ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵉⵅⴼ ⵜⵉⵡⵓⵔⵉⵡⵉⵏ ⵏ ⵜⵙⵎⵓⵏⵉ ⵜⴰⴳⵔⵎⴰⵡⴰⵙⵜ ⵜⵉⵙⵙ ⴽⵕⴰⴹⵜ ⵖⴼ ⵓⵙⵖⵏⵓ ⵏ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵖⵍⵍⴰ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⴽⵕⴰⵙ 13 ⵉⴱⵔⵉⵔ 2022 ⴳ ⵕⵕⴱⴰⵟ, ⵜⴰⵙⵎⵓⵏⵉ ⵜⴰⵔⴳⵡⴰⵙⴰⵙⵜ ⵜⵉⵙⵙ ⴽⵕⴰⴹⵜ ⵖⴼ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ, ⵙ ⵜⵉⵍⵉⵜ ⵏ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵎⴰⵙⵙ ⵄⴱⴷ ⵍⵡⴰⴼⵉ ⵍⴼⵜⵉⵜⵏ ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ, ⵎⴰⵙⵙ ⵎⵓⵎⵎⴰⴷ ⵃⵊⵡⵉ, ⴷ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ, ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⴷ ⵓⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⴰⵜⴰⵢⵜ ⵜⴰⵎⵥⵥⵢⴰⵏⵜ ⴷ ⵜⵡⵓⵔⵉ ⴷ ⵜⵙⵓⴳⴰⵔ, ⵎⴰⵙⵙ ⵢⵓⵏⵙ ⵙⴽⵓⵔⵉ, ⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵎⴰⵙⵙ ⵕⵉⵢⴰⴷ ⵎⵥⵡⴰⵕ, ⴷ ⵜⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⵏ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ, ⵎⴰⵙⵙ ⴼⴰⵟⵉⵎ ⵣⵣⵀⵕⴰ ⵄⵎⵎⵓⵔ, ⴷ ⵓⵎⴰⵡⵙⴰⵙ ⴰⵎⴰⵔⵉ ⵖⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵓⵎⵎⵔⵡⵙ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵎⴰⵙⵙ ⵎⵓⵃⵙⵉⵏ ⵊⴰⵣⵓⵍⵉ, ⴷ ⵜⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ, ⵎⴰⵙⵙⴰ ⵖⵉⵜⴰ ⵎⵥⵡⴰⵕ.
ⵜⴷⴷⴰ ⴷ ⵜⵙⵎⵓⵏⵉ ⴰⴷ ⴳ ⵓⵙⴰⵜⵉ ⵏ ⵓⴹⴼⴰⵕ ⵏ ⵉⵙⴰⵡⵔⵏ ⵏ ⵉⵥⵍⵉⵏ ⵙ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ, ⵍⵍⵉ ⵎⵉ ⵙⵡⵓⵔⵉⵏ ⵢⵉⴳⵔⴰⵏ ⵉⵎⴰⵡⵙⴰⵙⵏ ⵖⴼ ⵓⵣⵓⴳⴳⵣ ⵏⵏⵙ.:

ⴰⵙⵎⵓⵜⵜⴳ ⵏ ⵉⴹⵕⵉⵚⵏ ⵉⵎⵣⵣⴳⵉⵔⵏ ⵏ ⵜⵏⵜⵜⴰⵎⵜ ⵏ ⵓⵙⵙⴰⵔⵓ : ⴰⵎⵕⵚⵓⵎ ⵉⵥⵍⵉⵏ ⵙ ⵡⴰⵎⵎⴰⴽⵏ ⵏ ⵡⴰⵏⵏⴰⵍ ⵉⴷⵙⵍⴰⵏⵏ ⴷ ⵡⴰⵎⵎⴰⴽⵏ ⵉⵜⵜⵓⵙⵡⵓⵜⵜⴰⵏ ⵉⵜⵜⵓⵣⴳⵉⵔⵏ ⵖⴼ ⵓⵙⵖⵏⵓⵜⵏ ⵏ ⵓⵙⵙⴰⵔⵓ ⵉⵍⴰⵏ ⵜⴰⴼⵔⵉⵙⵜ ⵜⴰⵙⵜⵔⴰⵜⵉⵊⵉⵜ; ⴷ ⵡⴰⵎⵎⴰⴽ ⵏ ⵡⴰⵏⵏⴰⵍ ⵉⵜⵜⵓⵙⵡⵓⵜⵜⴰⵏ ⵉ ⵜⵎⵙⵙⵏⵜⴰⵢ ⴱⴰⵀⵔⴰ ⵎⵥⵥⵉⵢⵏⵉⵏ, ⴷ ⵜⵎⵥⵥⵢⴰⵏⵉⵏ ⴷ ⵜⵏⴰⵎⵎⴰⵙⵉⵏ, ⴷ ⵓⵏⴳⵔⴰⵡ ⵏ ⵡⴰⵏⵏⴰⵍ ⵉⵜⵜⵓⵙⵡⵓⵜⵜⴰⵏ ⵍⵍⵉ ⵉⵡⴰⵜⵙⵏ ⴰⵙⵙⵔⵇⴱ ⵏ ⵓⵙⴱⵓⵖⵍⵓ ⵏ ⵜⵎⵙⵙⵏⵜⴰⵢ ⵜⵉⵎⵖⵔⵉⴱⵉⵢⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.
