ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵙⴳⵎⴹⵏ ⵜⵎⵢⴰⵇⵇⴰⵏⵜ ⴷ ⵜⵔⴰⴱⴱⵓⵜ ⵏ ⵙⵙⵉⵏ ⵚⴰⵏⵕⵕⴰⵢⵥ ⵉⵅⴰⵜⵔⵏ ⴳ ⵉⴳⵔ ⵏ ⵜⵓⵥⴹⵉⴹⵜ

• ⵔⴰⴷ ⵉⵙⴽⵔ ⵓⵚⵏⴼⴰⵕ ⵓⵙⴽⴰⵔ 7.000 ⵏ ⵓⵣⵎⵣ ⵏ ⵜⵡⵓⵔⵉ ⵓⵙⵔⵉⴷ ⴷ ⵎⴰ ⵉⵣⵔⵉⵏ 1.500 ⵏ ⵓⵣⵎⵣ ⵏ ⵜⵡⵓⵔⵉ ⵡⴰⵔ ⵓⵙⵎⵉⴷ ;
• ⴰⵙⵙⴰⵔⵓ ⵏ 2.3 ⵎⵍⵢⴰⵕ ⵏ ⵓⴷⵉⵔⵀⴰⵎ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵓⵎⵃⵉⵣⵡⴰⵔ ⵏ ⵜⵓⵥⴹⵉⴹⵜ ⵜⴰⵏⵎⵓⵔⵜ ;

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵓⴽⵡⴰⵙ 20 ⵎⴰⵕⵚ 2025 ⴳ ⵕⵕⴱⴰⵟ ⴰⵙⴳⵎⴹⵏ ⵜⵎⵢⴰⵇⵇⴰⵏⵜ ⴷ ⵜⵔⴰⴱⴱⵓⵜ ⵏ ⵙⵙⵉⵏ ⵚⴰⵏⵕⵕⴰⵢⵥ ⵉⵅⴰⵜⵔⵏ ⴳ ⵉⴳⵔ ⵏ ⵜⵓⵥⴹⵉⴹⵜ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵖⵓⴷⵓ ⵏ ⵓⵎⵃⵉⵣⵡⴰⵔ ⵏ ⵜⵓⵥⴹⵉⴹⵜ ⵜⴰⵏⵎⵓ ⴷ ⵓⵙⴷⵓⵙ ⵏ ⵡⴰⴷⴷⴰⴷ ⵏ ⵜⴳⵍⴷⵉⵜ ⵃⵎⴰ ⴰⴷ ⵜⴳ ⵜⵎⵣⵡⴰⵔⵓⵜ ⵜⵙⴳⴰⵡⴰⵏⵜ ⴳ ⵉⴳⵔ ⵏ ⵜⵓⵥⴹⵉⴹⵜ ⵙ ⵓⵎⵙⴰⵙⴰ ⵏ ⵉⵥⵉⵕ ⵉⴼⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ. 
ⵙ ⵜⵖⴰⵔⴰⵙⵜ ⵏ ⵓⵙⵙⴰⵔⵓ ⴰⴷ ⵎⵓ ⵉⴳⴰ ⵡⴰⵜⵉⴳ ⴰⵎⴰⵜⴰⵢ ⵏⵏⵙ ⵏ ⵓⵙⵙⴰⵔⵓ 2.3 ⵎⵍⵢⴰⵕ ⵏ ⵓⴷⵉⵔⵀⴰⵎ, ⵔⴰⴷ ⵜⵜⵓⵙⴽⵉⵔⵏ ⵙⵉⵏ ⵉⴼⴷⵔⴰⵙ ⵏ ⵜⵎⴳⵓⵔⵉ ⴳ ⵙⵙⵅⵉⵕⴰⵜ ⴷ ⵎⴽⵏⴰⵙ, ⵎⵢⴰⵏ ⵔⴰⴷ ⵢⴰⵡⵙ ⴳ ⵓⵙⴽⴰⵔ ⵢⴰⵏ ⵓⵥⵟⵟ ⴰⵏ ⵜⵊⴰⵡⵜ ⵏ ⵜⵓⵥⴹⵉⴹⵜ ⵉⵙⵎⴷⵏ ⴷ ⵓⵙⴽⴰⵔ 7.000 ⵏ ⵓⵣⵎⵣ ⵏ ⵜⵡⵓⵔⵉ ⵓⵙⵔⵉⴷ ⴷ ⵎⴰ ⵉⵣⵔⵉⵏ 1.500 ⵏ ⵓⵣⵎⵣ ⵏ ⵜⵡⵓⵔⵉ ⵡⴰⵔ ⵓⵙⵎⵉⴷ ⴷ ⵓⵙⵖⵓⴷⵓ ⵏ ⵡⴰⴷⴷⴰⴷ ⵏ ⵜⴳⵎⵍⴷⵉⵜ ⴳ ⵓⵙⴷⴷⵉ ⵏ ⵓⵙⵢⴰⴼⵓ ⴰⴳⵔⵖⵍⴰⵏ. 
