ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵉⵥⵍⵉⵏ ⵙ ⵓⴹⴼⵉⵕ ⵏ ⵓⵖⴰⵡⴰⵙ ⵏ ⵓⵙⵡⵓⴷⴷⵓ ⵏ ⵓⵙⵍⴳⵏ ⵏ ⵜⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙⴰ ⵏ ⵓⴽⵡⴰⵙ 03 ⵉⴱⵔⵉⵔ ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵉⵍⵍⴰ ⵓⵎⴹⴰⴽⴰⵕ ⴳ ⵓⴳⵔⴰⵡ ⵉⵥⵍⵉⵏ ⵙ ⵓⴹⴼⵉⵕ ⵏ ⵓⵖⴰⵡⴰⵙ ⵏ ⵓⵙⵡⵓⴷⴷⵓ ⵏ ⵓⵙⵍⴳⵏ ⵓⵟⵟⵓⵏ 43.22 ⵉⵥⵍⵉⵏ ⵙ ⵜⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ, ⵍⵍⵉ ⵔⴰⴷ ⵙⵔⵙ ⵢⵉⵍⵉ ⵓⵙⵡⵓⵔⵉ ⴳ ⵖⵓⵛⵜ ⴰⴷ ⵉⴷⴷⴰⵏ. ⵉⴳⴰ ⵓⵙⵍⴳⵏ ⵢⴰⵏ ⵓⵥⵎⵎⴰⵥⵍ ⴳ ⵓⵣⵣⵓⴳⵣ ⵏ ⵓⵚⵏⴼⴰⵕ ⵏ ⵓⵙⵏⴼⵍ ⵏ ⵓⵖⴰⵡⴰⵙ ⴰⵏⵣⵔⴰⴼ ⵍⵍⵉⵖ ⵅⴼ ⵉⴱⵉⴷⴷ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵕⴱⴱⵉ.
ⵓⴳⴳⴰ ⵏⵏ ⴳ ⵓⴳⵔⴰⵡ ⴰⴷ ⵖ ⵎⴰⵏⵉ ⵜⵉⵡⴹ ⵜⵡⵓⵔⵉ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵏ ⵓⵙⵍⴳⵏ ⵏ ⵜⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⵍⵍⵉ ⵔⴰⴷ ⵉⵣⵔⵉ ⴳ ⵓⵙⵇⵇⵉⵎ ⵏ ⵜⵏⴱⴰⴹⵜ ⵖ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⵃⵎⴰ ⴰⴷ ⵢⵉⵍⵉ ⵓⵙⵖⵥⵏ ⵏⵏⵙ. ⵢⵉⵍⵉ ⴰⵡⴷ ⵓⵎⴹⴰⴽⴰⵕ ⵅⴼ ⵜⵎⵎⴰⴽⵉⵏ ⵜⵉⵜⵉⵇⵏⵉⵏ ⴷ ⵜⵏⴰⴼⴳⴰⵏⵉⵏ ⴷ ⵜⵥⵕⴼⴰⵏⵉⵏ ⴷ ⵓⴰⵡⴰⵙ ⴰⵎⴰⵙⵙⴰⵏ ⵏ ⵓⵎⵓⵔⵙ ⵏ ⵓⵙⵙⵓⴼⵖ ⴷ ⵓⵙⵡⵓⴷⴷⵓ ⵏ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⴰⴷ. 
ⵉⵙⴽⵜⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵙ ⵉⵏⵏⵡⵏ ⵉⴳⵍⴷⴰⵏ ⵢⴰⵜⵜⵓⵢⵏ ⵍⵍⵉ ⴷ ⵢⵉⵡⵉⵏ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵢⴰⵜ ⵜⵙⵔⵜⵉⵜ ⵜⴰⵏⵣⵔⴰⴼⵜ ⵜⴰⵎⴰⵢⵏⵓⵜ ⵉⵕⵚⴰⵏ ⵅⴼ ⵓⵙⵏⴼⵍ ⵏ ⵓⵙⵍⴳⵏ ⴷ ⵜⵖⵔⴰⵙⵜ ⵜⴰⵏⵣⵔⴰⴼⵜ ⴷ ⵓⴹⴼⵉⵕ ⵏ ⵜⵖⴰⵡⵙⵉⵡⵉⵏ ⵜⵉⵎⵢⴰⵏⵓⵜⵉⵏ, ⵉⵏⵏⴰ ⵎⴰ ⵙ ⵔⴰⴷ ⵢⵉⵍⵉ ⵓⵙⵡⵓⴷⴷⵓ ⵏ ⵜⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⴳ ⵜⵎⴰⵣⵉⵔⵜ ⵏⵏⵖ ⴹⵕⴰⵜ ⵍⵍⵉⵖ ⵉⵍⵍⴰ ⵓⵙⵓⵙⵙⵏ ⵅⴼ ⵜⵓⴳⵜ ⵉⵔⵉⵎⵏ ⴳ ⵜⵎⵉⵣⴰⵔ ⵢⴰⴹⵏⵉⵏ, ⵙ ⴰⵢⵍⵍⵉ ⵉⵎⵙⴰⵙⵏ ⴷ ⵏ ⵡⴰⵎⵓⵏ ⴰⵎⵖⵔⵉⴱⵉ ⴱⴰⵛ ⴰⴷ ⵉⵡⴹⵏⵏⵜ ⵜⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⴰⵡⵜⵜⴰⵙ ⵍⵍⵉ ⵅⴼ ⵍⵍⴰⵏⵜ. 
ⵖⵉⴽⵍⵍⵉ ⵉⵙⵏⵎⵎⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵡⴰⵔ ⵉⵎⴰⵡⵙⴰⵙⵏ ⵙ ⵉⵥⵍⵉ ⵓⵙⵍⴳⵏ ⴰⴷ ⴰⴷ ⴳⵉⵏ ⴰⵙⵙⵓⵊⴷ ⵏ ⵉⴼⵔⴷⴰⵙ ⵏ ⵓⵎⵓⵔⵙ ⵏ ⵓⵚⵏⴼⴰⵕ ⴰ, ⵉⵏⵏⴰ ⴰⵡⴷ ⵎⴰ ⵙ ⵔⴰⴷ ⵜⵙⵡⵓⵔⵉ ⵜⵏⴱⴰⴹⵜ ⵃⵎⴰ ⴰⴷ ⵜⵙⵙⵓⵊⴷ ⵜⵎⴳⴳⵉⵢⵉⵏ ⴷ ⵜⵎⵙⵙⵓⴳⴰⵔ ⴳ ⵓⵣⵣⵓⴳⵣ ⵏ ⵓⵚⵏⴼⴰⵕ ⴰⴷ. 
 

ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⴷ ⵉⴷⴷⴰ ⵓⵙⵍⴳⵏ ⵓⵟⵟⵓⵏ 43.22 ⵉⵥⵍⵉⵏ ⵙ ⵜⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⵃⵎⴰ ⴰⴷ ⵉⴹⴼⵉⵕ ⵉⵙⵎⵓⵜⵜⴳⵏ ⵉⵍⵍⴰⵏ ⴳ ⵓⵎⴰⴹⴰⵍ ⴳ ⵉⴳⵔ ⵜⴷⵔⴼⵉⵏ ⴷ ⵉⵣⵔⴼⴰⵏ ⵉⵎⴰⵜⴰⵢⵏ, ⵔⴰⴷ ⵉⵕⵥⵎ ⴰⵡⴷ ⴰⵖⴰⵔⴰⵙ ⵉ ⵉⵎⵙⵢⴰⴼⴰⵜⵏ ⵖ ⵉⵍⵍⴰ ⵓⵙⵎⵓⵜⵜⴳ ⴷ ⵓⵙⵉⴷⴼ ⴳ ⵡⴰⵎⵓⵏ. ⵔⴰⴷ ⵢⴰⵡⵙ ⴰⵡⴷ ⴳ ⵓⵙⴱⴷⴷⵉ ⵏ ⵉⵎⵓⴽⵔⵉⵙⵏ ⵏ ⵓⴷⵏⵏⴽ ⴳ ⵓⴳⵯⵏⵙ ⵏ ⵜⵎⵔⵙⴰⵍ ⵏ ⵓⵙⵖⵣⵓ, ⵔⴰⴷ ⵉⴽⴽⵉⵙ ⵉⴱⴽⴽⵉⴹⵏ ⵍⵍⵉ ⵎⵓ ⵜⴳⴰ ⵜⵉⵣⵉ ⵏ ⵓⵙⵖⵣⵓ 5 ⵏ ⵉⵙⴳⴳⵯⴰⵙⵏ ⴷ ⵡⴰⴷⴷⴰⴷⵏ ⵍⵍⵉⵖ ⵓⵔ ⵉⴼⴰⵡ ⵓⴱⴽⴽⵉⴹ.
ⵖⵉⴽⴰⵏⵏ ⴰⴷ ⴼ ⴱⴹⴰⵏⵜ ⵜⵎⴰⵔⵔⵓⵜⵉⵏ ⵜⵉⵎⴽⴽⵉⵙⵉⵏ ⵅⴼ ⴽⴽⵓⵥ ⵡⴰⵏⴰⵡⵏ : ⵜⴰⵡⵓⵔⵉ ⵉ ⵜⵏⴼⴰ ⵜⴰⵎⴰⵜⴰⵢⵜ ⴷ ⵓⵎⴰⵜⵔ ⴰⵍⵉⴽⵜⵕⵓⵏⵉⴷ ⴷ ⵓⴽⴽⵓⵙ ⵏ ⴽⵔⴰ ⵏ ⵉⵣⵔⴼⴰⵏ ⵏⵖ ⴷ ⴰⵙⴱⵣⵣⵉ ⵏ ⵜⵎⴳⴳⵉⵢⵉⵏ ⵏ ⵓⵙⵏⵊⵊⵉ ⴷ ⵜⵉⵏ ⵓⵙⵎⵓⵜⵜⴳ ⴷ ⵜⴼⴳⵓⵔⵜ ⵜⴰⴽⵓⵢⴰⵙⵜ.