ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⴱⵔⵔⴽ ⴰⵎⴰⵡⵙⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰ ⵜⴰⵏⵉⵙⵍⵎⵜ ⵏ ⵎⵓⵔⵉⵟⴰⵏⵢⴰ ⵍⵍⵉ ⴷ ⵢⵓⵙⴰⵏ ⵙ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵜⵏⵇⵇⵉⵙⵜ ⵜⴰⵏⴰⴼⵍⵍⴰⵜ ⵉⵛⵛⴰⵔⵏ ⵜⴰⵎⵖⵔⵉⴱⵉⵜ - ⵜⴰⵎⵓⵔⵉⵜⴰⵏⵉⵜ
ⵉⵙⴱⵔⵔⴽ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⴽⴷ ⵢⵉⵍⵉ ⵏ ⵓⴰⵡⴰⵙ ⵏ ⵉⵙⴽⴽⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵢⵉⴼⵔⵉⵇⵉⵢ ⴷ ⵉⵎⵖⵔⴰⴱⵉⵢⵏ ⵏⵏⴰ ⵉⵍⵍⴰⵏ ⴱⵕⵕⴰ, ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵙⵙ ⵏ ⵓⵙⵉⵎⵡⴰⵙ 11 ⵎⴰⵕⵚ 2022 ⴳ ⵓⴷⵖⴰⵔ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⴳ ⵕⵕⴱⴰⴹ, ⵎⴰⵙⵙ ⵎⵓⵃⵎⵎⴰⴷ ⵡⵍⴷ ⴱⵉⵍⴰⵍ ⵎⵙⵄⵓⴷ, ⴰⵎⴰⵡⴰⵙ ⴰⵎⵣⵡⴰⵔⵓ ⵏ ⵜⴳⴷⵓⴷⴰⵏⵜ ⵜⴰⵢⵉⵙⵍⵎⵜ ⵜⴰⵎⵓⵔⵉⵜⴰⵏⵉⵢⵜ, ⵏⵏⴰ ⵉⵍⵍⴰⵏ ⴳ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵜⵏⵇⵇⵉⵙⵜ ⵉⵛⵛⴰⵔⵏ ⵜⴰⵎⵖⵔⵉⴱⵉⵜ- ⵜⴰⵎⵓⵔⵉⵜⴰⵏⵉⵜ, ⴳ ⵜⵉⴽⴽⵍⵜ ⵏⵏⵙ ⵜⵉⵙⵙ ⵜⴰⵎ, ⵏⵏⴰ ⵉⵜⵜⵡⴰⴳⴳⵏ ⴳ ⵕⵕⴱⴰⴹ.
