ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵏ ⵓⴹⴼⵉⵕ ⵏ ⵓⵣⵓⴳⴳⵣ ⵏ ⵓⵚⵏⴼⴰⵕ ⵏ ⵜⵙⵖⵉⵢⵜ ⵙ ⵓⵏⴳⵔⴰⵡ ⵏ ⵜⴷⵓⵙⵉ

ⵉⵙⵙⵉⵅⴼ ⵎⴰⵙⵙ ⵄⴰⵣⵉⵣ ⴰⵅⵏⵏⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴰⵙⵙ ⵏ ⴰⵙⵉⵏⴰⵙ 11 ⵎⴰⵕⵚ 2025 ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵏ ⵓⴹⴼⵉⵕ ⵏ ⵓⵣⵓⴳⴳⵣ ⵏ ⵓⵚⵏⴼⴰⵕ ⵏ ⵜⵙⵖⵉⵢⵜ ⵙ ⵓⵏⴳⵔⴰⵡ ⵏ ⵜⴷⵓⵙⵉ, ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ.
ⵉⵥⵍⵉ ⵓⴳⵔⴰⵡ ⴰⴷ ⵙ ⵓⴹⴼⵉⵕ ⵏ ⵜⵣⵡⵉⵏ ⵏ ⵓⵣⵓⴳⴳⵣ ⵏ ⵉⵏⴱⴷⴰⴷⵏ ⵏ ⵓⵙⴳⴳⴷ ⴰⴷⵙⴰⵍⵏ ⵏ ⵓⵏⴳⵔⴰⵡ ⵏ ⵜⴷⵓⵙⵉ ⵖ ⵉⵍⵍⴰ : ⵓⵙⵎⵀⵍ ⵏ ⵜⵎⵔⵙⴰⵍ ⵏ ⵜⵉⵏⵏⵓⴱⴹⴰ ⴷ ⵓⴹⴼⵉⵕ ⵏ ⵓⵙⴱⵓⵖⵍⵓ ⵏ ⵜⵓⵙⴽⴰⵡⵉⵏ ⵜⵉⵏⴰⴷⴰⵡⵉⵏ ⴷ ⵜⵙⵎⵓⵟⵟⵓⵏⵜ ⵏ ⵉⴳⵔ ⵏ ⵜⴷⵓⵙⵉ ⴷ ⵓⵙⵙⵓⴳⵜ ⴰⵡⴷ  ⴳ ⵉⵎⵙⵡⵓⵔⵉⵏ ⴳ ⵉⴳⵔ ⵏ ⵜⴷⵓⵙⵉ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⴳⵔⴰⵡ ⴰⴷ ⵎⴰ ⵙ ⵜⴹⴼⴰⵕ ⵜⵏⴱⴰⴹⵜ ⴰⵙⴼⵓⵍⴽⵉ ⵙ ⵓⴼⵙⴰⵔ ⴰⴷⵓⵙⴰⵏ ⵙ ⵜⵎⴰⵙⴰⵢⵜ ⴷ ⵜⵎⴳⴳⵉⵢⵉⵏ ⵜⵥⵕⴼⴰⵏⵉⵏ ⴷ ⵜⵏⴰⴼⴳⴰⵏⵉⵏ ⵙ ⵓⵙⵎⵙⴰⵙⴰ ⵏ ⵜⵓⵜⵜⵔⵉⵡⵉⵏ ⵏ ⵓⵚⵏⴼⴰⵕ ⴰⴳⵍⴷⴰⵏ ⵉⵥⵍⵉⵏ ⵙ ⵡⴰⵔⴰⵢ ⴰⵏⴰⵎⵓⵏ, ⵉⵏⵏⴰ ⴰⵡⴷ ⴰⵎ ⵙ ⵉⴳⴰ ⵡⵓⵜⵜⴰⵙ ⵜⵏⴼⵔⵓⵜ ⵏ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵜⵉⴷⵓⵙⴰⵏⵉⵏ ⵉⵔⵡⴰⵏⵏ ⵍⵍⵉ ⵉⵜⵜⵔⴰⵔⵏ ⵉⵙⵖⴰⵡⵙⴰⵏ ⵉⵎⵖⵔⴰⴱⵉⵏ ⴷ ⵓⵙⴷⵓⵙ ⵏ ⵉⵏⴱⴰⴷⴰⴷⵏ ⵏ ⵡⴰⵏⴽ ⴰⵏⴰⵎⵓⵏ ⵖⵉⴽⵍⵍⵉ ⵙ ⵉⵔⴰ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⵔⴱⴱⵉ.
ⵉⵜⵜⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴷ ⵢⵉⵍⵉ ⵓⵖⴰⵡⵍ ⴷ ⵜⵕⵡⵉ ⴱⴰⵛ ⴰⴷ ⴽⵎⵎⵍⵏ ⵉⵚⵏⴼⴰⵕⵏ ⵉⵥⵍⵉⵏ ⵙ ⵉⵙⵡⵉⵔⵏ ⵏ ⵓⵙⵊⵊⵉ ⵇⴱⵍ ⵜⵉⵣⵉ ⵉⵜⵜⵡⵎⵍⴰⵏ ⴷ ⵓⵙⴽⴰⵔ ⵏ ⵜⵎⴳⴳⵉⵢⵉⵏ ⵍⵍⵉ ⵙ ⵉⵇⵇⴰⵏ ⴳ ⵓⵙⵏⵓⴱⴱⴳ ⵏ ⵉⵏⵙⵎⵔⴰⵙⵏ ⴷ ⵓⵙⵔⵅⵓ ⵏ ⵓⵙⵉⴷⴼ ⵙ ⵉⵙⵊⵊⵉⵜⵏ ⴳ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⵜⵉⴳⴷⵓⴷⴰⵏⵉⵏ. 
ⵓⴳⴳⴰⵏ ⵏⵏ ⴳ ⵓⴳⵔⴰⵡ ⴰⴷ ⵅⴼ ⵜⵣⵡⵉⵏ ⵏ ⵓⵣⵓⴳⴳⵣ ⵏ ⵜⵉⵏⵏⵓⴱⴹⴰ ⵜⵉⵎⵕⵡⵉⵜ ⵍⵍⵉ ⵜⴳⴳⴰ ⵜⵏⴱⴰⴹⵜ ⴳ ⵉⴳⵔ ⴰⴷ ⵖ ⵉⵍⵍⴰ ⵓⵙⵎⵍⵀ ⵏ ⵜⵙⵏⵓⵔⴰⵢⵜ ⵜⴰⵏⴰⴼⵍⵍⴰⵜ ⵏ ⵜⴷⵓⵙⵉ ⴷ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⵙⴰⴼⴰⵔⵏ ⴷ ⵉⵎⵙⵢⵓⴼⴰ ⵏ ⵜⴷⵓⵙⵉ ⴷ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵉⴷⴰⵎⵎⵏ ⴷ ⵉⵏⴰⴼⵓⵖⵏ ⵏⵏⵙ ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⵙⵍⴳⵏ ⴷ ⵓⵣⵎⵎⴻⵎ ⵏ ⵜⵡⵓⵔⵉ ⵏ ⵉⵎⴷⵔⴰⵡⵏ ⴷ ⵓⵙⵖⵓⴷⵓ ⵏ ⵜⵉⵏⵏⵓⴱⴹⴰ ⵏ ⵓⵙⵊⵊⵉ ⴷ ⵓⵙⵖⵉⵡⵙ ⴰⵏⴽⵍⴰⵏ ⵏ ⵓⴼⵙⴰⵏ ⵏ ⵜⴷⵓⵙⵉ.
ⵉⵍⵍⴰ ⴰⵡⴷ ⵓⵙⵓⵙⵙⵏ ⴳ ⵓⴳⵔⴰⵡ ⴰⴷ ⵙ ⵎⴰⵏⵉ ⵜⵍⴽⵎ ⵜⵡⵓⵔⵉ ⴳ ⵓⵣⵓⴳⴳⵣ ⵏ ⵜⵓⵚⴽⴰ ⴷ ⵡⴰⵍⵍⴰⵙ ⴷ ⵓⵙⵎⵓⵜⵜⴳ ⵏ 6 ⵏ ⵉⵙⴳⵏⴰⴼ ⵉⵙⴷⴰⵡⴰⵏ ⴷ 79 ⵏ ⵉⵙⴳⵏⴰⴼ ⵉⵏⵎⵏⴰⴹⵏ ⴷ ⵉⵙⴳⴰⵡⴰⵏⵏ ⵍⵍⵉ ⵉⵙⴽⵔ ⵜⵥⴹⴰⵕⵜ ⵏ ⵎⴰ ⵉⵜⵜⴳⴰⵏ 11.338 ⵏ ⵜⵙⵉⵢⵉⵏ.

