ⴰⴳⵔⴰⵡ ⵏ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 02 ⴱⵕⴰⵢⵕ 2023

• ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⵔⴰⵔⴰ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴰⵡⴰⵍ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 01.23  ⵏ ⵓⵙⵏⴼⵍ ⵏ ⴷ ⵓⵙⵎⴰⴷ ⵏ ⵓⴹⴰⵀⵉⵕ ⵛⵛⴰⵔⵉⴼ ⵉⵍⵍⴰⵏ ⴷ ⴰⵣⵔⴼ ⵓⵟⵟⵓⵏ 1.93.364 ⴷ ⵉⴼⴼⵖⵏ ⴳ 19 ⴳ ⵉⵏⴹⴼⵕ ⵏ ⵜⵔⵡⴰⵢⵉⵏ 1414 (6 ⴽⵜⵓⴱⵕ 1993) ⵙ ⵜⵙⴽⵔⴰⵡⵜ ⵏ ⵜⴳⴰⴷⵉⵎⵉⵜ ⵏ ⵍⵃⴰⵙⴰⵏ ⵡⵉⵙ ⵙⵉⵏ  ⵉ ⵜⵎⴰⵙⵙⴰⵏⵉⵏ ⴷ ⵜⵜⵉⵇⵏⵉⵢⵉⵏ, ⵙ ⵢⵉⵙⵢ ⵙ ⵜⴰⵏⵏⴰⵢⵉⵏ ⵉⵜⵜⵓⴼⴽⴰⵏ ⵖⵉⴼⵙ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵎⵉⵕⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ.
• ⴳ ⵎⴰⵏ ⴰⵢⵏⵏⵉ, ⵉⵎⴷⴰⵡⴰⵍ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵉⵙⵖⵣⵏ ⵅⴼ ⵓⵎⵕⵚⵓⵎ ⵓⵟⵟⵓⵏ 2.22.335 ⵏ ⵓⵙⵏⴼⵍ ⵏ ⵓⵎⵕⵚⵓⵎ ⵓⵟⵟⵓⵏ 2.14.867 ⴷ ⵉⴼⴼⵖⵏ ⴳ 7 ⴳ ⵡⴰⵢⵢⵓⵔ ⵏ ⵜⴼⴰⵙⵙⴽⴰ ⵏ 1436 (21 ⵛⵓⵜⴰⵏⴱⵉⵔ 2015) ⵉⵇⵇⵏ ⵖⵔ  ⵜⵙⵇⵇⵉⵎⵜ  ⵜⴰⵏⴰⵎⵓⵔⵜ ⵉ ⵉⵙⴰⵜⵓⵔⵏ ⵉⴳⴷⵓⴷⴰⵏⵏ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵃⵊⵉⵡⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ.  
• ⵉⵎⵎⴰⵜⵜⵉ  ⵓⵙⵇⵇⵉⵎ ⵏ ⵜⵏⴱⴰⴹⵜ, ⵖⵔ ⵓⵎⴷⵉⵡⴰⵍ ⴷ ⵓⵙⵖⵣⵏ ⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.812 ⵏ  ⵓⵙⵡⵜⵜⵓ  ⵏ ⵡⴰⵜⵉⴳⵏ ⵏ ⴷ ⵡⴰⵔⵔⵓⵣⵏ ⴷ ⵉⴷⵔⵉⵎⵏ ⵉⵜⵜⵓⵙⵅⵓⵚⵚⴰⵏ ⵉ ⵉⴳⵎⴰⵎⵏ ⵏ  ⵜⵙⵇⵇⵉⵎⵜ  ⵜⵏⵎⵀⴰⵍⵜ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵉ ⵜⵏⴽⵔⴰ ⵙ ⵜⵡⵓⵔⵉⵡⵉⵏ ⵜⵉⵏⴰⵎⵓⵏⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵎⵉⵕⴰⵡⵉ, ⴰⵎⴰⵡⴰⵙ ⵏ ⵙⵍⵎⴷ ⵏ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⵏⴰⵏ ⴷ ⵓⵙⵏⴼⵍⵓⵍ, ⴳ ⵓⴷⵖⴰⵔ ⵏ ⵎⴰⵙⵙ ⵛⴰⴽⵉⴱ ⴱⵏ ⵎⵓⵙⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ.
• ⵉⵙⵙⵓⴷⵓ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.22.771 ⵏ ⵓⵙⵡⵜⵜⵓ ⵜⵡⵓⵔⵉⵡⵉⵏ ⴷ ⵓⵙⵏⵎⴰⵍⴰ ⵏ ⵜⵎⴰⵡⴰⵙⵜ , ⵉⵜⵜⵓⵙⵎⴰⴳⵍⵏ ⵙ ⵜⵎⵢⴰⵇⵇⴰⵏⵉⵏ ⴰⴽⴷ ⵍⴱⵕⵍⴰⵎⴰⵏ , ⵉⵙⵏⴽⴷ ⵜ ⵎⴰⵙⵙ ⵎⵚⵟⴰⴼⴰ ⴱⴰⵢⵜⵜⴰⵙ, ⴰⵎⴰⵡⵙⴰⵙ ⵉⴳⴰⵏ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵢⴰⵇⵇⴰⵏⵉⵏ ⴷ ⵍⴱⵕⵍⴰⵎⴰⵏ, ⴰⵎⵙⵉⵡⵍ ⵓⵏⵚⵉⴱ ⵙ ⵢⵉⵙⵎ ⵏ ⵜⵏⴱⴰⴹⵜ.
   

