ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵙⵓⵜⵍⵜ ⵜⵉⵙ ⵙⴰⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ.
- ⴰⵙⵖⵥⵏ ⵏ 20 ⵏ ⵓⵚⵏⴼⴰⵕ ⵙ ⵡⴰⵜⵉⴳ ⵏ ⵎⴰ ⵉⵜⵜⴳⴳⴰⵏ 17,3 ⵎⵍⵢⴰⵕ ⵏ ⵓⴷⵉⵔⵀⴰⵎ ⵍⵍⵉ ⵔⴰⴷ ⵉⵙⴽⵔ 27.000 ⵏ ⵜⵔⵙⵓⵜ ⵏ ⵜⵡⵓⵔⵉ :
- ⴰⵙⵖⵥⵏ ⵏ 17 ⵏ ⵓⵚⵏⴼⴰⵕ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵜⵓⵙⵔⵉⴷⵜ ⵏ ⵓⵙⵙⴰⵔⵓ ⵙ ⵎⴰ ⵉⵜⵜⴳⴳⴰⵏ 4,3 ⵏ ⵎⵍⵢⴰⵕ ⵏ ⵓⴷⵔⵀⵎ ⵍⵍⵉ ⵔⴰⴷ ⵉⵙⴽⵔ 55.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ.
- ⵉⴳⵔ ⵏ ⵜⵎⴰⵍⵍⴰⵢⵜ ⴰⴷ ⵉⴳⴰⵏ ⴰⵎⵣⵡⴰⵔⵓ ⴳ ⵉⵣⵎⴰⵣ ⵏ ⵜⵡⵓⵔⵉ ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⵙ 42%.
- ⴰⵙⵖⵥⵏ ⵏ 3 ⵏ ⵉⵚⵏⴼⴰⵕⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵉⵣⵍⵉⵏ ⵙ ⵉⵚⵏⴼⴰⵔⵏ ⵏ ⵉⵙⴰⵔⵓⵜ ⵉⴳⴰ ⵉⵙⵜⵕⴰⵜⵉⵊⵉⵏ ⵙ ⵡⴰⵜⵉⴳ ⵏⵏⵙ ⵎⴰ 13 ⵎⵍⵢⴰⵕ ⵏ ⵓⴷⵉⵔⵀⴰⵎ ⵍⵍⵉ ⵔⴰⴷ ⵉⵙⴽⵔ ⵎⴰ ⵉⵜⵜⴰⴳⴰⵏ 21.500 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ.
- ⴰⵙⵖⵥⵏ ⵏ 17 ⵏ ⵓⵚⵏⴼⴰⵕ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵜⵓⵙⵔⵉⴷⵜ ⵏ ⵓⵙⵙⴰⵔⵓ ⵙ ⵎⴰ ⵉⵜⵜⴳⴳⴰⵏ 4,3 ⵏ ⵎⵍⵢⴰⵕ ⵏ ⵓⴷⵔⵀⵎ ⵍⵍⵉ ⵔⴰⴷ ⵉⵙⴽⵔ 55.000 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ.
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵉⵏⴰⵙ 29 ⵉⵏⵏⴰⵢⵔ 2025 ⴳ ⵕⵕⴱⴰⵟ, ⵜⴰⵙⵓⵜⵍⵜ ⵜⵉⵙ ⵙⴰⵜ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵍⵍⵉ ⵉⵜⵜⴰⵡⵙⴽⴰⵔⵏ ⵙ ⵜⵏⵜⵜⴰⵎⵜ ⵏ ⵓⵙⵙⴰⵔⵓ ⴰⵎⴰⵢⵏⵓ, ⵍⵍⵉ ⵎⵓ ⵉⵍⵍⴰ ⵓⵙⵡⵓⴷⴷⵓ ⵏⵏⵙ ⵣⵖ ⵎⴰⵕⵚ 2023 ⵙ ⵓⵎⵙⴰⵙⴰ ⴷ ⵜⵔⴰⵔⵜⵉⵏ ⵢⴰⵜⵜⵓⵢⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ. ⵖⵉⴽⵍⵍⵉ ⵜⴹⴼⴰⵕ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⵜⴰⵡⵓⵔⵉ ⵏⵏⵙ ⵉⴳⴰⵏ ⵜⴰⴷⵉⵏⴰⵎⵉⵜ ⵍⵍⵉ ⵜ ⵏⵏ ⵊⵊⵓ ⵓⵔ ⵉⴽⴽⴰⵏ ⵣⵣⵖ ⵍⵍⵉⵖ ⵜⵙⵙⵏⵜⵉ ⵜⴰⵙⵓⵜⵍⵜ ⵜⵓⵏⴱⵉⴹⵜ ⴰⴷ ⵍⵍⵉⵖ ⵜⵙⴽⵔ ⵎⴰ ⵉⵜⵜⴳⴰⵏ 14 ⵏ ⵉⴳⵡⵉⵡⵔⵏ ⵏ ⵓⴷⵎ ⵏⵏⵙ ⴰⵇⴱⵓⵔ ⴷ ⵡⵉⵏ ⵖⵉⵍⴰⴷ.
ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⵙⴰⵜ 15 ⵏ ⵓⵚⵏⴼⴰⵕ ⵏ ⵜⵎⵢⴰⵇⵇⴰⵏⵜ ⴷ 2 ⵏ ⵜⵎⵢⴰⵇⵇⴰⵏⵉⵏ ⵜⵙⴹⴼⴰⵕ, ⵉⵍⵍⴰⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⴰⴷⵙⵍⴰⵏ ⵏ ⵓⵙⵙⴰⵔⵓ, ⵍⵍⵉ ⴷ ⵉⴷⴷⴰⵏ ⴳ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ. ⵉⴳⴰ ⵡⴰⵜⵉⴳ ⵏ ⵉⵙⵙⴰⵔⵓⵜⵏ ⵏ 17 ⵏ ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵎⴰ ⵉⵜⵜⴳⴳⴰⵏ 4,3 ⵎⵍⵢⴰⵕ ⵏ ⵓⴷⵔⵉⵀⴰⵎ ⵍⵍⵉ ⵔⴰⴷ ⵉⵙⴽⵔ 5.500 ⵏ ⵜⵔⵙⵓⵜ ⵏ ⵜⵡⵓⵔⵉ ⵖ ⵜⵍⵍⴰ 3.900 ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ 1600 ⵏ ⵜⵡⵓⵔⵉ ⵡⴰⵔ ⵜⵓⵙⵔⵉⴷⵜ.
ⵥⵍⵉⵏ ⵉⵙⵏⴼⴰⵕⵏ ⵍⵍⵉ ⵅⴼ ⵉⵍⵍⴰ ⵓⵙⵖⵥⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵓⵙⵙⴰⵔⵓ 14 ⵏ ⵜⵎⵏⴰⴹⵜ ⴷ 7 ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵖ ⵍⵍⴰⵏ ⵜⵎⵏⴰⴹⵉⵏ ⴰⴷ : ⴱⵏⵉⵎⵍⵍⴰⵍ ⴷ ⵓⴳⵍⵎⵉⵎ ⴷ ⵟⴰⵏⵟⴰⵏ.
ⵥⵍⵉⵏ ⵉⵚⵏⴼⴰⵕⵏ ⴰⴷ ⵙ 7 ⵏ ⵉⴳⵔⴰⵏ : ⵜⴰⵎⴰⵍⵍⴰⵢⵜ, ⵜⵉⵥⴹⴰⵕ ⵉⵜⵜⵓⵙⵎⴰⵢⵏⵓⵜⵏ ⴷ ⵜⵎⴳⵓⵔⵉ ⵏ ⵓⵜⵜⵛⵉ ⴷ ⵜⵎⴳⵓⵔⵉ ⵏ ⵜⵀⵉⵔⵔⴰⵢ ⴷ ⵜⵎⴳⵓⵔⵉ ⵏ ⵓⴱⵔⵔⵎ ⴷ ⵜⵎⴳⵓⵔⵉ ⵏ ⵜⵉⴼⴰⵡⵜ ⴷ ⵓⵙⵎⵓⵜⵜⵉ ⵏ ⵜⵏⵓⴼⴰ.
