ⵎⴰⵙⵙ ⴰⵅⵏⵓⵛ : ⵜⵉⵏⵎⵎⴰⵔ ⵍⵍⵉ ⵜⵜⵉⴷⵉⵔⵏⵜ ⵜⵎⵙⵙⵏⵜⴰⵢ ⴷ ⵉⴷ ⴱⵓ ⵜⵖⵔⴰⴷ ⴰⵔ ⵙⵙⵓⵜⵓⵔⵏⵜ ⴰⵎⵏⴰⴷ ⴰⵖⵣⵓⵔⴰⵏ ⵢⴰⴽⴽⴰⵏ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵙⴰⵡⴰⵍ ⴰⵏⴰⵎⵓⵏ

ⵉⵙⵙⵏⵜⵎ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⴰ ⵏ ⵓⵢⵏⴰⵙ ⴳ ⵕⵕⴱⴰⵟ, ⵎⴰⵙ ⴷ ⵜⵉⵏⵎⵎⴰⵔ ⵍⵍⵉ ⵜⵜⵉⴷⵉⵔⵏⵜ ⵜⵎⵙⵙⵏⵜⴰⵢ ⵜⵄⵏⴰⵎⵓⵔⵉⵏ ⴷ ⵉⴷ ⴱⵓ ⵜⵖⵔⴰⴷ, ⵎⵇⵇⴰⵔ ⴷ ⵜⵉⵙⵏⵜⴰⵢ ⵏ ⵜⵏⴱⴰⴹⵜ ⴷ ⵜⵖⵜⴰⵙⵉⵏ ⵓⵔ ⵉⴽⴽⵓⵍⵏ ⵍⵍⵉ ⵉⵜⵜⵢⴰⵙⴰⵢⵏ ⵙ ⵉⵙⵡⴰⵍⴰⵜⵏ ⵉⴳⵍⴰⴷⴰⵏⵏ ⵉⵎⴰⵜⵜⴰⵢⵏ ⵖⴼ ⵓⵙⵙⵉⴼⵙⵓⵙ ⵏⵏⵙⵏ, ⴰⵔ ⵙⵙⵓⵜⵓⵔⵏⵜ ⴰⵎⵏⴰⴷ ⴰⵖⵣⵓⵔⴰⵏ ⵍⵍⵉ ⵢⴰⴽⴽⴰⵏ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵙⴰⵡⴰⵍ ⴰⵏⴰⵎⵓⵏ.
ⵉⵏⵏⴰ ⵎⴰⵙⵙ ⴰⵅⵏⵓⵛ, ⴳ ⵜⴳⵓⵔⵉ ⵏ ⵓⵏⵏⵓⵕⵥⵎ ⵏ ⵓⵙⴳⵔⴰⵡ ⴰⴱⵔⵍⴰⵎⴰⵏⵉ ⴰⴳⵔⴰⵖⵍⴰⵏ ⵡⵉⵙⵙ ⵚⴹⵉⵚ ⵏ ⵜⵣⵔⴼⵜ ⵜⴰⵏⴰⵎⵓⵏⵜ, “ ⴰⵏⵛⵜ ⵏ ⵜⵏⵎⵎⴰⵔ ⵍⵍⵉ ⵜⵜⵉⴷⵉⵔⵏⵜ ⵜⵎⵙⵙⵏⵜⴰⵢ ⵜⵉⵏⴰⵎⵓⵔⵉⵏ ⴷ ⵉⴷ ⴱⵓ ⵜⵖⵔⴰⴷ ⵙ ⵜⵎⵏⵜⵉⵍⵜ ⵏ ⴽⵓⴼⵉⴷ-19 ⴷ ⵜⴰⴷⵔⵙⵉ ⵏ ⵓⵏⵥⴰⵕ ⴷ ⵢⵉⵊⴳⵉⵍ ⵏ ⵡⴰⵜⵉⴳⵏ ⵏ ⵜⵎⵜⵜⵉⵡⵉⵏ ⵜⵉⵎⵣⵡⵓⵔⴰ, ⵡⴰⵅⵅⴰ ⴷ ⵜⵉⵙⵏⵜⴰⵢ ⵏ ⵜⵏⴱⴰⴹⵜ ⴷ ⵜⵖⵜⴰⵙⵉⵏ ⵜⵉⴳⴷⵓⴷⴰⵏⵉⵏ ⵓⵔ ⵉⴽⴽⵓⵍⵏ ⵍⵍⵉ ⵉⵜⵜⵢⴰⵙⴰⵢⵏ ⵙ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵉⵎⴰⵜⵜⴰⵢⵏ ⵖⴼ ⵓⵙⵙⵉⴼⵙⵓⵙ ⵏⵏⵙⵏⵜ, ⴷⴰ ⵉⵙⵙⵓⵜⵓⵔ ⴰⵎⵏⴰⴷ ⴰⵖⵣⵓⵔⴰⵏ ⵍⵍⵉ ⵢⴰⴽⴽⴰⵏ ⵓⵏⴼⵓⵙ ⴰⵎⴰⵢⵏⵓ ⵉ ⵓⵎⵙⴰⵡⴰⵍ ⴰⵏⴰⵎⵓⵏ.”
ⵉⵙⴼⴰⵡ ⵎⴰⵙ ⵉⵙⴽⴰ ⵓⵎⵏⴰⴷ ⴰⴷ ⵖⴼ ⵓⵎⵢⴰⵡⴰⵙ ⴷ ⵓⴷⵔⴰⵡ ⴷ ⵜⵉⵍⴰⵜ ⵃⵎⴰ ⴰⴷ ⵢⴰⵡⴹ ⵜⴰⵍⵖⵉⵡⵉⵏ ⵜⵉⵎⵓⴼⴰⵢⵉⵏ ⵏ ⵓⵙⵎⴽⵍ ⵏ ⵜⵉⵣⵣⵉⵜ ⵏ ⵓⵎⵣⴰⵔⴰⵢ ⴰⵏⴰⵎⵓⵏ ⴷ ⵓⵙⵎⵥⵉ ⵏⵏⵙ ⵙ ⵓⵢⵏⵏⴰ ⵎⵉ ⵏⵓⴼ. ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵎⴰⵏ ⴰⵢⴰ, ⵎⴰⵙ ⴳⴰⵏ ⵉⵙⵏⴼⵍⵏ ⵉⵍⵍⴰⵏ ⴳ ⵓⴳⴰⴷⴰⵣ ⵏ ⵜⵡⵓⵔⵉ ⴳ ⵎⵏⵏⴰⵡ ⵏ ⵉⵡⴰⵏⴽⵏ ⴳ ⵓⵎⴰⴹⴰⵍ ⴷ ⵓⵎⵎⵔⵡⵉ ⵏ ⵉⵎⵢⴰⵙⵙⴰⵜⵏ ⵏ ⵜⵡⵓⵔⵉ ⴷ ⵢⵉⵊⴳⵉⵍ ⵏ ⵓⵙⵖⵍ ⵏ ⵜⴰⵔⵡⵓⵔⵉ ⴷ ⵜⵉⵢⵢⴰⴹ ⵜⵎⵓⴽⵔⵉⵙⵉⵏ ⵜⵉⵏⴰⵎⵓⵏⵉⵏ, ⴳⴰⵏⵜ ⵉⵏⴰⵥⴰⵕⵏ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵏ ⵏⴽⴽⵙ, ⴰⵢⵍⵍⵉ ⵉⵜⵜⴱⵣⵣⴰⵣⵏ ⵜⵉⵎⴳⴳⵉⵢⵉⵏ ⵉ ⵓⵙⴷⵓⵙ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴷ ⵓⵙⵜⵔⴰⵔ ⵏ ⵡⴰⵍⵍⴰⵏ ⴷ ⵜⵓⵎⴰⵢⵉⵏ ⵏⵏⵙ. 
