ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙⵏ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵡⴰⴽⵕⴰⵙ ⴰⴳⵔⴰⵡ  ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵜⵎⵙⵙⴰⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙⵏ ⵍⵍⵉ ⴷ ⵉⴷⴷⴰⵏ ⴳ ⵓⵙⴰⵜⵉ ⵏ ⵜⵖⴰⵔⴰⵙⵜ ⵏ ⵓⵙⴳⴳⴷ ⵏ ⵜⵖⴰⵡⴰⵙⵜ ⵏ ⵜⴷⵓⵙⵉ ⵜⴰⵏⴰⵎⵓⵔⵜ ⵍⵍⵉ ⵎⵓ ⵜⴳⴳⴰ ⵜⵏⴱⴰⴹⵜ ⴰⵣⵓⴳⴳⵣ ⵏⵏⵙ ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵢⴰⵜⵜⵓⵢⵏ  ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴷ ⵙ ⵓⵙⵎⵙⴰⵙⴰ ⵙ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵙⵍⴳⵏ ⴰⵙⵜⵉ ⵓⵟⵟⵓⵏ 06.22 ⵉⵥⵍⵉⵏ ⵙ ⵜⵖⴰⵡⴰⵙⵜ ⵏ ⵜⴷⵓⵙⵉ ⵜⴰⵏⴰⵎⵓⵔⵜ.
ⵉⴳⴰ ⵓⴳⵔⴰⵡ ⴰⴷ ⵢⴰⵜ ⵜⵉⵣⵉ ⵏ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵜⵙⵓⵎⴰⵔ ⵉⵣⴷⵉⵏ ⵙ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⴷⴰⵎⵎⵏ  ⴷ ⵉⵏⴰⴼⵓⵖⵏ ⵏⵏⵙⵏ ⵍⵍⵉ ⵉⵜⵜⵓⵙⴽⴰⵔⵏ ⵙ ⵓⵏⴱⴰⴹ ⵏ ⵓⵙⵍⴳⵏ 11.22 ⴷ ⵓⵙⵖⵥⵏ ⵏ ⵓⵖⴰⵡⴰⵙ ⵏⵏⵙ ⵏ ⵜⵡⵓⵔⵉ ⴰⵙⴳⵯⵙⴰⵏ ⴷ ⵜⵎⵙⴰⵙⵍⵜ ⵏⵏⵙ ⵉⵜⵜⵓⵙⴳⵎⴹⵏ ⵏ ⵓⵙⴳⴳⵯⴰⵙ ⵏ 2025, ⵖⵉⴽⵍⵍⵉ ⵉⵙⵖⵥⵏ ⵓⵙⵇⵇⵉⵎ ⴰⵥⵟⵟⴰ ⴰⵎⴰⴷⴷⴰⵙ ⵏ ⵜⵙⵏⵓⵔⴰⵢⵜ ⴷ ⵓⵏⴳⵔⴰⵡ ⴰⴷⵙⵍⴰⵏ ⵏⵏⵙ ⴷ ⵉⵎⵙⵡⵓⵔⵉⵢⵏ.
ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵉⴷⴷⴰ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⵜⴰⵎⴰⵖⵔⵉⴱⵉⵜ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙ ⴳ ⵓⵙⴰⵜⵉ ⵏ ⵓⵣⴳⴳⵯⵥ ⵏ ⵓⵙⴳⴳⴷ ⵏ ⵜⵙⵖⵉⵡⵙⵜ ⵏ ⵜⴷⴰⵎⵙⴰ ⵙ ⵖⵉⴽⵍⵍⵉ ⵙ ⵉⵔⴰ  ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏ ⵚⵕ ⵔⴱⴱⵉ. ⵉⵙⴷⴷⵉⴷ ⵙ ⵡⴰⵜⵉⴳ ⵉⵍⵍⴰⵏ ⵖⵓⵔ ⵜⵙⵏⵓⵔⴰⵢⵜ ⵏ ⵜⴷⴰⵎⵙⴰ ⴳ ⵓⵙⵙⵓⵊⴷ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙ ⵉ ⵉⵎⵖⵔⴰⴱⵉⵏ ⵙ ⵓⵎⴰⵜⴰ ⴰⵢⵍⵍⵉ ⵉⵎⵎⴰⵍⴰⵏ ⵜⵎⵔⵉⵙⵜ ⴰⴷⵙⵍⴰⵏ ⵏ ⵜⵏⴱⴰⴹⵜ ⴳ ⵓⵙⵓⴳⴳⵯⵣ ⵏ ⵜⵣⵔⴼⵜ ⵜⴷⴰⵎⵙⴰⵏⵜ ⴷ ⵜⵡⵉⵙⵣⵉ ⵜⴰⵏⴰⵎⵓⵏⵜ.
ⵉⴳⴰ ⵓⵡⵜⵜⴰⵙ ⵏ ⵓⵙⴽⴰⵔ ⵏ ⵜⵙⵏⵓⵔⴰⵢⵜ ⴰⴷ ⴰⵙⵙⵓⵊⴷ ⵏ ⴰⵢⵍⵍⵉ ⵙ ⵜⵖⴰⵡⵙⴰ ⵜⴳⵍⴷⵉⵜ ⴳ ⵉⴳⵔ ⵏ ⵜⴷⴰⵎⵙⴰ ⴷ ⵓⵙⵖⵓⴷⵓ ⵏ ⵓⴼⵔⴰ ⴰⴷⵎⵙⴰⵏ ⴰⵏⴰⵎⵓⵔ ⵙ ⵜⵖⵔⴰⵙⵜ ⵏ ⵓⵙⵡⵓⴷⴷⵓ ⴷ ⵓⵎⵙⴰⵙⴰ ⵏ ⵜⵡⵓⵔⵉⵡⵉⵏ ⵏ ⵉⵎⴷⴰⵔⴰⵡⵏ ⴷ ⵓⵎⵙⴰⵙⴰ ⵢⴰⵜⵜⵓⵢⵏ ⴳ ⵓⵙⵙⵓⵊⴷ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙ ⵉⵇⵇⴰⴷⴷⴰⵏ ⵉⴳⴰⵏ ⴰⵙⵓⵍⴰⵏ, ⵃⵎⴰ ⴰⴷ ⵢⵉⵍⵉ ⵓⵙⵉⴷⴼ ⵏ ⵉⵙⵎⵉⵍⵏ ⴰⴽⴽⵯ ⵉⵏⴰⵎⵓⵏⵏ ⵙ ⵓⵙⵊⵊⵉ ⴷ ⵡⴰⵔⴰⵢ ⴰⴷⵓⵙⴰⵏ ⵙⵍⴰⵀⴰⵡ ⴰⴽⴽⵯ ⴳ ⵡⴰⴷⴷⴰⴷⵏ ⵏ ⵓⵖⴰⵡⵍ.