ⵓⵔⵔⵉ ⵙ ⵜⵉⵖⵔⴷⵉⵏ

ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 8 ⵢⵓⵏⵢⵓ 2023

CG-08-06-2023-1.jpeg

ⵜⴳⴰ ⵜⵏⴱⴰⴹⵜ ⴰⵙⵙ ⵏ ⵓⴽⵡⴰⵙ 19 ⴷⵓⵍⵃⵉⵊⵊⴰ 1444, ⵉⵎⵙⴰⵙⴰⵏ ⴷ 8 ⵢⵓⵏⵢⵓ 2023 ⴰⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⴰⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵥⵍⵉ ⵙ ⵓⵎⴷⴰⴽⴰⵔ ⵅⴼ ⵜⵓⴳⵜ ⵉⵙⵖⵏⴰ ⵏ ⵉⴹⵕⵉⵚⵏ ⵉⵣⵔⴼⴰⵏⵏ, ⴷ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⴰⵎⵓⵅ ⵉⵜⵜⵉⵏⵉ ⵓⵎⴰⴳⵔⴰⴷ 92 ⵏ ⵓⴷⵓⵙⵜⵓⵔ.

ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ) ⴳ ⵜⵓⴹⴼⵉⵕⵉⵏ

  • ⴷⵉ ⵜⵉⵣⵡⵉⵔⵉ ⵏ ⵜⵡⵓⵔⵉⵡⵉⵏ ⵏⵏⵙ, ⵉⵎⴷⴰⴽⴰⵔ ⴷ ⵉⵣⵣⵔⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⴰⵙⵖⵏⵓ ⵏ ⵓⵎⵕⵚⵓⵎ ⵡⵉⵙⵙ 43.22 ⵉⵥⵍⵉⵏ ⵙ ⵜⵎⴰⵔⵔⵓⵜⵉⵏ ⵜⵉⵎⵔⵡⴰⵙ (ⵜⴰⵍⵖⴰ ⵜⴰⵎⴰⵢⵏⵓⵜ), ⵉⵙⵏⴽⴷ ⵜ ⵎⴰⵙⵙ ⵄⴱⴷⵍⵍⴰⵟⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ.
  • ⴰⵡⴰⵔⵏ ⴰⵙ, ⵉⵎⴷⴰⴽⴰⵔ ⵓⵙⵇⵇⵉⵎ ⵏ ⵜⵏⴱⴰⴹⵜ ⵓⴽⴰ ⵉⵎⵙⴰⵙⴰ ⴷ ⵅⴼ ⵓⵙⵖⵏⵓ ⵏ ⵓⵎⵕⵚⵓⵎ ⵡⵉⵙⵙ 2.23.441 ⵏⵏⴰ ⵉⵙⵡⵓⵜⵜⵓⵏ ⵉⵜⵙⵏⵜ ⵜⵉⴳⴳⵉⵜⵉⵏ ⵏ ⵉⵣⵔⴼ ⵡⵉⵙⵙ 80.14 ⵉⵇⵏⴻⵏ ⵖⴰⵔ ⵜⵎⵔⵙⴰⵍ ⵏ ⵜⵎⴰⵍⵍⴰⵢⵜ ⴷ ⵜⴰⵍⵖⵉⵡⵉⵏ ⴹⵏⵉⵏ ⵏ ⵓⵙⵏⵙ ⴰⵎⴰⵍⵍⴰⵢ, ⵜⵙⵏⴷ ⵜ ⴼⴰⵟⵉⵎⴰ ⵣⴰⵀⵕⴰ ⵄⴰⵎⵎⵓⵕ, ⵜⴰⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⴷⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⵜⴰⵎⵢⴰⵡⴰⵙⵜ.
  • ⵉⴹⴼⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵓⴽⴰ ⵉⵣⵣⵔⵉ ⴰⵙⵖⵏⵓ ⵏ ⵓⵎⵕⵚⵓⵎ ⵡⵉⵙⵙ 2.23.75 ⵉ ⵉⴽⵙⵉⵏ ⵜⵉⵙⵏⵙⵉⵜ ⵏ ⵜⵉⴳⴳⵉⵜⵉⵏ ⵏ ⵉⵣⵔⴼ ⵡⵉⵙⵙ 2.00 ⵉⵀⵎⵎⴰⵏ ⵉⵣⵔⴼⴰⵏ ⵏ ⵓⵎⴳⴳⴰⵢ ⴷ ⵉⵣⵔⴼⴰⵏ ⵢⵓⴷⵙⵏ, ⴳ ⵎⴰⵢⴷ ⵉⵣⴷⵉⵏ ⴰⴽⴷ ⴰⵣⵔⴼ ⵏ ⵓⴹⴼⴼⵓⵕ, ⵙ ⵢⵉⵙⵢ ⵙ ⵜⴰⵏⵏⴰⵢⵉⵏ ⵏⵏⴰ ⵉⵜⵜⵓⵙⴽⴰⵔⵏ, ⵉⵙⵏⴽⴷ ⵜ ⵎⴰⵙⵙ ⵎⵓⵃⵎⵎⴰⴷ ⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
     

