ⵉⴱⴷⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵓⵏⵏⵓⵕⵥⵎ ⵏ ⵜⵙⵓⵍⵜⵍⵜ ⵏ ⵉⴱⵔⵉⵔ ⵏ ⵓⵎⵙⴰⵡⴰⵍ ⴰⵏⴰⵎⵓⵏ
ⵜⵏⵏⵓⵕⵥⵎ ⵜⵙⵓⵍⵜⵍⵜ ⵏ ⵉⴱⵔⵉⵔ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷⴷⴰⵡ ⵜⴰⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵍⵍⵉⵖ ⵃⴰⴹⵕⵏ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⵡⴰⵙⴰⵙ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵎⴰⵙⵙ ⵢⵓⵏⵙ ⵙⴽⴽⵓⵔⵉ, ⴰⵎⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵎⵥⵥⵉⵏ ⴷ ⵓⵙⵡⵓⵔⵉ ⴷ ⵜⵎⵙⵓⴳⴰⵔ ⴷ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ ⴷ ⵎⴰⵙⵙ ⵎⵓⵚⵟⴰⴼⴰ ⴱⴰⵢⵜⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷⵓⴱⴰⵕⵍⵎⴰⵏ ⴰⵎⵙⵉⵡⵍ ⵏ ⵜⵏⴱⴰⴹⵜ ⴷ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴷⴷ ⵏ ⵜⵎⵙⵙⵓⴳⵓⵔⵜ.
ⵉⵙⵙⵏⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⵓⴳⵜ ⵏ ⵉⴳⵔⴰⵡⵏ ⵉⴱⴹⴰⵏ ⵉⵍⴰⵏ ⵜⴰⵢⴰⴼⵓⵜ ⴷ ⵡⴰⵎⵎⴰⵙⵏ ⵉⵏⵎⴰⵍⵍⴰⵏⵏ, ⵉⴱⴷⴰ ⵙ ⵓⵎⴹⴰⴽⴰⵕ ⴷ ⵓⴽⴰⴱⴰⵕ ⵜⴰⵎⵓⵏⵜ ⵜⵎⴰⵖⵔⵉⴱⵉⵜ ⵏ ⵓⵙⵡⵓⵔⵉ (UMT) ⵙ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵎⴰⵙⵙ ⵍⵎⵉⵍⵓⴷⵉ ⵍⵎⵅⴰⵕⵉⵇ. ⵉⴹⴼⴰⵕ ⵜ ⴷ ⵓⴽⴰⴱⴰⵕ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵜⵏ ⴳ ⵍⵎⵖⵔⵉⴱ (UGTM) ⵙ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵎⴰⵙⵙ ⵏⵏⵉⵄⴰⵎ ⵎⵉⵢⴰⵕⴰ. ⵖⵉⴽⵍⵍⵉ ⵉⵙⵏⵓⴱⴳ ⵢⴰⵏ ⵏ ⵜⴽⵓⴼⵉⴷⵉⵕⴰⵍⵉⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵓⵙⵡⵓⵔⵉ (CDT) ⵙ ⵜⵏⵙⵙⵉⵅⴼⵜ ⵏ ⵓⵎⴰⵔⵉ ⴰⵎⴰⵜⴰⵢ ⵏ ⵓⵎⵎⵓⵍⵉ ⵎⴰⵙⵙ ⵅⵍⵉⴷ ⵀⴰⵢⵕ ⵍⵄⴰⵍⴰⵎⵉ. ⵖⵉⴽⵍⵍⵉ ⵉⵙⵙⵉⵏⵅⴼ ⵢⴰⵏ ⵓⴳⵔⴰⵡ ⴷ ⵓⴽⴰⴱⴰⵕ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ (CGEM) ⵍⵍⵉ ⵎⵓ ⵉⴳⴰ ⵓⵏⵙⵙⵉⵅⴼ ⵏⵏⵙ ⵎⴰⵙⵙ ⵛⴰⴽⵉⴱ ⵍⵄⵍⵊ.
