ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵙⵉⵅⴼ ⴰⴳⵔⴰⵡ ⵏ ⵓⵙⴷⴷⵔⴼ ⵏ ⵓⵙⵙⵓⴼⵖ ⵏ ⵡⴰⵔⴰ ⴰⵏⴰⵎⵓⵏ ⴰⵎⵙⵢⵉⵡⵏ
ⵉⴱⴷⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ , ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⴰⴽⵕⴰⵙ ⵖⵓⵛⵜ 2022, ⴳ ⵓⵙⵖⵉⵎ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ , ⴰⴳⵔⴰⵡ ⵅⴼ ⵡⴰⵔⴰ ⴰⵏⴰⵎⵓⵏ ⴰⵎⵙⵢⵉⵡⵏ ⴷ ⵜⵎⴰⵎⴽⵉⵏ ⵉⵖⵉⵏ ⴰⴷ ⵉⵙⴷⴷⵔⴼ ⴰⵙⵙⵓⴼⵖ ⵏⵏⵙ , ⵙ ⵜⵉⵍⵉⵜ ⵏ ⵉⴷ ⵎⴰⵙⵙⴰ ⴷ ⵉⴷ ⵎⴰⵙⵙ: ⴰⵎⴰⵡⵙⴰⵙ ⴰⴳⵏⵙⴰⵏ, ⵄⴱⴷⵍⵡⴰⴼⵉ ⵍⴼⵜⵉⵜ, ⴷ ⵓⵏⴼⵍⵓⵙ ⴰⵎⴰⵜⵜⴰⵢ ⵏ ⵜⵏⴱⴰⴹⵜ ⵎⴰⵙⵙ ⵎⵓⵃⵎⵎⴰⴷ ⵃⴰⵊⵊⵉⵡⵉ, ⴷ ⵜⵎⴰⵡⵙⴰⵙⵜ ⵏ ⵜⴷⵎⵙⴰ ⴷ ⵓⵥⵕⴼ , ⵎⴰⵙⵙⴰ ⵏⴰⴷⵉⵢⵢⴰ ⴼⵜⵜⴰⵃ, ⴷ ⵓⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ, ⴷ ⵓⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⵃⵟⵟⵓ ⴰⵏⴰⵎⵓⵏ , ⵎⴰⵙⵙ ⵅⴰⵍⵉⴷ ⴰⵢⵜ ⵟⵟⴰⵍⴱ, ⴷ ⵜⵎⴰⵡⵙⴰⵙⵜ ⵏ ⵓⵎⵢⴰⵡⴰⵙ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⴰⵛⵓⵏⵜ , ⵎⴰⵙⵙⴰ ⵄⴰⵡⴰⵟⵉⴼ ⵃⵢⵢⴰⵕ, ⴷ ⵜⵎⴰⵡⵙⴰⵙⵜ ⵜⴰⵎⴰⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵢ ⴰⵎⴰⵟⵟⵓⵏ ⴷ ⵓⵙⵎⵙⴰⵙⴰ ⵏ ⵜⵎⵙⵙⵓⴳⵔⵜ , ⵎⴰⵙⵙⴰ ⵖⵉⵜⴰ ⵎⵣⵡⴰⵔ, ⴷ ⵓⵏⵎⵀⴰⵍ ⴰⵎⴰⵜⵜⴰⵢ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ, ⵎⴰⵙⵙ ⵃⴰⵙⴰⵏ ⴱⵓⴱⵔⵉⴽ, ⴷ ⵎⴰⵙⵙ ⴰⵏⵎⵀⴰⵍ ⴰⵎⴰⵜⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⴼⵍⵙ ⴰⴷⵓⵙⴰⵏ , ⵎⴰⵙⵙ ⵅⴰⵍⵉⴷ ⵍⵃⵍⵓ.