ⵉⵔⴳⵍ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.

• ⴳ ⵜⴰⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵓⵙⵖⵉⵡⵙ, ⵉⵜⵜⵓⵙⵎⴰⵍ:
  • ⵎⴰⵙⵙ ⵎⵚⵟⴰⴼⴰ ⵣⵣⴼⵔⵉ, ⴷ  ⴰⵏⵎⵀⴰⵍ ⵏ ⵜⵎⵙⵙⵉⴹⵏⵜ ⵜⴰⵏⴰⵎⵓⵔⵜ;
• ⴳ ⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ - ⵉⴳⵔ ⵏ ⵜⵄⵓⵔⵔⵎⴰ, ⵉⵜⵜⵓⵙⵎⴰⵍ:
  • ⵎⴰⵙⵙ ⵄⴱⴷⵍⵡⴰⵃⴷ ⴱⵏ ⵍⵃⴰⵊ, ⴷ ⴰⵏⵎⵀⴰⵍ ⵉ ⵜⵖⴰⵡⵙⵉⵡⵉⵏ ⵜⵉⵎⵙⵙⵓⴳⵓⵔⵉⵏ ⴷ ⵜⵎⴰⵜⴰⵢⵉⵏ ⴳ ⵢⵉⴳⵔ ⵏ ⵜⵄⵓⵔⵔⵎⴰ; 
• ⴳ ⵜⵎⴰⵡⴰⵙⵜ ⵏ ⵓⵙⵎⵓⵜⵜⴳ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵜⵣⴷⵓⵖⵜ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⴻⵜⵜⵓⵙⵎⴰⵍ: 
  • ⵎⴰⵙⵙⴰ ⵏⵉⵙⵔⵉⵏ ⵄⴰⵍⴰⵎⵉ, ⴷ ⵜⴰⵏⵎⵀⴰⵍⵜ ⵉ ⵜⵏⵙⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵜⵉⵟⵡⴰⵏ;
  • ⵎⴰⵙⵙ ⵎⵓⵍⴰⵢ ⵃⵎⴰⴷ ⵀⵎⵎⵓ, ⴷ ⴰⵎⴳⴳⵉⵡⵙ ⴰⵙⴳⴰⵡⴰⵏ ⵏ ⵓⵥⴽⴰⵡ ⴷ ⵜⵎⵙⴷⴰⴳⵜ ⴷ ⵓⵙⵎⵓⵜⵜⴳ ⵏ ⵡⴰⴽⴰⵍ ⴰⵏⴰⵎⵓⵔ ⵉ ⵜⵎⵏⴰⴹⵜ ⵏ ⴱⵏⵉ ⵎⵍⵍⴰⵍ ⵅⵉⴼⵔⴰ;
• ⴳ ⵜⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ  ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⵎⵓⵏⵜ ⴷ ⵓⵎⵢⴰⵡⴰⵙ- ⵉⴳⵔ ⵏ ⵜⵎⴰⵍⵍⴰⵢⵜ, ⵉⵜⵜⵓⵙⵎⴰⵍ:
  • ⵎⴰⵙⵙ ⵕⴹⵡⴰⵏ ⵣⵀⵉⵔⵉ, ⴷ ⴰⵏⵎⵀⴰⵍ ⵉ ⵉⵙⵓⴳⴰⵎⵏ ⴷ ⵓⵙⵙⵉⵍⵖ;
• ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵉⵜⵜⵓⵙⵎⴰⵍ: 
  • ⵎⴰⵙⵙ ⵄⴱⴷⵍⴼⵜⴰⵃ ⵚⴰⵃⴱⵉ, ⴷ ⴰⵏⵎⵀⴰⵍ ⴰⵎⴰⵜⴰⵢ ⵉ ⵜⵙⵏⵣⵡⵉⵜ;
• ⴳ ⵜⵎⴰⵡⴰⵙⵜ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⵙⵙⵏⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ:
  • ⵎⴰⵙⵙ ⵄⴱⴷⵍⵄⵣⵄⵣ ⵕⵃⵎⵓⵏⵉ, ⴷ ⴰⵏⴱⴷⴰⴷ ⵉ ⵜⵖⵉⵡⴰⵏⵜ ⵏ ⵉⵥⵓⵕⴰⵏ ⵏ ⵓⵙⴳⴷ ⴳ ⵜⵉⵟⵡⴰⵏ;
  • ⵎⴰⵙⵙⵃⵎⴰⴷ ⵎⵓⵙⴰ, ⴷ ⵏⵎⵀⴰⵍ ⵉ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⵎⴰⵙⵙⴰⵏⵉⵏ ⵜⵓⵙⵏⵉⵙⵉⵏ ⴳ ⵟⴰⵏⵊⴰ.