ⵉⵡⵉⵏ ⴷ ⵖ ⵉⴳⵔⴰⵡⵏ ⴰⴷ ⵉⵣⵔⵉⵏ ⵙ ⵢⴰⵏ ⵓⵎⵙⴰⵡⴰⵍ ⴰⵏⵎⴰⵙⴰⵢ ⵉⴷⵓⵙⵏ ⵖ ⵉⵍⵍⴰ ⵓⵎⵓⵣⵣⵓ ⴼⵅ ⵜⵡⵓⵔⵉ ⵜⴳⴳⴰ ⵜⵏⴱⴰⴹⵜ ⵖ ⵓⵙⵓⵣⵣⵔ ⴷ ⵓⵙⵡⵓⴷⴷⵓ ⵜⵎⵢⴰⵇⵇⴰⵏⵜ ⵍⵍⵉ ⵜⵙⴳⵎⴹ ⵏ ⵡⴰⵎⵎⴰⵙⵏ ⵉⵏⵎⵓⵍⵍⴰ, ⵖ ⵉⵍⵍⴰ ⵓⵎⵙⴰⵙⴰ ⵏ ⵉⴱⵔⵉⵔ 2024 ⵍⵍⵉ ⵉⵍⵍⴰ ⵓⵎⵙⴰⵛⴽⴰ ⵅⴼ ⵜⵓⴳⵜ ⵜⵖⴰⵡⵙⵉⵡⵉⵏ ⵉⵥⵍⵉⵏ ⵙ ⵜⵎⵔⵏⵉⵡⵜ ⵜⴰⵎⴰⵜⴰⵢⵜ ⵏ ⵜⵖⵔⴰⴷ ⴳ ⵉⴳⵔ ⴰⴳⴷⵓⴷⴰⵏ ⵙ 1000 ⵏ ⵓⴷⵉⵔⵀⴰⵎ ⵉⴱⴹⴰⵏ ⵅⴼ ⵙⵉⵏ ⵉⵣⵎⴰⵣ. ⵔⴰⴷ ⵜⵉⵍⵉ ⵜⵉⴽⴽⵉ ⵏ ⵓⴳⵣⵣⵓⵎ ⵡⵉⵙ ⵙⵉⵏ ⵖ ⵢⵓⵍⵓⵣ ⴰⴷ ⴷ ⵉⴷⴷⴰⵏ ⵍⵍⵉⵖ ⵔⴰⴷ ⵉⵙⴰⵢⴰⴼⴰ ⵎⴰ ⵉⵜⵜⴳⴰⵏ ⵎⵍⵢⵓⵏ ⵏ ⵓⵎⵙⵜⴰⵖ. ⵖⵉⴽⵍⵍⵉ ⵉⵍⵍⴰ ⵓⵙⵉⴷⵔ ⵏ ⵉⵔⴳⴰⵢⵏ ⵅⴼ ⵜⵖⵔⴰⴷ (IR) ⵉ ⵢⵉⵎⵙⵖⴰⵏⵏ ⴷ ⵉⵎⵙⵡⵓⵔⵉⵢⵏ ⵙ ⵎⴰ ⵉⵜⵜⴳⴰⵏ 400 ⵏ ⵓⴷⵉⵔⵀⴰⵎ ⵉ ⵜⵔⵓⴱⴱⴰ ⵜⴰⵏⴰⵎⵎⴰⵙⵉⵏ ⵏ ⴰⵢⵍⵍⵉ ⵜⵜⴰⵎⵥⵏ ⵏ ⵜⵖⵔⴰⴷ. ⵉⵍⵉ ⴰⵡⴷ ⴰⵙⵢⴰⴼⵓ ⵏ ⵜⵖⵔⴰⴷ ⴳ ⵉⴳⵔ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⵡⵓⵔⵉⵡⵉⵏ ⵜⵉⴷⵔⴼⵉⵢⵉⵏ ⵙⵎⵉⴳ (SMIG) ⴷ ⵓⵙⵎⵖⵔ ⵏ ⵙⵎⴰⴳ (SMAG) ⴰⵏⴼⵍⴰⵃ ⵙ ⵜⵉⴳⵎⵉⴹⵉ ⵏ ⵎⴰ ⵉⵜⵜⴳⴳⴰⵏ10 % ⵏ ⵓⴳⵟⵟⵓⵎ ⴰⵎⴰⵢⵏⵓ.
