ⵜⵙⵇⵇⵉⵎⵜ ⵏ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ 83 ⵜⵙⵖⵣⵏ ⵅⴼ ⴽⵕⴰⴹⵜ ⵏ ⵜⵎⵢⴰⵇⵇⴰⵏⵉⵏ ⵉ ⵉⵙⵏⴼⴰⵔⵏ ⵉⵎⵙⵙⴰⵔⵓⵜⵏ ⵙ ⵡⴰⵜⵜⴰⵢⵏ ⵏ 2 ⵎⵍⵢⴰⵕ ⴷⵔⵀⵎ

ⵜⵣⵔⴰ ⵜⵙⵇⵇⵉⵎⵜ ⵏ ⵉⵎⵙⵙⴰⵔⵓⵜⵏ ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏ ⵜⵏⴰⴱⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⴽⴽⵓⵥ ⵏ ⵉⵙⵏⴼⴰⴰⵔⵏ ⵏ ⵜⵎⵢⴰⵇⵇⴰⵏⵉⵏ, ⵜⵙⵖⵣⵏ ⵅⴼ ⴽⵕⴰⴹⵜ ⵙⴳ ⴷⵉⴳⵙⵏⵜ ⵙ ⵡⴰⵜⵉⴳ ⵏ ⴰⵎⵙⵎⵓⵏⴰⵏ ⵏ 2,07 ⵎⵍⵢⴰⵕ ⴷⵔⵀⵎ, ⵏⵏⴰ ⵉⴷⴷⴰⵏ ⴰⴷ ⵉⵙⵙⴽⵔ 1110 ⵏ ⵓⵎⵓⵔ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵜⴰⵔⵓⵙⵔⵉⴷⵜ.
ⵉⵏⵏⴰ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⴷ ⵉⴼⴼⵖⵏ ⴳ ⵓⴳⵔⴰⵡⵏ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙⵜⵉⵙ 83 ⴷ ⵜⵉⵙⵙ ⴽⵕⴰⴹⵜ ⴰⴳⵏⵙⵓ ⵢⴰⵏ ⵡⴰⵢⵢⵓⵔ, ⵎⴰⵙ ⴷ ⵉⴳⵔ ⵏ ⵜⵓⵚⴽⴰ ⵜⴰⵏⴰⴷⴷⴰⵡⵜ ⵢⵓⵜⵢ ⵉⵙⵏⴼⴰⵔⵏ ⵉⵜⵜⵓⵣⵔⴰⵡⵏ ⴳ ⵓⴳⵔⴰⵡ ⴰⴷ, ⵙ ⵡⴰⵜⵉⴳ ⵏ1,_ ⵎⵍⵢⴰⵕ ⴷⵔⵀⵎ, ⴰⵢⵏⵏⴰ ⵉⵜⵜⴳⵏ ⴰⵙⵖⵍ ⵏ 87 ⴳ ⵜⴳⵎⴹ ⵏ ⵡⴰⵜⵉⴳ ⴰⵎⵙⵎⵓⵏⴰⵏ ⴷ ⵉⵜⵜⴷⴷⵓⵏ ⴳ ⵓⴱⵔⵉⴷ, ⵉⴹⴼⵓⵕ ⵜ ⵉⴷ ⵢⵉⴳⵔ ⵏ ⵜⵎⴳⵓⵔⵉ ⵙ ⵡⴰⵜⵜⴰⵢⵏ ⵏ 270 ⵎⵍⵢⵓⵏ ⴷⵔⵀⵎ.
