ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⴳⴰ ⵜⴰⵙⵎⵓⵏⵉ ⴰⴽⴷ ⵉⴳⵏⵙⴰⵙ ⵏ ⵜⴳⵔⵓⵎⵎⴰ ⵜⴰⵣⵣⵓⵍⴰⵏⵜ ⵏ ⵉⴷ ⵍⴱⴰⵏⴽ ⵏ ⵍⵎⵖⵔⵉⴱ ⴷ ⵓⵏⵙⵙⵉⵅⴼ ⵏ ⵡⴰⵎⵓⵏ ⴰⵎⴰⴰⵢ ⵏ ⵜⵎⵙⵙⵏⴰⵜⴰⵢ ⵏ ⵍⵎⵖⵔⵉⴱ ⴷ ⵎⴰ ⵉⵥⵍⵉⵏ ⵙ ⵓⵖⵙⵏⵓ ⵏ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ

ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵕⴰⵙ 23 ⴱⵕⴰⵢⵕ 2022, ⴰⴽⴷ ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜⵏ ⴰⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵎⴰⵙⵙ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⴷ ⵎⴰⵙⵙ ⵕⵉⵢⴰⴹ ⵎⵥⵡⴰⵕ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⴷ ⵎⴰⵙⵙ ⵎⵓⵃⵙⵉ ⵍⵊⴰⵣⵓⵍⵉ, ⴰⵎⴰⵡⵙⴰⵙ ⴰⵎⴰⵔⵉ ⵖⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵓⵎⵎⵔⵡⵙ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵓⴳⴷⵓⴷⴰⵏⵉⵏ, ⵜⴰⵙⵎⵓⵏⵉ ⵍⵍⴰⵏ ⴳⵉⵙ ⵉⴷ ⵎⴰⵙⵙ ⵎⵓⵃⵎⵎⴰⴷ ⵍⴽⵜⵜⴰⵏⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⴳⵔⵓⵎⵎⴰ ⵜⴰⵣⵣⵓⵍⴰⵏⵜ ⵏ ⵉⴷ ⵍⴱⴰⵏⴽ ⵏ ⵍⵎⵖⵔⵉⴱ ⴷ ⵎⵓⵃⵎⵎⴰⴷ ⴽⴰⵔⵉⵎ ⵎⵓⵏⵉⵔ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⴳⵔⵓⵎⵎⴰ ⵜⴰⵣⵣⵓⵍⴰⵏⵜ ⵏ ⵉⴷ ⵍⴱⴰⵏⴽ ⵏ ⵍⵎⵖⵔⵉⴱ, ⴷ ⵛⴰⴽⵉⴱ ⵍⵄⵍⵊ, ⴰⵏⵙⵙⵉⵅⴼ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ, ⴷ ⵎⵓⵃⵎⵎⴰⴷ ⴱⴰⵛⵉⵔⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵎⴰⵡⵓⵏ ⴰⵎⴰⵜⴰⵢ   ⵜⵎⵙⵙⵏⴰⵜⴰⵢ ⵏ ⵍⵎⴰⵖⵔⵉⴱ, ⴷ ⵢⵓⵙⴼ ⵄⴰⵍⴰⵡⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵡⴰⵎⵓⵏ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.

