ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵖⴰⵡⴰⵙ ⵏ ⵡⴰⵍⴰⵙ ⵜⵓⵚⴽⴰ ⴷ ⵓⵥⴹⴰⵕ ⴰⵎⴰⵜⴰⵢ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⵏ ⵍⵃⴰⵡⵣ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⴰⵙⵉⵏⴰⵙ 19 ⵎⴰⵕⵚ 2025 ⴳ ⵕⵕⴱⴰⵟ, ⴰⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⵙⴰⵙⵜ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵓⵥⴹⴰⵕ ⴷ ⵡⴰⵍⴰⵙ ⴰⵎⴰⵜⴰⵢ ⵏ ⵜⵓⵚⴽⴰ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⴳ ⵍⵃⴰⵡⵣ. ⵓⴳⴳⴰⵏ ⵏⵏ ⵖ ⵓⴳⵔⴰⵡ ⵅⴼ ⵎⴰⵏⵉ ⵜⵉⵡⴹ ⵜⵡⵓⵔⵉ ⴷ ⵓⵙⵡⵓⴷⴷⵓ ⵏ ⵓⵣⵓⴳⴳⵯⵣ ⵏ ⵓⵖⴰⵡⴰⵙ ⴰⴷ ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ.
ⴳ ⵜⵣⵡⵉⵔⵉ, ⵉⵙⵎⵏⵉⴷ ⵓⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵏ ⵜⴳⵎⵉ ⵏ ⵡⴰⵟⵍⴰⵙⵏ ⴰⵎⵇⵇⵕⴰⵏ ⵎⴰⵙⵙ ⵙⴰⵄⵉⴷ ⵍⵍⴰⵢⵜ ⵢⴰⵏ ⵓⵙⴼⵙⵔ ⵅⴼ ⵜⵢⴰⴼⵓⵜ ⵜⴰⵎⴰⵢⵏⵓⵜ ⵏ ⵜⵡⵊⵉⵡⵉⵏ ⵍⵍⵉ ⵉⴽⵎⵎⵍⵏ ⵜⵓⵚⴽⴰ ⵏ ⵜⴷⵔⵡⵉⵏ ⵏⵏⵙ ⵍⵍⵉ ⵉⵜⵜⵓⵜⵏ ⴰⴽⴽⵯ ⵏⵖ ⴷ ⵙ ⵉⵎⵉⴽ ⵙ ⵓⵏⴷⵓⴷⴷⵓ ⵍⵍⵉ ⵉⵍⴽⵎⵏ 33.636 ⵏ ⵜⵡⵓⵊⴰ. ⵉⴳ ⵓⵟⵟⵓⵏ ⵏ ⵉⵣⴷⴷⵓⵖⵏ ⵍⵍⵉⵖ ⵜⵣⵔⵉ ⵜⵓⵡⵓⵔⵉ 50 ⴳ ⵜⵎⵉⴹⵉ 14.463 ⵏ ⵓⵣⴷⴷⵓⵖ. ⵖⵉⵍⴰⴷ ⵜⴱⴷⴰ ⵜⵡⵓⵔⵉ ⵏ ⵜⵓⵚⴽⴰ ⴷ ⵓⵙⵎⵓⵜⵜⴳ ⵏ ⵜⴷⵔⵡⵉⵏ ⵉⵜⵜⵓⵜⵏ ⵏ ⵎⴰ ⵉⵜⴳⴳⴰⵏ 52.669 ⵏ ⵓⵣⴷⴷⵓⵖ.