ⵔⴰⴷ ⵉⴳ ⵓⵙⵙⴰⵔⵓ ⴰⴷ ⵢⴰⵜ ⵜⵏⵉⵎⵓⵔⵜ ⵉⵅⴰⵜⵔⵏ ⴳ ⵓⵙⵙⵓⵊⴷ ⵏ ⵉⴼⵉⵍⵓ ⴷ ⵜⵎⴳⵓⵔⵉ ⵏ ⵜⵎⵍⵙⵉⵜ ⵉ ⵜⵎⵙⵙⵏⵜⴰⵢ ⵜⵎⵖⵔⵉⴱⵉⵏ ⴷ ⵓⴽⵔⵉ ⵏ ⵓⵣⵎⵣ ⴷ ⵡⴰⵥⵥⴰⵢⵏ ⵏ ⵜⵏⵓⴼⴰ ⵜⵉⵍⵓⵊⵉⵙⵜⵉⴽⵉⵏ ⴷ ⵓⵔⴰⵔ ⵅⴼ ⵜⵓⵜⵔⵡⵉⵏ ⵜⴳⵔⴰⵖⵍⴰⵏⵉⵏ ⴱⵍⴰ ⵉⵔⵇⵇⴰⵙⵏ, ⵎⴰⵢⴰⵏⵏ ⵔⴰⴷ ⵢⴰⵡⵙ ⴳ ⵓⵖⴱⵓⵖⵍⵓ ⵏ ⵜⵎⵙⵙⵓⴳⴰⵔ ⵏ ⵉⴳⵔ ⴰⴷ ⴳ ⵜⵎⴰⵣⵉⵜ ⵏⵏⵖ ⴷ ⵓⵙⴷⵓⵙ ⵏ ⵜⵥⴹⵉⵕⵜ ⵏ ⵓⵎⵃⵉⵣⵡⴰⵔ ⵏ ⵜⵎⵙⵙⵏⵜⴰⵢ ⵜⵉⵏⴰⵎⵓⵔⵉⵏ ⴷ ⵓⵏⵏⵓⵕⵥⵎ ⵏⵙⵏⵜ ⵅⴼ ⵉⴳⴰⴷⴰⵣⵏ ⵉⵎⴰⵢⵏⵓⵜⵏ. 

ⵉⵡⵉ ⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⴳⵓⵔⵉ ⵏⵏⵙ ⴳ ⵓⵣⵎⵣⵣⵓ ⴰⴷ ⵎⴰ ⵙ ⵉⴳⴰ ⵓⵚⵏⴼⴰⵕ ⴰⴷ ⵉⵅⴰⵜⵔⵏ ⵢⴰⵜ ⵜⵎⴰⵜⴰⵔⵜ ⵏ ⵜⵣⴷⴰⵢⵉⵏ ⵢⴰⵜⵜⵓⵢⵏ ⵏⴳⵔ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵚⵚⵉⵏ ⵜⴰⴳⴷⵓⴷⴰⵏⵜ ⵅⴼ ⴱⵉⴷⴷⵏ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⵙ ⵙⵏⴰⵜ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴷ ⵎⴰⵙⵙ ⵛⵉⵊⵉⵏ ⴱⵉⵏⵖ ⴷ ⴰⵔ ⵉⵎⵎⴰⵍⴰ ⵜⵎⵢⵉⵎⴰⵏⵜ ⵏ ⵉⵎⵙⵙⴰⵔⵓⵜⵏ ⴳ ⵜⵎⴰⵣⵉⵔⵜ ⵏⵏⵖ.
ⵉⵙⴱⴰⵢⵏ ⴷ ⵓⵏⵙⵙⵉⵅⴼ ⵏ ⵜⵏⴱⴰⴷⵜ ⵎⴰ ⵙ ⵔⴰⴷ ⵜⴰⵡⵙ ⵖⵓⵔ ⵜⵎⵢⴰⵇⵇⴰⵏⵜ ⴰⴷ ⵓⵙⵙⴰⵔⵔⵓ ⴷ ⵜⵔⴰⴱⴱⵓⵜ ⵏ ⵚⴰⵏⵕⵕⴰⵢⵥ ⴳ ⵓⵙⴽⴰⵔ ⵏ 8.500 ⵏ ⵓⵣⵎⵣ ⵏ ⵜⵡⵓⵔⵉ ⵙ ⵓⵎⵙⴰⵙⴰ ⵏ ⵜⵙⵜⵕⴰⵜⵉⵊⵉⵜ ⵏ ⵜⵏⴱⴰⴹⵜ ⵉⴼⴽⴰⵏ ⵢⴰⵏ ⵡⴰⴷⴷⵓⵔ ⵎⵇⵇⵓⵔⵏ ⵏ ⵜⵏⴽⵔⴰ ⵙ ⵓⵙⵡⵓⵔⵉ.
ⵉⵙⴳⵎⴹ ⵜⴰⵎⵢⴰⵇⵇⴰⵏⵜ ⴰⴷ ⵏ ⵓⵙⵙⴰⵔⵓ ⴳ ⵜⵙⴳⴰ ⵏ ⵚⵚⵉⵏ ⵎⴰⵙⵙ ⵍⵉⵛⵓ ⴰⵏⵙⵙⵉⵅⴼ ⵏ ⵜⵔⴰⴱⴱⴰⵓⵜ ⵏ ⵚⴰⵏⵕⵕⴰⵢⵥ, ⴳ ⵜⵙⴳⴰ ⵏ ⵍⵎⵖⵔⵉⴱ ⵉⵙⵜ ⵎⴰⵙⵙ ⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵓⴳⵯⵏⵙ, ⵄⴰⴱⴷⵍⵡⴰⴼⵉ ⵍⴼⵜⵉⵜ ⴷ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜ ⵥⵕⴼⵜ, ⵏⴰⴷⵢⴰ ⴼⵜⵜⴰⵃ ⴷ ⵓⵎⴰⵡⵙⴰⵙ ⵏ ⵓⵇⵡⵡⵎ ⴷ ⵡⵎⴰⵏ, ⵏⵉⵥⴰⵕ ⴱⴰⵕⴰⴽⴰ ⴷ ⵜⵎⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴷ ⵓⵙⵖⵔⵎ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⴼⴰⵜⵉⵎⴰ ⵥⵥⴰⵀⵕⴰ ⵍⵎⵏⵚⵓⵕⵉ ⴷ ⵓⵎⵡⴰⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵥⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ, ⵢⵓⵏⵙ ⵙⴽⴽⵓⵔⵉⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵕⵢⴰⴹ ⵎⵥⵓⵕ ⴷ ⵓⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵄⴰⵣⴷⴷⵉⵏ ⵎⵉⴷⴰⵡⵉ ⴷ ⵜⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⵙⵓⵍⴰⵏⵜ, ⵍⴰⵢⵍⴰ ⴱⵏⵄⵍⵉ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵙⵎⵙⴰⵙⴰ ⴷ ⵓⵙⵜⴰⵍ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ, ⴽⴰⵔⵉⵎ ⵣⵉⴷⴰⵏ, ⴷ ⵓⵎⴰⵡⴰⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ, ⴼⴰⵡⵣⵉ ⵍⵇⵇⵊⵄ. ⵉⵃⴰⴹⵕ ⴰⵡⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⴳⵎⵉ ⵉⵙⵙⴰⵔⵓⵜⵏ ⴷ ⵉⵙⵉⴼⴹⵏ, ⵄⵍⵉ ⵚⴰⴷⵉⵇⵉ.