ⴳ ⵓⵎⵏⴰⴷ ⴰⴷ ⵏⵉⵜ, ⵉⵙⵙⵏⵜⵎ ⵎⴰⵙⵙ ⴰⵅⵏⵓⵛ ⵎⴰⵙ ⵜⴳⴰ ⵜⵉⵏⴽⵔⵉ ⵙ ⵓⵎⵙⴰⵡⴰⵍ ⴰⵏⴰⵎⵓⵏ ⵜⴰⵏⵥⵕⵜ ⵉⵛⵛⴰⵔⵏ ⵎⵏⵉⴷ ⵎⴰⵕⵕⴰ, “ ⴷⴰⵜⴰⵖ ⵉⵙⴷⴰⵡⵏ ⵉⵏⴰⵎⵓⵏⵏ ⵉⵥⴹⴰⵢⵏ ⵉⵖⴰⵎⴰⵏ ⴳ ⵓⴷⵖⴰⵔ ⵏⵏⵙⵏ ⵉⵙⴳⴳⵯⴰⵙⵏ ⴰⵢⴰ ⵙ ⵓⵥⵍⴰⵢ ⵡⵉⵍⵍⵉ ⵉⵇⵇⵏⵏ ⵙ ⵓⵙⵎⵀⵍ ⵏ ⵜⵏⵜⵜⴰⵎⵜ ⵜⴰⴷⵙⵜⴰⵔⵜ ⵍⵍⵉ ⴼ ⵎⵙⴰⵙⴰⵏ ⵉⵎⵖⵔⴰⴱⵉⵢⵏ, ⵍⵍⵉ ⵢⵓⵙⵔⵏ ⴰⵙⵙ ⴰⴷ ⵜⵓⴳⴳⵜ ⵏ ⵡⴰⵔ ⴽⴽⵓⵍ ⴷ ⵜⵏⵉⵍⴰⵡⵜ”, ⵍⵓⵎⴰⵕ ⴰⵙⵍⴳⵏ ⴰⵎⵙⵙⵓⴷⵙ ⵉⵇⵇⵏⵏ ⵙ ⴰⵙⴰⵍⴰⴳ, ⴷ ⵉⵙⴷⴰⵡⵏ ⵉⵇⵇⵏⵏ ⵙ ⵓⵣⵓⴳⴳⵣ ⵏ ⵓⵏⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵡⴰⵍⵓⴳ ⴰⵏⴰⵎⵓⵏ ⴷ ⵜⴷⵓⵍⵉ ⵜⴰⴷⵓⵙⴰⵏⵜ ⴷ ⵜⵣⴷⵎⵜ ⵜⴰⵣⵔⴼⴰⵏⵜ ⵉⵇⵇⵏⵏ ⵙ ⵉⵎⵙⵡⵓⵔⵉⵜⵏ ⵏ ⴽⵔⴰ ⵏ ⵢⵉⴳⵔⴰⵏ ⴷ ⵉⵙⵡⵓⴷⴷⵓⵜⵏ ⵉⵣⵔⴼⴰⵏⵏ ⵉⵍⴰⵇⵏ ⵉ ⵓⵙⴱⵓⵖⵍⵓ ⵏ ⵓⵏⴳⵔⴰⵏ ⵏ ⵜⵡⵓⵔⵉ ⵏ ⵜⵎⵢⴰⵇⵇⴰⵏⵉⵏ ⵜⵉⵏⴰⵎⵓⵏⵉⵏ.
ⵉⵏⵄⵜ ⵉⵙ ⵙⵓⵍⵏ ⵉⵙⵖⵓⴷⵓⵜⵏ ⵉⵜⵜⵢⴰⵜⵜⴰⵔⵏ ⴳ ⵓⵏⴳⵔⴰⵡ ⵏ ⵜⴰⵏⴰⴼⵜ ⴳⴰⵏ ⵉⵙⴷⴰⵡⵏ ⴰⴽⴽⵯ ⵉⵙⵜⴰⵡⵀⵎⵎⴰⵏ ⵍⵍⵉ ⵉⵔⴰⵏ ⵜⵉⵎⵥⵔⵉ ⵜⴰⵏⴰⵎⵓⵔⵜ ⵉⵎⵓⵏⵏ, ⵉⵙⴷⴷⵉⴷ ⵉⵙ “ ⵔⴰⴷ ⵜⵉⵍⵉ ⵜⵏⴱⴰⴹⵜ ⵜⵉⵄⵥⵥⵉⵜ ⵜⴰⵙⵔⵜⴰⵏⵜ, ⴷ ⵓⵔ ⵜⵏⵏⵉ ⴰⴷ ⵜⵀⵏⵏⴰ ⴰⵔⴷ ⵜⴰⵡⴹ ⵜⵉⵎⵥⵕⵉ ⵖⴼ ⵎⵙⴰⵙⴰⵏ ⴰⴽⴷ ⵎⴰⵕⵕⴰ ⵉⵎⴷⵔⴰⵡⵏ ⵉⵏⴰⵎⵓⵏⵏ, ⵉⵖⵉⵏ ⴰⴷ ⵜⴰⴼ ⵉⴼⵙⵙⴰⵢⵏ ⵉⵏⴰⵍⴰⵡⵏ, ⵉⴷⵖⵔⵉⵢⵏ ⴷ ⵉⵙⵓⵍⴰⵏⵏ ⵉ ⵜⵎⵓⴽⵔⵉⵙⵉⵏ ⵍⵍⵉ ⴳ ⵍⵍⴰⵏ ⵉⵏⴳⵔⴰⵏ ⵉⵎⵣⴰⵔⴰⵢⵏ ⵏ ⵜⴰⵏⴰⴼⵜ.”
ⵉⵏⵏⴰ ⵎⴰⵙⵙ ⴰⵅⵏⵓⵛ ⴳ ⵓⵙⴰⵜⴰⵍ ⴰⴷ, “ⴷⴰ ⵙⵙⵓⵜⵓⵔⵏ ⵉⵙⴷⴰⵡⵏ ⵉⵏⴰⵎⴰⵓⵏ ⴳ ⵜⵙⴳⴰ ⵏ ⵓⵙⵎⵔⵙⵍ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⴳ ⵓⵙⵙⵓⴷⵙ ⵏⵏⵙ ⴷ ⵜⵎⵙⵙⵓⴳⵓⵔⵜ ⵏⵏⵙ ⴷ ⵓⵙⴱⵓⵖⵍⵓ ⵏ ⵜⵓⵎⴰⵢⵉⵏ ⵏⵏⵙ ⴷ ⵓⵙⵍⴼⵙ ⵏ ⵜⴰⵙⵓⵍⵜ ⵏⵏⵙ ⴰⴳⵏⵙⵓ ⵏ ⵢⵉⴳⵔ ⴰⴷⵖⵔⴰⵏ ⴷ ⵓⵏⴳⵔⴰⵏ ⴷ ⵓⵏⴰⴽⴰⵍ, ⵜⵉⵔⵏⵉ ⵏ ⵜⵓⵜⵍⴰⵢⵜ ⵏ ⵡⴰⵏⵏⵍⵉ ⴷ ⵜⵎⵥⵍⴰ ⴷ ⵜⵎⵙⵖⴰⵔⵓⵜ ⴷ ⵓⵙⵉⴽⴽ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵖⴼ ⵜⵏⴰⴼⵓⵜ ⵜⵓⵙⵍⵉⴳⵜ, ⴷ ⴷⴰⵜ ⴰⴽⴽⵯ ⵏ ⵓⵢⴰ ⴰⴷ ⵜⵉⵍⵉ ⵏⵏⵉⵢⵜ ⵉⴷⵖⵔⵏ ⴷ ⵜⴼⵍⵙⵜ ⵙ ⵓⵎⵙⴰⵡⴰⵍ ⵉⴳⴰⵏ ⵜⴰⵖⴰⵔⴰⵙⵜ ⵜⵓⴼⵔⵉⴷⵜ ⵏ ⵜⵉⴼⵉ ⵏ ⵉⴼⵙⵙⴰⵢⵏ.”
ⵉⵣⵔⵉⵔⵉⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵔⴰⴷ ⵉⵙⵖⵓⴷⵓ ⵓⵏⵣⵡⵉ ⴰⵙⵔⵜⴰⵏ ⴰⵎⴰⵢⵏⵓ ⵍⵍⵉ ⵜⴻⵜⵜⵉⴷⵉⵔ ⵜⴳⵍⴷⵉⵜ ⵙ ⵜⵓⵍⵍⵓⵖⵜ ⵏ ⵜⴷⵉⵏⴰⵎⵉ ⵜⴰⵏⴳⵎⵉⵜ ⵉⵜⵜⴰⵣⵣⵍⴰⵏ ⵍⵍⵉ ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵉⵙⵓⴼⵓⵖⵏ ⵏ ⵓⴱⵔⵉⴷ ⵏ ⵉⵙⵜⴰⵢⵏ ⵓⵖⵣⵉⴼ ⵎⵉ ⴳⴳⵓⴷⵉⵏ ⵡⴰⵏⴰⵡⵏ, ⴱⵍⴰ ⴰⵙⵓⵔⴷⵓ, ⵉⵕⵉⵕⴹ ⴷ ⵢⵓⵙⴰⵏ ⵉ ⵜⵙⵓⵜⴰ ⵜⴰⵎⵢⵏⵓⵜ ⵏ ⵓⵎⵙⴰⵡⴰⵍ ⴰⵏⴰⵎⵓⵏ ⵜⴰⵎⴰⵙⴰⵢⵜ ⴷ ⵉⵎⵙⴰⵙⴰⵜⵏ ⵉⵜⵜⵓⵙⴽⴰⵏ ⴳⵔ ⵉⴼⵔⴷⵉⵙⵏ ⵎⵣⴰⵔⴰⵢⵏⵉⵏ, ⴹⴰⵕⵜ ⵓⵣⵔⵔⵓ ⵓⵙⴷⵉⴷ ⴰⵖⵣⵓⵔⴰⵏ ⵉ ⵡⴰⴷⴷⴰⴷⵏ ⵉⴷⵎⵙⴰⵏ ⴷ ⵉⵏⴰⵎⵓⵏⵏ, ⵉⵖⴹⴼ ⵎⴰⵙ ⴷⴰ ⵉⵙⵔⵓⵙ ⵓⵙⴰⵜⴰⵍ ⴰⴷ ⴰⵙⵔⵜⴰⵏ “ ⴰⵎⵙⴰⵡⴰⵍ ⴰⵏⴰⵎⵓⵏ ⴳ ⵡⴰⴷⴷⴰⴷ ⴷ ⵢⵓⵙⴰⵏ, ⴰⴷ ⵉⴳ ⴰⵍⵍⴰⵏ ⵉⵎⵓⴼⴰⵢⵏ ⵏⵖ ⴷ ⴰⴽⴽⵯ ⴰⵍⵍⴰⵏ ⵓⴼⵔⵉⴷ ⵏ ⵓⵙⵎⴽⵍ ⵏ ⵜⵎⵏⵜⵉⵍⵉⵏ ⵜⵉⵏⴰⵎⵓⵏⵉⵏ ⵎⵢⴰⵏⴰⵡⵏⵉⵏ ⵍⵍⵉ ⴷ ⵏⵜⵜⵎⴰⵖ ⵙ ⵍⴰⵡⴰ ⵏ ⴰⴽⴽⵯ ⴳ ⵡⴰⴷⴷⴰⴷ ⵓⵙⵍⵉⴷ ⵍⵍⵉ ⵜⴱⵣⵣⴻⵣ ⴽⵓⵕⵓⵏⴰ ⴷ ⵜⴰⴷⵔⵙⵉ ⵏ ⵓⵏⵥⴰⵕ, ⴷ ⵜⵙⵉⵍⴰⵡⵜ ⵏ ⵉⴼⵔⴰⵏⵏ ⵉⵏⴰⵎⵓⵏⵏ ⵍⵍⵉ ⵉⵎⵙⴰⵙⴰⵏ ⴷ ⵓⵙⵉⵣⵡⵔ ⴰⵏⴰⵎⵓⵔ.”
