ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵙⵙⵉⵅⴼⵜⴰⵙⵓⵜⵍⵜ ⵜⵓⵏⵣⵉⵍⵜ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉ ⵜⴳⵎⵉ ⵜⴼⵔⴽⴰⵏⵜ ⵜⴰⴼⴰⵔⴰⵏⴰⵜ ⴷ ⵜⵎⵏⴰⴹⵏ ⵏ ⵉⴷⴷⵔⴰⵔⵏ
- ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵙⵙⵉⵅⴼⵜⴰⵙⵓⵜⵍⵜ ⵜⵓⵏⵣⵉⵍⵜ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉ ⵜⴳⵎⵉ ⵜⴼⵔⴽⴰⵏⵜ ⵜⴰⴼⴰⵔⴰⵏⴰⵜ ⴷ ⵜⵎⵏⴰⴹⵏ ⵏ ⵉⴷⴷⵔⴰⵔⵏ
- ⴰⵙⴽⴰⵢ ⵉⵙⵜⴰⵡⵀⵎⵎⴰⵏ ⵏ ⵜⵉⴳⴳⵉⵜⵉⵏ ⴷⴼⴼⵔ ⵏ 6 ⵏ ⵉⵙⴳⴳⵯⴰⵙⵏ ⵏ ⵓⵙⵓⴳⴳⵣ ⴰⵎⵓⴳⴳⵉ ⵉ ⵜⴼⵔⴽⵜ ⵜⴰⵎⵣⵡⴰⵔⵓⵜ ⵏ ⵓⵖⴰⵡⴰⵙ ⵏ ⵓⵙⴷⵔⵉⴷ ⵏ ⵉⵏⴳⴰⵔⴰⵜⵏ ⵉⴼⵔⴽⴰⵏⵏ ⴷ ⵉⵏⴰⵎⵓⵏⵏ
- ⵉⵙⵙⴱⵖⵔ ⵎⵉⵏ ⵢⵓⴷⵙⵏ ⵖⵔ 14 ⵎⵍⵢⵓⵏ ⵏ ⵢⴰⵏ ⴳ 1066 ⵏ ⵜⴳⵔⴰⵡⵜ ⵜⴰⴼⴰⵔⴰⵏⵜ ⵙⴳ ⵓⵖⴰⵡⴰⵙ ⵏ ⵓⵙⴷⵔⵉⵙ ⵏ ⵉⵏⴳⴰⵔⴰⵜⵏ ⵉⴼⴽⵔⴰⵏⵏ ⴷ ⵉⵏⴰⵎⵓⵏⵏ (83% ⵙⴳ ⵜⵎⵓⵜⵜⵔⵜ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ) 14 ⵏ ⵢⵉⴼⴹ ⵏ ⵓⴽⵉⵍⵓⵎⵉⵟⵕ ⵙⴳ ⵉⴱⵔⴷⴰⵏ ⴷ ⵉⵙⴰⴽⴰⵜⵏ ⵉⴼⵔⴰⵏⵏ ⴷ ⵡⵓⴳⴳⴰⵔ ⵏ 21 ⵏ ⵢⵉⴼⴹ ⵏ ⵜⵎⵀⵍⵜ ⵏ ⵓⵣⴷⴰⵢ ⵙ ⵜⵔⴰⵜⵙⴰ ⵏ ⵡⴰⵎⴰⵏ
ⵉⵙⵙⵉⵅⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵙⵙ ⵏ ⵓⵙⴰⵎⴰⵙ 8 ⵢⵓⵏⵢⵓ 2022 ⵜⵉⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵓⵏⵣⵉⵍⵜ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵏ ⴱⴷⴷⴰ ⵉ ⵜⴳⵎⵉ ⵏ ⵜⴼⵔⴽⴰ ⵜⴰⴼⴰⵔⴰⵏⵜ ⴷ ⵜⵎⵏⴰⴹⵏ ⵏ ⵉⴷⵔⴰⵔⵏ. ⵜⴻⵜⵜⵓⵥⵍⴰⵢ ⵜⵙⵓⵜⵍ ⴰⴷ ⵉ ⵉⴱⴷⴷⵉ ⵅⴼ ⵜⵢⴰⴼⵓⵜ ⵏ ⵓⵖⴰⵡⴰⵙ ⵏ ⵓⵙⴷⵉⵔⵙ ⵏ ⵉⵏⴳⵔⴰⵜⵏ ⵉⴼⵔⴽⴰⵏⵏ ⴷ ⵉⵏⴰⵎⵓⵏⵏ ⴷ ⵢⵉⴷⵔⵏ ⵏⵏⵙ. ⴰⵡⵜⵜⴰⵙ ⵏ ⵉⵙⵏⴼⴰⵔⵏ ⵏ ⵓⵖⴰⵡⴰⵙ ⴰⴷ, ⵍⵍⵉ ⵉⵙⵙⵏⵜⵉⵏ ⴳ ⵓⵙⴳⴳⵯⴰⵙ ⵏ 2007 ⵉⵟⵟⵓⴼ ⴰⵔ ⵜⵉⴳⵉⵔⴰ ⵏ 2023,ⴰⴷ ⵉⴽⴽⵙ ⵜⵓⵥⵥⵍⴰ ⵅⴼ ⵉⵎⵣⴷⴰⵖ ⵉⴼⵔⴰⵏⵏⴷ ⵓⵙⵖⵓⴷⵓ ⵏ ⵡⴰⴷⴷⴰⴷ ⵏ ⵜⵓⴷⵔⵜ ⵏⵏⵙⵏ, ⴷ ⵢⵉⴷⴼ ⵏⵏⵙⵏ ⵖⵔ ⵜⵏⴰⴼⵓⵜⵉⵏ ⵜⵉⴷⵙⵍⴰⵏⵉⵏ ⴳ ⵢⵉⴳⵔ ⵏ ⵡⴰⵎⴰⵏ ⵉⵣⴷⴷⵉⴳⵏ ⵉ ⵜⵉⵙⵙⵉ ⴷ ⵓⵥⴰⵕⵓⵕ ⴷ ⵓⵙⵍⵎⴷ ⴷ ⵜⴷⵓⵙ, ⴷ ⵉⴱⵔⴷⴰⵏ ⴷ ⵉⵙⴰⴽⴰⵜⵏ ⵉⴼⴰⵔⴰⵏⵏ ⵜⵜⴰⴼ ⴰⴷ ⵖⵉⴼⵙⵏ ⵉⴼⵙⵉⵙ ⵡⴰⵙⵙⴰⵢ ⵏⵏⵙⵏ.
ⵉⴱⵏⵏⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⴳⵓⵔⵉ ⵏⵏⵙ ⵏ ⵓⵕⵥⵥⵓⵎ ⵏ ⵓⴳⵔⴰⵡ ⵎⴰⵙ ⴷ ⵜⴰⵏⴱⴰⴹⵜ ⵜⵓⵡⵉ ⵜⵜ ⵛⵉⴳⴰⵏ ⴳ ⵉⵙⴰⵡⵔ ⵙ ⵓⵙⵙⵓⴷⵓ ⴰⴽⴷ ⵜⴽⵙⵙⴰ ⵢⴰⵜⵜⵓⵢⵏ ⵍⵍⵉ ⴰⵙ ⵉⵥⵍⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵢⴰⵊⵊ ⵕⴱⴱⵉ, ⵉ ⵓⵎⴰⴹⴰⵍ ⴰⴼⵔⴰⵏ, ⵉ ⵢⵉⵡⵙ ⴳ ⵓⵙⴷⵔⵉⵙ ⵏ ⵉⵏⴳⵔⴰⵜⵏ ⵉⴼⵔⴽⴰⵏⵏ ⴷ ⵉⵏⴰⵎⵓⵏⵏ, ⵉⵙⵎⵍ ⵎⴰⵙ ⴷ ⴰⵖⴰⵡⴰⵙ ⴰⴷ ⴷⴰ ⵉⵙⵉⴽⵉⵣ ⵜⴰⵡⵉⵜⵜ ⵜⴰⴽⵙⵡⴰⵜ ⵍⵍⵉ ⵢⴰⴽⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵢⴰⵊⵊ ⵕⴱⴱⵉ, ⵉ ⵉⵎⵣⴷⴰⵖ ⵏ ⵓⵎⴰⴹⴰⵍ ⴰⴼⵔⵏ.
