ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 26 ⵉⵏⵏⴰⵢⵔ 2023
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵡⴰⵙ 04 ⴳ ⵡⵉⵏ ⵉⴳⵯⵔⵔⴰⵎⵏ 1444, ⵉⵎⵙⴰⵙⴰⵏ ⴰⴽⴷ 26 ⵉⵏⵏⴰⵢⵔ 2023, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⴱⴷⴷⵉ ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴳ ⵜⵉⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵕ ⴰⵣⵔⴼⴰⵏ ⵓⵟⵟⵓⵏ 83.21 ⵉⵇⵇⵏ ⵖⵔ ⵜⵎⵙⵙⵓⵔⵉⵏ ⵜⵉⵏⵎⵏⴰⴹⵉⵏ ⵜⵉⴳⵜⵉⵥⵍⵉ ⵏ ⵜⵏⵓⴼⴰ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⴰⵙ ⵏ ⵜⴳⵯⵏⵙⴰⵏⵜ.
- ⴳ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.23.26 ⵏ ⵓⵙⵖⵣⴼ ⵏ ⵓⵙⵡⵓⵔⵉ ⵙ ⵡⴰⴷⴷⴰⴷ ⵓⵎⵓⴳⵣ ⴰⴷⵓⵙⴰⵏ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴳ ⵓⵎⵏⴰⵍⴰ ⵏ ⵓⵙⵙⵓⴷⵓ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ -ⴽⵓⴼⵉⴷ19, ⵉⵙⵏⴽⴷ ⵜ ⴰⵍⵜⵓ ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵜⴳⵯⵏⵙⴰⵏⵜ.
- ⵉⵎⵎⴰⵜⵜⵉ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵖⵔ ⵓⵎⴷⵉⵡⴰⵍ ⴷ ⵓⵙⵖⵣⵏ ⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.23. 1 ⵉⵇⵇⵏ ⵖⵔ ⵓⵙⵎⵀⵍ ⵏ ⵓⵏⴳⵔⴰⵡ ⵏ ⵡⴰⵏⵏⴰⵍ ⴰⴷⵙⵍⴰⵏ ⵏ ⵓⵙⵙⴰⵔⵓ ⴷ ⵓⵏⴳⵔⴰⵡ ⵏ ⵡⴰⵏⵏⴰⵍ ⵉⵥⵍⵉⵏ ⵉⵜⵜⵓⴳⴰⵏ ⵅⴼ ⵉⵙⵏⴼⴰⵔⵏ ⵏ ⵉⵙⵙⴰⵔⵓⵜⵏ ⵖⵔ ⵜⵍⵍⴰ ⵜⴼⵔⵉⵙⵜ ⵜⴰⵙⵜⵕⴰⵜⵉⵊⵉⵜ, ⴷ ⵢⵉⵙⵢ ⵙ ⵜⴰⵏⵏⴰⵢⵉⵏ ⵏ ⵉⵜⵜⵓⴼⴽⴰⵏ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴰⵎⴰⵡⵙⴰⵙ ⵉⴳⴰⵏ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⵙⴰⴳⴰⵔⵜ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ2.23.47 ⵏ ⵓⵙⵏⴼⵍ ⵏ ⵓⵎⵕⵚⵓⵎ ⵓⵟⵟⵓⵏ 2.22.818 ⴷ ⵉⴼⴼⵖⵏ ⴳ 22 ⴳ ⵓⵜⴼⴼⴰⵙ ⵉⵣⵡⴰⵔⵏ 1444 (19 ⴽⵜⵓⴱⵕ 2022) ⵉⵇⵇⵏ ⵖⵔ ⵓⵙⴱⴷⴷ ⵏ ⵢⵉⵍⵉ ⵏ ⵜⵏⴼⵓⵍⵜ ⵉⵙⵎⴷⵏ ⵏ ⵓⵙⴽⵛⵎ ⵉⵜⵜⵓⴱⵣⵣⴻⵣⵏ ⵅⴼ ⵜⴼⵓⵏⴰⵙⵉⵏ ⵜⵉⵏⴰⵎⵢⴰⵔⵉⵏ, ⵜⵙⵏⴽⴷ ⵜ ⵎⴰⵙⵙⴰ, ⵏⴰⴷⵉⵢⴰ ⴼⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⵉⵙⵙⵓⴷⵓ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵉⴱⴷⴷⵉ ⵅⴼ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⵛⵡⵡⵕ ⵏ ⵜⵙⴱⴱⴰⴱⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰ ⵏ ⵊⵉⴱⵓⵜⵉ, ⵉⵜⵜⵓⵙⴳⵎⴹⵏ ⴳ ⵕⵕⴱⴰⵟ14 ⵏⵓⵡⴰⵏⴱⵉⵔ 2022, ⴷ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 64.22 ⵅⴼ ⵉⵍⵍⴰ ⵓⵎⵙⴰⵙⴰ ⵏ ⵓⵎⵛⴰⵛⴽⴰ ⵉⵜⵜⵓⴱⴷⵔⵏ, ⵉⵙⵏⴽⴷⵏⵜ ⵎⴰⵙⵙ ⵎⵓⵃⵎⵎⴰⴷ ⵄⴱⴷⵍⵊⵍⵉⵍ, ⴰⵎⴰⵡⵙⴰⵙ ⵏ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ, ⴳ ⵓⴷⵖⴰⵔ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵏ ⴱⵕⵕⴰ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⵄⴰⵍⵉ ⴽⵄⴱⵓⵛⵉ, ⴷ ⴰⵏⵎⵀⴰⵍ ⵉ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⵙⴱⴱⴰⴱⵜ ⴷ ⵓⵙⵡⵓⴷⴷⵓ ⴳ ⵓⵊⴷⴰ;
- ⵎⴰⵙⵙ ⴷⵔⵉⵙ ⴰⴷⵔⵉⵡⵉⵛ, ⴷ ⴰⵏⴱⴷⴰⴷ ⵉ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⴰⵎⵙⴰ ⴷ ⵜⴰⵏⵎⵓⵏⵜ ⴳ ⵓⵊⴷⴰ;
- ⵎⴰⵙⵙ ⴰⴱⵓ ⴱⴰⴽⵔ ⴱⵓⵄⵢⴰⴷ, ⴷ ⴰⵏⵎⵀⴰⵍ ⵉ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⵥⵓⵕⵉⵡⵉⵏ ⴷ ⵜⴰⵣⵣⵓⵍⵉⵏ ⴳ ⵎⴽⵏⴰⵙ;
- ⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ -ⵉⴳⵔ ⵏ ⵜⴼⵍⵍⴰⵃⵜ, ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⵍⴰⵀ ⵊⵏⴰⵜⵉ, ⴷ ⴰⵏⵎⵀⴰⵍ ⴰⵎⴰⵜⴰⵢ ⵉ ⵓⵙⵉⵔⴰ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⴷⵓⵙⴰⵏⵜ ⵉ ⵜⵢⴰⴼⵓⵜⵉⵏ ⵏ ⵡⵓⵜⵜⵛⵉ.
