ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴽⴰⴱⴰⵕ ⴰⵎⵖⵔⴰⴱⵉ ⵢⴰⵎⵓⵏ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⴰⵎⵔⴰⵡ ⴷ ⵚⴹⵉⵚⵜ ⵏ ⵓⴳⵔⴰⵡ ⵏ ⵉⴼⵔⴷⵉⵙⵏ ⴳ ⵓⵎⵙⴰⵙⴰ ⵏ ⵜⵎⵜⵜⴰ ⵉⵎⵓⵏⵏ ⵉⵙⵓⵜⴰⵢ ⵖⴼ ⵓⵙⵏⴼⵍ ⵏ ⵓⵏⵣⵡⵉ
ⵢⴰⵎⵓ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⵜⵉⵣⵡⵓⵔⵉ ⵏ ⵉⵎⴰⵍⴰⵙⵙ, ⴳ ⵉⵖⴼ ⵏ ⵓⴽⴰⴱⴰⵔ ⴰⵎⵖⵔⴰⴱⵉ ⵉⴷⵔⵓⵏ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⵙⵉⵎⵔⴰⵡ ⴷ ⵚⴹⵉⵚⵜ ⵏ ⵓⴳⵔⴰⵡ ⵏ ⵉⴼⵔⴷⵉⵙⵏ ⴳ ⵓⵎⵙⴰⵙⴰ ⵏ ⵜⵎⵜⵜⴰ ⵉⵎⵓⵏⵏ ⵉⵙⵓⵜⴰⵢ ⵖⴼ ⵓⵙⵏⴼⵍ ⵏ ⵓⵏⵣⵡⵉ (COP26) ⵍⵍⵉ ⵔⴰⴷ ⵢⵉⵍⵉⵏ ⴳ ⵜⵖⵎⵔⵜ ⴳⵍⴰⵙⴽⵓ ⴳ ⵙⴽⵓⵟⵍⴰⵏⴷⴰ, ⵙⴳ 1 ⴰⵔ 12 ⵏⵓⵡⴰⵏⴱⵉⵔ 2021. ⵢⵓⵎⴰ ⵓⴽⴰⴱⴰⵕ ⴰⵎⵖⵔⴰⴱⵉ, ⵎⴰⵙⵙ ⵎⵓⵃⵎⵎⴰⴷ ⵚⴰⴹⵉⵇⵉ; ⴰⵎⴰⵡⵙⴰⵙ ⵏ ⵜⴼⵍⵍⴰⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵎⴰⵙⵙⴰ ⵍⴰⵢⵍⴰ ⴱⵏ ⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵎⴰⵜⵜⵉ ⴰⵏⵥⴹⴰⵕ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⵔⴰⴷ ⵉⴳ ⵓⴳⵔⴰⵡ ⴰⴷ ⴰⵣⵎⵣⵣⵓ ⵉ ⵓⵙⴼⵙⵔ ⵏ ⵜⵙⵔⵜⴰⵢ ⴷ ⵜⵙⵜⵔⴰⵜⵉⵊⵉⵏ ⵜⵉⵎⴰⴳⴳⵓⵎⵉⵏ ⵍⵍⵉ ⵉⵙⵙⵏⵜⴰ ⵍⵎⵖⵔⵉⴱ ⵙ ⵓⵎⵓⵔⵙ, ⵙ ⵜⴰⵔⵏⴰ ⵜⴰⵎⵉⵖⵉⵙⵜ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉⵏ, ⴳ ⵓⴱⵔⵉⴷ ⵏ ⵓⴳⵣⴰⵢ ⵏ ⵜⵔⵙⴰⵍ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⵙⵔⵇⴱ ⵏ ⵓⵎⵎⴰⵜⵜⵉ ⴰⵏⵥⴹⴰⵕ, ⴷ ⵡⴰⵏⵏⴰⵍ ⵏ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⵣⴷⴰⴳⵜ, ⴷ ⵓⵙⴷⵓⵙ ⵏ ⵓⴷⵔⴰⵡ ⴰⵎⴳⴳⴰⵢ ⵏ ⵜⴳⵍⴷⵉⵜ ⴳ ⵜⵣⵎⵎⴰⵔ ⵜⵉⴳⵔⴰⵖⵍⴰⵏⵉⵏ ⴳ ⵢⵉⴳⵔ ⴰⴷ ⴳ ⵓⵎⵙⴰⵙⴰ ⴽⴰⴷ ⵉⵙⵖⵓⵏⵏ ⵉⴳⵔⴰⵖⵍⴰⵏⵏ ⵏ ⵜⴳⵍⴷⵉⵜ.