ⵉⵔⵏⵉ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴰⴱⴹⵟ ⵎⴰⵙ ⴷ ⴷⴼⴼⵔ ⵏ 6 ⵏ ⵉⵙⴳⴳⵯⵙⵏ ⵏ ⵓⵙⵓⴳⴳⵣ ⴰⵎⵓⴳⴳⵉ ⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵙ ⵓⵕⴰⵄ ⵖⵔ ⵓⴽⵙⴰⵢ ⵏ ⵎⴳⴳⵉⵜⵉⵏ ⴷ ⵓⵖⵓⴷⵓ ⴰⴽⵎⴰⵎ ⵉ ⵜⵎⴰⵜⴰⵔⵉⵏ ⵜⵉⵏⴰⴷⴰⴼⵉⵏ ⴳ ⵓⵎⴰⴹⴰⵍ ⴰⴼⴰⵔⴰⵏ, ⴰⵖⴰⵡⴰⵙ ⴰⴷ ⵉⵎⵓⵔⵙ, ⵉⵙⵙⴽⵉⵣ ⵎⴰⵙ ⴷ ⵜⵉⵎⴳⴳⵉⵜⵉⵏ ⵏ ⵓⵖⴰⵡⴰⵙ ⵜⵜⵢⴰⵡⴹⵏⵜ ⵙ ⵜⵎⵓⵏⵉ ⴷ ⵜⵓⴳⴳⴰⵙ ⵏ ⵎⴰⵕⵕⴰ ⵉⵏⴰⴷⴰⴼⵏ ⴳ ⵜⵎⵓⵔⵜ ⴷ ⵓⴷⵖⴰⵔ ⴷ ⵓⵙⵖⵣⵏ ⵏ ⵓⵏⴱⴰⴹ ⵉⵖⵓⴷⴰⵏ ⵉⴱⴷⴷⴰⵏ ⵅⴼ ⵡⴰⴽⴰⵍ ⴷ ⵜⵎⵙⴰⴳⴰⵔⵜ ⴳ ⵡⴰⴷⴰⴼⵏ.
ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴰⴱⴹⵜ ⵎⴰⵙ ⴷ ⴰⵖⴰⵡⴰⵙ ⵏ, ⵍⵍⵉ ⵉⴳⴰⵏ ⴰⵙⵎⵀⵍ ⵏ ⵜⴰⵏⵏⴰⵢⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⴳ ⵜⵍⵍⴰ ⵜⵉⵏⴰⵡⵜ ⵏ ⵓⴷⴰⴱⵓ ⵏ ⵓⵙⴳⴳⵯⴰⵙ ⵏ 2015, ⵔⴰⴷ ⵜⵇⵇⵉⵎ ⵜⵉⴳⴳⵉ ⵏ ⵙ ⵣⵓⵏ ⴷ ⵜⴰⵣⵣⵓⴳⵣⵜ ⵎⴰ ⵔⴰⴷ ⴰⴷ ⵜⵜⵓⴳⵏ ⵉⵙⵏⴼⴰⵔⵏ ⵉⵜⵜⵓⵙⵖⴰⵡⵙⴰⵏ ⴷ ⵢⵉⵡⴹ ⵖⵔ ⵉⵡⵜⵜⴰⵙⵏ ⵉⵜⵜⵓⵙⵡⵜⵜⴰⵏ ⵉ ⵙⵢ ⴰⵖⵔ 2023.