 

ⵖⵉⴽⵍⵍⵉ ⵏⵏ ⵓⴳⴳⴰⵏ ⵅⴼ ⵓⵏⵚⵏⴼⴰⵕ ⵏ ⵜⵙⵎⵓⵟⵟⵓⵏⵜ ⵏ ⵉⴳⵔ ⵏ ⵜⴷⵓⵙⵉ ⵜⴰⵏⴰⵎⵓⵔⵜ ⵙ ⵜⵖⵔⴰⵙⵜ ⵏ ⵓⵙⴽⴰⵔ ⵏ ⵓⵖⴰⵡⴰⵙ ⴰⵎⴰⵟⵟⵓⵏⵉⵎⵔⵙⵏ ⵉⵥⵍⵉⵏ ⵙ ⵓⵙⵎⵓⵏ ⴷ ⵓⵙⴰⵙⴼⵔ ⵏ ⵓⵛⵛⵉⵍⵏ ⵉⴷⵙⴰⵍⵏ ⴳ ⵉⴳⵔ ⵏ ⵜⴷⵓⵙⵉ, ⵖⵉⴷ ⵔⴰⴷ ⵢⵉⵍⵉ ⵓⵙⴳⵎⴹ ⵏ ⵢⴰⵜ ⵜⵎⴰⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵏⴳⵔ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵜⴰⵎⴰⵡⴰⵙⵜ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵜⴼⵏⵏⵉⵇⵜ ⵜⴰⵏⴰⵎⵓⵔⵜ ⵏ ⵜⴼⵔⴰ ⵜⴰⵏⴰⵎⵓⵏⵜ ⵃⵎ ⴰⴷ ⵢⵉⵍⵉ ⵓⵙⵎⵙⴰⵙⴰ ⴷ ⵜⵕⵡⵉ ⵜⴰⵥⵕⴼⴰⵏⵜ ⴳ ⵎⴰ ⵉⵥⵍⵉⵏ ⵙ ⵓⵣⵓⴳⴳⵣ ⵏ ⵓⵏⴳⵔⴰⵡ ⴰⵎⴰⵟⵟⵓⵏ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ.
ⴰⵢⴷⴰ ⵉⵥⵍⵉⵏ ⵙ ⵓⵙⵙⵓⴳⵜ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴳ ⵓⵏⴳⵔⴰⵡ ⵏ ⵜⴷⵓⵙⵉ ⵜⴰⵏⴰⵎⵓⵔⵜ, ⵉⵍⵍⴰ ⵓⵎⴹⴰⴽⴰⵕ ⵅⴼ ⵓⵙⵡⵓⴷⴷⵓ ⵏ ⵓⵖⴰⵡⴰⵙ ⵏ ⵓⵙⵅⵉⵜⵔ ⴳ ⵓⵟⵟⵓⵏ ⵏ ⵉⵎⵙⵡⵓⵔⵉⵏ ⴳ ⵉⴳⵔ ⵏ ⵜⴷⵓⵙⵉ ⵖⵉⴷ ⵙ ⵓⵙⴳⴳⵯⴰⵙ ⵏ 2030. ⵖ ⵖⵉⴷ ⵜⵜⵓⵣⵎⵎⴰⵎⵏ ⵉⵥⵎⵎⵓⵥⴰⵍ ⵉⵥⵍⵉⵍⵏ ⴳ ⵉⴼⵔⴷⵉⵙⵏ ⵉⵍⵍⴰⵏ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⵉⵥⵍⵉⵏ ⵙ ⵓⵖⴰⵡⴰⵙ ⵉⵜⵜⵓⵙⴳⵎⴰⴹⵏ ⴳ ⵢⵓⵍⵓⵣ 2022, ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⴷ ⵜⵥⵥⵉⵎⵥⵉ ⴳ ⵜⴷⵔⵓⵙⵉ ⵉⵍⵍⴰⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⵏ ⵜⴷⵓⵙⵉ ⴷ ⵓⵙⴳⴳⴷ ⵏ ⵓⵏⴳⵔⴰⵡ ⵏ ⵓⵙⵎⵓⵜⵜⴳ. ⵖⵉⴽⵍⵍⵉ ⵏⵏ ⵓⴳⴳⴰⵏ ⴳ ⵎⴰⵏⵉ ⵜⵉⵡⴹ ⴰⵡⵓⵔⵉ ⴳ ⵓⵙⴽⴰⵔ ⵏ ⵜⵉⵖⵉⵡⴰⵏⵉⵏ ⵏ ⵜⵙⵏⵉⵊⵊⵉⵜ ⴷ ⵜⵙⵏⵙⴼⴰⵔⵜ ⴳ ⵓⴳⵍⵎⵉⵎ ⴷ ⵕⵕⴰⵛⵉⴷⵢⴰ ⴷ ⴱⵏⵉⵎⵍⵍⴰⵍ ⴷ ⵓⴹⴼⵉⵕ ⵏ ⵓⵣⵓⴳⴳⵣ ⵏ ⵓⵙⴳⴷⴷ ⵉⵥⵍⵉⵏ ⵙ ⵜⴱⵔⵉⴷⵜ ⵏ ⵓⵙⵎⵓⵜⵜⴳ ⵏ ⵉⵎⵙⵡⵓⵔⵉⵏ ⵏ ⵜⴷⵓⵙⵉ.