ⵉⴹⴼⴰⵔ ⵎⴰⵙ ⴷ ⴰⵙⴰⵜⴰⵍ ⴰⵏⴱⴰⵢⵢⵓⵕ ⵍⵍⵉ ⵉⴽⴽⴰⵏ ⵖⴼ ⵓⵎⴰⴹⴰⵍ ⵜⵉⴳⴰⵔⴰ ⴰⴷ, ⴷ ⵎⴰⴷ ⴷ ⵉⵣⵔⵉ ⵏ ⵢⵉⴹⵉⵚ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵏⵉⵎⴰⵏ ⵖⴼ ⵇⵇⴰⵃ ⵉⵡⴰⵏⴽⵏ ⵏ ⵓⵎⴰⴹⴰⵍ, ⵉⴳⴰ ⴰⵣⵎⵣⵣⵓ ⵉ ⵡⴰⵍⴰⵙ ⵏ ⵓⵙⵡⵜⵜⵓ ⵏ ⵡⴰⵏⵙⴰ ⵏ “ ⵜⵓⴳⴳⵓⴳⵜ ⵜⴰⵏⴰⵎⵓⵏⵜ ⵉ ⵜⴽⵛⵛⵓⵎⵉⵏ ⵜⵉⴳⴷⵓⴷⴰⵏⵉⵏ” ⵉⴳ ⴰⴹⵎⵎⴰⵏ ⵏ ⵉⵎⵢⴰⵙⵏ ⵉⵏⴰⵎⵓⵔⵏ ⵙ ⵜⵉⴳⴰⵡⵜ ⵏ ⵜⵎⵍⴰⵍⵜ ⵍⵍⵉ ⵉⵣⵎⵔ ⴰⴷ ⵢⵓⵔⴰⵔ ⴳ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵏⴼⴳⴰⵏⵜ, ⴳ ⵜⴷⴰⵎⵙⴰ ⴷ ⵓⴼⵔⴰⴳ ⵏ ⵡⵉⵍⵍⵉ ⴱⴰⵀⵔⴰ ⵉⵜⵜⵓⴹⵕⵕⴰⵏⵏ ⴷ ⵜⴰⵔⵏⴰ ⵏ ⵉⴼⵔⴰⵏⵏ ⴷ ⵉⵙⵏⴼⵍⵏ ⵉⵙⵜⵔⴰⵜⵉⵊⵉⵏ.”