ⵉⵔⵏⵉ ⵓⵙⴰⴳⵎ ⴰⴷ ⵏⵏⵉⴽ, ⵎⴰⵙ ⴷ ⵉⵙⵏⴼⴰⵔⵏ ⵉⵜⵜⵓⵙⵖⴰⵡⵙⵏ ⵉⴷ ⴱⵓ ⵜⴷⴳⴰⵔⵜ ⵜⴰⵏⴰⵎⵓⵔⵜ, ⵍⵍⵉ ⵉⵜⵜⵓⵙⵏⴽⴰⴷⵏ ⴳ ⵓⴳⵔⴰⵡ, ⴳⴰⵏ ⴰⵣⴳⵏ ⴰⵅⴰⵜⴰⵔ ⵙⴳ ⵉⵙⵙⴰⵔⵓⵜⵏ ⴷ ⵉⴷⴷⴰⵏ ⴳ ⵓⴱⵔⵉⴷ ⵙ ⵡⴰⵜⵜⴰⵢⵏ ⵏ 1,8 ⵎⵍⵢⴰⵕ ⴷⵔⵀⵎ.
 ⵉⵙⵙⴽⵔⵣ ⵓⵏⵙⵙⵅⴼ ⵏ ⵜⵏⴱⴰⴹⵜ, ⵙ ⵓⵣⵎⵓⵣⵣⵓ ⴰⴷ, ⵅⴼ ⵜⵉⵏⴷⵉ ⵉⵕⵡⴰⵏ ⵏⴳ ⵜⵣⵔⴰⵡⵜ ⵏ ⵉⵙⵏⴼⴰⵔⵏ ⵜⵜⴳⴰ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ, ⴷ ⵓⵙⵙⵓⴷⵓ ⴰ ⵎⵎ ⵙ ⵙⴳ ⵜⵉⵣⵡⵉⵔⵉ ⵏ ⵜⵏⴰⴱⴹⵜ ⴳ ⵓⴱⵔⵉⴷ ⵏ ⵓⵙⴳⵉⴷⵢ ⵏ ⵜⵉⴳⴳⵉ ⵏ ⵉⴳⵔⴰⵡⵏ ⵙ ⵜⵍⵖⴰ ⵜⴰⵙⵓⵍⴰⵏⵜ.
ⵉⵙⴷⴷⵉⴷ ⵎⴰⵙ ⴷ ⵉⴳⵔⴰⵡⵏ ⴰⴷ ⵏ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ ⴳⴰⵏ ⴰⵙⵓⵍⴼ ⵉ ⵉⴱⴷⴷⵉ ⵅⴼ ⵎⴰⵏⵉ ⵕⴰⵃⵏ ⵜⵙⵓⵔⵉⴼⵉⵏ ⵏ ⵓⵣⵎⵎⴻⵎ ⴳ ⵉⵙⵏⴼⴰⵔⵏ  ⵉⵙⵜⴰⵡⵀⵎⵎⴰⵏ ⵍⵍⵉ ⵅⴼ ⵉⵜⵜⵓⴳ ⵓⵙⵖⵣⵏ ⴳ ⵉⴳⵔⴰⵡⵏⵉⵣⵔⵉⵏ, ⴷ ⵓⵙⵙⵉⵡⵢ ⵖⵔ ⵜⵏⴼⵔⵓⵜ ⵉⴳ ⵜ ⵉⴳⴰ ⵡⴰⴷⴷⴰⴷ ⴳ ⵎⴰ ⴰⵢⴷ ⵉⵥⵍⵉⵏ ⵙ ⵜⵏⵇⵇⴰⴹⵜ ⴷ ⵓⵔ ⵉⴽⴽⵓⵍⵏ ⴰⴷ ⵉⵍⵉⵏ ⵜⵜⵢⴰⴳⵍⵏⵜ. ⵎⵛⵉⵏⵏⴰ ⵉⴼⴽⴰ ⵓⵏⵙⵙⵉⵅⴼ ⵏ ⵜⵏⴰⴱⴹⵜ ⵉⵙⵡⴰⵍⴰⵜⵏ ⵏⵏⵙ ⴰⴷ ⵉⵍⵉⵏ ⵉⴳⵔⴰⵡⵏ ⵏ ⵜⵙⵇⴰⵎⵓⵜ ⴷ ⴰⵙⵓⵍⴼ ⵏ ⵓⵙⵎⴰⵔ ⵉⵣⵡⴰⵔⵏ ⵉ ⵉⵙⵏⴼⴰⵔⵏ ⵏ ⵉⵎⴰⵍ ⵎⴰ ⵔⴰⴷ ⴰⴷ ⵢⵉⵍⵉ ⵓⵅⵕⵕⵚ ⵉⵏⵎⵏ ⵖⵔ ⵎⴰⵕⵕⴰ ⵉⵎⴰⵡⴰⵙⵏ.  