ⵉⵏⵙⵙⵉⵅⴼ ⵜⵉⵡⵓⵔⵉⵡⵉⵏ ⵏ ⵜⵏⵇⵇⵉⵙⵜ ⵜⴰⵏⴰⴼⵍⵍⴰⵜ ⵉⵛⵛⴰⵔⵏ ⵜ ⴰⵎⵖⵔⵉⴱⵉⵢⵜ - ⵜⴰⵎⵓⵔⵉⵜⴰⵏⵉⵢⵜ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴷ ⵓⵎⵏⵉⴷ ⵏⵏⵙⵏ ⵎⵓⵔⵉⵜⴰⵏⵢⴰ, ⴰⵏⵙⵙⵉⵅⴼ ⴰⵎⵣⵡⴰⵔⵓ , ⵎⴰⵙⵙ ⵎⵓⵃⵎⵎⴰⴷ ⵡⵍⴷ ⴱⵉⵍⴰⵍ ⵎⵙⵄⵓⴷ ⵏⵏⴰ ⴷ ⵉⵎⵓⵏⵏ ⴷ ⵢⴰⵏ ⵓⴽⴰⴱⴰⵕ ⴳ ⵍⵍⴰⵏ ⵉⵎⴰⵡⴰⵙⵏ ⴷ ⵉⵙⴱⴷⴰⴷⵏ ⵉⵅⴰⵜⴰⵔⵏ ⴷ ⵉⵔⴳⴰⵣⵏ ⵏ ⵜⵡⵓⵔⵉⵡⵉⵏ. ⴰⵔ ⵉⵎⵎⴰⵍ ⵓⵏⵎⵓⴳⴳⴰⵔ ⴰⴷ ⴰⵢⵏⵏⴰ ⵉⵍⵍⴰⵏ ⴳⵔ ⵜⵎⵉⵣⴰⵔ ⴰⴷ ⵏ ⵜⵖⴰⵡⵙⵉⵡⵉⵏ ⵉⵛⵛⴰⵔⵏ, ⴰⵢⴷⴷⵖ ⵍⵍⴰⵏⵜ ⵜⵣⴷⴰⵢⵉⵏ ⵉⵙⵎⵓⵏⵏ ⴳⵔ ⵍⵎⵖⵔⵉⴱ ⴷ ⵎⵓⵔⵉⵜⴰⵏⵢⴰ ⵍⵍⵉ ⵉⵥⵍⵉⵏ ⴳⵏⵜ ⵜⵉⵏ ⵜⴰⵡⵎⴰⵜ ⴳ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⵏⵏⴰ ⵙⵏⴰⵔⴰⵏ ⵉⵎⵇⵇⵔⴰⵏⵏ ⵏ ⵜⵎⵉⵣⴰⵔ ⵙⵙⵉⵏ, ⴱⴰⴱ ⵏ ⵜⵎⴰⴳⴰⵔⵜ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵕⴱⴱⵉ ⴰⴷ ⵜ ⵢⴰⵊⵊ, ⴷ ⵓⵎⵇⵇⵔⴰⵏ ⴰⵏⵙⵙⵉⵅⴼ ⵎⵓⵃⵎⵎⴰⴷ ⵡⵍⴷ ⵛⵛⵉⵅ ⵍⵖⵣⵡⴰⵏⵉ.
ⴳ ⵓⵏⵎⵓⵇⵇⴰⵔ ⴰⴷ, ⵙⴷⴷⵉⴷⵏⵜ ⵜⵙⴳⴳⵉⵡⵉⵏ ⵅⴼ ⵡⵓⴷⴷⵓⵔ ⵏ ⵜⵉⴳⴳⵉ ⵏ ⵜⵉⴽⴽⵍⵜ ⵜⵉⵙⵙ ⵜⴰⵎ ⵏ ⵜⵏⵇⵇⵉⵙⵜ ⵜⴰⵏⴰⴼⵍⵍⴰⵜ ⵉⵛⵛⴰⵔⵏ ⴷⴼⴼⵉⵔ ⵏ ⴷⴰⵔ ⵜⴰⵎ ⵏ ⵉⵙⴳⴳⵯⴰⵙⵏ ⵍⵍⵉⵖ ⴳ ⵜⵍⵍⴰ ⵜⵙⵓⵜⵍⵜ ⵏⵏⵙ ⵜⴰⵎⴳⴳⴰⵔⵓⵜ ⴳ ⵏⵡⴰⴽⵛⵓⵟ ⵓⵙⵙⴰⵏ ⵏ 23 ⴷ 24 ⴰⴱⵔⵉⵍ 2013, ⴰⵢⴷⴷⵖ ⵜⴳⴰ ⵢⴰⵜ ⵜⵎⵎⴰⴽⵜ ⵏ ⵓⵙⵙⵏⵜⵉ ⵏ ⵓⵎⵢⴰⵡⴰⵙ ⴰⵙⵜⵔⴰⵜⵉⵊⵉⵢ ⴰⵅⴰⵜⴰⵔ, ⵙ ⵓⵣⵣⴳⴰⵔ ⵏ ⵜⵏⵎⵎⴰⵍⵉⵏ ⵏ ⵉⵎⵃⵔⴰⵢ ⵏ ⵜⵎⵉⵣⴰⵔ ⵙ ⵙⵏⴰⵜ.