ⵉⵏⵄⵜ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵓⵖⴰⵡⴰⵙ ⵏ ⵜⵏⴱⴰⴹⵜ ⴳ ⵜⴼⵔⴽⵜ 2012-2016 ⵍⵍⵉ ⵉⵜⵜⴹⵎⴰⵏⵏ ⵜⴰⵣⴷⵎⵜ ⵏ ⵉⵙⵡⵓⴷⴷⵓⵜⵏ ⵍⵍⵉ ⵉⵖⵉⵢⵏ ⴰⴷ ⵉⵙⵡⵔ ⵓⴳⴳⵓⴳⵏ ⵉⴷⵙⵍⴰⵏⵏ ⵏ ⵓⵔⵎⵎⵓⵙ ⵏ “ ⴰⵡⴰⵏⴽ ⴰⵏⴰⵎⵓⵏ”, ⵉⴳⴰⵏ ⵜⴰⵎⵢⴰⴷⴰⵙⵜ ⵜⴰⵎⴰⵢⵏⵓⵜ ⵏ ⵓⵙⵡⵓⴷⴷⵓ ⴰⴳⴷⵓⴷⴰⵏ ⵍⵍⵉ ⵉⵙⴽⴰⵔⵏ ⵙⴳ ⵓⵏⵎⵓⵔⵉ ⴰⵎⵖⵔⵉⴱⵉ ⴳ ⵡⴰⵎⵎⴰⵙ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⴷ ⵓⵎⵙⵎⵓⵙⵙⵓ ⵏⵏⵙⵏ ⴰⴷⵙⵍⴰⵏ, ⴰⴷ ⵜⴻⵜⵜⵡⴰⵜⴰⵙ ⴰⵙⵎⴽⵍ ⵏ ⵥⵥⵍⴹ ⴷ ⵓⵙⵙⵉⴷⵔⵙⵓ ⵏ ⵉⵎⵣⴰⵔⴰⵢⵏ ⵉⵏⴰⵎⵓⵏⵏ ⴷ ⵉⵏⴳⵔⴰⵏ ⴷ ⵓⴳⵣⴰⵢ ⵏ ⵡⵓⴷⴷⵓⵔ ⴰⵏⴼⴳⴰⵏ.
ⴳ ⵜⵉⴳⵉⵔⵉ, ⵉⴼⴼⵖ ⵎⴰⵙⵙ ⴰⵅⵏⵓⵛ ⵙ ⵎⴰⵙ ⵜⵖⵣⴰ ⵜⴰⵡⴰⵏⵜ ⵏ ⵜⵏⴱⴰⴹⵜ ⴰⴷ ⵜⵙⵏⵓⵍⴼⵓ ⵉⵙⵏⴼⵍⵏ ⴷ ⵉⴼⵔⴰⵏⵏ ⵉⵍⴰⵏ ⵓⵏⴼⵓⵙ ⴰⵏⴰⵎⵓⵏ ⵢⴰⵜⵜⵓⵢⵏ ⵉⵜⵜⵔⴰⵔⴰⵏ ⵖⴼ ⵉⵎⵙⵓⵔⴰⵙ  ⴷ ⵉⵎⵏⵉⴷⵏ ⵏ ⵉⵏⵎⵓⵔⴰⵏ, ⴰⴷ ⵜⵜⴷⴷⵓ ⴳ ⵜⵏⵉⵍⴰ ⵏ ⵓⵙⵖⵓⴷⵓ ⵏ ⵜⵉⵕⵡⵉ ⵏ ⵜⴻⵜⵉⵇⵏⵉⵜ ⴷ ⵏ ⵜⵎⵔⵙⵍⵜ ⵏ ⵜⵙⵔⵜⴰⵢ ⴷ ⵓⵙⵙⵉⴷⵔ ⵏ ⵓⵏⴱⴰⴹ ⵏⵏⵙ, ⵉⴳⴰⵏ ⴰⴽⵛⵛⵓⵎ ⴰⴷⵙⵍⴰⵏ ⵉ ⵓⵙⵙⵔⵇⴱ ⵏ ⵡⵓⵊⵓⵢ ⴰⴷⵎⵙⴰⵏ ⴰⵏⴰⵎⵓⵔ ⴷ ⵓⵙⵍⵍⵡⵓ ⵏ ⵡⵓⴳⴳⴰⵏ ⵏ ⵜⵣⵔⴼⵜ ⵜⴰⵏⴰⵎⵓⵏⵜ.