ⵢⵓⵛⴽⴰ ⴷ ⵓⴳⵔⴰⵡ ⴰⴷ , ⴳ ⵓⵙⴰⵜⵉ ⵏ ⵓⵥⵓⵥⵜ ⵏ ⵜⵏⴱⴰⴹⵜ ⴳ ⵓⵙⴷⴷⵔⴼ ⵏ ⵓⵙⵙⵓⴼⵖ ⵏ ⵡⴰⵔⴰ ⴰⵏⴰⵎⵓⵏ ⴰⵎⵙⵢⵉⵡⵏ ⴷ ⵓⵙⵔⵔⵓⵙ ⵏ ⵜⵎⴰⵎⴽⵉⵏ ⵏ ⵓⴹⴼⴼⵓⵕ ⵏⵏⵙ, ⴷ ⴰⵡⴷ ⴰⵙⵉⵡⴹ ⵏ ⵓⵙⵓⴳⴳⵣ ⵏ ⵓⵙⴰⵡⵔ ⵏ ⵓⵃⵟⵟⵓ ⴰⵏⴰⵎⵓⵏ ⵙ ⵓⵡⵇⵇⵔ ⵏ ⵓⵖⴰⵡⴰⵙ ⴰⴳⵍⴷⴰⵏ
ⴼⴼⵉⵔ ⵓⴱⴷⴰⵔ ⵏ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵉⵥⵍⵉⵏ ⵙ ⵡⴰⵔⴰ ⴰⵏⴰⵎⵓⵏ ⴰⵎⵙⵢⵓⵡⵏ ⵉⵍⵍⴰⵏ ⴳ ⵜⵉⵏⴰⵡⵜ ⵏ ⵓⴷⴰⴱⵓ, ⵉⵖⵔⴰ ⵎⴰⵕⵕⴰ ⵙ ⵓⵙⵎⵓⵙⵙⵓ ⴰⵖⵣⵓⵔⴰⵏ ⵉ ⵓⵙⵎⵀⵍ ⴷ ⵓⵙⵓⴳⴳⵣ ⴰⵎⴷⴷⴰⴷ ⵉ ⵓⵙⴰⵡⵔ ⴰⴷ, ⴰⵛⴽⵓ ⵏⵜⵜⴰ ⴷ ⵜⴰⵎⴰⵎⴽⵜ ⵉⵣⵎⵔⵏ ⵉ ⵓⵙⵡⵓⵜⵜⵙ ⵜⵉⵡⴰⵛⵓⵏⵉⵏ ⵜⵉⴷⵔⵡⵉⵛⵉⵏ ⵉⵜⵜⵓⵅⴰⵚⵚⴰⵏ ; ⵉⵏⵏⴰ ⵎⴰⵙⴷ ⴰⵔⴰ ⴰⵏⴰⵎⵓⵏ ⴰⵎⵙⵢⵉⵡⵏ ⵉⴳⴰ ⵢⴰⵜ ⵜⵙⵓⵔⵉⴼⵜ ⵜⴰⵎⵀⵍⵜ ⵉⵙⵜⴰⵡⵀⵎⵎⴰⵏ ⵉ ⵓⵙⵖⵓⴷⵓ ⵏ ⵜⵔⴰⵔⵓⵜ ⵏ ⵉⵖⴰⵡⴰⵙⴰⵏ ⵉⵏⴰⵎⵓⵏⵏ
ⵉⵄⵥⵥⵕ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵎⴰⵙⴷ ⴰⵔⴰ ⴰⵏⴰⵎⵓⵏ ⴰⵎⵙⵢⵉⵡⵏ ⵏⵜⵜⴰ ⴷ ⴰⴳⵣⵣⵓⵎ ⵉⵙⴷⵓⴷⵙⵏ ⵜⵉⵔⵙⴰⵍ ⵏ ⵓⵡⴰⵏⴽ ⴰⵏⴰⵎⵓⵏ, .ⵙⴳ ⴷⵉⴽⵙ ⴰⵙⵎⴰⴷ ⵏ ⵓⵙⴷⴰⵍ ⴰⴷⵓⵙⴰⵏ ⵓⵛⵛⵉⵍ ⴳ 2022, ⴷ ⵓⵙⵎⴰⵜⴰ ⵏ ⵉⵎⵢⴰⵔⴰⵣⵏ ⵉⵡⴰⵛⵓⵏⵏ ⴳ ⵓⵏⴳⴳⴰⵔⵓ ⵏ ⵓⵙⴳⴳⵯⴰⵙ ⵏ 2023.