ⵢⵉⵡⵉⵏ ⴷ ⴰⵡⴷ ⴳ ⵓⴳⵔⴰⵡ ⴰⴷ ⵅⴼ ⵡⴰⴷⴷⴰ ⵏ ⵉⵣⴷⴷⵓⵖⵏ ⵉⵍⵍⴰ ⴳ ⵉⵔⴽⴰⵣⵏ ⵉⵛⵇⵇⴰⵏ ⴷ ⵎⴰ ⵙ ⵜⵙⵓⵍ ⵜⵡⵓⵔⵉ ⵏ ⵓⵙⵡⵓⴷⴷⵓ ⴷ ⵉⴼⵙⵙⴰⵢⵏ ⵏ ⵎⴰ ⵉⵜⵜⴳⴳⴰⵏ 1378 ⵏ ⵓⵣⴷⴷⵓⵖ  ⵉⴱⴹⴰⵏ ⵅⴼ 12 ⵏ ⵓⴷⵡⵡⴰⵕ, ⵍⵍⵉ ⵎⵓ ⵉⵍⵍⴰ ⵓⵎⵓⵜⵜⵉ ⵏⵏⵙ ⵙ ⵜⵙⴳⴳⵉⵡⵉⵏ ⵢⴰⴹⵏⵉⵏ ⵉⴳⴰⵏ ⵉ ⵜⵓⵚⴽⴰ ⵖ ⵉⵍⵍⴰ 4633 ⵏ ⵡⴰⵢⴷⴰ ⵉⵥⵍⵉⵏ.
ⵖⵉⴽⵍⵍⵉ ⵜⵙⴷⴷⵉⴷ ⵜⵙⵇⵇⵉⵎⵜ ⵎⴰ ⵙ ⵓⴽⴰⵏ ⵜⵙⵓⵍ ⵜⵉⵟⵟⵉ ⵏ ⵜⵉⵡⵉⵙⵉⵡⵉⵏ ⵏ ⵓⵖⴰⵡⵍ ⵍⵍⵉ ⴳⴰⵏ 2500 ⵏ ⴷⴷⵔⵀⵎ ⵉ ⵜⵉⵡⵊⵉⵡⵉⵏ  ⵍⵍⵉ ⵎⵓ ⵔⴷⵍⴰⵏⵜ ⵜⴳⵯⵎⵎⴰ ⵙ ⵉⵎⵉⴽ ⵏⵖ ⴷ ⵙ ⵜⵉⵍⵍⵉ ⴽⵓⵍⵍⵓ ⵉⵔⴷⵍⵏ  ⵍⵍⵉ ⵎⵓ ⵣⴰⵢⴷⵏ 5 ⵡⴰⵢⵢⵓⵔⵏ ⵢⴰⴹⵏⵉⵏ, ⵉⵍⴽⵎ ⵡⴰⵜⵉⴳ ⵏ ⵜⵡⵉⵙⵉⵡⵉⵏ ⵣⵖ ⵍⵍⵉⵖ ⵉⴱⴷⴰ ⴰⵔ ⵖⵉⵍⴰⴷ ⴰⴷ  ⵎⴰ ⵉⵜⵜⴳⴰⵏ 2,3 ⵎⵍⵢⴰⵕ ⵏ ⴷⴷⵔⵀⵎ.
ⴰⵢⵍⵍⵉ ⵉⵣⴷⵉⵏ ⵙ ⵉⴳⵔ ⵏ ⵓⵙⵍⵎⴷ, ⵜⴱⵉⴷⴷ ⵜⵙⵇⵇⵉⵎⵜ ⵅⴼ ⵓⵙⵎⴰⴷ ⵏ ⵜⵡⵓⵔⵉⵡⵉⵏ ⴷ ⵡⴰⵍⵍⴰⵙ ⵏ ⵜⵓⵚⴽⴰ ⵏ 165 ⵏ ⵜⵎⵔⵙⵍⵜ ⵏ ⵓⵙⵍⵎⴷ, ⵖⵉⴽⵍⵍⵉ ⵜ ⵜⵣⵣⵓⴳⴰⵣ ⵜⵡⵓⵔⵉ ⴳ 763 ⵏ ⵜⵎⵔⵙⵍⵜ ⵢⴰⴹⵏⵉⵏ ⵍⵍⵉ ⵔⴰⴷ ⵢⵓⵊⵉⴷ ⵙ ⵓⴽⵛⵛⵓⵎ ⴰⵏⵎⵍⴰⵏ ⴷ ⵉⴷⴷⴰⵏ.