ⴳ ⵓⵏⴳⴳⴰⵔ ⵏ ⵜⵡⵓⵔⵉⵡⵉⵏ ⵏⵏⵙ, ⵉⵎⴷⴰⴽⴰⵔ ⵓⵙⵇⵇⵉⵎ ⵏ ⵜⵏⴱⴰⴹⵜ ⵓⴽⴰ ⵉⵣⵣⵔⵉ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵎⴽⴷⴰ ⵉⵍⵍⴰⵏ ⴳ ⵓⵎⴰⴳⵔⴰⴷ 92 ⵏ ⵓⴷⵓⵙⵜⵓⵔ.

  • ⴳ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵖⵓⵔⵔⵎⴰ ⴷ ⵜⵣⴷⴷⵓⵖⵜ ⴷ ⵜⵙⵔⵜⵉⵜ ⵏ ⵜⵖⵔⵎⵜ - ⵜⴰⵣⵓⵏⵉ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵖⵓⵔⵔⵎⴰ, ⵉⵜⵜⵓⵙⵎⴰⵍ:
    • ⵎⴰⵙⵙ ⵟⴰⵢⵉⴱ ⵍⴰⵛⵇⴰⵔ, ⴰⵎⴳⴳⴰⵡⵙ ⴰⵙⴳⴰⵡⴰⵏ ⵏ ⵜⵖⵓⵔⵔⵎⴰ ⴷ ⵜⵎⵙⴷⴰⴳⵜ ⴷ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴳ ⵜⵙⴳⴰ ⵏ ⵍⵄⵢⵓⵏ - ⵜⴰⵔⴳⴰ ⵜⴰⵥⴳⴳⴰⵖⵜ ;
  • ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵉⵜⵜⵓⵙⵎⴰⵍ:
    • ⵎⴰⵙⵙ ⵔⴰⵓⴼ ⵎⵓⵃⵙⵉⵏ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⵏⴰⴼ ⴰⵙⴷⴰⵡⴰⵏ ⴱⵏ ⵙⵉⵏⴰ ⴳ ⵕⴱⴰⵟ ;
  • ⴳ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵓⵙⵎⴰⵍ
    • ⵎⴰⵙⵙ ⵔⴰⵛⵉⴷ ⵙⴰⵎⵎⵓⴷ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵜⴰⵜⵉⴽⵏⵓⵍⵓⵊⵉⵜ ⴳ ⵜⴳⵎⵎⵉ ⵜⵓⵎⵍⵉⵍⵜ;
  • ⴳ ⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ - ⵜⴰⵣⵓⵏⵉ ⵏ ⵜⴷⵍⵙⴰ, ⵜⴻⵜⵜⵓⵙⵎⴰⵍ 
    • ⵎⴰⵙⵙⴰ ⵙⴰⵎⵉⵔⴰ ⵍⵎⵍⵉⵣⵉ, ⴰⵏⴼⵍⵓⵙ ⴰⵎⴰⵜⴰⵢ.
       
ⴰⵙⵉⵡⴹ ⴰⵏⵖⵎⴰⵙ (ⵜⵓⵏⵖⵉⵍⵜ ⵙ ⵜⵄⵕⴰⴱⵜ)

ⵜⴰⴱⵔⴰⵜ ⵜⴰⵏⵖⵎⴰⵙⵜ