ⴰⴹⴼⴰⵕ ⵏ ⵓⵣⴷⴰⵢ ⴳⵔ ⵓⵡⴰⵏⴽ ⴷ ⵡⴰⵎⵓⵏ ⴰⵎⴰⵜⴰⵢ ⵏ ⵜⵎⵙⵙⵏⵜⴰⵢ ⵏ ⵍⵎⵖⵔⵉⴱ ⴷ ⵜⴳⵔⵓⵎⵎⴰ ⵜⴰⵣⵣⵓⵍⴰⵏⵜ ⵏ ⵉⴷ ⵍⴱⵏⴽ ⵏ ⵍⵎⵖⵔⵉⴱ, ⵃⵎⴰ ⴰⴷ ⵢⵉⵍⵉ ⵡⵓⵎⵓ ⵉⵕⵡⴰⵏ ⵏ ⵢⵉⴳⵔ ⵓⵙⵍⵉⴳ ⴷ ⵢⵉⴳⵔ ⵏ ⵍⴱⴰⵏⴽ, ⵉⴷⴷⵖ ⴳⴰⵏ ⵉⵎⴳⴳⴰⵢⵏ ⵉⴷⵙⵍⴰⵏⵏ ⴳ ⵓⵙⵖⵏⵓ ⵏ ⵜⴷⵉⵏⴰⵎⵉⵜ ⴳ ⵓⵙⵙⴰⵔⵓ.
ⴰⵣⵣⴰⵣ ⵏ ⵓⵙⴰⵡⵔ ⵏ ⵓⵎⵓⴽⵏ ⵉⵡⴰⵜⵙⵏ ⴰⵙⵀⵡⵏ ⵏ ⵓⵎⵢⴰⴳ ⵏ ⵓⵙⵙⴰⵔⵓ ⴷ ⵓⵎⵢⴰⴳ ⴰⵎⵙⵙⵏⴰⵜⴰⵢ, ⴷ ⵜⵉⴽⴽⵉ ⵏ ⵓⵙⵉⵣⵡⵔ ⵉ ⵓⵙⵀⵡⵏ ⵏ ⵜⵎⴳⴳⵉⵢⵉⵏ ⴷ ⵓⵙⵎⵓⵟⵟⵓⵏ ⵏⵏⵙⵏⵜ, ⴷ ⵜⴰⵔⵏⴰⵎⵎⴰⵙⵜ ⵜⴰⵎⵙⵙⵓⴳⵓⵔⵜ, ⵙ ⵓⵥⵍⴰⵢ ⴰⵣⴷⵓⵖ ⴷ ⵜⵓⵔⴰⴳⵉⵏ ⵙⵔⵙ ⵉⵇⵇⵏⵏ, ⴷ ⵡⴰⴽⴰⵍ, ⴷ ⵓⵙⵥⵕⴼ  ⴷ ⵢⵉⵡⴹ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ.
ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵕⵕⴰ ⵉⴼⵔⴷⵉⵙⵏ ⵙ ⵓⵙⵓⴷⵓ ⵏ ⵜⵣⵎⵎⴰⵔ ⵏⵙⵏ ⵃⵎⴰ ⴰⴷ ⵜⵜⵓⵣⵣⴳⵔ ⵜⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵓⵙⵙⴰⵔⵓ ⴷ ⵓⵎⵓⴽⵏ ⵏ ⵓⵙⵖⵙⵙⴰ ⵍⵍⵉ ⵙ ⵉⵇⵇⵏ ⴰⴷ ⵜⵜⵓⴳⵏ, ⵙ ⵓⵣⵣⴳⵉⵔ ⵏ ⵜⵖⵍⴰⴼ ⵜⵉⵎⴰⵜⵜⴰⵢⵉⵏ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵢⴰⵊⵊ ⵕⴱⴱⵉ.