ⵖⵉⴽⵍⵍⵉ ⵉⵍⵍⴰ ⵓⵎⴹⴰⴽⴰⵕ ⵅⴼ ⵓⵙⵎⴰⴷⵏ ⵓⵣⵣⵓⴳⵣ ⵏ ⴰⵢⵍⵍⵉ ⴷ ⵉⵖⴰⵎⴰⵏ ⴳ ⵜⵎⵔⵉⵙⵉⵏ ⴷⴰⵔ ⵢⴰⵏ ⵡⴰⴷⴷⴰⴷ ⴰⵏⴰⵎⵓⵏ, ⴷ ⵓⴼⵓⴽⴽⵓ ⵏ ⵉⵏⴰⵥⴰⵕⵏ ⵉⵥⵍⵉⵏ ⵙ ⵜⵎⵢⴰⵇⵇⴰⵏⵉⵏ ⵜⵉⵎⴰⵡⵙⴰⵙⵉⵏ. ⴳ ⵉⴳⵔⴰⵡⵏ ⴷ ⵉⴷⴷⴰⵏⴳ ⵜⵖⴰⵔⴰⵙⵜ ⵏ ⵓⵙⵎⵔⵙⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ, ⵉⵙⴷⴷⵉⴷ ⵎⴰ ⵙ ⵔⴰⴷ ⵜⵕⵥⵎ ⵜⵏⴱⴰⴹⵜ ⵉⵙⴷⴰⵡⵏ ⵉⵎⵥⵍⴰⵢ. ⵖⵉⴽⵍⵍⵉ ⵙⴰⵡⵍⵏ ⵅⴼ ⵉⵙⴷⴰⵡⵏ ⵉⵥⵍⵉⵏ ⵙ ⵉⴳⵔ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⵍⵍⵉ ⵔⴰⴷ ⵢⵉⵍⵉ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵓⵜⵍⵜ ⴰⴷ ⵃⵎⴰ ⴰⴷ ⴰⴼⵉⵏ ⴽⵔⴰ ⵏ ⵉⴼⵙⵙⴰⵢⵏ ⴳ ⵢⴰⵏ ⵓⵣⵎⵣ ⵏⵏ ⵓⵔ ⵢⴰⴳⴳⵓⴳⵏ ⵙ ⵖⵉⴽⵍⵍⵉ ⵔⴰⵏ ⴽⵔⴰ ⵏ ⵉⵏⵎⵎⵓⵍⴰ ⵉⵏⴰⵎⵓⵏⵏ.
ⵉⵍⵍⴰ ⵓⵎⵙⴰⵙⴰ ⴳ ⵉⴳⵔⴰⵡⵏ ⴰⴷ ⵃⵎⴰ ⴰⴷ ⵢⵉⵍⵉ ⵓⴹⴼⵉⵔ ⵏ ⵜⵖⴰⵔⴰⵙⵜ ⵜⴰⵎⴷⴰⵔⴰⵡⵜ ⵉⴷⴷⵔⵏ ⵣⵖ ⵍⵍⵉⵖ ⵜⵙⵏⵜⵉ ⵜⵙⵓⵜⵍⵜ ⴰⴷ ⵜⵓⵏⴱⵉⴹⵜ ⵏⴳⵔ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵜⵏⴱⴰⴹⵜ, ⵙⵍⴰⵀⵡⴰⵏ ⴰⴽⴽⵯ ⴰⵢⵍⵍⵉ ⵉⵥⵍⵉⵏ ⵙ ⵉⵚⵏⴼⴰⵔⵏ ⴷ ⵉⵙⴳⴳⴷⵏ ⵣⵓⵏ ⴷ ⴰⵙⴳⴳⴷ ⵏ ⵉⵏⴳⵔⴰⵡⵏ ⵏ ⵜⴰⵏⴰⴼⵜ. ⵉⵜⵜⵓⵙⵔⴰⵙ ⴰⵡⴷ ⴳ ⵜⵙⵓⵜⵍⵜ ⴰⴷ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵜⵖⴰⵔⴰⵙⵜ ⵏ ⵓⵙⴳⴳⴷ ⵏ ⵜⵏⴰⴼⵜ ⵙ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵎⵙⴰⵙⴰ ⵏ ⵉⴱⵔⵉⵔ 2022 ⵍⵍⵉⵖ ⵍⵍⴰⵏ ⵜⵓⴳⵜ ⵏ ⵉⵎⵏⵣⴰⵢⵏ ⵍⵍⵉ ⵙ ⵉⵇⵇⴰⵏ ⴰⴷ ⵢⵉⵍⵉ ⵓⵣⵔⴰⴽ ⵏⵏⵙ ⴷ ⵓⵙⵡⵓⴷⴷⵓ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⴳⴳⴷ ⵏ ⵉⵏⴳⵔⴰⵡⵏ ⵏ ⵜⴰⵏⴰⴼⵜ.
