ⵓⵔⵔⵉ ⵙ ⵜⵉⵖⵔⴷⵉⵏ

ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵕⴰⵙ 8 ⵎⴰⵕⵚ 2023

CG-1-08-03-2023.jpg

ⵜⴳⴰ ⵜⵏⴱⴰⴹⵜ, ⴰⵙⵙ ⵏ ⵓⴽⵕⴰⵙ 15 ⴳ ⵜⴰⵍⵜⵢⵓⵔⵜ  1444, ⵉⵎⵙⴰⵙⴰⵏ ⴰⴽⴷ 8 ⵎⴰⵕⵚ 2023, ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵜⴰⵢⵏ ⵉ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵓⴳⴳⵜ ⵏ ⵉⵙⵏⴼⴰⵔⵏ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⴷ ⵢⵓⵙⵏ ⴳ ⵢⵉⵎⵉⵔ 92 ⴳ ⵓⴷⵓⵙⵜⵓⵔ.

ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ

  • ⴷⴼⴼⵔ ⵎⴰⵏ ⴰⵢⵏⵏⵉ, ⵉⵎⴷⴰⵡⴰⵍ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 58.22 ⵏ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 41.05 ⵉⵇⵇⵏ ⵖⵔ ⵜⵎⴳⵔⴰⵡⵉⵏ ⵏ ⵓⵙⵎⵙⵖⴰⵏ ⴰⴳⵔⴰⵡⴰⵏ ⵏ ⵜⴷⴳⴰⵔⵜ, ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⴰⵃ, ⵜⴰⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ.
  • ⴳ ⵎⴰⵏ ⴰⵢⵏⵏⵉ, ⵉⵎⴷⴰⵡⴰⵍ  ⵓⵙⵇⵇⵉⵎ  ⵏ ⵜⵏⴱⴰⴹⵜ ⵉⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 01. 22 ⵉⵇⵇⵏ ⵖⵔ ⵉⵙⵉⵔⴰⵜⵏ ⵏ ⵡⵓⵎⵍⴰⵏ ⵉⵏⴼⵍⴰⵙⵏ, ⵙ ⵢⵉⵙⵢ ⵙ ⵜⴰⵏⵏⴰⵢⵉⵏ ⵍⵍⵉ ⵅⴼ ⵙⴰⵡⵍⵏ, ⵜⵙⵏⴽⴷ ⵜ ⵎⴰⵙⵙⴰ ⵏⴰⴷⵉⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.  
  • ⵉⵎⵎⴰⵜⵜⵢ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵙ ⴰⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵣⵔⴼⴰⵏ ⵏ ⵓⵙⵎⴰⵔ ⵓⵟⵟⵓⵏ 11.23 ⵉⵇⵇⵏ ⵖⵔ ⵓⵣⵣⴳⵉⵔ ⵙ ⵓⵣⵔⴼ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2021, ⵉⵙⵏⴽⴷ ⵜ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⵉⴳⴰⵏ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⴰⵍⵜ.
  • ⵉⵙⵙⵓⴷⵓ  ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵖⵣⵏ ⵅⴼ ⵓⵙⵏⴼⴰⵔ ⴰⵎⵕⵚⵓⵎ ⵓⵟⵟⵓⵏ 2.23.162 ⵏ ⵓⵙⵏⴼⵍ ⵏ ⵎⵕⵚⵓⵎ ⵓⵟⵟⵓⵏ 2.22.1036 ⵏ ⵓⵙⵏⴼⵍ ⴷ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.05.830 ⴷ ⵉⴼⴼⵖⵏ ⴳ 26 ⴳ ⵕⵎⴹⴰⵏ  1427 (19 ⴽⵜⵓⴱⵕ 2006)  ⵙ ⵜⵉⴳⴳⵉ ⵏ “ⵜⴰⵙⵎⵖⵓⵔⵜ ⵜⴰⵎⴰⵖⵔⵉⴱⵉⵜ ⵏ ⵉⵎⴰⵔⴰⵜⵏ”, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ. 
     