 

ⴳ ⵉⴳⵔ ⵏ ⵜⴷⵓⵙⵉ, ⵜⴽⵎⵎⵍ ⵜⵡⵓⵔⵉ ⴳ 42 ⵏ ⵡⴰⵎⵎⴰⵙ ⵏ ⵜⴷⵓⵙⵉ, ⴳ ⵢⴰⵜ ⵜⵙⴳⴰ ⵢⴰⴹⵏⵉⵏ ⵜⴽⵎⵎⵍ ⵜⵡⵓⵔⵉ ⵏ ⵓⵙⵎⵓⵜⵜⴳ ⵏ 17 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵢⴰⴹⵏⵉⵏ ⴷ ⵓⵙⵏⵜⵉ ⵏ ⵜⵡⵓⵔⵉ ⴳⵉⵙ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ. ⵖⵉⴽⵍⵍⵉ ⵏⵏ ⵜⵓⴳⴰ ⵜⵙⵇⵇⵉⵎⵜ ⵎⴰⵏⵉ ⵜⵉⵡⴹ ⵜⵡⵓⵔⵉ ⴳ 92 ⵏ ⵓⵚⵏⴼⴰⵕ ⵃⵎⴰ ⴰⴷ ⵉⵜⴳⴳⴰ ⴰⵙⵏⵓⴱⴱⴳ ⵏ ⵉⵎⵓⴹⴰⵏ.
ⵉⴳⴰ ⵓⴳⵔⴰⵡ ⴰⴷ ⵢⴰⵜ ⵓⵣⵎⵣ ⴼⴰⴷ ⴰⴷ ⵢⵉⵍⵉ ⵓⵙⴷⴷⵉⴷ ⴱⴰⵛ ⴰⴷ ⵜⴽⵎⵎⵍ ⵜⵖⴰⵔⴰⵙⵜ ⵜⴰⵎⵣⵡⴰⵔⵓⵜ ⵉⵣⴷⵉⵏ ⵙ ⵜⴼⵍⵍⴰⵃⵜ ⵍⵍⵉ ⵎⵓ ⵉⵜⵜⵓⵥⵍⴰⵢ 611 ⵎⵍⵢⵓⵏ ⵏ ⵓⴷⵔⵉⵀⴰⵎ, ⵉⵥⵍⵉⵏ ⵙ ⴰⵙⴳⴳⴷ ⵏ ⵜⵓⵚⴽⴰⵡⵉⵏ ⵜⵉⵏⴰⴷⴰⵡⵉⵏ ⵏ ⵜⴼⵍⵍⴰⵃⵜ ⴷ ⵜⵉⵏ ⵜⴷⴰⵎⵙⴰ ⴷ ⵜⵡⵉⵙⵉ ⵏ ⵡⴰⵍⵍⴰⵙ ⵏ ⵓⴳⵯⵥⵥⵉ ⴰⵏⴰⵎⵓⵔ ⵖ ⵜⵍⵍⴰ ⵜⵉⵟⵟⵉ ⵏ ⵡⴰⵅⵙⵉⵡⵉⵏ ⴷ ⵉⵎⵏⴷⵉ ⵅⴼ ⵉⴼⵍⵍⴰⵃⵏ.
ⵓⴳⴳⴰⵏ ⵏⵏ ⴰⵡⴷ ⴳ ⵓⴳⵔⴰⵡ ⴰⴷ ⵅⴼ ⵎⴰⵏⵉ ⵜⵍⴽⵎ ⵜⵡⵓⵔⵉ ⴳ ⴽⴽⵓⵥ ⵉⵖⴰⵔⴰⵙⵏ ⵖ ⵉⵍⵍⴰ ⵓⵖⵔⴰⵙ ⵓⵟⵟⵓⵏ 7 ⵉⵍⵏⴰ ⴳ ⵜⵉⵖⵣⵉ 64 ⴽⵉⵍⵓⵎⵉⵜⵕ. ⵥⵕⴰⵏ ⴰⵡⴷ ⵜⵉⵎⴳⴳⵉⵢⵉⵏ ⵉⵜⵜⵡⵙⴽⴰⵔⵏ ⴳ ⵉⴳⵔ ⵏ ⵡⴰⵎⴰⵏ ⵙⵍⴰⵀⴰⵡ ⴰⴽⴽⵯ ⴰⵙⴳⴳⴷ ⵏ ⵓⵥⵟⵟⴰ ⵏ ⵓⵙⵍⴽⵎ ⵏ ⵡⴰⵎⴰⵏ ⵏ ⵜⵉⵙⵙⵉ ⴷ ⵓⵙⴳⴳⴷ ⵏ 43 ⵏ ⵡⴰⵏⵙⴰⵜⵏ ⵉⵀⵉⴷⵕⵍⵓⵊⵉⵏ.