ⵜⴳⴰ ⵜⵎⴰⵍⵍⴰⵢⵜ ⵉⴳⵔ ⴰⴷⵙⵍⴰⵏ ⴳ ⵓⵟⵟⵓⵏ ⵏ ⵉⵣⵎⴰⵣ ⵏ ⵜⵡⵓⵔⵉⵡⵉⵏ ⵍⵍⵉ ⵔⴰⴷ ⴳⵉⵙ ⵉⵜⵜⵓⵙⴽⵉⵔ ⵙ ⵜⵢⴰⴼⵓⵜ ⵏ ⵏ ⵉⵚⵏⴼⴰⵕⵏ ⵍⵍⵉ ⵎⵓ ⵉⵍⵍⴰ ⵓⵙⵖⵥⵏ ⵏⵏⵙⵏ ⴳ ⵓⵙⴰⵜⵉ ⵏ ⵜⵡⵉⵙⵉ ⵜⴰⴷⵙⵍⴰⵏⵜ ⵏ ⵓⵙⵙⴰⵔⵓ. ⵔⴰⴷ ⵉⵙⴽⵔ ⵉⴳⵔ ⴰⴷ ⵎⴰ ⵉⵜⴳⴳⴰⵏ 42% ⵖ ⴰⴽⴽⵯ ⵉⵣⵎⴰⵣ ⵏ ⵜⵡⵓⵔⵉ, ⵉⴹⴼⴰⵕ ⴷ ⵜ ⵉⴷ ⵉⴳⵔ ⵏ ⵜⵉⵀⵉⵔⵔⴰⵢ ⵙ 24% ⴷ ⵉⴳⵔ ⵏ ⵜⵎⴳⵓⵔⵉ ⵏⵓⵜⵛⵉ ⵙ ⵙ 13% ⵉⴹⴼⴰⵕ ⴷ ⵜ ⵉⴷ ⵉⴳⵔ ⵏ ⵓⵙⵎⵓⵜⵜⵉ ⵏ ⵜⵏⵓⴼⴰ ⵙ 8%.
ⵖⵉⴽⵍⵍⵉ ⵜⵙⵖⵥⵏ ⵜⵙⵇⵇⵉⵎⵜ ⵜⴰⵏⵎⵓⵔⵜ ⵏ ⵉⵙⵙⴰⵔⵓⵜⵏ 3 ⵏ ⵉⵚⵏⴼⴰⵕⵏ ⴳ ⵓⵙⴰⵜⵉ ⵏ ⵓⵏⴳⵔⴰⵡ ⵏ ⵜⵡⵉⵙⵉ ⵉⵣⵍⵉⵏ ⵙ ⵉⵚⵏⴼⴰⵔⵏ ⵏ ⵉⵙⵙⴰⵔⵓⵜⵏ ⵉⴳⴰⵏ ⵉⵙⵜⵕⴰⵜⵉⵊⵉⵏ ⵉⵣⴷⵉⵏ ⵙ ⵉⴳⵔⴰⵏ ⵏ ⵜⵓⵥⴹⵉⴹⵜ ⴷ ⵉⵍⵎ ⴷ ⵜⵎⴳⵓⵔⵉ ⵏ ⵍⵎⵄⴷⵏ ⴷ ⴷ ⵡⴰⵙⵙⴰⵢ ⴰⵎⵥⵥⴰⵕⵓⵕ ⴳ ⵜⵙⴳⴳⵉⵡⵉⵏ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⴰⵢⵎⴰ ⴷ ⵕⵕⴱⴰⵟ ⵙⵍⴰ ⴷ ⵍⵇⵏⵉⵟⵕⴰ. ⵔⴰⴷ ⵉⵙⴽⵔⵏ ⵉⵚⵏⴼⴰⵕⵏ ⴰⴷ ⵎⵓ ⵉⴳⴰ ⵡⴰⵜⵉⴳ ⵏⵏⵙ ⵎⴰ 13 ⵎⵍⵢⴰⵕ ⵏ ⵓⴷⵉⵔⵀⴰⵎ ⵎⴰ ⵉⵜⵜⴰⴳⴰⵏ 21.500 ⵏ ⵜⵔⵙⵓⵜ ⵏ ⵜⵡⵓⵔⵉ ⵜⵓⵙⵔⴷⵜ ⴷ ⵡⴰⵔ ⵜⵓⵙⵔⵉⴷⵜ.
ⵢⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴳ ⵓⴳⵔⴰⵡ ⴰⴷ ⵎⴰ ⵙ ⵜⵍⵍⴰ ⵢⴰⵜ ⵜⴷⵉⵏⴰⵎⵉⵜ ⴳ ⵜⵎⴰⵣⵉⵔⵜ ⵏⵏⵖ ⴳ ⵉⴳⵔ ⵏ ⵓⵙⵙⴰⵔⵓ ⵉⵎⵥⵍⵉⵢ ⴳ ⵜⵓⴳⵜ ⵏ ⵉⴳⵔⴰⵏ ⵖ ⴰⴽⴽⵯ ⵜⵎⵏⴰⴹⵉⵏ ⵏ ⵜⴳⵍⴷⵉⵜ ⵙ ⵜⵢⴰⴼⵓⵜ ⵏ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ ⵍⵍⵉ ⵎⵓ ⵉⵍⵍⴰ ⵓⵙⵡⵓⴷⴷⵓ ⵏⵏⵙ ⵙ ⵓⵙⵢⴰⴼⵓ ⵏ ⵜⴰⵔⴰⵜⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ ⴰⴷ ⵜ ⵉⵏⵚⵕ ⵔⴱⴱⵉ.
ⵉⵣⴰⵢ ⴷ ⵎⴰⵙⵙ ⴰⵅⵏⵏⵓⵛ ⵉⵏⵏⴰ ⵎⴰ ⵙ ⴰⵔ ⵜⵎⵎⴰⵍⴰ ⵜⴷⵉⵏⴰⵎⵉⵜ ⵏ ⵓⵙⵙⴰⵔⵓ ⵉⵎⵥⵎⵉⵢ ⴳ ⵜⴳⵍⴷⵉⵜ ⴰⵙⵡⵉⵔ ⵏ ⵜⵓⴳⵜ ⵏ ⵉⵙⵙⴰⵔⵓⵜⵏ ⴷ ⵉⵜⵜⴷⴷⵓⵏ ⵙ ⵜⵎⴰⵣⵉⵔⵜ ⵏⵏⵖ ⴷ ⵉⵚⵏⴼⴰⵕⵏ ⴷ ⵉⵖⴰⵡⵙⵏ ⵍⵍⵉ ⵜⵙⵔⵙ ⵜⵏⴱⴰⴹⵜ, ⴰⵔ ⴰⴽⴽⴰⵏ ⵖⵉⵍⴰⴷ ⵜⴰⵢⴰⴼⵓⵜ ⵏⵏⵙⵏ ⴳ ⵜⵓⴳⵜ ⵏ ⵉⴳⵔⴰⵏ ⵍⵍⵉ ⵉⴳⴰⵏ ⵖⵉⵍⴰⴷ ⵢⴰⵏ ⵓⵏⴱⴷⴰⴷ ⵏ ⵓⵙⵖⵓⵙⵓ ⵏ ⵉⵙⵙⴰⵔⵓⵜⵏ, ⵙⵍⴰⵀⴰⵡ ⴰⴽⴽⵯ ⴳ ⵉⴳⵔ ⵏ ⵜⵎⴰⵍⵍⴰⵢⵜ ⵍⵍⵉ ⵉⴳⴰⵏ ⴰⵎⵣⵡⴰⵔⵓ ⴳ ⵓⴳⵔⴰⵏ ⴰⴷ ⵍⵍⵉ ⵜⵙⴽⵔ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵙⵙⴰⵔⵓⵜⵏ ⴹⴰⵕⴰⵜ ⴰⴱⵓⵖⵍⵓ ⵉⵍⵍⴰⵏ ⴳ ⵉⴳⵔ ⵙ ⵓⵙⵢⴰⴼⴰ ⵏ ⵜⴱⵔⵉⴷⵜ ⵏ ⵜⵎⴰⵍⵍⴰⵢⵜ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ : ⵏⴰⴷⵢⴰ ⴼⵜⵜⴰⵃ ⵄⴰⵍⴰⵡⵉ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵏⵉⵥⴰⵕ ⴱⴰⵔⴰⴽⴰ, ⴰⵎⴰⵡⵙⴰⵙ ⵏ ⵓⵇⵡⵡⵎ ⴷ ⵡⴰⵎⴰⵏ ⴷ ⵎⵓⵃⵎⵎⴰⴷ ⵙⴰⵄⴷ ⴱⵔⵔⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ ⴷ ⴼⴰⵟⵉⵎⴰ ⵥⵥⴰⵀⵕⴰ ⵍⵎⵏⵚⵓⵕⵉ, ⵜⴰⵎⴰⵡⴰⵙⴰ ⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵚⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ ⴷ ⴰⵃⵎⴰⴷ ⴱⵓⵡⴰⵔⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⴷ ⵢⵓⵏⵙ ⵙⴽⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵉⵜⵉⵜ ⵜⴰⵎⵥⵥⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴷ ⵕⵢⴰⴷ ⵎⵣⵓⵔ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⴼⴰⵟⵉⵎⴰ ⵥⵥⴰⵀⵕⴰ ⵄⵎⵎⵓⵔ, ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ ⴷ ⵄⴰⵣⵣⴷⴷⵉⵏ ⵎⵉⴷⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ ⴷ ⵄⴰⴱⴷⵚⵚⴰⵎⴰⴷ ⵇⵇⵉⵢⵓⵃ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ ⴷ ⴽⴰⵔⵉⵎ ⵣⴰⵢⴷⴰⵏ, ⴰⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⵏⵉⵏ ⴷ ⵣⴰⴽⵢⴰ ⴷⴷⵕⵡⵛ ⵜⴰⵎⴰⵔⵉⵜ ⵏ ⵓⵡⴰⵏⴽ ⵖⵓⵔ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵉⵜⵜⵓⵙⵎⴰⴳⴰⵍⵏ ⵙ ⵙ ⵜⴳⵎⵔⵜ ⵜⴰⵢⵍⴰⵏⵜ ⴷ ⵀⵉⵛⴰⵎ ⵚⴰⴱⵉⵕⵉ ⴰⵎⴰⵔⵉ ⵏ ⵓⵡⴰⵏⴽ ⵖⵓⵔ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵉⵜⵉⵜ ⵜⴰⵎⵥⵥⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⵉⵜⵜⵓⵙⵎⴰⴳⴰⵍⵏ ⵙ ⵓⵣⴷⴷⵓⵖ ⴷ ⵓⵎⴰⵔⵉ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⵔⵉ ⴷ ⵄⴰⵍⵉ ⵚⴰⴷⵉⵇⵉ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⴳⵎⵉ ⵏ ⵉⵙⵙⴰⵔⵓⵜⵏ ⴷ ⵉⵚⴰⴼⵓⴹⵏ.