ⵉⵔⴳⵍ  ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴷⵉⵡⴰⵍ ⴷ ⵓⵙⵖⵣⵏ ⵅⴼ ⵜⵙⵓⵎⵔⵉⵏ ⵏ ⵓⵙⵎⵎⴰⵍ ⴳ ⵉⵎⵓⵔⵏ ⵢⴰⵜⵜⵓⵢⵏ ⵙ ⵎⵉⵏ ⵉⵎⵙⴰⵙⴰⵏ ⴷ ⵉⵎⵉⵔ 92 ⴳ ⵓⴷⵓⵙⵜⵓⵔ.

  • ⴳ ⵜⵎⴰⵡⴰⵙⵜ ⵉⴳⴰⵏ ⵜⴰⵎⴰⵍⴰⵍⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵜⵢ ⴰⵎⵓⵟⵟⵓⵏ ⴷ ⵓⵙⵖⵓⴷⵓ ⵏ ⵜⵎⵙⵙⵓⴳⵓⵔⵜ, ⵉⵜⵜⵓⵙⵎⴰⵍ:
    • ⵎⴰⵙⵙ ⵄⴰⵣⵉⵣ ⵅⵍⵍⴰⴷⵉ, ⴷ ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵜⵥⵕⴼⵜ;
  • ⴳ ⵜⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ  ⵜⴰⴱⵍⴷⵉⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵓⵎⵢⴰⵡⴰⵙ - ⵉⴳⵔ ⵏ ⵜⵎⴰⵍⵍⴰⵢⵜ, ⵉⵜⵜⵓⵙⵎⴰⵍ:
    • ⵎⴰⵙⵙ ⵎⵓⵃⵎⵎⴰⴷ ⵎⵙⵍⴽ, ⴷ ⴰⵏⵎⵀⴰⵍ, ⴰⵎⴰⵔⵉ ⴰⵎⴰⵜⴰⵢ;
  • ⴳ ⵜⵙⵎⵉⵔⵉⵜ ⵜⴰⵏⴰⴼⵍⵍⴰⵜ ⵏ ⵓⵙⵖⵉⵡⵙ, ⵉⵜⵜⵓⵙⵎⴰⵍ: 
    • ⵎⴰⵙⵙ ⵙⴰⵎⵉⵔ ⵉⵙⴰⵔⴰ, ⴷ ⴰⵏⵎⵀⴰⵍ ⵉ ⵡⴰⵎⵎⴰⵙ ⴰⵏⴰⵎⵓⵔ ⵏ ⵓⵙⵏⵜⵎ;
  • ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⵙⵙⵏⴰⵏ ⴷ ⵓⵙⵏⴼⵍⵓⵍ, ⵜⴻⵜⵜⵓⵙⵎⴰⵍ: 
    •  ⵎⴰⵙⵙⴰ ⵎⴰⵔⵉⵢⴰ ⴱⵓⵊⴷⴰⵢⵏ, ⴷ ⵜⴰⵏⴱⴷⴰⴷⵜ ⵉ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵉⵣⵔⴼⴰⵏⵉⵏ ⴷ ⵜⴷⴰⵎⵙⴰ ⴷ ⵜⵏⴰⵎⵓⵏⵜ ⴳ ⵜⵉⵟⵡⴰⵏ;
  • ⴳ ⵜⵎⴰⵡⴰⵙⵜ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⴰⵡⵊⴰ, ⵜⴻⵜⵜⵓⵙⵎⴰⵍ:
    • ⵎⴰⵙⵙⴰ ⴼⴰⵟⵉⵎⴰ ⵃⵎⵎⵓ, ⴷ ⵜⴰⵏⵎⵀⴰⵍⵜ ⵉ ⵜⵙⵏⵓⵔⴰⵢⵜ ⵏ ⵜⴳⵎⵉ ⵜⴰⵏⴰⵎⵓⵏⵜ.
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ)

ⵜⴰⴱⵔⴰⵜ ⵜⴰⵏⵖⵎⴰⵙⵜ