ⴳ ⵉⴳⵔ ⵏ ⵜⵙⴱⴱⴰⴱⵜ ⴷ ⵜⵎⴳⵓⵔⵉ, ⵜⴱⵉⴷⴷ ⵜⵙⵇⵇⵉⵎⵜ ⵅⴼ ⵜⵡⵓⵔⵉ ⵏ ⵜⵡⵉⵙⵉ ⵏ ⵉⵙⵙⴱⴰⴱⵏ ⵍⵍⵉ ⵉⴳⴰⵏ 1408 ⵏ ⵓⵎⵙⵢⴰⴼⴰ ⵍⵍⵉ ⵜⵜⵢⴰⴳⴰⵣ ⵜⵙⴱⴱⴰⴱⵜ ⵏⵏⵙⵏ ⵙ ⵓⵏⴷⵓⴷⴷⵉ ⵙ ⵎⴰ ⵉⵜⴳⴳⴰⵏ 127 ⵎⵍⵢⵓⵏ ⵏ ⵓⴷⵉⵔⵀⴰⵎ.
ⴰⵢⵍⵍⵉ ⵉⵥⵍⵉⵏ ⵙ ⵉⴳⵔ ⵏ ⵜⵎⴰⵍⵍⴰⵢⵜ, ⵉⵍⵍⴰ ⵓⵙⴼⵙⵙⴰⵢ ⵏ 386 ⵏ ⵜⵓⵜⵔⴰⵡⵉⵏ ⵏ ⵓⵙⵢⴰⴼⴰ ⵙⴳ ⵜⵡⵉⵙⵉ ⵜⴰⵥⵕⴼⴰⵏⵜ ⵍⵍⵉ ⵜⵜⵔⵏⵜ ⵜⵎⵔⵙⴰⵍ ⵏ ⵓⵣⴷⴷⵓⵖ ⴰⵏⵎⵎⴰⵍⴰⵢ ⵍⵍⵉ ⵉⵜⵜⵓⵜⵏ  ⵓⵏⴷⵓⴷⴷⵉ. ⵙⵢⴰⴼⴰⵏ ⴳⵉⵙ ⵎⴰ ⵉⵜⴳⴳⴰⵏ 227 ⵏ ⵜⵎⵔⵙⵍⵜ ⵏ ⵏ ⵓⵣⴷⴷⵓⵖ ⴰⵏⵎⵎⴰⵍⴰⵢ ⴳ ⵓⴳⵣⵣⵓⵎ ⴰⵎⵣⵡⴰⵔⵓ ⵙ ⵢⴰⵜ ⵜⵎⵙⴰⵙⵍⵜ ⵏ 60 ⵎⵍⵢⵓⵏ ⵏ ⵓⴷⵉⵔⵀⴰⵎ. ⴷ ⵜⵉⴽⴽⵉ ⵏ ⵏ ⵓⴳⵣⵣⵓⵎ ⵡⵉⵙ ⵙⵉⵏ ⴳ ⵜⵡⵉⵙⵉ ⵍⵍⵉ ⵜⵓⵎⵥ 82 ⵏ ⵜⵎⵔⵙⵍⵜ ⵙ ⵡⴰⵜⵉⴳ ⵏ 26 ⵎⵍⵢⵓⵏ ⵏ ⵓⴷⵉⵔⵀⴰⵎ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵜⵙⵕⵚⴰ ⵜⵏⴱⴰⴹⵜ ⵢⴰⵜ ⵜⴷⵉⵏⴰⵎⵉⵜ ⵉⴷⵓⵙⵏ ⴳ ⵜⴽⵛⵛⵓⵎⵉⵏ ⵏ ⵉⴳⵔⴰⵏ ⵉⵎⴰⵡⵙⴰⵙⵏ ⵙ ⵜⴰⵎⴰⵙⴰⵢⵜ ⴳ ⵉⴳⵔ ⴰⴷ, ⵉⵜⵜⵔ ⵉⵜⵜⵔⵉ ⵜⵙⵏⵓⵔⴰⵢⵜ ⵏ ⵡⴰⵟⵍⴰⵙ ⴰⵎⵇⵇⵕⴰⵏ ⴰⴷ ⵜⴳ  ⴰⵖⴰⵡⵍ ⴳ ⵓⵙⴽⴰⵔ ⵏ ⵉⵚⵏⴼⴰⵕⵏ, ⵙⵍⴰⵀⵡⴰⵏ ⴰⴽⴽⵯ ⴰⵢⵍⵍⵉ ⵉⵥⵍⵉⵏ ⵙ ⵜⵡⵉⵙⵉ ⵏ ⵜⵡⵊⵉⵡⵉⵏ ⵙⵓⵍ ⵉⵍⵍⴰⵏ ⴳ ⵉⵅⴰⵎⵏ ⴱⴰⵛ ⴰⴷ ⴽⵎⵎⵍⵏⵜ ⴰⵍⵍⴰⵙ ⵏ ⵜⵓⵚⴽⴰ ⵏ ⵜⴳⵯⵎⵎⴰ ⵏⵏⵙ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ. ⵖⵉⴽⵍⵍⵉ ⵉⵏⵏⴰ ⵎⴰ ⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵙⵅⵉⵜⵔ ⴳ ⵓⵙⵡⵉⵔ ⵏ ⵜⵉⵔⵡⵉ ⴷ ⵜⵡⵓⵔⵉ ⵃⵎⴰ ⴰⴷ ⵣⵔⵉⵏ ⴰⵢⵍⵍⵉ ⴷ ⵉⴼⵍ ⵓⵏⴷⵓⴷⴷⵉ ⴷ ⴰⴷ ⵜⵉⵍⵉ ⵢⴰⵜ ⵜⴳⵎⵉ ⵜⴰⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ  ⵉ ⵉⵎⵣⴷⴰⵖⵏ ⵏ ⵜⵙⴳⴳⵉⵡⵉⵏ ⵉⵜⵜⵓⵜⵏ ⵙ ⵓⵏⴷⵓⴷⴷⵉ ⵙ ⵓⵎⵙⴰⵙⴰ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ.
ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⵉⴷⴷⴰ ⵓⴳⵔⴰⵡ ⴰⴷ ⴹⵕⴰⵜ ⵏ ⵓⴳⵔⴰⵡ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⵏ ⵓⵙⵎⵏⵉⴷ ⴰⵙⵜⵕⴰⵜⵉⵊⵉ ⵏ ⵜⵙⵏⵓⵔⴰⵢⵜ ⵏ ⵡⴰⵟⵍⴰⵙ ⴰⵎⵇⵕⴰⵏ ⴳ ⴷⵓⵊⴰⵏⴱⵉⵔ 2024 ⵍⵍⵉ ⵜⵥⵍⵉⵏ ⵜⵡⵓⵔⵉ ⵏⵏⵙ ⵙ ⴰⴹⴼⵉⵕ ⵏ ⵓⵣⵣⵓⴳⵣ ⵏ ⵜⵓⴳⵜ ⵏ ⵉⵚⵏⴼⵕⵏ ⵏ ⵉⴳⵔⴰⵏ ⵉⵎⴰⵡⵙⴰⵙⵏ, ⵃⵎⴰ ⴰⴷ ⵢⵉⵍⵉ ⵓⵙⴳⴳⴷ ⵏ ⴰⵢⵍⵍⵉ ⵉⵅⵍⴰ ⵓⵏⴷⵓⴷⴷⵉ ⴷ ⵓⵙⵖⵓⴷⵓ ⵏ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⴷⴰⵎⵙⴰⵏⵜ ⴳ ⵜⵙⴳⴳⵉⵡⵉⵏ ⵉⵜⵜⵓⵜⵏ.