ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 21 ⵏⵓⵡⴰⵏⴱⵉⵔ 2024
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 11 ⵖ ⵊⵓⵎⴰⴷⴰ ⴰⵎⵣⵡⴰⵔⵓ 1446 ⵉⵎⵙⴰⵙⴰⵏ ⴰⴽⴷ 21 ⵏⵓⵡⴰⵏⴱⵉⵔ 2024 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵏ ⵏ ⵙⵏⴰⵜ ⵜⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 33.22 ⵉⵥⵍⵉⵏ ⵙ ⵓⵃⵟⵟⵓ ⵏ ⵜⴰⵢⵙⵉ, ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⴰⵏ ⵍⵍⵉⵖ ⵜⵣⵔⵉ ⵜⵖⵓⵔⵉ ⵏⵏⵙ, ⵉⵙⵎⵏⵉⴷ ⵜ ⵎⴰⵙⵙ ⵎⵓⵃⵎⵎⴰⴷ ⵎⴰⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⵙ ⵓⵎⵢⴰⵡⴰⴹ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ2.24.1050 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.24.064 ⵍⵍⵉ ⴷ ⵉⴼⴼⴰⵖⵏ ⵖ 13 ⵕⴰⵊⴱ 1445 (25 ⵉⵏⵏⴰⵢⵔ 2024 ⵉⵥⵍⵉⵏ ⵙ ⵓⵙⴱⴷⴷⵉ ⵉⵔⴳⴰⵢⵏ ⵏ ⵓⵙⵛⴽⵛⵎ ⵉⵍⵍⴰⵏ ⵅⴼ ⵉⵣⴳⴰⵔⵏ ⵉⵏⵎⵢⴰⵔⵏ ⴷ ⵓⵎⵕⵙⵓⵎ ⵓⵟⵟⵓⵏ 2.24.962 ⵍⵍⵉ ⴷ ⵉⴼⴼⴰⵖⵏ ⵔⴰⴱⵉⵄ ⴰⵎⴳⴳⴰⵔⵓ (18 ⴽⵜⵓⴱⵕ 2024) ⵉⵥⵍⵉⵏ ⵙ ⵓⵙⴱⴷⴷⵉ ⵉⵔⴳⴰⵢⵏ ⵏ ⵓⵙⵛⴽⵛⵎ ⵉⵍⵍⴰⵏ ⵅⴼ ⵓⵍⵍⵉ ⵜⵉⵏⵎⵢⴰⵔⵉⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⵍⴱⵡⴰⵕⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ ⵖ ⵓⴷⵖⴰⵔ ⵏ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵜⵎⴰⵡⵙⴰⵙⵜ ⵏ ⵜⵥⵕⴼⵜ ⴷ ⵜⴷⴰⵎⵙⴰ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
ⴹⴰⵕⴰⵜ ⵎⴰⵢⴰⵏⵏ, ⵉⵙⵏⵖⵎⵙ ⵓⵙⵇⵇⵉⵎ ⵏ ⵜⴱⴰⴷⵜ ⵅⴼ ⵙⵏⴰⵜ ⵜⵉⵎⵢⴰⵇⵇⴰⵏⵉⵏ ⵜⴰⴳⵔⴰⵖⵍⴰⵏⵉⵏ ⴷ ⵙⵉⵏ ⵉⵙⵏⵜⴰⵢ ⵓⵙⵍⵉⴳⵏ ⵙⵔⵙⵏⵜ ⵉⵥⵍⵉⵏ, ⵉⵙⵎⵏⵉⴷ ⵜⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ. ⵉⵍⵍⴰ ⴳⵉⵙ :
- ⵜⴰⵎⵢⴰⵇⵇⴰⵏⵜ (ⴰⵏⴼⴰⵔⴰ) ⵉⵥⵍⵉⵏ ⵙ ⵓⵎⵢⴰⵡⴰⵙ ⴰⵙⴷⵔⴰⵙ ⴷ ⵓⵜⵇⵏⵉ ⵏⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵕⵓⵎⴰⵏⵢⴰ ⵍⵍⵉ ⵉⵜⵜⵓⵙⴳⵎⴰⴹⵏ ⴳ ⵕⵕⴱⴰⵟ ⵖ 27 ⴱⵕⴰⵢⵕ 2024 ⴷⵓⵙⵍⴳⵏ ⵓⵟⵟⵓⵏ 18.24 ⵍⵍⵉ ⵉⵙⵖⵥⵏ ⴰⵏⴼⴰⵔⴰ ⴰⴷ ;
- ⴰⵎⵉⵔⵓ (ⵜⵏⵜⵜⴰⵎⵜ) ⵍⵍⵉ ⵉⵙⵕⵚⴰⵏ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴰⵎⴰⵟⵟⵓⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵏⵏⵙ ⵖ ⵏⵓⵡⴰⵏⴱⵉⵔ 2020 ⵍⵍⵉ ⵜⵙⴳⵎⴹ ⵜⴳⵍⴷⵉⵜ ⵏ ⵍⵎⵖⵔⵉⴱ ⵖ 17 ⵎⴰⵕⵚ 2022 ⴷ ⵓⵙⵍⴳⵏ ⵓⵟⵟⵓⵏ 26.24 ⵍⵍⵉ ⵉⵙⵖⵥⵏ ⵜⴰⵏⵜⵜⴰⵎⵜ ⴰⴷ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⴰⵎⴰⵡⴰⵙⵜ ⵏ ⵏ ⵜⴼⵍⵍⴰⵃⵜ ⴷ ⵜⴳⵎⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ , ⵜⴻⵜⵜⵓⵙⵏⵎⴰⵍ :
- ⵎⴰⵙⵙⴰ ⵙⴰⵎⵉⵔⴰ ⵃⴹⵕⴰⵡⵉ, ⵜⴰⵏⵎⵀⴰⵍⵜ ⵏ ⵓⵙⵉⵔⴰ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⴰⵏⴼⵍⴰⵃ ⵏ ⵍⵀⴰⵡⵣ
- ⴳ ⵜⴰⵎⴰⵡⴰⵙⵜ ⵏ ⵜⵎⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ-ⵉⴳⵔ ⵏ ⵜⵎⴰⵍⵍⴰⵢⵜ, ⵉⵜⵜⵓⵙⵏⵎⴰⵍ:
- ⵎⴰⵙⵙ ⴰⵛⵔⴰⴼ ⴼⴰⵢⴷⴰ, ⴰⵏⵎⵀⴰⵍ ⵏ ⵓⵙⵉⵔⴰ ⴰⵏⴰⵎⵓⵔ ⴰⵎⵖⵔⵉⴱⵉ ⵏ ⵜⵎⴰⵍⵍⴰⵢⵜ;
- ⴳ ⵜⴰⵎⴰⵡⴰⵙⵜ ⵏ ⵏ ⵓⵎⵓⵜⵜⵉ ⴰⵎⵥⴹⴰⵕ ⴷ ⵜⴳⵎⵉ ⵜⴰⵙⵓⵍⴰⵏⵜ-ⵉⴳⵔ ⵏ ⵓⵎⵓⵜⵜⵉ ⴰⵎⵥⴹⴰⵕ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⴰⵃⵎⴰⴷ ⴰⴱⵓⵣⵉⴷ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴳⵎⵉ ⴷ ⵓⵙⵢⴰⴼⴰ ⴰⵎⵥⴹⴰⵕ ⴷ ⵓⵎⵖⵓⵣⴰⵏ ;
- ⴳ ⵜⴰⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵜⵜⵓⵙⵏⵎⴰⵍⴰⵏ:
- ⵎⴰⵙⵙ ⵎⵓⵃⵎⵎⴰⴷ ⵖⴰⵛⵉ, ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⴳ ⵕⵕⴱⴰⵟ;
- ⵎⴰⵙⵙ ⵢⴰⵙⵉⵏ ⵣⴰⵖⵍⵓⵍ, ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵎⵓⵃⵎⵎⴰⴷ ⴰⵎⵣⵡⴰⵔⵓ ⴳ ⵡⵓⵊⴷⴰ;
- ⴳ ⵜⴰⵎⴰⵡⴰⵙⵜ ⵏ ⵓⵇⵡⵡⵓⵎ ⴷ ⵡⴰⵎⴰⵏ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵎⵓⵃⵎⵎⴰⴷ ⵇⵛⵛⴰⵕ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵉⴱⵔⴷⴰⵏ.
- ⵎⴰⵙⵙ ⵎⵓⵃⵎⵎⴰⴷ ⵇⵛⵛⴰⵕ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵉⴱⵔⴷⴰⵏ.
