ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 23 ⴱⵕⴰⵢⵕ 2023
ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵕⴰⵙ 15 ⴳ ⵜⴰⵍⵜⵢⵓⵔⵜ 1444, ⵉⵎⵙⴰⵙⴰⵏ ⴰⴽⴷ 8 ⵎⴰⵕⵚ 2023, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵙⵜⵉⵏ ⵉ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.
ⴳ ⵜⵉⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⵎⵔⴰⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵡⴰⵍ ⴳ ⵓⵙⵏⴼⴰⵔ ⴰⵣⵔⴼⴰⵏ ⵓⵟⵟⵓⵏ 02.23 ⵉⵇⵇⵏ ⵖⵔ ⵜⵍⴳⴰⵎⵜ ⵜⵓⵖⵔⵉⵎⵜ, ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵟⵉⴼ ⵡⵀⴱⵉ, ⴰⵎⴰⵡⵙⴰⵙ ⵏ ⵜⵏⵣⵣⴰⵔⴼⵓⵜ, ⵎⴰ ⵔⴰⴷ ⴰⴷ ⵢⵉⵍⵉ ⵓⴷⵔⵓ ⵏ ⵓⵎⵙⴳⴷⴰⵍ ⵖⵉⴼⵙ ⴷ ⵓⵙⵖⵣⵏ ⵖⵉⴼⵙ ⴳ ⵓⴳⵔⴰⵡ ⴷ ⵉⴷⴷⴰⵏ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ
- ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⴷⴰⵡⴰⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.23.102 ⵉⵇⵇⵏ ⵖⵔ ⵓⵕⵥⵥⵓⵎ ⵏ ⵜⵙⵏⵓⵔⴰⵢⵜ ⵏ ⵓⵎⵓⵟⵟⵓⵏ ⵏ ⵜⵏⵥⵔⵜ ⵜⴰⵏⵉⴼⴹⵜ - ⵍⵎⵖⵔⵉⴱ (MCA MOROCCO) ⴷ ⵓⵙⴱⴷⴷ ⵏⵏⵙ, ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ.
ⵉⵔⴳⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.
- ⴳ ⵜⵎⴰⵡⴰⵙⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⵉⵜⵜⵓⵙⵎⴰⵍ:
- ⵎⴰⵙⵙ ⵎⵓⵃⵎⵎⴰⴷ ⴱⵏⵃⵎⵎⵉⵛ, ⴷ ⴰⵏⵎⵀⴰⵍ ⵉ ⵓⴼⵏⵉⵇ ⵏ ⵓⵙⵥⵕⴼ ⵏ ⵉⴱⵔⴷⴰⵏ;
- ⵎⴰⵙⵙ ⵄⴱⴷⵍⵟⵉⴼ ⵎⵓⵏⵉⵔ, ⴷ ⴰⵎⴳⴳⵉⵡⵙ ⴰⵎⴰⵜⴰⵢ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ - ⵉⴳⵔ ⵏ ⵜⵓⵏⵏⵓⵜ:
- ⵎⴰⵙⵙ ⵄⴱⴷⵔⵣⵣⴰⵇ ⵍⵄⴽⴽⴰⵔⵉ, ⴷ ⴰⵏⵎⵀⴰⵍ ⵉ ⵜⵓⵏⵏⵓⵏⵜ;
- ⴳ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⵙⵙⵏⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ:
- ⵎⴰⵙⵙ ⵄⴱⴷⵍⵟⵉⴼ ⵎⵓⴽⵔⵉⵎ, ⴷ ⴰⵏⵙⵙⵉⵅⴼ ⵉ ⵜⵙⴷⴰⵡⵉⵜ ⵏ ⵍⵃⴰⵙⴰⵏ ⴰⵎⵣⵡⴰⵔⵓ ⴳ ⵚⵟⵟⴰⵜ;
- ⵎⴰⵙⵙ ⵎⵓⵃⵎⵎⴰⴷ ⵍⵄⵔⴱⵉ ⴽⵔⴽⴱ, ⴷ ⴰⵏⵙⵙⵉⵅⴼ ⵉ ⵜⵙⴷⴰⵡⵉⵜ ⵏ ⴱⵏⵓ ⵟⵓⴼⴰⵢⵍ ⴳ ⵍⵇⵏⵉⵟⵕⴰ.