ⵉⵎⵍⴰ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⴷⴰⵡⵏ ⵍⵍⵉ ⵉⵎⵙⴰⵙⴰⵏ ⴷ ⴰⵢⵍⵍⵉ ⵙⵖⴰⵡⵙⴰⵏ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ, ⵙⵍⴰⵀⴰⵡⵏ ⴰⴽⴽⵯ ⴰⵢⵍⵍⵉⵏ ⵉⵥⵍⵉⵏ ⵙ ⵓⵍⴳⵏ ⵏ ⵜⵡⵓⵔⵉ.
ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⴳⵉⵔⴰ ⵏ ⵉⴳⵔⴰⵡⵏ ⴰⴷ ⵙ ⵜⵣⴷⴰⵢⵜ ⵉⴷⴷⵔⵏ ⵏⴳⵔ ⵜⴰⵏⴱⴰⴹⵜ ⴷ ⵉⵎⴷⵔⴰⵡⵏ ⴰⴽⴽⵯ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⵏⵏ ⵢⴰⴳⴳⵓⴳⵏ ⵅⴼ ⵓⴷⵔⵉⵣ ⴰⵎⴰⴷⴷⴰⵙ, ⵉⵏⵏⴰ ⵎⴰ ⵙ ⵜⴼⴽⴰ ⵜⵏⴱⴰⴹⵜ ⵢⴰⵏ ⵡⴰⴷⴷⵓⵔ ⵉⵅⴰⵜⵔⵏ ⵉ ⵓⵎⵙⴰⵡⴰⵍ ⴰⵏⴰⵎⵓⵏ ⵍⵍⵉ ⴷ ⵉⵙⵡⴰⵏ ⴳ ⵜⴰⵔⴰⵜⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ ⵃⵎⴰ ⴰⴷ ⴰⵡⴹⵏ ⵉⵡⵜⵜⴰⵙⵏ ⵏ ⵡⴰⵏⴽ ⴰⵏⴰⵎⵓⵏ ⴷ ⵓⵙⵎⵓⵜⵜⴳ ⵏ ⵡⴰⴷⴷⴰⴷⵏ ⵏ ⵉⵎⵙⵡⵓⵔⵉⵏ ⵉⵎⵙⴰⵙⴰⵏ ⴷ ⵜⴼⵔⵉ ⵜⴷⴰⵎⵙⴰ ⵜⴰⵏⵎⵓⵔⵜ.
ⵉⵎⵍⴰ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⵎⴰ ⵙ ⵜⴳⴰ ⵜⵏⴱⴰⴹⵜ ⵢⴰⵏ ⵓⵎⵔⵙ ⵏⵜⵜⴰⵜ ⴷ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⴳ ⵓⵙⴳⵎⴹ ⵏ ⵙⵏⴰⵜ ⵙⵏⴰⵜ ⵜⵎⵢⴰⵇⵇⴰⵏⵉⵏ ⵍⵉ ⵜⵜ ⵏⵏ ⵊⵊⵓ ⵓⵔ ⵉⴽⴽⴰⵏ ⴳ ⴳ ⵓⵣⴳⵏ ⵏ ⵜⵙⵓⵜⵍⵜ ⴰⴷ. ⵉⵏⵏⴰ ⴰⵡⴷ ⵎⴰ ⵙ ⵜⴳⴰ ⵜⵏⴱⴰⴹⵜ ⴰⵎⵙⴰⵡⴰⵍ ⴰⵏⴰⵎⵓⵔ ⴳ ⵓⵙⵡⵉⵔ ⴰⵙⵜⵕⴰⵜⵉⵊⵉ ⵃⵎⴰ ⴰⴷ ⵢⵉⵍⵉ ⵓⵙⵖⵓⴷⵓ ⵏ ⵜⵥⴹⵉⵕⵜ ⵏ ⵡⴰⵙⵙⴰⵖ ⵏ ⵉⵏⵎⵓⵔⴰⵏ.
