⵇⵇⵉⵎ ⵏ ⵓⵙⵡⵓⴷⴷⵓ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴳ ⵎⴰⵏ ⵉⵇⵇⵏ ⵖⵔ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ ⵉⵥⵍⵉⵏ ⵙ ⵡⵉⵙⵙ ⵓⵔ ⵥⴹⴰⵕⵏⵉⵏ ⴰⴷ ⴼⵔⵓⵏ ⴰⵜⵉⴳ ⵏ ⵓⴷⵔⴰⵡ, ⵙ ⵢⵉⵙⵢ ⵙ ⵜⴰⵏⵏⴰⵢⴰⵏ ⵉⵜⵜⵓⴼⴽⴰⵏ, ⵜⵙⵏⴽⴷ ⵜ ⴰⵍⵜⵓ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵉⴱⴷⴷⵉ ⵅⴼ ⵓⵎⵢⴰⵇⵇⴰⵏ ⵓⵟⵟⵓⵏ 118 ⵓⵙⴽⵙⴽⵍ ⵏⴳⵔ ⵉⵏⴰⵎⵓⵔⵏ ⴷ ⵡⵉⵏⵏⴰ ⵓⵔ ⵜⵏ ⵉⴳⵉⵏ ⴳ ⵢⵉⴳⵔ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⵉⵙⵖⵣⵏ ⵓⵏⵎⵓⵇⵇⴰⵔ ⴰⵎⴰⵜⴰⵢ ⵉ ⵓⵏⴰⴳⵔⴰⵡ ⴰⴳⵔⴰⵖⵍⴰⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⴽⴽⵓⵎⵔⴰⵡⵜ ⴷ ⵚⴹⵉⵚⵜ, ⵉⵜⵜⵓⴳⴰⵏ ⴳ ⵊⵓⵏⵉⴼ ⴳ 28 ⵢⵓⵏⵢⵓ 1962, ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 51.22 ⵅⴼ ⵉⵍⵍⴰ ⵓⵎⵙⴰⵙⴰ ⵏ ⵜⵎⵢⴰⵇⵇⴰⵏⵜ ⵉⵜⵜⵓⴱⴷⴰⵔⵏ, ⵉⵙⵏⴽⴷ ⵜⵏ ⵎⴰⵙⵙ ⵢⵓⵏⵙ ⵙⵙⴽⵓⵔⵉ ⵓⴱⵃⵙⵓ, ⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜⵉⵏ ⵜⵉⵎⵥⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵣⵎⵎⴰⵔ, ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵏ ⴱⵕⵕⴰ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ, ⵉⵜⵜⵓⵙⵎⵍ:
- ⵎⴰⵙⵙ ⵄⴱⴷⵍⵎⵓⵎⵏ ⵟⵟⴰⵍⴱ, ⴷ ⴰⵏⵎⵀⴰⵍ ⵉ ⵜⴰⴳⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵉⵍⵖ ⵏ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ- ⵚⵟⵟⴰⵜ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ:
- ⵎⴰⵙⵙ ⵃⴰⵙⴰⵏ ⵎⵃⵎⵓⴷⵉ, ⴷ ⴰⵏⵎⵀⴰⵍ ⵉ ⵜⵉⵏⵎⵍ ⵍⵎⵓⵃⵎⵎⴰⴷⵉⵢⴰ ⵉ ⵉⵎⵜⵡⵉⵍⵏ ⴳ ⵕⵕⴱⴰⵟ;
- ⵎⴰⵙⵙ ⵃⴰⴼⵉⴹ ⵚⴰⴱⵉⵕ, ⴷ ⴰⵏⴱⴷⴰⴷ ⵉ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵎⴰⵙⵙⴰⵏⵉⵏ ⵜⵉⵏⴰⴼⴳⴰⵏⵉⵏ ⴳ ⵜⵙⴷⴰⵡⵉⵜ ⵏ ⵉⵏⴱⵓ ⵣⵓⵀⵕ ⴳ ⵓⴳⴰⴷⵉⵔ;
- ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵓⵃⵎⵎⴰⴷ ⵄⴱⴷⵍⵍⴰⵀ ⵣⵣⵡⵉⵏⵉ, ⴷ ⴰⵏⵎⵀⴰⵍ ⵉ ⵜⵙⵏⵓⵔⴰⵢⵜ ⵏ ⵓⴳⵍⵎⴰ ⵏ ⵡⴰⵎⴰⵏ ⴳⵏ ⵍⵍⵓⴽⵓⵙ;
- ⵎⴰⵙⵙ ⵙⵉⴷⵉ ⵍⵎⵅⵜⴰⵔ ⵍⴽⵏⵜⵉ, ⴷ ⴰⵏⵎⵀⴰⵍ ⵉ ⵜⵙⵏⵓⵔⴰⵢⵜ ⵏ ⵓⴳⵍⵎⴰⵎ ⵏ ⵡⴰⵎⴰⵏ ⵏ ⵙⵙⴰⵇⵉⵢⴰ ⵍⵃⵎⵕⴰ ⴷ ⵡⴰⵙ ⴷⴷⴰⵀⴰⴱ;
- ⵎⴰⵙⵙ ⵎⵓⵃⵎⵎⴰⴷ ⴰⵛⵜⵉⵡⵉ, ⴷ ⴰⵏⵎⵀⴰⵍ ⵉ ⵜⵙⵏⵓⵔⴰⵢⵜ ⵏ ⵓⴳⵍⵎⴰⵎ ⵏ ⵡⴰⵎⴰⵏ ⵏ ⵜⵏⵙⵉⴼⵜ;
- ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⵃⴰⴼⵉⴹ ⵍⵃⵙⵙⴰⵏⵉ, ⴷ ⴰⵏⵎⵀⴰⵍ ⵉ ⵜⵎⵇⵕⴰⴹ ⵏ ⵉⵎⵙⵖⴰⵏⵏ ⴳ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵎⵉⵜ.