ⵜⵡⴰⵜⵙ ⵜⵙⵎⵓⵏⵉ ⴰⴷ, ⵍⵍⵉ ⴳ ⵉⵍⵍⴰ ⵉⵙⵙⴽⵜⵉ ⵙ ⵜⵖⵍⴰⴼ ⵜⵉⴳⵍⴷⴰⵏⵉⵏ ⵜⵉⵎⴰⵜⵜⴰⵢⵉⵏ ⵉⵥⵍⵉⵏ ⵙ ⵓⵙⵖⵏⵓ ⵏ ⵜⵏⵜⵜⴰⵎⵜ ⵜⴰⵎⴰⵢⵏⵓ ⵏ ⵓⵙⵙⴰⵔⵓ ⴷ ⵓⴼⵙⴰⵔ ⵏ ⵜⵓⵎⴰⵢⵉⵏ ⵜⵉⵅⴰⵜⴰⵔⵉⵏ ⵏ ⵓⵙⵖⵏⵓ ⴰⴷ, ⴰⴹⵎⴰⵏ ⵏ ⵓⵍⵜⴰⵖ ⵏ ⵉⵎⴳⴳⴰⵢⵏ ⵉⴷⵎⵙⴰⵏⵏ ⴷ ⴰⵢⵜ ⵍⴱⴰⵏⴽ, ⴳ ⵓⵙⵙⵔⵇⴱ ⵏ ⵓⵙⵙⴰⵔⵓ. ⵉⵎⴽⵉⵍⵍⵉ ⵉⵡⴰⵜⵙ ⴰⵙⵎⵙⴰⵙⴰ ⵏ ⵜⵎⴳⴳⵉⵢⵉⵏ ⵉⵣⵎⵔⵏ ⴰⴷ ⵉⵣⵓⴳⴳⵣ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵉⵥⵍⵉⵏ ⵙ ⴰⵙⵙⴰⵔⵓ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜ ⴱⴰⴹⵜ ⴳ ⵜⵙⵎⵓⵏⵉ ⴰⴷ ⵙ ⵜⵉⵏⴷⵉ ⵏ ⵜⵣⵎⵎⴰⵔ ⵏ ⵉⴼⵔⴷⵉⵙⵏ ⵎⵣⴰⵔⴰⵢⵏⵉⵏ ⵉⵜⵜⵓⵄⵏⴰⵏ, ⵃⵎⴰ ⴰⴷ ⵙⵙⵉⵍⵉⵏ ⴰⵙⵖⵍ ⵏ ⵢⵉⴳⵔ ⵓⵙⵍⵉⴳ ⴳ ⵉⴷⵉⵔ ⵏ ⴰⴷ ⵉⵍⴽⵎ ⵙⵉⵏ ⵉⴽⵕⴰⴹⵏ ⵉⵖⵣⵓⵔⴰⵏⵏ ⵏ ⵓⵙⵙⴰⵔⵓ ⴷ ⵡⴰⵏⵏⴰⵍ ⵏ ⵜⵉⵍⴰⵍ ⵜⵉⵎⵙⵢⴰⴼⵓⵜⵉⵏ ⵍⵉ ⵉⵙⵃⴷⵓⴷⵉⵏ ⵉⵙⵓⵍⴰⴼ ⵏ ⵜⵡⵓⵔⵉ ⴷ ⵜⵙⵏⵉⵍⴰⵡⵜ ⵏ ⵡⴰⵜⵉⴳ ⴰⵎⵔⵏⵓ, ⵓⵍⴰ ⴰⵎⵢⴰⵡⴰⴷ ⴳ ⵎⴰ ⵉⵇⵇⵏⵏ ⵙ ⵜⵓⵎⴰⵢⵉⵏ ⵏ ⵓⵙⵖⵏⵓ ⵏ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ ⴷ ⵓⵙⵙⴼⵔⵓ ⵏ ⵡⴰⵎⵎⴰⴽⵏ ⵏ ⵡⴰⵏⵏⴰⵍ ⴷ ⵓⴹⴼⴰⵕ.

ⵎⵙⴰⵙⴰⵏ ⵡⵉⵍⵍⵉ ⴰⴽⴽⵯ ⵏⵏ ⵉⵍⵍⴰⵏ ⵖⴼ ⵓⵙⵖⵓⵏ ⵏⵏⵙⵏ ⵉⴷⵓⵙ ⴰⴷ ⵣⵓⴳⴳⵣⵏ ⵉⵙⵡⴰⵍⴰⵜⵏ ⵉⴳⵍⴷⴰⵏ ⵉⵙⵜⵔⴰⵜⵉⵊⵉⵢⵏ, ⴷ ⵓⵙⵎⵀⵍ ⵏ ⵢⵓⵎⴰⵢⵉⵏ ⵜⵓⵍⴳⵉⵏⵉⵏ ⴷ ⵜⵎⴰⴽⵓⵎⵉⵏ ⵍⵍⵉ ⴷ ⵢⵉⵡⵉ ⵓⵙⵖⵏⵓ ⵏ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ, ⵙ ⵓⵡⵜⵜⴰⵙ ⵏ ⵜⵉⴽⴽⵉ ⵏ ⵜⴷⵉⵏⴰⵎⵉⵢ ⵜⴰⵎⴰⵢⵏⵓⵢ ⵉ ⵢⵉⴳⵔ ⵏ ⵓⵙⵙⴰⵔⵓ ⵓⵙⵍⵉⴳ ⴳ ⵜⴳⵍⴷⵉⵜ ⴷ ⵓⵙⵙⵏⵜⵉ ⵏ ⵡⴰⵏⵙⴰ ⵏⵏⵙ ⵉⴳⴰⵏ ⵜⴰⵏⵉⵍⴰ ⵏ ⵓⵙⵙⴰⵔⵓ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ.