ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⴳⴳⴰ ⵜⴰⵙⵎⵓⵏⵉ ⴰⴽⴷ ⵉⵏⵙⵙⵉⵅⴼⵏ ⵏ ⵜⵎⵚⵕⵉⵢⵉⵏ ⵏ ⵜⴼⵍⵍⴰⵃⵜ ⴷ ⵉⵏⵙⵙⵉⵅⴼⵏ ⴷ ⵜⵎⵚⵕⵉⵢⵉⵏ ⵏ ⵜⵏⵉⴹⵉ ⵖⴼ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ

ⵉⴳⴳⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 14 ⵢⵓⵏⵢⵓ 2022, ⵜⴰⵙⵎⵓⵏⵉ ⵖⴼ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⵙ ⵜⵉⵍⵉⵜ  ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ : ⴰⵎⴰⵡⵙⴰⵙ ⵏ ⵓⴳⵏⵙⵓ, ⵎⴰⵙⵙ ⵄⴱⴷ ⵍⵡⴰⵃⴷ ⵍⴼⵜⵉⵜ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ, ⵎⴰⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴷ ⵓⵎⴰⵡⴰⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵯⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵎⴰⵙⵙ ⵎⵓⵃⵎⵎⴰⴷ ⵚⴰⴹⵉⵇⵉ, ⴷ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ, ⵎⴰⵙⵙⴰ ⴼⴰⵟⵉⵎ ⵣⵣⵀⵔⴰ ⵄⵎⵎⵓⵔ, ⴷ ⵓⵎⴰⵡⵙⴰⵙ ⴰⵎⴰⵔⵉ ⵖⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵜⵍⵜ, ⵎⴰⵙⵙ ⴼⴰⵡⵣⵉ ⵍⵇⵊⵄ, ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⴼⵏⵉⵇ ⴰⵏⴰⵎⵓⵔ ⵏ ⵜⵏⴼⵔⵓⵜ ⵜⴰⵏⴰⵓⵏⵜ, ⴷ ⵓⵏⵙⵙⵉⵅⴼ ⵏ ⵜⴽⵓⵏⴼⵉⴷⵉⵔⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ, ⴷ ⵉⵏⵙⵙⵉⵅⴼⵏ ⵏ ⵜⵎⵚⵕⵉⵢⵉⵏ ⵏ ⵜⴼⵍⵍⴰⵃⵜ ⴷ ⵉⵏⵙⵙⵉⵅⴼⵏ ⵏ ⵜⵎⵚⵕⵉⵢⵉⵏ ⵏ ⵜⵏⵉⴹⵉ.
ⵜⴷⴷⴰ ⴷ ⵜⵙⵎⵓⵏⵉ ⴰⴷ, ⴳ ⵓⵙⴰⵜⵉ ⵏ ⵓⵙⴷⴷⵉ ⵏ ⵜⵙⵎⵓⵏⴰⵢ ⵉⵥⵍⵉⵏ ⵉ ⵓⴹⴼⴰⵕ ⵏ ⵓⵣⵓⴳⴳⵣ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ ⴳ ⵓⵎⵙⴰⵙⴰ ⴰⴽⴷ ⵡⴰⵀⵉⵍ ⵍⵍⵉ ⵉⵙⵔⵙ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵉⵙⵡⴰⵍⴰⵜⵏ ⵏⵏⵙ ⵉⵎⴰⵜⵜⴰⵢⵏ.
ⵉⵙⵃⴰⴹⵕ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⵉⵣⵡⵓⵔⵉ ⵏ ⵜⵙⵎⵓⵏⵉ, ⵜⵉⴼⵔⴽⵉⵡⵉⵏ ⵍⵍⵉ ⵜⴱⴱⵉ ⵜⵏⴱⴰⴹⵜ ⵙⴳ ⵜⵉⵣⵡⵓⵔⵉ ⵏ ⵍⵡⵉⵍⴰⵢⴰ ⵏⵏⵙ ⴳ ⵓⵙⴰⵜⵉ ⵏ ⵓⵣⵣⴳⵉⵔ ⵏ ⵓⵙⴰⵡⵔ ⴰⴳⵍⴷⴰⵏ ⵉ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ ⵉ ⵎⴰⵕⵕⴰ ⵉⵎⵖⵔⵉⴱⵉⵢⵏ, ⵙ ⵓⵥⵍⴰⵢ ⴳ ⵜⵙⴳⴰ ⵏⵏⵙ ⵉⵥⵍⵉⵏ ⵙ ⵓⵙⵎⵜⴰ ⵏ ⵓⵙⴼⵍⵙ ⵓⵛⵛⵉⵍ ⵖⴼ ⵡⴰⵟⵟⴰⵏ ⵜⵉⴳⵉⵔⴰ ⵏ ⵓⵙⴳⴳⵯⴰⵙ ⵏ 2022.
 

ⵉⵏⵄⵜ ⵎⴰⵙ ⴷ ⴰⵔ ⴷⵖⵉ ⵉⴼⴼⵖ ⴷ 22 ⵏ ⵓⵎⵕⵚⵓⵎ ⵓⵙⵏⵉⵙ, ⴰⵢⵍⵍⵉ ⵉⵕⵥⵎⵏ ⵜⴰⵡⵡⵓⵔⵜ ⵏ ⵓⵙⴼⵍⵙ ⴰⴷⵓⵙⴰⵏ ⵎⵏⵉⴷ ⵏ 11 ⵎⵍⵢⵓⵏ ⵏ ⵜⵏⵎⵓⵔⵉⵜ ⴷ ⵓⵏⵎⵓⵔⵉ ⵏ ⵉⵅⴷⴷⴰⵎⵏ ⵉⴷ ⵡⴰⵔ ⵜⵉⵖⵔⴰⴷ ⴷ ⴰⵢⵜ ⵉⵣⵔⴼⴰⵏ ⵙⵔⵙ ⵢⵓⴳⵍⵏ, ⵉⵙⵙⵏⵜⵎ ⵎⴰⵙ ⵉⴳⴰ ⵓⵏⴳⵔⴰⵡ ⵏ ⵜⴷⵓⵍⵉ ⵜⴰⴷⵓⵙⴰⵏⵜ ⵓⵛⵛⵉⵍ ⵉⵙⴽⴰⵏ ⵖⴼ ⵓⵎⵏⵣⴰⵢ ⵏ ⵜⵡⵉⵣⵉ ⴷ ⵖⴼ ⵜⵔⵙⵍⵜ ⵏ ⵉⵙⵓⴳⴰⵎ ⵏ ⵜⵡⵉⵣⵉ ⴳⵔ ⵉⵎⴷⵔⴰⵡⵏ ⵙⴳ ⵉⵅⴷⴷⴰⵎⵏ ⵉⴷ ⵡⴰⵔ ⵜⵉⵖⵔⴰⴷ ⴷ ⴰⵢⵜ ⵜⵖⵔⴰⴷ ⵏ ⵢⵉⴳⵔ ⵓⵙⵍⵉⴳ, ⴷ ⵉⵎⵙⵡⵓⵔⵉⵜⵏ ⵏ ⵢⵉⴳⵔ ⴰⴳⴷⵓⴷⴰⵏ. ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵖⴼ ⵡⴰⵎⵎⴰⵥⵏ ⵏ ⵉⵎⵙⴰⵃⴰⵜⵏ ⵙⴳ ⵓⵏⴳⵔⴰⵡ ⵏ ⵔⵔⴰⵎⵉⴷ ⵍⵍⵉ ⵔⴰⴷ ⵉⵜⵜⵓⴼⵔⴳⵏ ⴷ ⵔⴰⴷ ⵜⵜⵓⵙⵓⴷⵙ ⴳ ⵓⵎⴰⵍⵓ ⵏ ⵜⴷⵓⵍⵉ ⵜⴰⴷⵓⵙⴰⵏⵜ ⵜⵓⵛⵛⵉⵍⵜ.
ⵉⵖⵔⴰ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉ ⵉⵏⴽⵛⴰⵎⵏ ⵎⵢⴰⵏⴰⵡⵏⵉⵏ ⵏ ⵉⵎⵛⵛⵔⴽⵏ ⵏ ⵢⵉⴳⵔ ⵏ ⵜⴼⵍⵍⴰⵃⵜ ⴷ ⵜⵏⵉⴹⵉ, ⴰⴷ ⵍⵜⵖⵏ ⴰⵍⵜⴰⵖ ⵉⴷⴰⵏ ⵃⵎⴰ ⴰⴷ ⵉⵎⵓⵔⵙ ⵓⵙⴰⵡⵔ ⴰⴷ ⴰⴳⵍⴷⴰⵏ, ⵉⵙⴷⴷⵉⴷ ⵖⴼ ⵓⵣⵓⵛⵛⵍ ⵏ ⵓⵙⴽⵜⵔ ⴰⵎⴳⵔⴰⵡ ⵉ ⵓⵙⴼⵔⴽ ⵏ ⵜⵏⵎⵓⵔⴰⵏ ⴷ ⵉⵏⵎⵓⵔⴰⵏ ⵉⵎⵏⵜⴰⵢⵏ ⵏ ⵜⵉⵏⴷⵉ ⵏ ⵓⵙⴰⵡⵔ ⴰⴷ ⴰⴳⵍⴷⴰⵏ ⵉⵙⵜⴰⵡⵀⵎⵎⴰⵏ.
ⴳ ⵜⵙⴳⴰ ⵢⴰⴹⵏ, ⵙⵙⵏⵜⵎⵏ ⵉⴳⵏⵙⴰⵙ ⵏ ⵜⵎⵥⵕⵉⵢⵉⵏ ⵏ ⵜⴼⵍⵍⴰⵃⵜ ⴷ ⵜⵎⵚⵕⵉⵢⵉⵏ ⵏ ⵜⵏⵉⴹⵉ ⴰⵙⵎⵓⵜⵜⴳ ⵏⵏⵙⵏ ⵉⵎⴷⴰⵏ ⴰⴷ ⵍⵜⵖⵏ ⴷ ⵓⵙⵎⵓⵔⵙ ⵏ ⵓⵙⴰⵡⵔ ⴰⴷ, ⴷ ⵓⵙⵙⵔⴷⵙ ⵏ ⵇⵇⴰⵃ ⵉⵙⵓⵜⴰⵢ ⴷ ⵉⵎⴰⵙⵙⵏ ⴷ ⵡⴰⵎⵎⴰⴽⵏ, ⴳ ⵓⵙⴼⵔⴽ ⵏ ⵉⵅⴷⴷⴰⵎⵏ ⴳ ⵢⵉⴳⵔⴰⵏ ⵏ ⵜⴼⵍⵍⴰⵃⵜ ⴷ ⵜⵏⵉⴹⵉ, ⴰⵣⵓⵛⵛⵍ ⵏ ⵓⵍⵜⴰⵖ ⴷ ⵓⵣⵎⵎⴻⵎ ⴳ ⵓⵏⴳⵔⴰⵡ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵖⴼ ⵡⴰⵟⵟⴰⵏ, ⵉⴷⴷⵖ ⵉⵍⴰ ⵜⵉⵏⴷⵉ ⵎⵇⵇⵓⵔⵏ ⴳ ⵓⴼⵔⴰⴳ ⵉ ⵡⵓⴷⴷⵓⵔ ⵏⵏⵙⵏ.