ⵢⵓⵡⴹ ⵓⵖⴰⵡⴰⵙ ⵜⵉⵢⴰⴼⵓⵜⵉⵏ ⵉⵙⵜⴰⵡⵀⵎⵎⴰⵏ ⵖⵔ ⵜⵍⵍⴰ ⵜⵉⵍⴰⵡⵜ ⵜⵓⵎⵏⵉⴳⵜ ⵅⴼ ⵉⵎⵣⴷⴰⵖ ⴷ ⵢⵉⴳⵔⴰⵏ ⵉⵜⵜⵓⵙⵡⵜⵙⵏ, ⵎⵉⵏⵣⵉ ⵜⵜⵓⴳⵏⵜ 6 ⵏ ⵉⵖⴳⴳⵯⴰⵙⵏ ⵉ ⵜⴳⵎⵉ ⵙⴳ 7 ⵏ ⵉⵖⴳⴳⵯⵙⵏ ⵍⵍⵉ ⴷ ⵢⵓⵙⵏ ⵅⴼ ⵎⴰⵕⵕⴰ ⵜⵉⵎⵏⴰⴹⵏ ⵏ ⵜⴳⵍⴷⵉⵜ, ⵜⴻⵜⵜⵓⵙⵎⵓⵙⵙⴰ ⴰⵙ ⵜⵎⵙⴰⵙⵜⴰⵍⵜ ⵏ ⵡⴰⵜⵜⴰⵢⵏ ⵏ 41 ⵎⵍⵢⴰⵕ ⴷⵔⵀⵎ (ⵎⴰ ⵢⵓⵜⵉⵏ 82% ⵙⴳ ⵜⵎⵙⴰⵙⵜⴰⵍⵜ ⵉⵜⵜⵓⵙⵖⵉⵡⵙⵏ ⴰⵔ ⵜⵉⴳⵉⵔⴰ ⵏ 2023). ⵉⵙⵙⴱⵖⵔ ⵙⴳ ⵓⵖⴰⵡⴰⵙ ⵎⵉⵏ ⵢⵓⴷⵙⵏ 14 ⵎⵍⵢⵓⵏ ⵢⴰⵏ ⵙ 1066 ⵏ ⵜⴳⵔⴰⵡⵜ ⵜⴰⴼⴰⵔⴰⵏⵜ (83% ⵙⴳ ⵜⵎⵓⵜⵜⵔⵜ ⵏ ⵜⴳⵔⴰⵡⵉⵏ ⵜⵉⴼⴰⵔⴰⵏⵉⵏ ⴳ ⵜⴳⵍⴷⵉⵜ). ⵎⵛⵉⵏⵏⴰ ⴷ ⵢⵓⵡⵉ ⵓⵖⴰⵡⴰⵙ ⴰⵍⵜⵓ ⵜⵉⴳⴳⵉ ⵏ ⵎⵉⵏ ⵢⵓⴷⵙⵏ 103 ⵎⵍⵢⵓⵏ ⵏ ⵡⴰⵙⵙ ⵏ ⵜⵡⵓⵔⵉ ⴷ 234000 ⵏ ⵓⵣⵎⵓⵣⵣⵓ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵜⴰⵔⵓⵙⵔⵉⴷⵜ ⴷ ⵜⵉⴳⴳⵉ ⵏ ⵡⴰⵜⵜⴰⵢⵏ ⵏ 14 ⵏ ⵢⵉⴼⴹ ⵏ ⴽⵉⵍⵓⵎⵉⵟⵕ ⵏ ⵙⴳ ⵉⴱⵔⴷⴰⵏ ⴷ ⵉⵙⴰⴽⵜⵏ ⵉⴼⴰⵔⴰⵏⵏ. ⵎⵛⵉⵏⵏⴰ ⵓⵡⵙⵏ ⵉⵖⴰⵡⴰⵙⵏ ⵏ ⵓⵚⴽⵓ ⵏ ⵜⵎⵔⵙⴰⵍ ⵏ ⵓⵙⵍⵎⴷ ⴷ ⵜⴳⵯⵏⵙⴰⵏⵉⵏ ⴷ ⵡⴰⵎⵎⴰⵙⵏ ⵏ ⵓⵙⵏⴱⴳⵉ ⴷ ⵜⵙⵉⵔⵍⵉⵏ ⵜⵉⵏⵎⵍⴰⵏⵉⵏ ⴷ ⵡⴰⵙⵙⴰⵢ ⴰⵏⵎⵍⴰⵏ ⴳ ⵓⵙⵖⵓⴷⵓ ⵏ ⵜⵎⴰⵜⴰⵔⵉⵏ ⵏ ⵓⵙⵍⵎⴷ ⴳ ⵓⵎⴰⴹⴰⵍ ⴰⴼⴰⵔⴰⵏ, ⵉⴷⴷⵖ ⵜⴰⵜⵜⵓⵢ ⵜⴳⵎⵉⴹⵉ ⵏ ⵜⵖⵓⵔⵉⵏ ⵏ ⵜⵔⴱⵜⵉⵏⴳ ⵜⵎⵏⴰⴹⵏ ⵉⵜⵜⵓⵙⵡⵜⵜⴰⵏ ⵜⴰⵡⴹ ⵖⵔ 60%, ⵎⵉⵏ ⵉⵄⵏⴰⵏ 15% ⵙ ⵓⵙⵎⵣⴰⵣⴰⵍ ⴰⴽⴷ ⵓⵙⴳⴳⵯⴰⵙ ⵏ 2017.
ⵙ ⵍⴼⴰⵢⵜ ⵏ ⵓⵖⴰⵡⴰⵙ ⴰⴷ, ⵜⴻⵜⵜⵓⴳⴰ 21 ⵏ ⵢⵉⴼⴹ ⵏ ⵜⵎⵀⵍⵜ ⵉⵇⵇⵏ ⵖⵔ ⵓⵥⵟⵟⴰ ⵏ ⵡⴰⵎⴰⵏ, ⴷ ⵜⵓⴳⴳⵜ ⵏ ⵜⴽⵛⵛⵓⵎⵉⵏ ⵉⴼⵔⵔⵣⵏ ⴳ ⵓⵙⵍⵎⴷ ⴷ ⵜⴷⵓⵙⵉ ⴷ ⵓⵥⴰⵕⵓⵕ ⴰⴼⴰⵔⴰⵏ ; ⵙⴳ ⴷⵉⴳⵙ ⵜⵉⴳⴳⵉ ⵏ 1984 ⴷ 567 ⵏ ⵜⵎⴳⴳⵉⵜ ⵏ ⵓⵚⴽⵓ ⴷ ⵓⵙⵙⵉⵖⵢ ⵏ ⵜⵓⵚⴰⴽⴰ ⵜⴰⵏⴰⴷⴷⴰⵡⵜ ⵜⴰⴷⵙⵍⴰⵏⵜ ⵉ ⵢⵉⴳⵔ ⵏ ⵜⴷⵓⵙⵉ ⴷ ⵓⵙⵍⵎⴷ ⵙ ⵙⵉⵏ ⵏⵏⵙⵏ, ⴷ ⴰⴽⴷ 109 ⵏ ⵜⵎⴳⴳⵉⵜ ⵏ ⵓⵎⴰⵡⴰ ⴷ ⵜⵎⵙⵓⵖⵜ 712 ⵏ ⵓⵙⵏⵎⴰⴷⴷⵓ ⴰⵏⵎⵍⴰⵏ ⴷ 606 ⵏ ⵜⵎⵙⵙⵉⴷⵓⵜⵉⵏ ⵏ ⵉⵎⵓⴹⴰⵏ ⴷ ⵜⵔⴰⴱⴱⵓⵜ ⵜⴰⵎⵙⴳⵏⴰⵜ ⵜⴰⵏⵎⴰⵜⵜⵉⵜ, ⴷ ⵓⵙⵉⵡⴹ ⵏ ⵓⵥⴰⵕⵓⵕ ⵖⵔ 821 ⵏ ⵓⴷⵡⵡⴰⵕ.