ⵉⵙⵎⵍ ⵓⵙⵉⵡⴹ ⵎⴰⵙ ⴷ ⵜⴰⵙⵇⵇⴰⵎⵓⵜ ⵜⴳⴰ ⴳ ⵎⵉⵏ ⵉⵥⵍⵉⵏ ⵙ ⵙⵉⵏ ⵉⵙⵏⴼⴰⵔⵏ ⵅⴼ ⵉⵜⵜⵓⴳ ⵓⵙⵖⵣⵏ ⵢⴰⴷ, ⴰⵙⵖⵣⵏ ⵉ ⵡⵓⴹⴼⵉⵕⵏ ⵏ ⵜⵎⵢⴰⵇⵇⴰⵏⵜ ⵉⵇⵇⵏⵏ ⵖⵔ ⵓⵙⵏⴼⴰⵔ ⴰⴽⵙⵡⴰⵜ ⵏ ⵜⵎⴰⵍⵍⴰⵢⵜ ⴳ ⵎⵏⴰⴹⵜ ⵏ ⵟⴰⵏⵊⴰ -ⵜⵉⵟⵡⴰⵏ -ⵍⵃⵓⵙⵉⵎⴰ, ⴷ ⵓⵙⵎⴰⴷ ⵏ ⵓⵙⴳⵎⴹ ⵅⴼ ⵓⵙⵏⴼⴰⵔ ⵏ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⵉⵇⵇⵏⵏ ⵖⵔ ⵓⵙⵏⴼⴰⵔ ⵏ ⵜⴰⵍⵍⴰⵢⵜ ⵉⵙⵜⴰⵡⵀⴰⵎⵎⴰⵏ ⴳ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ. 
ⴰⵔ ⵏⵙⵙⴽⵜⴰⵢ, ⵎⴰⵙ ⴷ ⴳ ⵜⵉⵣⵉ ⵓⵔ ⵉⵍⴽⵉⵎⵏ ⴰⵢⵢⵓⵔ, ⵥⴹⴰⵕⵏⴽⵕⴹ ⵉⴳⵔⴰⵡⵏ ⴰⵎⵣⵡⴰⵔⵓ ⵏ ⵜⵙⵇⵇⵉⵎⵜ ⵏ ⵉⵙⵙⴰⵔⵓⵜⵏ, ⴰⴷ ⵙⵖⵣⵏⵏ ⵅⴼ 21 ⵏ ⵓⵙⵏⴼⴰⵔ ⴷ ⵜⵎⵢⴰⵇⵇⴰⵏⵜ ⴷ ⵓⵎⴹⴼⵕ ⵏ ⵜⵎⵢⴰⵇⵇⴰⵏⵜ, ⵙ ⵡⴰⵜⵉⴳ ⴰⵎⵙⵎⵓⵏ ⵏ ⵢⵓⵜⵉⵏ 8, 13 ⵎⵍⵢⴰⵕ ⴷⵔⵀⵎ, ⴰⴽⴷ ⵓⵙⴽⴰⵔ ⵏ 7660 ⵏ ⵓⵎⵓⵔ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵜⴰⵔⵓⵙⵔⵉⴷⵜ, ⴷ ⵓⵙⴳⵎⴹ ⵏ ⵏ ⵙⵏⴰⵜ ⵜⵢⴰⵇⵇⴰⵏⵉⵏ ⵜⵉⵙⴰⵜⴰⵢⵉⵏ ⵙ ⵡⴰⵜⵉⴳ ⵏ ⴰⵎⵙⵎⵓⵏ ⵉⵜⵜⴳⴰⵏ 7,31 ⵎⵍⵢⴰⵕ ⴷⵔⵀⵎ.