.jpeg)
ⵙⵙⵉⵡⵍⵏⵜ ⵜⵙⴳⴳⵉⵡⵉⵏ ⵙ ⵙⵏⴰⵜ ⵅⴼ ⵓⵙⵡⵓⵏⴼⵓ ⵏⵏⵙⵏⵜ ⵉ ⵓⴱⵓⵖⵍⵍⵓ ⵉⵍⵍⴰⵏ ⵙ ⵜⴰⵣⵣⵍⴰ ⵏⵏⴰ ⵉⵙⵙⵏ ⵓⵖⴰⵔⴰⵙ ⵏ ⵓⵎⵢⴰⵡⴰⵙ ⴰⵙⵉⵏⴰⵏ ⴳ ⵉⵙⴳⵯⴰⵙⵏ ⴰⴷ ⵉⵎⴳⴳⵯⵓⵔⴰ, ⵙⴷⴷⵉⴷⵏ ⵅ ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵎⵖⵔⴰⴱⵉⵢⵉⵏ ⴷ ⵜⵎⵓⵔⵉⵜⴰⵏⵢⵉⵏ, ⵏⴰ ⵉⴳⴰⵏ ⵢⴰⵜ ⵜⵖⴰⵡⵙⴰ ⵉⵙⵙⴰⵡⵀⵎⵎⴰⵏ ⵎⵇⵇⴰⵔ ⵍⵍⴰⵏⵜ ⵜⴱⴱⴰⵢⴹⴰⵕⵉⵏ ⵏⵏⴰ ⵉⵙⴱⴷⴷⴰⵏ ⴰⴷⵖⴰⵔ ⴰⵎⴰⵖⴰⵔⵉⴱⵉⵢ, ⴷ ⴰⴼⴰⴷ ⴰⴷ ⵙⵙⵉⵙⴼⵉⵡⵏ ⵓⴷⴷⵓⵔ ⵏⵏⴰ ⵜⵜⵓⵔⴰⵔⵏⵜ ⵜⵎⵉⵣⴰⵔ ⴳ ⵍⵀⵏⴰ ⴷ ⵍⴰⵎⴰⵏ ⵉⵏⵎⵏⴰⴹⵏ.
ⵇⴰⴷ ⵜⴳ ⵜⵙⵓⵍⵜ ⴰⴷ ⵜⵉⵙⵙ ⵜⴰⵎ ⵏ ⵜⵏⵇⵇⵉⵙⵜ ⵜⴰⵎⴰⴼⵍⵍⴰⵜ ⵉⵛⵛⴰⵔⵏ ⵜⴰⵎⵖⵔⵉⴱⵉⵜ ⵜⴰⵎⵓⵔⵉⵜⴰⵏⵉⵜ ⵢⴰⵏ ⵓⵎⵡⴰⵊⴱ ⵏ ⵜⵉⴽⴽⵉ ⵏ ⵢⴰⵏ ⵓⵜⴽⴽⵯⴰⵢ ⴰⵎⴰⵢⵢⵓⵏⵓ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵉⵙⵡⵉⵔⵏ ⵉⵎⵢⴰⵏⴰⵡⵏ, ⴰⵢⴷⴷⵖ ⵣⵎⵔⵏⵜ ⵜⵡⵓⵔⵉⵡⵉⵏ ⵏ ⵜⵙⵓⵍⵜ ⴰ ⴰⴷ ⵙⵙⴳⵎⴹⵏⵜ ⵅⴼ ⵢⴰⵏ ⵓⴳⵓⴷⵉ ⵏ ⵜⵎⵎⵢⴰⵇⵇⴰⵏⵉⵏ ⵉⵙⵙⴰⵡⵀⵎⵎⴰⵏ ⴳ ⵢⵉⴳⵔⴰⵏ ⵉⵎⵢⴰⵏⴰⵡⵏ.
